Luke 21:8 - Luaniua New Testament

⁸ Ko Jesus ime aꞌe, “Lolosi hamakonu, iselavaa hekama kehailavaꞌa okou. Komaꞌi nakama meio aku i kemale anau, kena ime aku pela lakou niMesaea. Ia nakama la meme aku hoi pela kehaoki kemaalama nei ukae mai. Ia okou isekaukali nakama la.

Luke 21:8 Iomraidhean Croise

Matthew 24:11

Komaꞌi nakama nukulaoi meio mai nome aku okou pela lakou ehakae nakakala Keakua, kena meihailavaꞌa komaꞌi nakama.

Matthew 3:2

John eme aꞌe, “Kiꞌe ikaha ma nahaisala okou, maikinimea Keakua kevaelani mehamai nohamakua kenoholana aia.”

Matthew 4:17

Keualoko la, Jesus uꞌamaka nokaukaꞌu ma, “Kiꞌe ikaha ma nahaisala okou, maikinimea Keakua kevaelani mehamakua kenoholana aia.”

Luke 17:23

Alakama meme aku okou, ‘Ila aꞌe. Kela kama la,’ ia alakama memea ma, ‘Ila mai. Kenei kama nei.’ Ia okou sekaꞌa nokaukali nakama la.

Luke 21:7

Ko nakama kaukali la ivasili aꞌe Jesus, “Rabai. Name nei hakoa meihuli mai vahohee? Makou meiꞌike nahaꞌaku pehe imakino makou pela name nei mehuli mai?”

Luke 21:9

Keualoko okou elono nakaua ia ma nahakaukau, okou isemakaꞌu. Namea nei meiapihi aku imua kehaoki kemaalama nei, ia namea nei sehuli aku kehaoki kemaalama nei la.”

John 5:43

Anau ehamai i namahi Kamana anau la. Ia okou sehihai anau. Ia poi kelaa kama meihamai nokakala aku namahi aia soia, kena okou ame hihai kama la.

John 8:24

Ia kena anau eme aku okou pela okou ekauhano kepena namea esala, kela hea okou memake. Ia poi okou sehakina pela, {Kenei anau}, kena okou mekauhano kepena namea esala, kena okou memake oia.”

John 8:28

Kena iko Jesus ime aꞌe nakama la, “Keualoko okou esau {kama ekipu kama} iluna, okou meimakino pela, {Kenei anau}. Kena okou meimakino pela anau sekaukali kehakaꞌoko anau sonau. Ia anau ekakala hea Kamana eaoaꞌo mai anau la ikakala.

1 Corinthians 6:9

Okou namakino avale pela kenoholana Keakua la sehiꞌina nakama kela epena namea saꞌino. Okou ilolosi hamakonu. Nakama saꞌino la ehai huli, kena ehamalumalu nahakipua. Nakama la eseu kuaa keꞌavana, kena kanaka ehaisaꞌino kela kanaka.

Ephesians 5:6

Lolosi hapulu, pela sehikama mekaoleole aku okou i nakakala vale aia la. Maikinimea Keakua meloko i nakama kela sehihalono i aia la.

2 Thessalonians 2:3

Okou isehalono nakakala nakama nukulaoi la. Keualoko nakama kemaalama nei ehulo ikaha ma Keakua, kena Kealiꞌi mevaꞌai mai. Saika la, kekama saꞌino haeꞌo meikae mai. Kama la o kekama kela Keakua meipono i keꞌina kehalono lihu.

2 Timothy 3:13

Nakama haisala la mekakala uhiuhi, kena naola nakama la meo nosaꞌino lo. Nakama la ehailavaꞌa alakama, ia kena alakama mehailavaꞌa lakou.

1 John 4:1

Ausoa. Komaꞌi nakama emea pela lakou ehakae nakakala Keakua. Ia alakama iloko nakama la enuku laoi oia. Ia kena okou isehakina nakakala nakama la hakoa. Ia laulahu naanana lakou la imakino pela nakama la eo mai Keakua.

2 John 1:7

Kamaꞌi nakama hailavaꞌa hahaele huli valoko kemaalama nei. Nakama la ekakala pela Jesus Christ sekipu kama. Nakama la ehakauꞌaa ma Christ, ia ehailavaꞌa naonohenua.

Revelation 1:3

Nakakala kelauniu nei ehuli aku namea kela meapihi mai imuli. Poi hekama epau kelauniu nei, kena ihalono nakakala kelauniu nei, ia epena kaukali hea ekakaa iloko kelauniu nei, kama na mehihia lo. Maikinimea namea nei ukapili iapihi mai.

Revelation 12:9

Ia kena keuhuki ia ma na{enselo} aia la hakoa ulakua iho ilalo nokae kemaalama nei. Keuhuki la nikipu mai imua lo. Kama la emale ma Kipua Saꞌino, ia kelaa male aia la Satan. Ia kama la eusuusu nakama hakoa i kemaalama nei.