Luke 5:5 - Luaniua New Testament

⁵ Ia Simon ume aꞌe, “Kealiꞌi, kepo la hakoa makou pupui ma ikau niiꞌa, ia sehiiꞌa ekau. Ia poi aꞌoe me mai ipehi keupena nei, anau amepehi.”

Luke 5:5 Iomraidhean Croise

Luke 17:13

Kena nakama la eanaa aꞌe, “Jesus. Kealiꞌi. Aloha mai makou.”

Luke 8:24

Nakama kaukali Jesus la uo nohano kama la, kena ime aꞌe, “Kealiꞌi, kakou memalemo.” Ko Jesus imahulu, kena ihai aꞌe kemakani ma napeau la. Kena kemakani la ukeiho, ia kemoana la umalino.

Luke 8:45

Kena iko Jesus ime aꞌe, “Oai kekama ehakili mai anau?” Ko nakama la hakoa iꞌole aꞌe pela lakou sehakili Jesus. Kena Peter eme aꞌe, “Kealiꞌi, keonohenua la hakoa emumui aku aꞌoe.”

Luke 9:33

Keualoko Moses laua ma Elijah nikapili ikaꞌa ikaha, ko Peter ime aꞌe, “Kealiꞌi, kaualeꞌa pela makou inei, ihakuu koukolu nakamahale ma okou; kamahale aꞌoe, kamahale Moses ia ma kamahale Elijah.” Ia Peter semakino hea aia ekakala aꞌe la.

Luke 9:49

Kena John eme aꞌe, “Kealiꞌi, makou eꞌike kekama kela ehaise nakipua saꞌino i kemale aꞌoe. Kena makou epui kama la, maikinimea kama la sehikama kaukali aꞌoe.”

John 15:14

Poi okou epena hea anau nikakala aku okou, kena kakou meisoa laoi.

John 2:5

Ia kina Jesus la eme aꞌe nakama heheaꞌu hale la, “Okou ihalono hea kama na meime aku okou.”

John 21:3

Simon Peter eme aꞌe nakama la, “Anau mehaele nopupui.” Kena nakama la eme aꞌe, “Kakou io.” Ko nakama la iꞌae kemonoui la nopupui kepo la hakoa, ia sehimea ekau.