Luke 12:5 - Luaniua New Testament

⁵ Anau mehaꞌali aku okou kekama kela okou ikau kemakaꞌu. Okou imakaꞌu kekama kela elavaa kekaa okou nomake, kena eisi namahi aia kelakua okou iloko keꞌina keahi la. Hamaoni, okou ekau kemakaꞌu kama la.

Luke 12:5 Iomraidhean Croise

Matthew 10:28

Okou isemakaꞌu nakama la, maikinimea nakama la elavaa kekaa nakinokama okou imake oia, ia selavaa kekaa naanana okou imake. Emeia okou ikau kemakaꞌu Keakua. Maikinimea kama la elavaa kekaa nakinokama okou imake, kena elavaa keꞌave naanana okou i keꞌina keahi hoi.

Matthew 25:41

“Ia kekuꞌu la meime aꞌe nakama enoho i kevahi selaua aia la, ‘O ikaha manau. Naola okou mesaꞌino. Keakua ukanakana keꞌina keahi eula kahi. Ia okou meihalono lihu i keꞌina la ma Satan, ia ma na{enselo} aia la.

Matthew 25:46

“Nakama esaꞌino la meio nohalono lihu naualoko hamau. Ia nakama ekonu kahi la meinoho keola kaualeꞌa naualoko hamau.”

Matthew 5:22

Ia anau eme aku okou, poi hekama eloko kaina aia, nakama hamakua meihakonukonu kama na. Ia poi hekama ekakala saꞌino kaina aia la, kehale nakuꞌu mehakonukonu kama la. Poi hekama ekakala saꞌino pela kaina aia la epanimu, Keakua soia mehakonukonu kama la nohalono lihu i keꞌina keahi.

Mark 13:23

Lolosi soꞌokou! Anau namea aku avale pela namenei hakoa meapihi aku.

1 Thessalonians 4:6

Kena okou isehailavaꞌa nakama keloku la pelaa. Maikinimea makou nakakala haimahi aku avale pela Kealiꞌi soia meliloko nakama kela ehaisala pelaa.

Hebrews 10:31

Ia Keakua emaka ola. Kela hea nakama saꞌino la emakaꞌu haeꞌo, aoki kama la amekaohi lakou.

2 Peter 2:4

Keakua sehaialoha na{enselo} kela epena namea esala imua la. Kama la elakua nakama la i keꞌina pouli kakano la nohalono lihu. Ia nakama la mepono kia iloko keꞌina la hanokae keaho kela Keakua meihakonukonu lakou.

Revelation 14:7

Kama la ekakala hamaloa ma, “Hamaha Keakua, ia hamalumalu kama la. Maikinimea kama la ukapili ihakonukonu nakama hakoa. Kama la epena kevaelani ia ma kemaalama nei, kemoana ia ma namakavai hakoa. Ia kena okou ihamalu kama la.”

Revelation 15:4

Kealiꞌi, nakama hakoa ehamaha i aꞌoe Kena ehamalumalu kemale aꞌoe Maikinimea aꞌoe soꞌoe ekapu. Naonohenua hakoa meo mai Nohamalumalu i aꞌoe, Maikinimea aꞌoe ehuli aꞌe, Nakipukipu aꞌoe ekonu kahi.”

Revelation 20:14

Kena kemake ia ma keꞌina kemake la ulakua lia iloko keꞌina keahi, keꞌina elahi poi kemoana. Kela kemake hasiaoa.