Luke 7:2 - Luaniua New Testament

² Kela hekama hamakua napulepule enoho ilaa. Kama hamakua la elaoi hamaoni kama heheaꞌu aia la, ia kama heheaꞌu la elavea haeꞌo, ukapili make.

Luke 7:2 Iomraidhean Croise

Matthew 27:54

Keualoko la, kepulepule hamakua, ia ma napulepule aia la ulolosi kinokama Jesus. Nakama la uꞌike kelulu henua la, ia ma nakama umake kela umasiꞌe ikaha ma kemake. Ia kena napulepule la umakaꞌu haeꞌo, kena ikakala ma, “Kama nei o kekama hamaoni Keakua.”

Luke 23:47

Kama hamakua napulepule la eꞌike Jesus umake. Kena kama la ehamaha i Keakua, kena ime aꞌe, “Hamaoni. Kama nei ekonu kahi.”

Luke 7:1

Jesus uoki kekakala haiauna aꞌe keonohenua la, kena kama la uhaele nokae kemakaꞌina Capernaum.

Luke 7:3

Keualoko kama hamakua la elono nakipukipu Jesus, ko kama la ihaunalia nakama hamakua na{Jiu} la ime aꞌe Jesus ihamai nokonaꞌi kama heheaꞌu aia la.

Luke 8:42

Kaukahi kamaliꞌi hine Jairus la ukae sehui ma lua nahekau kemakua aia, ia kamaliꞌi la ukapili imake. Ia keualoko Jesus ehaele aꞌe kehale Jairus, keonohenua la emumui aꞌe aia.

Acts 10:1

Kela hekama hamakua keukulana napulepule haRome la enoho i Caesarea, kanamale Cornelius.

Acts 10:7

Kena ke{enselo} la uhaele. Cornelius uanaa aꞌe koꞌolua nakama heheaꞌu aia la ma kepulepule kela ekaukali nakipukipu Keakua.

Acts 22:26

Napulepule la elono nakakala Paul, kena io nome aꞌe kama hananiu lakou la, “Aꞌoe makino hea aꞌoe ehai? Kanaka nei hekama haRome.”

Acts 23:17

Ia kena Paul ume aꞌe kepulepule hamakua la, “Hakaꞌi kelamoku anau nei imaka kama hananiu okou la. Maikinimea kama nei eisi kakala meime aꞌe kama la.”

Acts 27:1

Nakama hamakua la ehakaꞌoko pela ma makou iuhu nohaele i Italy. Kena ime aꞌe kepulepule hamakua emale ma Julius ilolosi Paul lakou ma ala{palaseni} hoi. Julius hekama keukulana napulepule kekuꞌu haRome la.

Acts 27:3

Kela aho makou ukae i Sidon. Ia Julius ekaualeꞌa ia Paul, kena ihakana Paul ihaele iuka nomaka nasoa aia la. Ia kena nakama la elolosi hakaualeꞌa Paul.

Acts 27:43

Ia pulepule hamakua la ehihai ikonaꞌi Paul, kena ipui nakama la isekaa nakama la. Ia kena imea nakama kela eailoa keꞌau la ilee i kelokai, noꞌau iuka.

Colossians 3:22

Ia okou nakama heheaꞌu, okou ihalono nakama hamakua okou la. Keualoko nakama la emakamaka okou, alakama okou ehaiꞌahi pela lakou eheheaꞌu mahi, imea nakama hamakua la ihihia. Ia okou iseme pela. Okou ihalono hamaoni kama hamakua okou la i namea hakoa, maikinimea okou ekaukali Kealiꞌi.