Luke 21:12 - Luaniua New Testament

¹² “Ia imua namea nei hakoa ehuli mai, keonohenua la meikaohi okou, nomeme haeꞌo kia okou. Nakama la meihakonu okou iloko nahale loku lakou, kena ipono okou iloko kelokapu. Nakama la meihakaꞌi okou imua nakuꞌu ia ma nakama hamakua {kaumani}, maikinimea okou ekapa kemale anau.

Luke 21:12 Iomraidhean Croise

Matthew 22:6

Ia alakama ekaohi nakama heheaꞌu la noliliꞌi haeꞌo kia nakama la, kena ikaa nakama la nomake.

Matthew 24:8

Ia kenei keꞌamaka nahalono lihu. Ehau poi kehine eisu imua aia memamaoha kamaliꞌi.

Luke 21:11

Komaꞌi nahenua meilulu hia kelulu henua haimahi. Ia keone la mekae aꞌe nahenua la, kena naonohenua meimake kehiꞌai ia ma namahana. Namea hamakaꞌu ma nahaꞌaku elahi meihuli mai i kevaelani.

John 15:20

Manaku hea anau nikakala aku okou. ‘Kama hamakua ehananiu iluna nakama heheaꞌu aia la.’ Poi nakama la ehalono nakakala anau, kena nakama la meihalono nakakala okou hoi. Ia nakama la ekahao sala anau, kena nakama la meikahao sala okou hoi.

John 15:21

Nakama la meikahao sala okou, maikinimea okou ehakina i kemale anau. Ia nakama la semakino kekama kela ehaunalia iho anau la.

Acts 22:30

Kena kela aho, kama hananiu la uvekeveke na{seni} Paul la. Kama la ehihai imakino hea na{Jiu} la ehakaukau lakou ma Paul la. Ia kena kama la eme aꞌe namaakua hamakua ma nakama hamakua na{Jiu} la iꞌuku hakoa, kena ihakuu Paul imua nakama la.

Acts 5:40

Kena nakama hamakua na{Jiu} la uku aꞌe pela hea Gamaliel ekakala la. Kena ianaa aꞌe nakama heheaꞌu Jesus la ivaꞌai aꞌe i hale. Kena iliꞌi nakama la, ihamakaꞌu aꞌe nakama la isekaukaꞌu i kemale Jesus, kena ihakana nakama la nokaꞌa.

Acts 8:3

Ia Saul ehaꞌike maia iseu nahakina ana la. Kama la ehaele hakiꞌe nahale la nokaohi nakanaka ma nahine nahakina ana la, iko nakama la ipono iloko kelokapu.

Acts 9:4

Kama la usina ilalo nolono keleo ekakala aꞌe, “Saul, Saul. Okea aꞌoe ehai haeꞌo kia anau?”

1 Peter 2:13

Okou ihalono Kealiꞌi. Ia kena okou ihalono hoi nakama hamakua kemaalama nei la. Okou ihalono kekuꞌu, maikinimea kama la ehananiu iluna keonohenua.

Revelation 2:10

Niaina ma okou ame halono lihu, okou isemakaꞌu. Ia lolosi hamakonu. Satan meipono alakama okou iloko kelokapu, ihaꞌike nakama la. Kena mehai haeꞌo kia nakama la sanahulu naaho. Niaina okou amekapili imake, okou ikauhano kehakina i anau. Ia kena anau meihapili aku nahau ihuli aku pela okou meola naualoko hamau.