Luke 3:11 - Luaniua New Testament

¹¹ Kena ko kama la ime aꞌe, “Poi aꞌoe eisi saauꞌahu, vae olua ma kekama kela sehiauꞌahu la. Ia poi aꞌoe eisi naꞌai, vae ma nakama seisi naꞌai.”

Luke 3:11 Iomraidhean Croise

Matthew 25:40

“Kena kekuꞌu la meme aꞌe nakama ekonu kahi la, ‘Anau eme aku kehamaoni. Keualoko okou ekonaꞌi nakaina haaloha anau la, okou ekonaꞌi mai anau hoi.’

Luke 11:41

Okou ihoꞌi aꞌe naola okou ikonaꞌi nakama haaloha, kena naola okou memakahua hamaoni.

Luke 18:22

Jesus elono nakakala kama la, kena ime aꞌe, “Kena kelaa hemea hokahi aꞌoe ikau kekaukali. Ko naheheaꞌu aꞌoe, kena au aꞌe namela i alakama isui. Kena uvavae aꞌe namoni la i nakama haaloha. Ia kena aꞌoe meiko namea kaualeꞌa i kevaelani. Kena aꞌoe uhamai nokaukali mai anau.”

Luke 19:8

Zacchaeus ukuu imua Jesus, kena ime aꞌe, “Kealiꞌi, ila aꞌe. Anau mehoꞌi aꞌe hevahi namea anau la hakoa i nakama haaloha. Poi anau uhailavaꞌa alakama noko namoni lakou, kena anau mevaꞌai muli aꞌe ehaa naualoko namoni anau niko la.”

John 13:29

Alakama ehakaꞌoko pela ma Jesus emea Judas ihaele nosui hea lakou hihai keꞌai la. Ia ehoꞌi aꞌe nimea ma nakama haaloha la. Mai Judas elolosi kemuli opu namoni lakou.

Acts 10:2

Haimakua Cornelius la hakoa ekaukali nakipukipu Keakua, kena ihamalumalu i kama la. Cornelius ehoꞌi aꞌe namoni aia la ikonaꞌi nakama haaloha, ia eloku kahi Keakua.

Acts 10:31

Kama la eme mai, ‘Cornelius, Keakua elono naloku aꞌoe, ia eꞌike hea aꞌoe ehoꞌi aꞌe i nakama haaloha la, kena kama la ealoha i aꞌoe.

Acts 10:4

Keualoko Cornelius eꞌila aꞌe ke{enselo} la, kama la umakaꞌu, kena ime aꞌe, “Kealiꞌi, aꞌoe hamai noa?” Ke{enselo} la ume aꞌe, “Keakua elono naloku aꞌoe, ia eꞌike hea aꞌoe ehoꞌi aꞌe i nakama haaloha la, kena kama la ealoha i aꞌoe.

Ephesians 4:28

Nakama kela ailalao, ihamau keailalao lakou la, ia uꞌamaka noheheaꞌu hakaualeꞌa ma nalima lakou. Ilavaa lakou kekonaꞌi nakama haaloha.

1 Timothy 6:17

Polopolo aꞌe nakama haimoni kemaalama nei la iseahu, ia isehakina namoni lakou la. Namela meoki vave. Ia me aꞌe nakama la ihakina Keakua. Kama la elolosi laoi kakou, kena iau mai namea hakoa ihihia kakou.

1 Timothy 6:18

Me aꞌe nakama la iheheaꞌu mahi, ia ipena kahi namea kaualeꞌa, kena iaumalie kevavae aꞌe namea lakou la.

Hebrews 6:10

Keakua ekonu kahi. Kena kama la selavaa kesili namea kaualeꞌa okou epena la, ia ma kelaoi kela okou ehuli aꞌe i aia la, kulana okou ekonaꞌi nakama ekapu aia la.

James 1:27

Ia kipukipu keloku kela ekonu i namaisu Keakua Kamana eme penei. Okou ilolosi hakaualeꞌa nakaukuaha ia ma nakamaliꞌi haaloha. Ia lolosi soꞌokou ikaha ma namea saꞌino kemaalama nei.

James 2:14

Aukaina. Ame hekama ekakala maia ehakina, ia sehimea epena ihuli aꞌe kehakina aia la, kena kama na ekakala vale oia. Kehakina la selavaa kekonaꞌi aia.

1 John 3:17

Ia poi hekama ekuku laoi, ia eꞌike kaina aia la ekuku haeꞌo, ia sealoha nokonaꞌi kama la, kena kelaoi Keakua esemoe iloko aia.

1 John 4:20

Ia poi hekama emea maia elaoi Keakua, ia eliloko kaina aia la, kama na enuku laoi oia. Kama na eliloko kanakaina kela aia eꞌike la. Ia kena kama na selavaa kelaoi Keakua, kama kela aia seꞌike.