Luke 12:4 - Luaniua New Testament

⁴ Kena iko Jesus ime aꞌe nakama la, “Ausoa, anau eme aku isemakaꞌu nakama. Nakama la elavaa kekaa okou imake, ia imuli selavaa keꞌave okou i keꞌina kehalono lihu la.

Luke 12:4 Iomraidhean Croise

Matthew 10:28

Okou isemakaꞌu nakama la, maikinimea nakama la elavaa kekaa nakinokama okou imake oia, ia selavaa kekaa naanana okou imake. Emeia okou ikau kemakaꞌu Keakua. Maikinimea kama la elavaa kekaa nakinokama okou imake, kena elavaa keꞌave naanana okou i keꞌina keahi hoi.

John 15:13

Poi hekama elaoi hamaoni nasoa aia la, kena iau aꞌe keola aia imake ikonaꞌi nakama la, kena kelaoi kama na elaꞌa iluna kelaoi nakama hakoa.

Acts 20:24

Ia anau sehakekele keola anau sonau. Anau hihai ihaoki naheheaꞌu kela Jesus niau mai la. Ikakala aꞌe naonohenua kelono kaualeꞌa pela Keakua ehihai ilolosi hakaualeꞌa lakou.

Acts 4:13

Nakama hamakua la eꞌike pela Peter laua ma John esemakaꞌu. Ia nakama la umakino pela koꞌolua la nikama vale oia, ia se{sikulu} kaualeꞌa. Nakama la umasalo, ia umanaku pela koꞌolua la ekakaꞌa ma Jesus.

Philippians 1:28

Ia okou isemakaꞌu i nakama kela ehakauꞌaa maꞌokou. Keualoko nakama la eꞌike pela okou semakaꞌu, kena nakama la memakino pela Keakua mekonaꞌi okou, ia meseu lakou.

James 2:23

Kena nakakala kelauniu kapu la ehuli mai nohamaoni, “Abraham ehakina i Keakua, kena Keakua ehakaꞌoko pela kama la ekonu kahi i namaisu aia.” Kela hea Abraham hesoa laoi Keakua.

1 Peter 3:14

Keualoko okou epena namea ekonu, alakama amehai haeꞌo kia okou. Ia okou isemakaꞌu i nakakala hamakaꞌu nakama la, ia okou isekipuaina. Maikinimea okou mehakapu lia Keakua.

Revelation 2:10

Niaina ma okou ame halono lihu, okou isemakaꞌu. Ia lolosi hamakonu. Satan meipono alakama okou iloko kelokapu, ihaꞌike nakama la. Kena mehai haeꞌo kia nakama la sanahulu naaho. Niaina okou amekapili imake, okou ikauhano kehakina i anau. Ia kena anau meihapili aku nahau ihuli aku pela okou meola naualoko hamau.