ᐱᓬᐃᐱᔭᓇᒃ 4:8 - ᐅᒋᐺ ᑭᒋᒪᓯᓇᐃᑲᓐ

⁸ ᒦᓇᐙ ᐃᔥᒀᒡ, ᓂᐐᒋᐅᑌᐺᑕᒨᒪᒃ, ᓈᓈᑲᑕᐌᑕᒧᒃ ᐅᓄ ᑳᑎᓄᐎᐗᑭᓐ, ᐌᑯᓀᓂᑯ ᑳᑌᐺᐗᑫᑖᑾᒃ, ᔑᑾ ᑳᑭᑌᑖᑾᒃ, ᐌᑯᓀᓐ ᐃᑯ ᑳᑾᔭᑾᒃ, ᑲᔦ ᑳᐯᑫᑖᑾᒃ, ᑲᔦ ᑳᒥᓄᓈᑾᒃ, ᑲᔦ ᑳᒥᓍᑐᑌᒃ᙮ ᐌᑯᓀᓐ ᓴ ᑯ ᒥᓄᐃᔑᐌᐱᓯᐎᓐ ᑳᐃᓀᑖᑾᒃ ᑲᔦ ᑳᒥᓄᒋᑫᐗᑫᑖᑾᒃ, ᒦ ᐃᐌ ᐃᔑᓈᑲᑕᐌᑕᒧᒃ᙮

Ojibwe Kihcimasina'ikan

⁸ Miinawaa ishkwaac, niwiiciotepwehtamoomak, naanaakatawentamohk ono kaatinowiwankin, wekonen iko kaatepwewakentaakwahk, shikwa kaakihtentaakwahk, wekonen iko kaakwayahkwahk, kaye kaapehkentaakwahk, kaye kaaminonaakwahk, kaye kaaminwaatotek. Wekonen hsa ko minoishiwepisiwin kaainentaakwahk kaye kaaminohcikewakentaakwahk, mii 'iwe ishinaakatawentamohk.

ᐱᓬᐃᐱᔭᓇᒃ 4:8 Iomraidhean Croise

Cenisihs 18:19

ᐐᓐ ᓴ ᓂᑮ ᐅᓈᐸᒫ ᒋᑭᑭᓄᐎᓈᒡ ᐅᓃᒑᓂᓴᐞ, ᐃᐃ ᑲᔦ ᑫᓂ ᐅᐲᐌᓰᒥᒡ, ᐁᔑ ᐊᑕᐌᑕᒥᓂᒡ ᑳᑎᐯᒋᑫᓂᒡ᙮ ᑾᔭᒃ ᒌᔑᒋᑫᓂᒡ, ᐌᐌᓂ ᑲᔦ ᒋᑑᑖᑫᓂᒡ᙮ ᑮᔥᐱᓐ ᐃᐃ ᐃᔑᒋᑫᓂᒡ, ᒦᑕᔥ ᑲᑭᓇ ᑫᑰᓐ ᒌᔑᒋᑫᐊᒃ ᑳᑮ ᐃᔑ ᐊᔓᑕᒪᐗᒃ ᐁᐸᕒᐊᐋᒻ, ᑮᐃᑭᑐ᙮

2 Saamiyoo 1:23

ᔂᓬ ᔑᑾ ᒞᓇᑕᓐ ᑮᓵᑭᐋᐗᒃ, ᑮᒥᓉᑖᑯᓯᐗᒃ ᑲᔦ ᒣᒀ ᐁᐱᒫᑎᓯᐙᒡ, ᒥᓴᐙ ᑮᓂᐳᐙᒡ ᑫᔮᐱ ᑳᐐᓐ ᑮᐸᑫᐎᓂᑎᓰᐗᒃ᙮ ᓇᐗᒡ ᑮᓇᐃᐗᒃ ᐊᐲᒡ ᒥᑭᓯ, ᓇᐗᒡ ᑲᔦ ᑮᒪᔥᑲᐎᓰᐗᒃ ᐊᐲᒡ ᒥᔑᐱᔒᐗᒃ᙮

2 Saamiyoo 23:3

ᐃᔅᕒᐃᔭᓬᐊᒃ Israel ᓴ ᐅᑭᔐᒪᓂᑑᒥᐙᓐ ᑮᑮᑭᑐᐗᓐ, ᐅᐅ ᐁᑮᐃᔑᒡ ᑳᓈᑕᒪᐙᒡ ᐃᔅᕒᐃᔭᓬᐊᐞ, ᐊᐎᔭ ᓴ ᐌᐌᓂ ᑮᑎᐹᑯᓈᒡ ᐃᓂᓂᐗᐞ, ᐊᐊ ᑲᔦ ᑳᑯᑖᓀᓂᒫᒡ ᑳᑎᐯᓂᒥᐌᓂᒡ ᑭᔐᒪᓂᑑᓐ,

ᑲᑮᑖᐎᑮᔗᐎᓇᓐ 11:1

ᑳᑎᐯᒋᑫᒡ ᐃᓴ ᐅᔒᑫᑖᓇᓐ ᑳᐗᔦᔑᒥᐌᒪᑲᓂᓂᑭᓐ ᑎᐹᐲᔥᑰᒋᑲᓇᓐ᙮ ᐅᒥᓍᐸᑖᓇᓐ ᐃᑕᔥ ᑾᔭᒃ ᑎᓄ ᑎᐹᐲᔥᑰᒋᑲᓇᓐ᙮

ᑲᑮᑖᐎᑮᔗᐎᓇᓐ 12:4

ᑾᔭᒃ ᐁᓈᑎᓯᒡ ᐐᐎᒫ ᓴ ᑎᓄᐎ ᑖᐱᔥᑰ ᑭᒋᐅᑭᒫᐙᓄᒀᓂᕽ ᐌᒋ ᒥᓉᑕᒥᓂᒡ ᐅᓈᐯᒪᓐ᙮ ᐊᐊ ᑕᔥ ᐐᐎᒫ ᑳᐊᑲᒋᐋᒡ ᐅᓈᐯᒪᓐ ᒦ ᐃ ᐁᓀᑖᑯᓯᒡ ᑖᐱᔥᑰ ᐅᑲᓂ ᐋᑯᓯᐎᓐ᙮

ᑲᑮᑖᐎᑮᔗᐎᓇᓐ 20:7

ᑴᔭᒀᑎᓯᒡ ᓴ ᐃᔑ ᐱᒫᑎᓯ ᑫᑰᓐ ᑫᔑ ᐊᓈᒣᑖᑯᓯᓯᒃ, ᐅᓃᒑᓂᓴᐞ ᐃᓴ ᑕᓂ ᔕᐌᑖᑯᓯᐗᐞ᙮

ᑲᑮᑖᐎᑮᔗᐎᓇᓐ 31:10

ᐋᐱᒋ ᓴ ᓴᓇᑲᓐ ᒋᒥᑲᐎᑎᐸᓐ ᓴᓭᑳ ᐐᐎᒫ! ᓇᐗᒡ ᓴ ᐐᓐ ᐃᔥᐯᑖᑯᓯ ᐊᐲᒡ ᐐᓐ ᐃᐃ ᑳᐋᑾᑭᓱᓂᒡ ᒥᔅᒀᐱᑲᓯᓃᐞ ᐅᕒᐆᐱ ᑳᐃᓂᒥᓐᒡ᙮

ᑲᑮᑖᐎᑮᔗᐎᓇᓐ 31:29

ᐹᑏᓄᐗᒃ ᓴ ᓴᓭᑳ ᐐᐎᒫᒃ, ᑮᓐ ᑕᔥ ᒫᐗᒡ ᑭᐹᔑᒋᔥᑲᐙᒃ ᑲᑭᓇ ᐐᐎᒫᒃ᙮

ᑲᑮᑖᐎᑮᔗᐎᓇᓐ 31:31

ᑲᔥᑭᑕᒫᓱ ᐅᔕ ᒋᑎᐸᐊᒪᐎᑎᐸᓐ, ᑎᐸᐊᒪᐎᒃ ᐃᑕᔥ᙮ ᐃᔑᓈᑾᓂᓂ ᑯ ᐁᑕᓱ ᐯᔑᑯᐙᒡ ᐊᐎᔭᒃ ᒋᑭᑌᓂᒫᐙᐸᓐ ᐃᓂ ᐃᑴᐗᓐ᙮

Maahtiyo 22:16

ᐅᑭᑭᓄᐊᒪᐙᑲᓂᐙᐞ ᐃᑕᔥ ᐅᑮᐃᔑᓂᔕᐙᐙᐞ, ᐁᑮ ᑕᑯᐐᒌᐙᓂᒡ ᐋᓂᑕ ᐁᕒᐊᑕᓐ Herod ᑳᐐᒋᐃᑯᓂᒡ᙮ ᒦᑕᔥ ᐁᑮᐃᓈᓂᒡ: ᐅᑭᑭᓄᐊᒫᑫ, ᑭᑭᑫᓂᒥᑰ ᐋᐱᒋ ᐁᓂᑖᑌᐺᔭᓐ, ᑾᔭᒃ ᐁᐃᔑ ᑭᑭᓄᐊᒫᑫᐗᒡ ᑲᔦ ᐋᓃᓐ ᑭᔐᒪᓂᑑ ᑳᔑ ᐊᑕᐌᓂᒫᒡ ᐊᐎᔭᓐ ᒋᐃᔑᐱᒫᑎᓯᓂᒡ, ᑳᐐᓐ ᑲᔦ ᑭᐗᓂᔥᑴᐃᑯᓰᒃ ᐋᓃᓐ ᐊᐎᔭᒃ ᐁᓀᓂᒥᒀ, ᑭᑭᑫᓂᒥᑰ ᑲᔦ ᑲᑭᓇ ᐊᐎᔭ ᐯᔑᑾᓐ ᐁᑑᑕᐗᒡ ᑳᑑᑕᐗᒡ ᐊᐊ ᐯᔑᒃ ᐊᐎᔭ᙮

Maarhk 6:20

ᐊᐊᐌ ᐋᓃᔥ ᐁᕒᐊᑦ ᐅᑮ ᑯᓵᓐ ᐃᓂ ᒞᓇᓐ, ᐁᑮ ᑭᑫᓂᒫᒡ ᑾᔭᒃ ᐁᐃᔑᐌᐱᓯᓂᒡ, ᑲᔦ ᐁᐅᓇᑭᒥᑯᓂᒡ ᐃᓂ ᑭᔐᒪᓂᑑᓐ᙮ ᒦᐃ ᑳᐃᔑ ᑲᓇᐌᓂᒫᒡ᙮ ᐅᑮᒥᓄᑕᐙᓐ ᐃᓂ ᒞᓇᓐ ᐁᐱᓯᑕᐙᒡ᙮ ᐊᐲ ᑕᔥ ᐃᑯ ᐁᓅᑕᐙᒡ, ᑮᒥᑯᔥᑳᑌᑕᒻ᙮

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 16:15

ᒦᑕᔥ ᒋᓴᔅ ᑳᐃᓈᒡ: ᑮᓇᐙ ᐅᔕ ᑳᑲᑴ ᒥᓄᓈᑯᐃᑎᓱᔦᒃ ᐁᓈᓴᒦᐙᒡ ᐯᒫᑎᓯᐙᒡ, ᑭᔐᒪᓂᑑ ᑕᔥ ᐐᓐ ᑭᑭᑫᓂᒥᑯᐙ ᐁᓈᑎᓯᔦᒃ ᑭᑌᐃᐗᕽ᙮ ᐃᐃᐌᓂ ᐅᔕ ᐊᐎᔭᒃ ᑳᑭᒋ ᐃᓀᑕᒧᐙᒡ, ᒦ ᐃᐌᓂ ᑭᔐᒪᓂᑑ ᑳᔒᑫᑕᕽ᙮

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 2:25

ᐯᔑᒃ ᐃᑕᔥ ᐃᓂᓂ ᑮᐊᔮ ᐃᐃᒫ ᒉᕒᐆᓴᓬᐊᒥᕽ, ᓯᒥᔭᓐ Simeon ᐁᔑᓂᑳᓱᒡ᙮ ᑾᔭᒃ ᑮᐃᔑ ᐱᒫᑎᓯ, ᑲᔦ ᑕᔥ ᐁᑮ ᑯᓯᑴᓂᒫᒡ ᑭᔐᒪᓂᑑᓐ᙮ ᐁᑮ ᐲᑑᒡ ᑳᐐ ᐱᒫᒋᐃᒥᓐᒡ ᐃᔅᕒᐃᔭᓬᐊᐞ Israel ᑲᔦ ᑕᔥ ᐁᑮ ᑭᑭᔥᑳᑯᒡ ᑭᔐᒪᓂᑑᓐ ᐅᑕᒑᑯᓂ᙮

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 23:50

ᑮᐊᔮ ᐃᓂᓂ ᒎᓴᑉ Joseph ᐁᑮᐃᔑᓂᑳᓱᒡ᙮ ᑾᔭᒃ ᑮᐃᓂᓃᐎ, ᑲᔦ ᑕᔥ ᑮᒥᓍᑎᓯ, ᐁᑮ ᑕᑾᐱᒡ ᑳᓂᑖ ᐅᓈᑯᓂᑫᓂᒡ᙮

Cwaan 7:18

ᐊᐊᐌ ᐐᓂᑯ ᐃᐃᒫ ᑳᐅᒋᑮᑭᑐᒡ, ᐐᓂᑯ ᐅᓇᑐᓈᓐ ᐅᑭᒋ ᐃᓀᑖᑯᓯᐎᓐ᙮ ᐊᐊᔥ ᐐᓐ ᑳᐊᓄᑮᒡ ᒋᐅᒋᑭᒋ ᐃᓀᑖᑯᓯᓂᒡ ᐃᓂ ᑳᑮᐱ ᐃᔑᓂᔕᐅᑯᒡ, ᒦ ᐗᐊ ᐐᑫ ᒥᓯᐌ ᑳᑾᔭᑯᑌᐺᒡ ᐃᓂᓂ᙮ ᑳᐐᓐ ᑕᔥ ᑫᑰᓐ ᐗᔦᔑᑫᐎᓐ ᐅᑕᔮᓰᓐ ᑳᐃᔑᒋᑫᒡ, ᐅᑮᐃᓈᐞ᙮

ᐃᔑᒋᑫᐎᓇᓐ 10:22

ᒦᔥ ᐅᐅ ᑳᐃᑯᒡ: ᐊᐊᐌ ᓴ ᒀᕒᓃᓬᐃᔭᔅ Cornelius ᔑᒫᑲᓂᔒᐎᑭᒫ ᓂᑮ ᐲᒋᓂᔕᐅᑯᓈᓐ᙮ ᑾᔭᒀᑎᓯ, ᐅᑯᑖᓀᓂᒫᓐ ᑲᔦ ᑭᔐᒪᓂᑑᓐ᙮ ᑲᑭᓇ ᓴ ᒎᐗᐞ ᐅᑭᑌᓂᒥᑰᐞ᙮ ᑭᔐᒪᓂᑑᓐ ᑕᔥ ᐅᑌᒐᓬᐃᒥᓂ ᐅᑮ ᐐᑕᒫᑰᓐ ᒋᐲᔖᐗᒡ ᐅᐙᑳᐃᑲᓂᕽ ᒋᓅᑕᐎᒃ ᐋᓃᓐ ᑫᐃᑭᑐᐗᒡ, ᐅᑮᐃᑰᐞ᙮

ᐃᔑᒋᑫᐎᓇᓐ 22:12

ᐯᔑᒃ ᑕᔥ ᐃᓂᓂ ᐋᓇᓈᔭᔅ Ananias ᐁᔑᓂᑳᓱᒡ, ᑾᔭᒃ ᑳᑮᐊᓇᒥᐁᑕᐙᒡ ᑭᔐᒪᓂᑑᓐ, ᑳᑮ ᑲᓇᐌᑕᕽ ᑲᔦ ᐅᓇᔓᐌᐎᓐ, ᑳᑮ ᑭᑌᓂᒥᑯᒡ ᑲᔦ ᑲᑭᓇ ᒎᐗᐞ ᐃᐃᒫ ᑳᑮᐃᔑᑖᓂᒡ᙮

ᐃᔑᒋᑫᐎᓇᓐ 6:3

ᐊᐤ ᓴ ᓃᒋ ᐅᑌᐺᑕᒨᒃ, ᑮᓇᐙ ᓴ ᐅᓈᐸᒥᑾᒃ ᓃᔣᓱ 7 ᑳᒥᓍᑎᓰᐗᑭᒥᑣ, ᑫᑮᑖᐌᑕᒧᐙᒡ, ᑳᒨᔥᑭᓀᔥᑳᑯᐙᒡ ᑲᔦ ᑭᔐᒪᓂᑑᓐ ᐅᑕᒑᑯᓂ᙮ ᒦᐗᒃ ᐃᑕᔥ ᐃᑭ ᑫᓈᓈᑲᒋᑑᐙᒡ ᐃᐃ ᐊᓄᑮᐎᓐ᙮

ᐅᕒᐆᒪᓇᒃ 13:13

ᑕᑲ ᑕᔥ ᐌᐌᓂ ᐱᒫᑎᓯᑖ, ᒋᐃᔑᒋᑫᔭᕽ ᑳᐃᔑᒋᑫᐙᒡ ᐙᓭᔮᕽ ᑳᐃᔑᑎᐯᑖᑯᓯᐙᒡ᙮ ᑕᑲ ᑳᐐᓐ ᐅᓄᐌᓂᐗᓐ ᑭᑲᐃᔑᒋᑫᓰᒥᓐ: ᐸᐹᑲᑮᐹᒋᒋᑫᐎᓐ, ᒥᓂᑴᐎᓐ, ᐐᓈᑎᓯᐎᓐ, ᐱᔑᒀᒋᒋᑫᐎᓐ, ᑮᑳᑎᐎᓐ, ᐋᔮᔐᓂᑎᐎᓐ᙮

ᐅᕒᐆᒪᓇᒃ 13:3

ᐃᑭ ᑕᔥ ᐌᐌᓂ ᑳᐃᔑᒋᑫᐙᒡ ᑳᐐᓐ ᒣᒬᒡ ᐅᑲᑯᓵᓯᐙᐙᐞ ᐃᐃ ᐊᑮᐎᐅᑭᒫᐞ᙮ ᐃᑭ ᑕᔥ ᑳᓂᑖ ᒪᒫᔒᐙᒡ ᐁᑕ ᐅᑲᑯᓵᐙᐞ᙮ ᑭᓇᑕᐌᑖᒻ ᐃᓇ ᒋᑯᓵᓯᐌᒃ ᐊᐊ ᐊᑮᐎᐅᑭᒫ? ᐃᓇᔥᑫ ᑾᔭᒃ ᐃᔑᒋᑫᒃ, ᒦᑕᔥ ᑫᐃᓂᓀᒃ ᐁᑮᒥᓄᒋᑫᐌᒃ᙮

ᐅᕒᐆᒪᓇᒃ 14:18

ᐊᐎᔭ ᑕᔥ ᐅᐅ ᓇᑫ ᑮᐃᔑᐊᓄᑮᑕᐙᒡ Xᑕᓐ, ᑭᔐᒪᓂᑑᓐ ᐅᒥᓍᐸᒥᑰᓐ, ᐯᒫᑎᓯᓂᒡ ᑲᔦ ᐅᒥᓍᐸᒥᑰᐞ᙮

ᐅᕒᐆᒪᓇᒃ 2:29

ᐊᐊᐌᔥ ᐐᓐ ᐲᒋᓇᐤ ᑳᒎᐎᐎᒡ, ᒦ ᐊᐌ ᑌᐺ ᑳᑎᓄᐎᒡ, ᐅᑌᐃᕽ ᐁᑭᑭᓇᐙᒋᐃᓐᒡ ᐁᑎᐯᓂᒥᑯᒡ ᑭᔐᒪᓂᑑᓐ, ᐅᑕᒑᑯᓂ ᐁᑮᐃᔑᐊᓄᑮᓂᒡ᙮ ᑳᐐᓐ ᑕᔥ ᐐᓐ ᐊᐎᔭ ᐃᐃᐌᓂ ᑳᐅᔑᐲᐃᑳᑌᓂᒃ ᐃᓈᑯᓂᑫᐎᓐ ᐅᑎᔑᐃᑯᓰᓐ᙮ ᐅᒥᓍᐸᒥᑰᐎᓐ ᐊᐊ ᑳᑎᓄᐎᒡ ᑳᐐᓐ ᐃᓂᓃᓈᕽ ᐅᒌᒪᑲᓯᓂᓂ, ᑭᔐᒪᓂᑑᓈᕽ ᐃᓴ ᐅᒌᓂ᙮

1 ᑲᕒᐃᑎᔭᓇᒃ 4:5

ᒦ ᐃ ᑫᑮᓇᐙ, ᑫᑯ ᐅᓵᒻ ᐐᐸ ᐊᓅᒋᑯ ᐃᓀᓂᒫᑫᒃ ᐊᐎᔭ ᐅᑎᔑᒋᑫᐎᓐ ᒋᑆ ᓇᐃᓭᒃ᙮ ᐹᓂᒫ ᐁᑕ ᑕᑯᔑᕽ ᑳᑎᐯᒋᑫᒡ, ᐅᑲᐱᑑᑖᓐ ᐙᓭᔮᕽ ᒋᒧᔐᓈᑾᓂᓂᒃ ᑲᑭᓇ ᑫᑰᓐ, ᒥᓴᐙᑯ ᐗᓂᑎᐱᑲᓄᕽ ᐋᓇ ᑳᑑᓂᒡ ᐊᐎᔭᓐ ᐅᑎᔑᒋᑫᐎᓂᓂ᙮ ᑲᔦ ᐅᑲᑑᑖᓐ ᒋᒧᔐᔮᐸᒋᑳᑌᓂᒃ ᐋᓃᓐ ᐁᓀᑕᒧᐙᒡ ᐊᐌᓀᓇᒃ ᐅᑌᐃᐙᕽ᙮ ᒦ ᐃᐌ ᐊᐲ ᑲᑭᓇ ᐊᐎᔭ ᑫᔑᒥᓍᒋᒥᑯᒡ ᑭᔐᒪᓂᑑᓐ ᐋᓃᓂᑯ ᑳᔑᑲᔥᑭᑕᒫᓱᒡ᙮

2 ᑲᕒᐃᑎᔭᓇᒃ 13:7

ᒦᑕᔥ ᐁᔑᐊᓇᒥᐁᑕᐗᑭᒡ ᑭᔐᒪᓂᑑ ᑮᓇᐙ ᐁᑳ ᓅᒋᑯ ᒋᐃᔑᒋᑫᓯᐌᒃ᙮ ᑳᐐᓐ ᐐᓐ ᐁᐊᑕᐌᑕᒫᕽ ᓂᑕᓄᑮᐎᓂᓈᓐ ᒋᒥᓄᓈᑾᒃ᙮ ᑮᓇᐙ ᓴ ᐌᐌᓂ ᒋᐱᒫᑎᓯᔦᒃ, ᐋᓇ ᒫᐐᓐ ᐃᔑᓈᑯᓯᔮᕽ ᓃᓇᐎᓐᑦ ᐁᑮᑆᓇᐎᒋᑫᔮᕽ᙮

2 ᑲᕒᐃᑎᔭᓇᒃ 6:8

ᓂᑯᑎᕽ ᑕᔥ ᓂᑭᑌᓂᒥᑰᒥᓐ, ᓂᑯᑎᕽ ᑲᔦ ᑳᐐᓐ ᓭᓯᒃ ᓂᑑᑖᑰᓰᒥᓐ, ᓂᑯᑎᕽ ᓅᒋᑯ ᓂᑎᑰᒥᓐ, ᓂᑯᑎᕽ ᑲᔦ ᓂᒥᓄᑕᔑᒥᑰᒥᓐ᙮ ᑖᐱᔥᑰ ᓴ ᐁᑲᑮᓇᐎᔥᑭᔮᕽ ᓂᑑᑖᑰᒥᓐ ᐋᓇᐐᓐ ᐁᑕᔑᑕᒫᕽ ᑌᐺᐎᓐ᙮

2 ᑲᕒᐃᑎᔭᓇᒃ 8:18

ᐅᑎᓯᓀᒃ ᐃᑕᔥ ᐅᑲᐸᑲᒥᐐᒌᐙᓐ ᐃᓂ ᑳᑭᑌᓂᒥᒥᓐᒡ ᑮᑕᓇᒥᐋᓈᓂᓐ᙮ ᓃᓇᐎᓐᑦ ᓴ ᓂᑮᐃᔑᓂᔕᐙᓈᓐ ᐊᐊ ᑮᑕᓇᒥᐋᓈᓐ, ᐋᓃᔥ ᐋᐱᒋ ᑭᑌᓂᒫ ᐃᐃᒫ ᐯᐸᑳᓐ ᑳᐃᔑᒫᐗᒋᐃᑎᐙᒡ ᐅᑌᐺᑕᒨᒃ ᐅᑕᓄᑮᐎᓂᕽ ᐅᒋ ᑲᔦ ᐁᑲᑮᒀᑕᕽ ᒥᓍᒋᒧᐎᓂᓂ᙮

2 ᑲᕒᐃᑎᔭᓇᒃ 8:21

ᒦᑕᔥ ᒫᐗᒡ ᐁᔑᒥᓴᐌᑕᒫᕽ ᑾᔭᒃ ᐁᐐᐃᔑᒋᑫᔮᕽ᙮ ᑳᐐᓐ ᐐᓐ ᐁᑕ ᑳᑎᐯᒋᑫᒡ ᒋᒥᓍᐸᑕᕽ, ᐃᓂᓂᐗᒃ ᓴ ᑲᔦ ᒋᒥᓍᐸᑕᒧᐙᒡ᙮

ᑲᓬᐁᔑᔭᓇᒃ 5:22

ᐃᓂ ᑕᔥ ᑭᔐᒪᓂᑑ ᐅᑕᒑᑾᓐ, ᒦᐗᓄᓄ ᓀᑖᐎᑭᑑᓂᒡ: ᓵᑭᐃᐌᐎᓐ, ᒥᓉᑕᒧᐎᓐ, ᐱᓵᓂᓯᐎᓐ, ᔒᐯᑕᒧᐎᓐ, ᑭᔐᐙᑎᓯᐎᓐ, ᒥᓄᑑᑖᑎᐎᓐ, ᑌᐺᔦᑖᑯᓯᐎᓐ,

ᐃᐲᔑᔭᓇᒃ 4:25

ᐊᐤ ᐃᑕᔥ ᐴᓂᑑᒃ ᑭᑮᐗᓂᒧᐎᓂᐙᓐ! ᑳᑌᐺᔦᑖᑾᒃ ᑕᔥ ᐙᐐᑕᒪᐎᒃ ᑲᑭᓇ ᑳᑕᓱᐯᐯᔑᑯᔦᒃ ᑮᒋᐱᒫᑎᓰᒃ, ᐋᓃᔥ ᑲᑭᓇ ᑳᑕᔑᔭᕽ ᐯᔑᑾᓐ ᑭᑎᔑᑎᐯᑖᑯᓯᒥᓐ᙮

ᐃᐲᔑᔭᓇᒃ 5:9

ᐋᓃᔥ ᑳᐙᓭᔮᒃ ᐅᒋᓂᑖᐎᑮᒪᑲᓅᓐ ᑲᑭᓇ ᑳᐅᓂᔑᔑᒃ ᒥᓄᑑᑕᒧᐎᓐ, ᑾᔭᒀᑎᓯᐎᓐ, ᑌᐺᐎᓐ ᑲᔦ᙮

ᐃᐲᔑᔭᓇᒃ 6:14

ᒪᔥᑲᐎᑳᐸᐎᒃ ᐃᑕᔥ ᐐᑫ, ᐁᑭᒋᐱᓱᔦᒃ ᐃᐃ ᑌᐺᐎᓐ, ᐁᑭᑭᔥᑲᒣᒃ ᑲᔦ ᐃᐃ ᑾᔭᒀᑎᓯᐎᓐ ᑖᐱᔥᑰ ᐃᐃ ᐲᐙᐱᒃ ᔑᒫᑲᓂᔕᒃ ᑳᐱᓯᑲᒧᐙᒡ ᐅᑳᑭᑲᓂᐙᕽ᙮

ᐱᓬᐃᐱᔭᓇᒃ 3:1

ᐅᐌ ᑕᔥ ᐃᔥᒀᒡ ᑭᑎᔑᐐᑕᒪᐎᓂᓂᒻ, ᓃᒋᐅᑌᐺᑕᒨᒃ: ᐅᒋᒌᑫᑕᒧᒃ ᐃᐌ ᐁᔑᐐᒌᐌᒃ ᑳᑎᐯᒋᑫᒡ᙮ ᑳᐐᓐ ᐃᑯᑕᓄ ᓂᑎᓀᑕᓰᓐ ᒦᓇᐙ ᐯᔑᑾᓐ ᒋᐐᑕᒫᓐ ᐃᐃᐌ ᐅᑖᓈᕽ ᑳᑮᐃᔑᐲᐊᒪᐎᓇᑰᒃ, ᓇᐗᒡ ᐃᐃᒫ ᒋᐃᔑᑲᓇᐌᑖᑯᓯᔦᒃ᙮

ᑲᓬᐋᔑᔭᓇᒃ 4:5

ᑲᑮᑖᐐᒃ ᑲᔦ ᐋᓃᓐ ᐁᑑᑕᐌᒀ ᐃᑭ ᑳᑌᐺᑕᓯᒀ, ᐋᐱᒋ ᓴ ᑾᔭᒃ ᐃᓈᐸᒋᑑᒃ ᐃᐃ ᑳᔑᑕᐎᓇᒫᑰᔦᒃ᙮

1 ᑌᓴᓬᐆᓂᔭᓇᒃ 4:12

ᒦ ᐃᐌ ᑭᑲᐃᔑ ᒥᓄᒋᑫᐗᑫᓂᒥᑯᐙᒃ ᐃᑭ ᐁᑳ ᑳᐅᑌᐺᑕᒧᐎᓂᓯᒀ᙮ ᔑᑾ ᑳᐐᓐ ᒣᒬᒡ ᑭᑲᐊᐯᓂᒧᓰᒻ ᐸᑳᓐ ᒥᓂᒌᓐ ᒋᐸᒥᐃᑯᔦᒃ᙮

1 Timahti 2:2

ᐃᑭ ᑲᔦ ᑕᔭᓇᒥᐁᑕᒪᐙᐗᒃ ᑭᒋᐅᑭᒫᒃ, ᑲᑭᓇ ᑲᔦ ᐊᐎᔭᒃ ᑳᑭᑌᑖᑯᓯᐙᒡ, ᐱᓵᓐ ᒋᐅᒋᐱᒫᑎᓯᔭᕽ, ᒥᓯᐌ ᑲᔦ ᒋᐃᔑᐊᓇᒥᐁᐙᑎᓯᔭᑭᐸᓐ ᑲᔦ ᒋᐊᔮᒀᒥᓯᔭᕽ᙮

1 Timahti 3:11

ᒦᓴ ᑕᔥ ᐯᔑᑾᓐ ᐃᓂ ᐐᐎᐙᐞ ᑫᐃᓈᑎᓯᓂᐸᓐ, ᒥᓯᐌ ᑯ ᒋᒥᓍᑎᓯᓂᐸᓐ᙮ ᑳᐐᓐ ᒪᒋᑫᑰᓐ ᑕᓂᑖ ᐋᓂᑯᔮᒋᒧᓰᐗᐞ᙮ ᐌᐌᓂ ᐅᑲᑲᓇᐌᑕᒥᓂ ᐅᐱᒫᑎᓯᐎᓂᓂ, ᒥᓯᐌ ᑲᔦ ᒋᑌᐺᐎᓂᐎᓂᒡ᙮

1 Timahti 3:4

ᔑᑾ ᑾᔭᒃ ᐅᑲᑎᐯᓂᒫᐞ ᐅᑖᐎᓂᕽ ᑳᑕᔑᓂᒡ, ᐁᑲᔥᑭᐋᒡ ᐅᓃᒑᓂᓴᐞ ᒋᐱᓯᑖᑯᒡ, ᐁᑭᒋ ᐃᓀᓂᒥᑯᒡ᙮

1 Timahti 4:12

ᑫᑯ ᐊᐎᔭ ᑭᑲᒪᒋᑑᑖᑯᓰ ᐁᑌᐊᐲᑖᑎᓯᓯᐗᓐ᙮ ᑮᓐ ᐃᑕᔥ ᑲᑴᒥᓄᐃᔑᐌᐱᓯᓐ ᒥᓄᑲᑭᑐᐎᓂᕽ, ᐃᔑᒋᑫᐎᓂᕽ, ᓵᑭᐃᐌᐎᓂᕽ, ᑌᐺᔦᑕᒧᐎᓂᕽ, ᐯᔭᑕᑳᑎᓯᐎᓂᕽ, ᒋᐃᔑᑭᑭᓇᐙᐸᒥᒀ ᑳᐅᑌᐺᑕᒧᐎᓂᐙᒡ᙮

1 Timahti 5:10

ᑕᒥᓍᒋᒫ ᑲᔦ ᐁᓂᑖ ᒥᓄᒋᑫᒡ, ᐁᑮᒥᓄ ᐅᐱᑭᐋᒡ ᐊᐱᓅᒌᔕᐞ, ᐁᑮᒥᓄᐲᑎᑲᓈᒡ ᐲᐎᑌᐞ, ᐁᓂᑖ ᑭᓰᐲᑭᓯᑌᓈᒡ ᐁᐱᒥᐊᔮᓂᒡ ᑭᔐᒪᓂᑑᓐ ᐅᑎᐯᓂᒫᑲᓂᓂ, ᐁᑮᐱᒥᓄᐐᒋᐋᒡ ᑲᔦ ᐃᓂ ᑳᒪᒋᓭᓂᒡ, ᒋᐃᓂᑎᐸᓐ ᑲᔦ ᑲᑭᓇ ᒥᓄᒋᑫᐎᓐ ᐁᑮᑲᑴᑲᔥᑭᑑᒡ᙮ ᒦᓴ ᐊᐌ ᑫᑕᑾᑭᒥᓐᒡ᙮

1 Timahti 5:2

ᐃᑭᔥ ᑲᔦ ᓇᐗᒡ ᑳᑭᑖᑎᓯᐙᒡ ᐃᑴᐗᒃ ᑖᐱᔥᑰ ᐁᐅᒫᒫᒪᑣ ᑭᑲᐃᓀᓂᒫᒃ᙮ ᐃᑭ ᑲᔦ ᑳᐅᔥᑳᑎᓯᐙᒡ ᐃᑴᐗᒃ ᑖᐱᔥᑰ ᐁᐅᑕᐌᒫᒪᑣ; ᒦᐁᑕᑯ ᐯᑲᔭᐄ ᓇᑫ ᑫᔑᓈᓈᑲᑕᐌᓂᒪᑣ᙮

Taitahs 1:8

ᒦ ᓴ ᑕᔥ ᒋᒥᓉᑕᕽ ᒋᐲᑎᑲᓈᒡ ᐊᐎᔭᐞ ᐅᑖᐎᓂᕽ, ᒋᓵᑭᑑᒡ ᑲᔦ ᑳᐅᓂᔑᔑᓂᓂᒃ, ᐌᐌᓂ ᒋᐱᒫᑎᓯᒡ, ᑾᔭᒃ ᑲᔦ ᒋᑑᑕᐙᒡ ᐊᐎᔭᐞ, ᑲᔦ ᑭᔐᒪᓂᑑᓐ ᑳᐃᔑᒥᓉᑕᒥᓂᒡ ᒋᐃᔑᐱᒫᑎᓯᒡ᙮ ᒋᑲᔥᑭᑑᒡ ᑲᔦ ᐐᑫ ᐱᑯ ᒋᑲᓇᐌᓂᑎᓱᒡ ᐋᓃᓐ ᐁᔑᐱᒫᑎᓯᒡ᙮

Taitahs 2:14

ᐐᓐ ᐋᓃᔥ ᑮᐸᑭᑎᓂᑎᓱ ᑮᓇᐎᓐᑦ ᐅᒋ, ᐁᑮᑎᐸᐅᓇᕽ ᐃᐃᒫ ᑲᑭᓇ ᒪᒋᑑᑕᒧᐎᓂᕽ ᒋᐅᒋᑎᐯᑖᑯᓯᓯᐗᕽ, ᑲᔦ ᐁᑮᐯᑭᐋᒡ ᐯᒫᑎᓯᓂᒡ ᐐᓐ ᐃᑯ ᐁᐐᑎᐯᓂᒫᒡ, ᐃᐃ ᒣᓴᐌᑕᒥᓂᒡ ᐁᐐᒥᓄᒋᑫᓂᒡ᙮

Taitahs 2:2

ᑭᑭᓄᐊᒪᐤ ᐊᑭᐌᓯᐗᒃ ᒋᑲᓇᐌᑕᒧᐙᒡ ᐅᑎᔑᒋᑫᐎᓂᐙᓐ, ᒋᓂᑆᑳᐱᒫᑎᓯᐙᒡ, ᑾᔭᒃ ᒋᐃᓀᑕᒧᐙᒡ, ᒋᒪᔥᑲᐎᑌᐺᑕᒧᐙᒡ ᑲᔦ, ᒋᓵᑭᐃᐌᐙᒡ, ᐐᑳ ᑲᔦ ᒋᐸᑭᒌᓯᒀ᙮

Taitahs 2:7

ᑲᑭᓇ ᑕᔥ ᑫᑰᓐ ᑳᐃᔑᒋᑫᔭᓐ, ᐙᐸᑕᐃᐌᓐ ᒋᑭᑭᓇᐙᐸᒋᑳᑌᑭᓐ ᐃᓂ ᑭᒥᓄᒋᑫᐎᓇᓐ, ᒋᑾᔭᑯᓈᑾᑭᓐ ᐃᓂ ᑭᑭᑭᓄᐃᑫᐎᓇᓐ, ᒋᓂᑆᑳᐱᒫᑎᓯᔭᓐ᙮

Taitahs 3:14

ᒦ ᓴ ᐁᔑᓈᑾᓂᓂᒃ ᑭᐐᒋᑌᐺᑕᒨᒥᓈᓂᒃ ᒋᑭᑫᑕᒧᐙᐸᓐ ᒨᔕᒃ ᐃᑯ ᒋᑲᑴᒥᓄᑑᑕᒧᐙᒡ, ᒋᑲᔥᑭᑕᒫᓱᐙᒡ ᑫᑰᓂᓂ ᒋᓅᑌᓭᓯᒀ᙮ ᑳᐐᓐ ᐐᓐ ᐊᓂᔖ ᐱᑯ ᒋᒥᒋᐱᒫᑎᓯᐙᐸᓐ᙮

ᐄᐸᕒᐆᐗᒃ 11:2

ᐅᑌᐺᔦᑕᒧᐎᓂᐙᕽ ᐄᑐᒃ ᒣᐎᔕ ᐃᓂᓂᐗᒃ ᑳᑮᐱᒫᑎᓯᐙᒡ ᐅᑮᐅᒋᒥᓍᐸᒥᑯᐙᓐ ᑭᔐᒪᓂᑑᓐ᙮

ᐄᐸᕒᐆᐗᒃ 13:18

ᑫᑯ ᑕᔥ ᐸᑭᒌᑫᒃ ᒋᐊᓇᒥᐁᑕᒪᐎᔮᕽ᙮ ᐐᑫ ᑲᔦ ᓂᑫᒋᓈᐅᒥᓐ ᐊᐙᒋᑯ ᐸᑮ ᑫᑰᓐ ᑳᐗᓯᑖᐎᓈᑾᒃ ᐁᐊᔮᓯᓄᒃ ᓂᐱᒫᑎᓯᐎᓂᓈᓂᕽ, ᒨᔕᒃ ᑾᔭᒃ ᐁᐊᑕᐌᑕᒫᕽ ᑾᔭᒃ ᒋᐃᔑᒋᑫᔮᕽ᙮

Ciimis 1:27

ᑭᔐᒪᓂᑑ ᑰᓯᓈᓐ ᓴ ᐅᒥᓍᐸᑖᓐ ᐃᐃ ᑎᓄ ᐊᓇᒥᐋᐎᓐ ᑳᐯᑲᓂᓂᒃ, ᑲᔦ ᑕᔥ ᑳᑌᐺᐗᓂᓂᒃ᙮ ᒋᓈᓈᑲᒋᐃᑣ ᑸᐗᔑᔖᓇᒃ, ᐃᑭ ᑲᔦ ᑮᐙᒋᑴᐗᒃ ᑳᑲᒀᑕᑭᑑᐙᒡ, ᐊᐎᔭ ᑲᔦ ᑳᑲᓇᐌᓂᑎᓱᒡ ᒋᐐᓂᔥᑳᑯᓯᒃ ᐊᑮᐎ ᐱᒫᑎᓯᐎᓐ᙮

Ciimis 3:17

ᐃᐃ ᑕᔥ ᑲᑮᑖᐌᑕᒧᐎᓐ ᐃᔥᐱᒥᕽ ᑳᐅᒌᒃ ᒫᐗᒡ ᐯᑫᑖᑾᓐ᙮ ᒦ ᐃᒫ ᐌᒌᒃ ᐱᓵᓀᑕᒧᐎᓐ, ᓵᑭ ᐐᒌᑎᐎᓐ, ᑰᐹᑌᓂᒥᐌᐎᓐ, ᒥᓋᓄᑮᐎᓇᓐ, ᑌᐺᐎᓐ ᑲᔦ, ᑳᐐᓐ ᑲᔦ ᐊᐎᔭ ᐅᒋ ᐸᑳᓀᓂᒫᓰ᙮

1 Piitar 1:22

ᐃᓇᔥᑫ ᑕᔥ ᓅᑯᒻ ᑭᑑᒋᐯᑭᐃᑎᓱᒻ ᐁᓇᐃᑕᒣᒃ ᐃᐃ ᑌᐺᐎᓐ, ᒦᑕᔥ ᐃᐃ ᐌᐌᓂ ᑳᐅᒋᓵᑭᐁᒀ ᑮᒋᐅᑌᐺᑕᒨᒥᐙᒃ᙮ ᐐᑫ ᓴ ᓵᑭᐃᑎᒃ, ᒥᓯᐌ ᐱᑯ ᑭᑌᐃᐙᕽ᙮

1 Piitar 2:12

ᐋᐱᒋ ᑕᔥ ᑾᔭᒃ ᐃᔑᐱᒫᑎᓯᒃ ᑳᐃᔑᐊᔮᐙᒡ ᐃᑭ ᑳᑌᐺᑕᓯᒀ, ᐋᓇᐐᓐ ᐁᐃᓂᓀᒀ ᐁᒪᒋ ᐃᔑᐌᐱᓯᔦᒃ᙮ ᐃᓇᔥᑫ ᓴ ᐅᑲᓂᓯᑕᐎᓈᓈᐙᓐ ᐃᓂ ᑭᑎᔑᒋᑫᐎᓂᐙᓐ ᑳᐅᓂᔑᔑᓂᓂᑭᓐ, ᒦᑕᔥ ᑫᔑᒦᑴᒋᐌᓂᒫᐙᒡ ᑭᔐᒪᓂᑑᓐ ᐊᐲ ᑮᔑᑲᓂᓂᒃ ᐐᐱ ᐊᑕ ᑎᐹᑯᓂᐌᓂᒡ᙮

1 Piitar 4:8

ᒫᐗᒡ ᐃᑕᔥ ᐃᑯ ᐅᐅ ᐃᔑᒋᑫᒃ, ᐋᐱᒋ ᓴ ᓵᑭᐐᒌᑎᒃ, ᐋᓃᔥ ᒦ ᐃᒫ ᓵᑭᐃᐌᐎᓂᕽ ᐁᔑᐊᑯᓈᑾᑭᓐ ᑳᐹᑎᓇᑎᑭᓐ ᒪᒋᑑᑕᒧᐎᓇᓐ᙮

2 Piitar 3:1

ᑳᓵᑭᐃᓇᑰᒃ, ᒦ ᓴ ᐃ ᐅᐌ ᐋᔕ ᓃᔑᕽ 2 ᐁᐅᔑᐲᐊᒪᐎᓇᑰᒃ᙮ ᒦ ᓴ ᑕᔥ ᑳᑮᐅᒋ ᐅᔑᐲᐊᒪᐎᓇᑰᒃ ᓃᔣ ᒋᒫᒥᑲᐙᒥᓇᑰᒃ ᒋᐊᒪᒋᑑᔮᓐ ᑭᓈᓈᑲᑕᐌᑕᒧᐎᓂᐙᓐ ᑾᔭᒃ ᒋᐃᓀᑕᒣᒃ᙮

1 Cwaan 3:18

ᑳᐅᓃᒑᓂᓯᒥᓇᑰᒃ, ᑕᑲ ᑳᐐᓐ ᐐᓐ ᐁᑕ ᑭᑎᑭᑐᐎᓂᓈᓂᕽ ᑭᑲᐅᒋᓵᑭᐃᐌᓰᒥᓐ, ᑳᐐᓐ ᑲᔦ ᑭᑲᒥᒋᑕᔑᑕᓰᒥᓐ; ᑭᑲᑑᑖᒥᓐ ᓴ ᒋᓈᑾᒃ ᑌᐺ ᓵᑭᐃᐌᐎᓐ᙮

1 Cwaan 3:3

ᑲᑭᓇ ᑕᔥ ᐊᐎᔭ ᐅᐅ ᑳᔑᐊᐯᓂᒧᓄᑕᐙᒡ, ᐃᔑᐯᑭᐃᑎᓱ ᑖᐱᔥᑰ ᑳᔑᐯᑫᑖᑯᓯᓂᒡ Xᑕᓐ᙮

1 Cwaan 4:1

ᑳᓵᑭᐃᓇᑰᒃ, ᑫᑯ ᑌᐺᑕᐙᑫᒀᓂᒃ ᑲᑭᓇ ᑳᐃᑭᑐᐙᒡ ᐁᑭᑭᔥᑳᑯᐙᒡ ᑭᔐᒪᓂᑑᓐ ᐅᑕᒑᑯᓂ᙮ ᐊᑕᑭᑫᓂᒥᑯᒃ ᑕᑲ ᑭᔐᒪᓂᑑᕽ ᒋᐅᒌᓂᑴᓐ ᐃᓂ ᐊᒑᑾᓐ ᑳᑭᑭᔥᑲᐙᐙᒡ᙮ ᐋᓃᔥ ᐹᑏᓄᐗᒃ ᑳᐃᓍᓂᑎᓱᐙᒡ ᐁᑮᑭᑑᑕᒪᐙᐙᒡ ᑭᔐᒪᓂᑑᓐ, ᒥᓯᐌ ᐁᐃᔖᐙᒡ ᐅᐅᒫ ᐊᑮᕽ᙮

Oroot 3:11

ᐅᕒᐆᑦ ᑫᑯ ᑕᔥ ᓭᑭᓯᑫᓐ, ᓂᑲ ᐃᔑᒋᑫ ᓴ ᐋᓃᓐ ᑳᔑ ᑲᑴᒋᒥᔭᓐ᙮ ᑲᑭᓇ ᑲᔦ ᐯᒫᑎᓯᐙᒡ ᐅᐅᒫ ᐆᑌᓈᕽ ᑭᑭᑫᓂᒥᑰᒃ ᐐᑫ ᐁᓴᓭᑳ ᐃᑴᐎᔭᓐ᙮