Luke 4:41 - Luaniua New Testament

⁴¹ Komaꞌi nakipua saꞌino uo ikaha ma nakama la. Vahola, nakipua la eanaa aꞌe hamaloa ma, “Aꞌoe o kekama Keakua.” Ia Jesus ehamakaꞌu aꞌe nakipua la isekakala, maikinimea nakama la emakino pela aia o keMesaea.

Luke 4:41 Iomraidhean Croise

Matthew 26:63

Ia Jesus enoho semuu oia. Kena pohoulu hamakua namaakua la eme aꞌe Jesus, “Ea? Aꞌoe o keMesaea, kekama hokahi Keakua? Aꞌoe ikapa kemale Keakua kela eola kahi, ihuli mai makou pela nakakala aꞌoe la ehamaoni.”

Matthew 4:3

Kena Satan uhaele aꞌe nokaoleole Jesus, kena ime aꞌe, “Poi aꞌoe hekama hamaoni Keakua, me aꞌe nahaku la ihuli mo halaoa.”

Matthew 8:16

Kulana keiahi, keonohenua la eko aꞌe komaꞌi nakama eisi nakipua saꞌino. Kena Jesus ehakui nakipua la ikaha i namahi nakakala aia, ia ekonaꞌi nakama lavea la nokaualeꞌa.

Matthew 8:29

Koꞌolua la eme aꞌe Jesus, “Kama Keakua. Hea i lakonu kakou? Aꞌoe uhamai nomea maua ihalono lihu imua keualoko Keakua meihakonukonu maua?”

Matthew 8:4

Kena Jesus eme aꞌe kama la, “Aꞌoe isekakala aꞌe alakama hea anau ekonaꞌi aꞌoe. Haele nohuli aꞌe kinokama aꞌoe iꞌike kemaakua la, kena uau aꞌe kehamalu aꞌoe la, poi hea Moses nikakala mai, ihuli aꞌe keonohenua la pela aꞌoe ukaualeꞌa.”

Mark 1:25

Kena iko Jesus ihamakaꞌu aꞌe nakipua la, “Sevaa. O ikaha ma kama na.”

Mark 1:32

Kulana kelaa la nisulu, keonohenua la ehakaꞌi aꞌe nakama lavea la, ia ma nakama eisi nakipua saꞌino la, io nomaka Jesus.

Mark 1:34

Kena iko Jesus iui namahana nakama lavea la, ia ihakui nakipua saꞌino la ikaha. Ia nakipua la namakino avale oai Jesus, ia kena Jesus epui nakipua la isekakala.

Mark 3:11

Kulana nakaulaiku la eꞌike Jesus, nakama la ehamaoha imua Jesus, kena nakipua saꞌino iloko lakou uanaa hamaloa, “Aꞌoe o kekama Keakua.”

Luke 4:39

Ko Jesus ikuu kevahi kehine la, nokakala aꞌe kemahana la ikiaꞌi kama la. Saika la oia, kehine la umasiꞌe iluna noau aꞌe naꞌai nakama la iꞌai.

John 20:31

Anau ekakaa nakakala kelauniu nei imea okou ihakina pela Jesus o keMesaea, kekama Keakua, kena ihakina hoi i kama la pela okou meola kahi i namahi kemale aia.

James 2:19

Ea? Okou ehakina pela Keakua ehananiu? Kaualeꞌa. Nakipua saꞌino la ehakina pela hoi, kena epole i lakou makaꞌu.