Luke 16:11 - Luaniua New Testament

¹¹ Poi okou selolosi hakaualeꞌa naheheaꞌu iloko kemaalama nei, kena Keakua meseau aku namea kaualeꞌa hamaoni ilolosi okou.

Luke 16:11 Iomraidhean Croise

Matthew 6:24

“Selavaa hekama iheheaꞌu ma sakama hamakua. Kama la melaoi kelaa kama, ia meililoko kelaa kama. Kama la mehalono kelaa kama, ia mehanaꞌino kelaa kama. Poi okou emanaꞌo namoni, kena okou meselavaa keheheaꞌu ma Keakua.

Luke 12:33

Au aꞌe naheheaꞌu okou isui alakama, kena hoꞌi aꞌe namoni la i nakama haaloha. Ia kena okou meiko namuliopu moni kela selavaa kekuai. Ia namea kaualeꞌa okou i kevaelani meselavaa keoki. Nakama ailalao selavaa kekae keꞌina la. Ia selavaa nalolona keꞌai namalo la.

Luke 16:12

Poi okou selolosi hakaualeꞌa naheheaꞌu kelaa kama, kena sehikama meau aku niheheaꞌu ma okou.

Luke 16:9

Anau eme aku, okou ihoꞌi aꞌe naheheaꞌu okou la isoa ma alakama. Kena keualoko naheheaꞌu okou la meoki hakoa, nakama la meihihai ilolosi okou iloko nahale lakou naualoko hamau.

Luke 18:22

Jesus elono nakakala kama la, kena ime aꞌe, “Kena kelaa hemea hokahi aꞌoe ikau kekaukali. Ko naheheaꞌu aꞌoe, kena au aꞌe namela i alakama isui. Kena uvavae aꞌe namoni la i nakama haaloha. Ia kena aꞌoe meiko namea kaualeꞌa i kevaelani. Kena aꞌoe uhamai nokaukali mai anau.”

Ephesians 3:8

Ia niaina manau hekama moulalo iloko nakama ekapu Keakua, kama la elolosi laoi anau, imea anau ikaukaꞌu aꞌe nakama enoho pouli la nakipukipu kaualeꞌa Christ, kela enoko lo.

James 2:5

Aukaina. Halono mai. Keakua ehilihili nakama haaloha i kemaalama nei ihakina haimahi aia, pela nakama la mehamakua i kenoholana aia la. Ia kama la ekakala hamaoni iau aꞌe kenoholana la i nakama kela elaoi aia la.

Revelation 3:18

Anau eme aku okou io mai nosui pahaku mea kela ehakuu lia keahi noꞌivaꞌiva. Pela okou mekuku laoi hamaoni. Ia okou isui nipamalo maꞌini ileleu okou. Imea okou isenapa. Ia sui hoi ni{malaseni} nopalai naꞌalemaka okou ilavaa okou keꞌike.