Luke 11:9 - Luaniua New Testament

⁹ “Anau eme aku okou, ainoa aꞌe Keakua, kena kama la meau aku nia okou hihai la. Poi okou sesee, kena okou melave. Poi okou kikili kokoꞌa, kena kokoꞌa la mekalaꞌi aku ma okou.

Luke 11:9 Iomraidhean Croise

Matthew 21:22

Poi okou ehakina Keakua, kena kama la meiau aku okou nia okou eainoa aꞌe i aia.”

Matthew 21:31

Kena iko Jesus ivasili aꞌe namaakua hamakua la lakou ma nakama hananiu na{Jiu} la, “Oai kekama i haikaina la ehalono kamana laua la?” Kena nakama la eme aꞌe, “Kaupeala makua la.” Kena iko Jesus ime aꞌe nakama la, “Anau eme aku kehamaoni. Nakama kela aoao na{kakisi} ia ma nahine ehai huli la meikaꞌa iloko kenoholana Keakua imua okou, maikinimea nakama la ehalono John Baptist.

Matthew 6:29

Ia anau eme aku okou pela napamalo kaualeꞌa kekuꞌu Solomon la sehamanaꞌo poi naꞌauke la.

Mark 11:24

Kulana okou eainoa aꞌe Keakua hea okou hihai, hakina pela okou meiko kemela. Kena Keakua meiau aku ma okou, ehau poi okou eainoa aꞌe i aia.

Mark 13:37

Hea anau eme aku, anau eme aꞌe nakama hakoa, ‘Lolosi hapulu.’ ”

Luke 11:10

Poi hekama eainoa, kama na meiko. Ia poi hekama esesee, kama na meilave. Poi hekama ekikili kokoꞌa, kokoꞌa la mekalaꞌi aꞌe ma aia.

John 14:13

Kena anau meihuli aku hea okou ainoa mai i kemale anau la, pela ihuli aku namahi Kamana.

John 15:16

Okou sehilihili anau. Emeia anau ehilihili okou, ikini okou ikaꞌa nohuli aꞌe nakipukipu kaualeꞌa.*f21* Nakipukipu la ekaꞌoko naualoko hamau. Kena Kamana meiau aku okou nia okou eainoa aꞌe aia i kemale anau.

John 15:7

Poi okou esuꞌui manau, ia nakakala anau emoe iloko okou, keualoko okou meainoa mai nimea, okou meko namea la.

John 4:10

Kena Jesus ume aꞌe, “Aꞌoe seailoa kehoꞌi Keakua. Ia semakino oai kekama eainoa aku kevai iunu. Ia poi aꞌoe emakino kama la, kena aꞌoe ame ainoa aꞌe i aia, kena kama la meiau aku aꞌoe kevai keola kela eola kahi.”

Romans 2:7

Alakama ekauhano kepena namea kaualeꞌa. Maikinimea nakama la hihai Keakua ihamaha lakou, kena isau lakou ialuna, pela lakou meola naualoko hamau. Kena Keakua meau aꞌe nakama la keola kela selavaa keoki.

2 Corinthians 6:2

Kama la eme ma, “Keualoko anau ehihai isapai okou, Anau ehalono nakakala okou. Ia keualoko anau mekonaꞌi okou, Anau mekonaꞌi okou noola.” Halono mai. Keakua ehihai ikonaꞌi okou iola vahonei oia.

Hebrews 11:6

Poi hekama sehakina Keakua, kena Keakua mesehihai nakipukipu kama na. Ia poi hekama ehihai ihaele nohakapili aꞌe Keakua, kena kama na ekau kehakina pela Keakua eola, ia ehakina hoi pela Keakua meau aꞌe nakuhana i nakama kela esee i aia la.

Hebrews 4:16

Ia kena kakou isemakaꞌu keo hakapili aꞌe kenoholana Keakua. Pela kama la amehaialoha mai kakou, kena ilolosi laoi kakou. Ia keualoko kakou selavaa kekonaꞌi kakou sokakou, kena kama la mekonaꞌi kakou.

James 1:5

Ia ame hekama okou eseakamai, kama na ekau keloku noainoa aꞌe Keakua, kena Keakua meau aꞌe keakamai kama na. Maikinimea Keakua eaumalie lo kehoꞌi aꞌe nakama hakoa, ia mesehai aꞌe nakama la.

James 5:15

Keloku nakama ehakina la mekonaꞌi kama lavea la nomaakala, ia Kealiꞌi mehamasiꞌe kama la ikaha ma kemahana aia la. Ia poi kama la epena namesala, Kealiꞌi mehaialoha kama la hoi.

1 John 3:22

Ia kena Keakua mehoꞌi mai namea kela kakou eainoa aꞌe i aia la, maikinimea kakou ehalono nakakala aia, kena ipena hea aia hihai.

Revelation 2:24

Ia okou nahakina ana kela enoho iloko Thyatira. Okou sekaukali keaoaꞌo kehine la. Ia okou semakino nahakaꞌoko Satan kela ehunaa. Anau hihai okou ikaukali kipukipu nei oia,