Luke 7:19 - Luaniua New Testament

¹⁹ kena ihaunalia koꞌolua la novasili aꞌe Jesus, “Aꞌoe o kekama kela Keakua ehaunalia iho? Poi seai, makou amehakali kelaa kama hoi?”

Luke 7:19 Iomraidhean Croise

John 4:25

Kehine la ume aꞌe, “Anau ailoa pela keMesaea mehamai, kanamale Christ. Kena kama la meihaꞌali mai makou namea hakoa.”

Luke 10:1

Kena imuli, Jesus ekini kipuhiku ma lua nakama, kena ihaunalia nakama la kai koꞌolua iloko namakaꞌina imua aia.

Revelation 11:3

“Ia kena anau meau aꞌe koꞌolua nakama namahi kehuli aꞌe nakipukipu anau. Kena koꞌolua la mehakae nakakala anau. Ia koꞌolua la meleleu napamalo aupuu,*f12* kena ihakae nakakala anau iloko simaka lua huikalau kipuono naaho.”

Mark 6:7

Kama la eanaa aꞌe sanahulu ma lua nakama heheaꞌu aia la noꞌuku hakoa, kena iau aꞌe nakama la namahi iluna nakipua saꞌino, kena ihaunalia nakama la kai koꞌolua.

Luke 7:13

Ia keualoko Kealiꞌi uꞌike kehine la, kama la ualoha haeꞌo, kena ime aꞌe kehine la, “Aꞌoe isekani.”

Luke 7:20

Kena koꞌolua la eo aꞌe Jesus, kena ime aꞌe, “John Baptist ehaunalia mai maua novasili aku, ‘Aꞌoe o kekama kela Keakua ehaunalia mai, ma makou ihakali kelaa kama hoi?’ ”

Luke 11:1

Kela heaho Jesus enoho noloku. Ia keualoko kama la nioki keloku, kela hekama kaukali aia la eme aꞌe, “John aoaꞌo nakama kaukali aia la iailoa keloku. Kealiꞌi, aoaꞌo mai makou iailoa laoi keloku hoi.”

Luke 11:39

Ko Kealiꞌi ime aꞌe kama la, “Okou naFarasi esolo navahi na{kapu} ma na{peleke}, ia iloko namea la esaꞌino, ehau poi naola okou. Okou ehaisala, kena ihailavaꞌa alakama.

Luke 12:42

Ko Kealiꞌi ime aꞌe, “Pena hekama heheaꞌu eakamai, kama la mehalono kahi nakakala kama hamakua aia. Kekama hamakua la ehakina kekama heheaꞌu aia la ilolosi alakama heheaꞌu, novavae aꞌe naꞌai lakou keaho ma keaho.

Luke 13:15

Kena iko Kealiꞌi ime aꞌe, “Okou ekakala uhiuhi oia. Okou haunu namanu okou i keaho kapu. Okou eveke namanu okou la, kena ihakaꞌi namanu la ikaha ma kama hale la nohaunu.

Luke 17:5

Ko nakama heheaꞌu la ime aꞌe Kealiꞌi, “Konaꞌi mai makou ihakina.”

Luke 17:6

Ko Jesus ime aꞌe, “Niaina nahakina okou esoliliꞌi poi kehua ke{masika}, okou elavaa keme aꞌe kelaꞌau elahi esomo la, ‘Uhu soꞌoe, aꞌoe haele nokuu kemoana.’ Kena kelaꞌau la mehalono aku okou.”

Luke 18:6

Ko Kealiꞌi ime aꞌe, “Niaina kama hakonukonu la esala, okou ihakaꞌoko nakipukipu aia la.

Luke 19:8

Zacchaeus ukuu imua Jesus, kena ime aꞌe, “Kealiꞌi, ila aꞌe. Anau mehoꞌi aꞌe hevahi namea anau la hakoa i nakama haaloha. Poi anau uhailavaꞌa alakama noko namoni lakou, kena anau mevaꞌai muli aꞌe ehaa naualoko namoni anau niko la.”

Luke 22:61

Kena ko Kealiꞌi ipehi noꞌili aꞌe a Peter. Kena Peter umanaku nakakala kela Kealiꞌi nime aꞌe i aia, “Imua kemoa kane ekani kepo nei, aꞌoe meiꞌole koukolu naualoko pela aꞌoe semakino anau.”

Luke 24:34

kena ime aꞌe, “Kealiꞌi uola muli hamaoni. Kama la ehakuu aꞌe soia i Simon.”

John 4:1

NaFarasi la elono pela Jesus eaoaꞌo komaꞌi nakama ikaukali aia, kena ihaauꞌau kapu nakama la. Ia nakama kaukali Jesus la ekomaꞌi, elaꞌa iluna ma nakama kela ekakaꞌa ma John Baptist la.

John 6:23

Ia alamonoui eo mai kemakaꞌina Tiberias, kena ihau aꞌe iuka. Kela keꞌina Jesus ehamaha Keakua, kena ivavae aꞌe nahalaoa iꞌai keonohenua la.

John 11:2

(Mary nei o kehine kela ninini kelo manoni iluna nakapuae Kealiꞌi, kena ihapaupaꞌu nakapuae kama la ma keloulu aia. Kela keꞌave aia Lazarus elavea la.)