Luke 23:4 - Luaniua New Testament

⁴ Kena Pilate eme aꞌe namaakua hamakua la lakou ma keonohenua la, “Anau hakaꞌoko pela kama nei sehimea esala.”

Luke 23:4 Iomraidhean Croise

Matthew 27:19

Kulana Pilate enoho iluna keꞌina hakonukonu la, keꞌavana aia la eꞌave kakala nei, “Kiaꞌi kama la. Kama la ekonu kahi oia. Kepo la, anau eꞌike kama la iloko kemiki anau, kena anau ukipuaina haeꞌo.”

Mark 15:14

Ia Pilate uvaꞌai aꞌe, “Hesala pehe kama nei epena?” Ia keonohenua la hakoa ehaio hamaloa, “Kii kama na iluna {kolosi}!”

Luke 23:22

Keualoko kanahakolu, ko Pilate ime aꞌe nakama la, “Aiea? Hesala pehe kama na epena? Anau sehisala elave ikaa kama na imake. Ia niaina, anau meme aꞌe napulepule la ilili kia kama na, kena uhakana kama na ihaele.”

John 18:38

Kena Pilate evasili aꞌe Jesus, “Kehe kehamaoni na?” Kena ko Pilate ivaꞌai muli i maka hale nome aꞌe keonohenua la, “Anau sehisala elave ikaa kama nei imake.

Acts 25:25

Ia anau sehimea elave ikeme pela kama nei imake. Ia kama nei eainoa pela aia hihai kekuꞌu haRome ihakonu aia. Ia kena anau hakaꞌoko ihaunalia kama nei imaka kekuꞌu la.

Acts 3:13

“Keakua ehamakua Abraham, Isaac ia ma Jacob, ia ma nakipuna kakou imua la hakoa. Jesus ehalono Keakua, kena Keakua ehamaha Jesus, kena isau kama la ialuna. Ia okou eau aꞌe Jesus i nakama hamakua la, nokaia nomake. Keualoko Pilate ehihai ihakana Jesus ihaele, okou ekakala aꞌe pela okou sehihai Jesus.

Hebrews 7:26

Jesus o kemaakua hamakua kela ekau ma kakou. Kama la ekapu, ia sehaisala. Keola kama la emakahua lo. Ia kena Keakua ehavaꞌee kama la ikaha ma nakama haisala, kena isau kama la iluna kevaelani.

1 Peter 1:19

Kama la eau aꞌe kekoko Christ la avale. Christ ehau poi punua {sipisipi} ekipukipu laoi.*f2* Ia kemake kama la hemea elahi i namaisu Keakua.

1 Peter 2:22

Kama la sehimea esala epena, Ia sehiualoko aia Ekakala nousuusu alakama.

1 Peter 3:18

Christ ekonu i naꞌalemaka Keakua. Kela hea kemake aia la elavaa kesolo nahaisala nakama sekonu la ikaha. Pela imea okou ivaꞌai muli i Keakua. Kinokama aia la umake heualoko hokahi oia. Ia kena Keakua ehaola muli kama la i namahi Keanana Kapu.