Luke 1:2 - Luaniua New Testament

² Ia nakama kela uꞌike hea Jesus nipena la uhaele kakala namea lakou uꞌike la. Ia nakama la ume mai kakou namea la hoi.

Luke 1:2 Iomraidhean Croise

Mark 1:1

Kenei o keꞌamaka iho kelono kaualeꞌa Jesus Christ, Kekama Keakua.

Mark 16:20

Kena nakama kaukali la ekaꞌa nokaukaꞌu nakakala Kealiꞌi la i nakama naꞌina hakoa. Ia Kealiꞌi ehuli aꞌe nahaꞌaku imakino nakama hakoa pela nakakala aia la ehamaoni.

Mark 4:14

Kekama ekoli nahua la ehau poi hekama kela ehaele kakala nakakala Keakua.

Luke 24:48

Okou uꞌike name nei hakoa.

John 15:27

Ia okou ikakala aꞌe keonohenua la nakipukipu anau hoi. Maikinimea okou ninoho manau, amaka mai imua lo.

John 16:4

Anau eme aku nakakala nei. Ia kena keualoko nakama la meihuli aku okou namenei, okou meimanaku mai muli nakakala anau nei. Anau seme aku okou nakakala nei imua, maikinimea anau oinoho maꞌokou.

Acts 1:3

Jesus ehalono lihu nomake, kena iola muli nohuli aꞌe aia soia i nakama kaukali aia la, imakino nakama la pela aia uola muli hamaoni. Jesus ehakumaka aꞌe nakama la iloko kipuhaa naaho, kena ikakala aꞌe nakipukipu kenoholana Keakua.

Acts 1:8

Ia kulana Keanana Kapu meihaele iho nokau iloko okou iau aku namahi aia, kena okou meikakala aꞌe nakipukipu kaualeꞌa anau nei i nakama Jerusalem, ia ma nakama Judea lakou ma nakama Samaria, ia ma nakama nahenua kemaalama nei hakoa.”

Acts 14:25

Koꞌolua la ekaukaꞌu kelono kaualeꞌa iloko kemakaꞌina Perga, kena ikaꞌa sala ilalo nokae i Attalia, kena iꞌae kevaꞌa nohulo i Antioch iloko Syria.

Acts 16:6

Nakama la uo valoko Phrygia ma Galatia. Ia Keanana Kapu epui nakama la isekaukaꞌu nakakala Keakua iloko Asia.

Acts 17:11

Na{Jiu} kela enoho i Berea la epasemuu iluna na{Jiu} kela enoho i Thessalonica. Keaho ma keaho nakama Berea la ehalono hakaualeꞌa nakakala Paul, kena ipaupau nalauniu kapu la, imakino lakou pela nakakala Paul la ehamaoni.

Acts 26:16

Masiꞌe iluna. Anau ekuu aku imua aꞌoe, maikinimea anau meihilihili aꞌoe iheheaꞌu manau. Aꞌoe meikakala aꞌe naonohenua la namea aꞌoe eꞌike, ia namea anau meihuli aku.

Acts 4:20

Maua selavaa kenoho semuu, ia mekakala nia maua eꞌike ia elono.”

Acts 8:4

Nahakina ana la uo ikaha ma Jerusalem, nokaukaꞌu kelono kaualeꞌa.

Romans 15:16

imea mo kama heheaꞌu Jesus Christ. Ia kena anau ekaukaꞌu aꞌe kelono kaualeꞌa Keakua i nakama enoho pouli, pela Keanana Kapu mehakea naola nakama la imakahua. Pela nakama la mememo hoꞌi kela Keakua ehihai.

1 Corinthians 4:1

Nakama hakoa ikau kemakino laoi pela makou nikama heheaꞌu ma Christ. Kama la ekini makou ihaꞌali aku nakakala Keakua kela ehunaa lia la.

Hebrews 2:3

Ia vahonei, Kealiꞌi ekakala mai penei. Keakua mekonaꞌi nahakina ana la iola. Nakama kela elono nakakala Kealiꞌi la eme mai kakou nakakala la. Ia poi kakou sehalono namea la, kena kakou mehalono lihu oia, selavaa kehasao. Nakakala la ehuli mai nohamaoni penei.

1 Peter 5:1

Anau hihai ikakala aku okou nakama hamakua keloku. Anau hoi hekama hamakua keloku. Ia anau eꞌike Christ keualoko kama la nihalono lihu. Ia keualoko Christ meivaꞌai mai muli, kakou mesuꞌui ma kama la i namahi aia. Ia kena anau ehihai ime aku okou pela,

2 Peter 1:16

Keualoko makou ekakala aku pela Jesus Christ Kealiꞌi kakou la meivaꞌai mai muli ma namahi aia hananiu la, makou sehailavaꞌa nokakala naꞌai nuku laoi. Seai. Emeia makou ehaꞌali aku namahi hamaoni Jesus Christ kela makou niꞌike la.