Luke 4:6 - Luaniua New Testament

⁶ Kena Satan eme aꞌe, “Keakua eau mai namahi, ia ma namea kaualeꞌa hakoa iloko kemaalama nei. Kena anau elavaa keau aꞌe namea la i kekama kela anau hihai la.

Luke 4:6 Iomraidhean Croise

Luke 4:7

Poi aꞌoe hamalu mai anau, kena anau meau aku namea nei hakoa maꞌoe.”

John 12:31

Vahonei Keakua meihakonukonu nakama kemaalama nei hakoa. Kena mehaise kekuꞌu kemaalama ilalo nei ikaha.

John 14:30

Anau mesekakala loloa ma okou. Maikinimea kama hamakua kemaalama ilalo nei mehamai. Ia kama la seisi namahi iluna anau.

John 8:44

Okou nikamaliꞌi, ia kamana okou la Satan. Kela hea okou hihai ikaukali nahakaꞌoko kama la. Amaka mai imua lo, kama la hekama kaa kama, ia sekaukali nakipukipu hamaoni, mai kama la esehamaoni. Keualoko kama la enuku laoi, kama la ekakala nakakala aia soia. Maikinimea kama la enuku laoi kahi. Kama la o kamana nakama nukulaoi hakoa.

2 Corinthians 11:14

Ia kakou isemasalo nakipukipu lakou la. Maikinimea Satan elavaa kehuli aia soia poi he{enselo} emasina lo.

Ephesians 2:2

Okou nikaukali nakipukipu saꞌino kemaalama nei, kena ihalono Satan. Kama la ehamakua iluna nakipua saꞌino kela lelele valuna nahenua hakoa. Ia kama la eusuusu hoi nakama kemaalama nei kela esehalono Keakua.

1 Peter 1:24

Nakakala aia nei emau iho iloko kelauniu kapu, “Nakama hakoa ehau poi naveve. Ia namea kaualeꞌa lakou la, Ehau poi naꞌauke naveve la oia. Naveve la memake hakoa, Ia kena naꞌauke la memaoha ikaha.

1 John 5:19

Kakou emakino pela kakou nikamaliꞌi Keakua. Ia kama saꞌino la ehamakua nakama saꞌino kemaalama nei la hakoa.

Revelation 12:9

Ia kena keuhuki ia ma na{enselo} aia la hakoa ulakua iho ilalo nokae kemaalama nei. Keuhuki la nikipu mai imua lo. Kama la emale ma Kipua Saꞌino, ia kelaa male aia la Satan. Ia kama la eusuusu nakama hakoa i kemaalama nei.

Revelation 13:2

Ia kemanu la ekipu poi salau leikama. Ia nakapuae aia la eisi namoiꞌuu loloa. Ia naniho puꞌua aia la eloloa, ehau poi salau leikama elahi. Ia keuhuki la eau aꞌe kemanu la namahi aia, ia eau aꞌe hoi kenoholana aia la. Pela kemanu la mehananiu iluna nakama aia la hakoa.

Revelation 13:7

Ia kemanu la eko namahi ivuhu kaua, pela aia ikaꞌa napohoulu nakama ekapu Keakua la. Ia kemanu la eko namahi hoi ihananiu iluna nakama namanava hakoa, naꞌaha hakoa, lakou ma nakama i nakakala hakoa, ia ma naonohenua hakoa.