Biblia Todo Logo
Bìoball air-loidhne

- Sanasan -




Luke 11:13 - Luaniua New Testament

13 Niaina nakipukipu okou saꞌino, okou iailoa keau aꞌe namea kaualeꞌa i nakamaliꞌi okou la. Ia hamaoni, Kamana okou i kevaelani la eailoa keau aꞌe Keanana Kapu i nakama okou kela eainoa aꞌe i aia la.”

Faic an caibideil Dèan lethbhreac




Luke 11:13
30 Iomraidhean Croise  

Okou ehau poi keahi la. Okou ihuli aꞌe naola kaualeꞌa okou, pela nakama hakoa iꞌike namea kaualeꞌa okou epena, kena ihamaha Kamana okou i kevaelani.


Kena okou ume mo kamaliꞌi Kamana okou i kevaelani. Keakua elolosi nakama kemaalama nei hakoa. Kama la ehamasina kelaa iluna nakama kaualeꞌa ma nakama saꞌino. Kama la eau iho keua iluna nakama ekonu ia ma nakama sekonu.


“Poi okou ehaialoha nakama kela ehaisaꞌino okou, kena Kamana okou i kevaelani mehaialoha aku okou nia okou esala.


Keakua ehalalaꞌei naꞌauke iloko malae la. Keaho nei naveve eola, ia kaiao umake, kena meilaku iluna keahi ivela. Ia okou elaꞌa iluna naꞌauke la. Niaina ma okou sehakina, Keakua mekauhano kekonaꞌi okou.


Nakama enoho pouli ehakekele maha namea la. Ia Kamana okou i kevaelani namakino avale pela okou hihai namela.


Niaina nakipukipu okou la saꞌino, okou eailoa keau aꞌe namea kaualeꞌa i nakamaliꞌi okou la. Ia Kamana okou i kevaelani eme pela hoi. Kama la meiau aꞌe komaꞌi namea kaualeꞌa i nakama kela eainoa aꞌe i aia.


Ia ame kamaliꞌi la me aꞌe kehua moa, kamana aia la selavaa keau aꞌe heunu.


Ko Jesus ime aꞌe nakama la, “Keualoko okou eloku, okou ikakala penei, ‘Kamana Makou hakoa ihamalu kemale aꞌoe ekapu. Hamai nohamakua naonohenua hakoa.


Keakua ekini nakama aia la. Ia nakama la ekani kahi aꞌe Keakua keaho ma keaho, kepo ma kepo. Kena kama la selavaa kenase kekonaꞌi aꞌe nakama aia la.


Kena Jesus ume aꞌe, “Aꞌoe seailoa kehoꞌi Keakua. Ia semakino oai kekama eainoa aku kevai iunu. Ia poi aꞌoe emakino kama la, kena aꞌoe ame ainoa aꞌe i aia, kena kama la meiau aku aꞌoe kevai keola kela eola kahi.”


Peter ume aꞌe nakama la, “Kiꞌe ikaha ma nahaisala okou, kena makou mehaauꞌau kapu okou i kemale Jesus Christ. Ia kena Keakua mesolo nahaisala okou la ikaha, kena ihoꞌi aku Keanana Kapu.


Adam epena namea esala, kena nakama hakoa umake i nahaisala lakou, poi kama la la hoi. Ia nakama kela ehihai Keakua ilolosi laoi lakou, kena hihai ikonu i namaisu Keakua, nakama la meola hamaoni, ia mehananiu i namahi Jesus Christ.


Anau emakino pela nakipukipu anau la esaꞌino hakoa, sehimea kaualeꞌa. Ia anau oikaukali nakipukipu la. Niaina anau ehakaꞌoko ma ipena namea kaualeꞌa, anau meselavaa oia.


Keakua eaunahie pela kama aia la memake nokonaꞌi kakou. Kela hea Keakua ehaunalia iho kama aia la. Ia kena Keakua meaunahie kehoꞌi mai kakou namea hakoa.


Imua, kakou hoi evale. Vahola kakou sehihalono nakama hamakua kakou, ia kena alakama ehailavaꞌa kakou. Ia kakou emanaꞌo namea kakou hihai la, ia ehihia i namea saꞌino kakou epena la. Kena kakou enonoho haeꞌo ma alakama, ia esano haeꞌo i lakou. Komaꞌi nakama eliloko kakou, kena kakou eliloko nakama la hoi.


Lean sinn:

Sanasan


Sanasan