Luke 4:17 - Luaniua New Testament

¹⁷ Kama lolosi hale loku la eau aꞌe Jesus kelauniu Isaiah, kama hakae nakakala Keakua. Jesus ekalaꞌi kelauniu la nopau nakakala nei,

Luke 4:17 Iomraidhean Croise

Luke 16:29

“Kena iko Abraham ime aꞌe, ‘Nakaina aꞌoe la elavaa kepau nakuaa Moses ia ma nalauniu nakama hakae nakakala Keakua, ihalono nakakala nakama la.’

Luke 20:42

David soia emea iloko kelauniu nahua keloku pela, ‘Keakua eme aꞌe kauAliꞌi, Noho i kevahi laua anau,

Luke 4:16

Jesus uhaele i Nazareth, kemakaꞌina aia nimakua mai la. Keaho kapu la, Jesus uhaele iloko hale loku, ehau poi aia nihaele imua la. Kena kama la ekuu imua keonohenua la nopau kelauniu kapu.

Luke 4:18

“Keanana Kapu Keakua enoho manau. Keakua eau mai namahi anau ikaukaꞌu kelono kaualeꞌa i nakama haaloha. Keakua ehaunalia mai anau nome aꞌe naonohenua hakoa pela aia meihasao nakama epono kia; Kena ime aꞌe nakama eseni pela lakou meilavaa keꞌike muli; Kena ihakana nakama haaloha ikaha ma namahi nakama hakanaka;

Luke 4:20

Ko Jesus ipui kelauniu la, kena iau aꞌe muli kama lolosi hale loku la, kena inoho ilalo. Nakama iloko hale loku la hakoa ukoꞌa aꞌe Jesus.

Acts 13:15

Nakama hale loku la epau nakuaa Moses ia ma nalauniu nakama hakae nakakala Keakua. Kena ihaunalia kekama nome aꞌe Paul laua ma Barnabas, “Nakaina makou. Poi olua eailoa nakakala ihapulupulu keonohenua nei, kaualeꞌa, kakala aꞌe nakama nei.”

Acts 13:27

Keonohenua i Jerusalem ma nakama hamakua lakou la seimakino oai Jesus, kena ihakonu konu kama la, ehau poi hea nakama hakae nakakala Keakua nikakaa mai imua. Ia okou epau nakakala lakou la i naaho kapu hakoa.

Acts 7:42

Kena Keakua ukiaꞌi nakama la ihamalumalu nahekuu i kevaelani, poi hea nakama hakae nakakala Keakua nikakaa iloko kelauniu lakou la ma, ‘Okou nakama Israel. Kipuhaa nahekau okou enoho iloko keꞌina kukuaha la. Saika la, okou sehoꞌi mai napunua nohamalu mai anau,