Luke 1:70 - Luaniua New Testament

⁷⁰ Keakua nime aꞌe nakama ekapu imua ihakae nakakala aia la pela

Luke 1:70 Iomraidhean Croise

Mark 12:36

David ekakala i namahi Keanana Kapu penei, ‘Keakua eme aꞌe kauAliꞌi, Noho i kevahi laua anau, Nokali anau meikuꞌu nakama eliloko aꞌoe la Ilalo namahi aꞌoe.’

Luke 24:44

Kena Jesus eme aꞌe, “Keualoko anau ninoho ma okou, anau eme aku penei, ‘Nakuaa Moses, ia ma nakama hakae nakakala Keakua, ia ma nahua keloku la hakoa ehaꞌali aku nakipukipu anau. Nakakala la meihuli aku nohamaoni.’ ”

Acts 28:25

Ia alakama sehakina, kena ihakauoki solakou. Ia imua kela nakama sehakina la uo ikaha, Paul eme aꞌe nakama la hakoa nakakala haoki aia nei. “Keanana Kapu ekakala kehamaoni i nakipuna kakou la, keualoko Isaiah ehakae nakakala Keakua ma,

Romans 1:2

Keakua ekakala hamaoni i nakama kela ehakakae nakakala aia la. Kena nakama la ekakaa nakakala la iloko kelauniu kapu.

Hebrews 3:7

Keanana Kapu eme mai ma, “Poi okou elono keleo Keakua keaho nei,

1 Peter 1:12

Keualoko nakama la nihakae nakakala Keakua imua, Keakua ehuli aꞌe nakama la pela lakou seheheaꞌu nokonaꞌi lakou solakou. Seai. Emeia nakama la eheheaꞌu nokonaꞌi okou, nakama kela meihanau mai imuli. Nakama la ehaꞌali aꞌe nakakala Keakua. Ia kena vahonei, alakama ekaukaꞌu aku nakakala Keakua la hoi i namahi Keanana Kapu, kela Keakua ehaunalia iho i kevaelani. Ia na{enselo} la hoi ehihai imakino laoi kehakaꞌoko namea la.

2 Peter 1:21

Ia nakama la sehakae nakakala lakou ehakaꞌoko la. Emeia Keanana Kapu ekonaꞌi nakama la nohakae nakakala Keakua la.

2 Peter 3:2

Nakama ekapu imua la ehakae nakakala Keakua. Kena anau ehihai okou imanaku nakakala lakou la. Ia Kealiꞌi ekonaꞌi kakou iola, kena ihaunalia aku nakama heheaꞌu aia la, ime aku nakakala aia la. Kena okou imanaku nakakala la hoi.

Revelation 19:10

Keualoko anau nilono nakakala ke{enselo} la, anau ekoukuli imua kama la nohamalumalu i aia. Ia ke{enselo} la eme mai, “Aꞌoe isehamalu mai anau. Anau hekama heheaꞌu ehau poi aꞌoe na. Aꞌoe ihamalumalu Keakua la avale. Kaua ehapaa ma nakaina aꞌoe la ikaohi mau nakipukipu Jesus. Nakipukipu la ehuli mai kakou kehakaꞌoko nakakala Keakua la hakoa.”