Luke 7:16 - Luaniua New Testament

¹⁶ Nakama la hakoa umasalo, kena i hamaha Keakua, kena ikakala solakou, “Kama hananiu kela ehakae nakakala Keakua la ukae mai. Keakua uhamai nokonaꞌi makou keonohenua aia la.”

Luke 7:16 Iomraidhean Croise

Matthew 15:31

Keonohenua la umasalo haeꞌo pela nakama selavaa kekakala la ukakala. Nakama nalima epiꞌo la ukonu. Ia nakama navae nimake la uhahaele, ia nakama naꞌalemaka lakou niseni la uꞌike muli. Kena iko nakama la hakoa ihamaha i Keakua kela ehamakua Israel.

Matthew 21:11

Nakama emumui aꞌe la eme aꞌe, “Kenei Jesus, kama kela hakae nakakala Keakua. Kela hekama Nazareth iloko Galilee.”

Matthew 28:8

Nahine la emakaꞌu, ia ehihia hoi. Kena nakama la uhulo vave ikaha ma kaluma la nome aꞌe nakama kaukali Jesus la hea lakou elono.

Matthew 9:8

Keualoko keonohenua eꞌike kama la uhaele, nakama la umakaꞌu, kena ihamaha Keakua pela aia eau aꞌe namahi la i kekama.

Luke 1:65

Ia nakama kemakaꞌina la umakaꞌu, kena kelono la upalalaha nokae alamakaꞌina iluna namouna i Judea hakoa.

Luke 1:68

“Kakou ihamaha Keakua, Kealiꞌi nakama Israel. Maikinimea kama la uhamai nohakana keonohenua aia ikaha ma nahaisala lakou.

Luke 19:44

Nakama la meikaa okou ia ma nakamaliꞌi kela enoho ma okou. Kena meiseu kemakaꞌina okou la hakoa, pela sehihaku memau iluna kelaa haku. Maikinimea Keakua ehaele aku vahonei nokonaꞌi okou, ia okou semakino.”

Luke 2:20

Kena iko nakama lolosi namanu la ivaꞌai keꞌina lakou la, kena ihamaha Keakua, maikinimea lakou eꞌike, ia elono namea kela ke{enselo} la nime aꞌe lakou.

Luke 24:19

Ko Jesus ime aꞌe koꞌolua la, “Nimea pehe?” Ko koꞌolua la ime aꞌe, “Kelono Jesus i Nazareth. Kama la hekama haimahi kehakae nakakala Keakua, ia ehuli mai namahi aia, ia ihananiu imua namaisu Keakua ia ma keonohenua.

Luke 5:26

Keonohenua la hakoa umasalo haeꞌo, kena ihamaha Keakua hoi, kena ime aꞌe, “Makou eꞌike namea kaualeꞌa keaho nei.”

Luke 5:8

Simon Peter ia ma nakama memeiꞌa la hakoa umasalo kela naiꞌa lakou nipui la. Peter uꞌike naiꞌa la hakoa, kena ikoukuli imua Jesus nome aꞌe, “Haele ikaha manau, Kealiꞌi. Anau hekama haisala.”

Luke 7:15

Ko kama la inoho iluna nokakala. Kena iko Jesus ivaꞌai muli aꞌe kaupeala la i kina aia la.

Luke 7:39

KeFarasi kela nialu aꞌe Jesus la uꞌike kehine la, kena ekakala soia, “Poi Jesus hekama hakae nakakala Keakua, kama nei ekau kemakino pela kehine kela ekaohi aia la ehaisala.”

Luke 8:37

Kena nakama Gerasa hakoa eme aꞌe Jesus ihaele ikaha ma keꞌina lakou la, maikinimea nakama la umakaꞌu haeꞌo. Kena iko Jesus iꞌae aꞌe iluna kemonoui la.

Luke 9:19

Ko nakama la ime aꞌe, “Alakama emea maꞌoe John Baptist. Alakama emea maꞌoe Elijah. Ia alakama emea maꞌoe o kekama hakae nakakala Keakua imua kela uola muli.”

John 1:21

Kena iko nakama la ime aꞌe, “Ia oai aꞌoe? Aꞌoe Elijah?” Ia John eme aꞌe, “Seai.” Nakama la eme aꞌe, “Ea? Aꞌoe o kekama hakae nakakala Keakua?” Ia kama la eme aꞌe, “Seai hoi.”

John 1:25

Kena naFarasi la uvasili aꞌe John, “Aꞌoe seai o keMesaea. Aꞌoe seai Elijah. Ia aꞌoe seai hekama hakae nakakala Keakua. Okea aꞌoe ehaauꞌau kapu keonohenua la?”

John 4:19

Ko kehine la ime aꞌe, “Kealiꞌi. Anau emakino pela aꞌoe ehakae nakakala Keakua.

John 6:14

Keualoko keonohenua la niꞌike Jesus ehuli aꞌe haꞌaku la, nakama la ukakala solakou, “Hamaoni la. Kenei kekama ehakae nakakala Keakua kela ehaele iho i kemaalama nei.”

John 9:17

Kena iko naFarasi la ivasili aꞌe kaupeala la hoi, “Aꞌoe emea ma kama la ekonaꞌi aꞌoe noꞌike. Aꞌoe hakaꞌoko ma kela oai?” Ko kaupeala la ime aꞌe, “Kama la ame hekama hakakae nakakala Keakua.”

Acts 5:5

Keualoko Ananias elono nakakala nei, kama la usina ilalo nomake. Kena nakama hakoa kela elono hea eapihi aꞌe la umakaꞌu haeꞌo.

Acts 7:37

Moses o kekama nime aꞌe keonohenua Israel, ‘Keakua meihaunalia aku hekama hakae nakakala aia i okou ehau poi anau. Hekama i keonohenua okou na.’

Galatians 1:24

Ia kena nahakina ana la uhamaha Keakua, maikinimea nakipukipu vahonei anau la ukaualeꞌa.