ᐱᓬᐃᐱᔭᓇᒃ 4:7 - ᐅᒋᐺ ᑭᒋᒪᓯᓇᐃᑲᓐ

⁷ ᑭᑲᐅᑎᓯᑯᒻ ᐅᐱᓵᓀᑕᒧᐃᐌᐎᓐ ᑭᔐᒪᓂᑑ, ᐗᐐᑫ ᑳᐸᑭᓈᑫᒪᑲᓂᓂᒃ ᐁᔑᐊᔮᒃ ᑭᑭᑫᑕᒧᐎᓂᓈᓐ᙮ ᑭᑲᔑᑲᓇᐌᑕᒫᑯᒻ ᑭᑌᐃᐙᕽ ᑲᔦ ᑭᓈᑲᑕᐌᒋᑲᓂᐙᕽ, ᐁᑳ ᑫᑰᓐ ᐃᐃᒫ ᒋᐃᔑᓭᓯᐌᒃ ᐁᐐᒌᐌᒃ X ᒋᓴᔅ᙮

Ojibwe Kihcimasina'ikan

⁷ Kikaotihsikom opisaanentamo'iwewin Kishemanitoo, wawiinke kaapahkinaakemakaninik eshiayaak kikihkentamowininaan. Kikashikanawentamaakom kite'iwaank kaye kinaakatawencikaniwaank, ekaa kekoon i'imaa ci‑ishihsehsiwek e'wiiciiwek Christ Ciisahs.

ᐱᓬᐃᐱᔭᓇᒃ 4:7 Iomraidhean Croise

Niiyamaaya 8:10

ᒦᑕᔥ ᓃᔭᒫᔭ ᑳᐃᓈᒡ ᐯᒫᑎᓯᓂᒡ, ᒫᒑᒃ ᐊᓂ ᑮᐌᒃ, ᐊᐎ ᐐᑾᑎᒃ᙮ ᐊᐎ ᒦᒋᒃ ᑳᐅᓂᔑᔑᒃ ᒦᒋᒻ, ᐊᐎ ᒥᓂᑴᒃ ᑲᔦ ᑳᔒᐙᑲᒥᕽ᙮ ᑕᑾᐆᓂᑰᒃ ᓴ ᐃᑭ ᒪᔑ ᑳᑮᔒᓯᒀ᙮ ᓅᑯᒻ ᐋᓃᔥ ᑳᑮᔑᑲᒃ ᒦ ᐃ ᐁᔑ ᑮᔑᑲᒃ ᐁᑭᑌᑖᑯᒋᑳᑌᒃ ᑳᑎᐯᒋᑫᒡ ᐅᒋ᙮ ᑫᑯ ᑕᔥ ᒫᓀᑕᑫᒃ; ᐃᐃᐌ ᓴ ᒌᑫᑕᒧᐎᓐ ᑳᒦᓂᓀᒃ ᑳᑎᐯᒋᑫᒡ, ᒦ ᓴ ᐃᐌ ᑫᒪᔥᑲᐎᓰᔥᑳᑯᐌᒃ᙮

Nikamonan 85:8

ᓂᑲ ᓅᑕᐙ ᓴ ᓃᓐ ᑭᔐᒪᓂᑑ ᑳᑎᐯᒋᑫᒡ ᑫᐃᑭᑐᒡ; ᐌᐌᓂ ᓴ ᐅᑲᓅᓈᐞ ᐅᐱᒫᑎᓰᒪᐞ ᐁᐊᔓᑕᒪᐙᒡ ᐱᓵᓂᓯᐎᓐ, ᑌᐱᓇᐌᐎᓯᒡ᙮ ᑫᑯ ᑕᔥ ᑕᐃᔑᒋᑫᓰᐗᐞ ᒋᑮᐌᓄᑕᒥᓂᒡ ᐅᑲᑮᐹᑎᓯᐎᓂᓂ᙮

ᑲᑮᑖᐎᑮᔗᐎᓇᓐ 2:11

ᓂᓯᑕᐌᑕᒧᐎᓐ ᓴ ᑭᑲ ᓈᑕᒫᑯᓐ, ᓂᓯᑐᑕᒧᐎᓐ ᑲᔦ ᑭᑲ ᑲᓇᐌᓂᒥᑯᓐ᙮

ᑲᑮᑖᐎᑮᔗᐎᓇᓐ 4:6

ᑫᑯ ᑕᔥ ᓇᑲᑕᑫᓐ ᑲᑮᑖᐌᑕᒧᐎᓐ, ᑭᑲ ᓈᑕᒫᑯᓐ ᐅᔕ᙮ ᓵᑭᑑᓐ, ᐌᐌᓂ ᑕᔥ ᑭᑲ ᓈᓈᑲᒋᐃᑯᓐ᙮

ᑲᑮᑖᐎᑮᔗᐎᓇᓐ 6:22

ᐅᑭᑭᓄᐊᒫᑫᐎᓂᐙᓐ ᑭᑲ ᐐᒋᐃᑯᓇᓐ ᑮ ᐱᒥᐊᔮᔭᓐ, ᑭᑲ ᑲᓇᐌᓂᒥᑯᓐ ᑮᑎᐱᑳᒃ, ᑭᑲ ᑭᑭᓄᐎᓂᑯᓐ ᑲᔦ ᑮᑮᔑᑳᒃ᙮

Aaiseya 45:7

ᓃᓐ ᐅᔕ ᓂᑮ ᐅᔑᑑᓐ ᑳᐙᓭᔮᒃ, ᑳᑲᔥᑮᑎᐱᑲᒃ ᑲᔦ᙮ ᓃᓐ ᑲᔦ ᓂᑲᔥᑭᑑᓐ ᒋᔕᐌᓂᒥᐌᔮᓐ, ᒋᓂᔑᐗᓈᒋᒋᑫᔮᓐ ᑲᔦ᙮ ᓃᓐ ᑳᑎᐯᒋᑫᔮᓐ ᓂᑲᔥᑭᑑᓐ ᐅᓄ ᑲᑭᓇ ᒋᐃᔑᒋᑫᔮᓐ᙮

ᐊᑭᑖᓱᓇᓐ 6:26

ᑕᑲ ᑲᔦ ᑳᑎᐯᒋᑫᒡ ᑭᑲ ᒥᓍᐸᒥᑯᐙ, ᑭᑲ ᒦᓂᑯᐙ ᑲᔦ ᐱᓵᓂᓯᐎᓐ᙮

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 1:79

ᑕᓵᑳᑌᓇᒪᐙᐗᒃ ᓴ ᐃᑭ ᑳᐃᔑ ᐱᒫᑎᓯᐙᒡ ᑳᔑ ᑲᔥᑮᑎᐱᑲᓂᓂᒃ, ᑳ ᐊᔮᐙᒡ ᑲᔦ ᑳᐃᔑ ᐋᑲᐙᑌᓯᓂᓂᒃ ᓂᐳᐎᓐ, ᑲᔦ ᑕᔥ ᒋᑭᑭᓄᐎᓂᑯᔭᕽ ᒦᑲᓇ ᑳᐃᓇᒧᒃ ᐯᔭᑕᑫᓂᒧᐎᓂᕽ᙮

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 2:14

ᑕᐐᑭᒋ ᐃᓀᑖᑯᓯ ᑭᔐᒪᓂᑑ ᑭᒋᑮᔑᑯᕽ ᒫᐗᒡ ᐃᔥᐱᒥᕽ, ᑕᒦᓂᑰᐎᓯᐗᒃ ᑲᔦ ᐱᓵᓂᓯᐎᓐ ᐃᑭ ᐊᑮᕽ ᐁᔮᐙᒡ, ᐊᐌᓀᓇᓐ ᐃᓴ ᐱᑯ ᑭᔐᒪᓂᑑ ᑫᒥᓍᐸᒫᒡ, ᑮᐃᑭᑐᐗᓐ᙮

Cwaan 14:27

ᐱᓵᓀᑕᒧᐎᓐ ᑭᓇᑲᑕᒪᐎᓂᓂᒻ᙮ ᓃᓐ ᐃᐃ ᓂᐱᓵᓀᑕᒧᐎᓐ ᑳᒦᓂᓇᑰᒃ᙮ ᑳᐐᓐ ᐐᓐ ᐃᐃ ᑳᔑᒦᓂᓇᑰᒃ ᑳᔑᐱᓵᓂᐃᑎᐙᒡ ᐅᐅᒫ ᐊᑮᕽ᙮ ᑫᑯ ᑕᔥ ᒥᑯᔥᑳᑌᑕᑫᒃ, ᑫᑯ ᑲᔦ ᓭᑭᓯᑫᒃ᙮

Cwaan 16:33

ᒦ ᐅᐌ ᑭᑮᐃᔑᐐᑕᒪᐎᓂᓂᒻ, ᓃᓐ ᐃᐃᒫ ᒋᐅᑎᓇᒣᒃ ᐱᓵᓀᑕᒧᐎᓐ ᐁᐐᒌᐎᓇᑰᒃ᙮ ᐅᐅᒫ ᐊᑮᕽ ᑳᐊᔮᔦᒃ ᑭᑑᑎᓈᒻ ᐅᒑᓂᒣᑕᒧᐎᓐ᙮ ᐊᐤ ᐊᐯ ᒪᔥᑲᐌᑕᒧᒃ! ᐋᔕ ᓃᓐ ᓂᑮᔖᑰᒋᑑᓐ ᑲᑭᓇ ᐃᐌ ᐊᑮᕽ ᑳᐊᔮᒃ ᑲᔥᑭᐁᐎᓯᐎᓐ, ᐅᑮᐃᓈᐞ᙮

ᐅᕒᐆᒪᓇᒃ 1:7

ᒦ ᓴ ᐅᐌ ᑭᑑᔑᐲᐊᒪᐎᓂᓂᒻ ᑮᓇᐙ ᑲᑭᓇ ᐃᐃᒫ ᐅᕒᐆᒥᕽ Rome ᑳᐊᔮᔦᒃ, ᑭᔐᒪᓂᑑ ᑳᓵᑭᐃᓀᒃ, ᑳᑮᐊᑐᒥᓀᒃ ᐅᐱᒫᑎᓰᒪᐞ ᒋᐃᓇᑭᒥᑰᐎᓯᔦᒃ᙮ ᒫᓄ ᐅᑭᔐᐙᑎᓯᐎᓂᕽ ᑲᔦ ᐅᐱᓵᓀᑕᒧᐃᐌᐎᓐ ᑭᑲᒦᓂᑯᐙ ᑭᔐᒪᓂᑑ ᑭᑌᑌᓈᓐ, ᐊᐊ ᑲᔦ ᑳᑎᐯᓂᒥᓇᕽ ᒋᓴᔅ X᙮

ᐅᕒᐆᒪᓇᒃ 14:17

ᐃᐃᐌ ᓴ ᑮᑕᔑᑌᓂᒃ ᐋᓃᓐ ᑭᔐᒪᓂᑑ ᐁᔑᐅᑭᒫᑲᑕᐎᓇᕽ, ᑳᐐᓐ ᐐᓐ ᐋᓃᓐ ᑫᐃᓇᒋᑫᔭᕽ, ᐋᓃᓐ ᑲᔦ ᑫᔑᒥᓂᑴᔭᕽ ᑳᑕᔑᑌᒃ, ᐃᐃᐌ ᐅᔕ ᑳᐃᒋᑳᑌᒃ, ᑮᐃᔑᒋᑫᓈᓂᐗᕽ ᑭᔐᒪᓂᑑ ᑳᒥᓍᐸᑕᕽ, ᐱᓵᓐ ᑲᔦ ᒋᐐᒌᐗᕽ ᑭᔐᒪᓂᑑ, ᒥᓉᑕᒧᐎᓂᓂ ᑲᔦ ᑳᒦᓂᒥᓇᕽ ᑭᔐᒪᓂᑑ ᐅᑕᒑᑾᓐ᙮

ᐅᕒᐆᒪᓇᒃ 15:13

ᑕᑲ ᑭᔐᒪᓂᑑ ᑳᒦᑭᐌᒡ ᐊᐯᓂᒧᐎᓐ, ᑭᑲᒨᔥᑭᓀᒦᓂᑯᐙ ᒌᑫᑕᒧᐎᓐ, ᐱᓵᓂᓯᐎᓐ ᑲᔦ ᑳᔑᑌᐺᑕᐌᒃ᙮ ᑭᔐᒪᓂᑑ ᓴ ᐅᑕᒑᑾᓐ ᐅᒪᔥᑲᐎᓰᐎᓂᓃᕽ ᑭᑲᐅᒋᐐᒌᐎᑯᐙ, ᑭᑕᐯᓂᒧᐎᓂᐙ ᒨᔕᒃ ᒋᓂᐌᓅᑕᒃ᙮

ᐅᕒᐆᒪᓇᒃ 5:1

ᐅᐅᐌ ᑕᔥ ᐋᔕ ᑳᐃᔑᒋᑫᐃᓇᕽ ᑭᔐᒪᓂᑑ ᐁᑮᑌᐺᑕᐗᕽ ᐁᑮᐃᔑᐃᓇᕽ ᑾᔭᒃ ᒋᒥᓄᐐᒌᐗᕽ, ᓅᑯᒻ ᐱᓵᓀᑕᒧᐎᓂᕽ ᑭᑎᔑᐐᒌᐙᓈᓐ ᑭᔐᒪᓂᑑ, ᐊᐊᐌ ᑕᔥ ᑳᑎᐯᓂᒥᓇᕽ ᒋᓴᔅ X ᑳᑮᐃᔑᒋᑫᐃᓇᕽ᙮

ᐅᕒᐆᒪᓇᒃ 8:6

ᐊᐎᔭ ᐃᔑᐅᓈᑲᑕᐌᒋᑲᓂᒡ ᐃᐃ ᑫᑌᐃᓈᑎᓯᐎᓐ ᑳᐃᔑᐊᔮᒪᑲᒃ, ᒦᔥ ᐃᐃᐌ ᐱᒌᓇᒃ ᒋᓂᐳᐎᓂᐗᕽ᙮ ᐊᐎᔭ ᑕᔥ ᑳᐃᔑᐅᓈᑲᑕᐌᒋᑲᓂᒡ ᑭᔐᒪᓂᑑᓐ ᐅᑕᒑᑯᓂ ᑳᐃᔑᐊᑕᐌᑕᒥᓂᒡ, ᒦ ᐃᒫ ᑕᐅᒌᒪᑲᓐ ᐱᒫᑎᓯᐎᓐ, ᐱᓵᑌᑕᒧᐎᓐ ᑲᔦ᙮

2 ᑲᕒᐃᑎᔭᓇᒃ 10:5

ᓂᑲᓂᔑᐗᓈᒋᑑᒥᓐ ᑲᔦ ᐃᓂ ᒪᒋᑮᑳᑎᐎᓇᓐ᙮ ᐃᓂ ᓴ ᑲᔦ ᓂᑲᐲᑯᓈᒥᓐ ᑳᑭᒋ ᐃᓀᓂᑎᓲᒪᑲᑭᓐ ᑫᑰᓇᓐ ᑳᒦᑖᑴᔥᑳᑫᒪᑲᑭᓐ ᒋᑭᑫᓂᒫᓯᐎᓐᒡ ᑭᔐᒪᓂᑑ, ᑲᑭᓇ ᑲᔦ ᐃᓀᑕᒧᐎᓇᓐ ᓂᑭᒋᐎᓈᒥᓐ X ᒋᓇᐃᑖᑯᒡ᙮

2 ᑲᕒᐃᑎᔭᓇᒃ 13:11

ᐴᔔ ᑕᔥ ᑭᑎᓂᓂᓂᒻ ᓃᒋᑌᐺᑕᒨᒃ! ᐐᑫ ᓴ ᑾᔭᒃ ᑲᑴᑾᔭᒀᑎᓯᒃ! ᐱᓯᑕᒧᒃ ᑳᐃᑭᑐᔮᓐ᙮ ᐌᐌᓂ ᑲᔦ ᐱᓯᑖᑎᒃ ᐋᓃᓐ ᐁᑭᑐᔦᒃ᙮ ᐌᐌᓂ ᑲᔦ ᐐᒌᑎᒃ᙮ ᑭᔐᒪᓂᑑ ᓴ ᑳᓵᑭᐃᐌᒡ, ᑳᒦᑭᐌᒡ ᑲᔦ ᐱᓵᓂᓯᐎᓐ ᑭᑲᐐᒌᐎᑯᐙ!

ᑲᓬᐁᔑᔭᓇᒃ 5:22

ᐃᓂ ᑕᔥ ᑭᔐᒪᓂᑑ ᐅᑕᒑᑾᓐ, ᒦᐗᓄᓄ ᓀᑖᐎᑭᑑᓂᒡ: ᓵᑭᐃᐌᐎᓐ, ᒥᓉᑕᒧᐎᓐ, ᐱᓵᓂᓯᐎᓐ, ᔒᐯᑕᒧᐎᓐ, ᑭᔐᐙᑎᓯᐎᓐ, ᒥᓄᑑᑖᑎᐎᓐ, ᑌᐺᔦᑖᑯᓯᐎᓐ,

ᐃᐲᔑᔭᓇᒃ 3:19

ᑫᑫᑦ ᑲᔦ ᒋᑭᑫᑕᒧᐌᒃ X ᐅᓵᑭᐃᐌᐎᓐ, ᐐᑳ ᑫᑌᐱᑭᑫᒋᑳᑌᓯᓂᓂᒃ, ᒋᒨᔥᑭᓀᔥᑳᑯᐌᒃ ᑲᔦ ᑲᑭᓇ ᑭᔐᒪᓂᑑ ᐅᑎᓈᑎᓯᐎᓐ ᐁᔑᒨᔥᑭᓀᐌᑖᑾᓂᓂᒃ᙮

ᐱᓬᐃᐱᔭᓇᒃ 1:1

ᓃᓇᐎᓐᑦ ᑆᓬ Paul ᑲᔦ ᑎᒪᑎ Timothy ᐅᑕᓄᑮᐋᑲᓇᐞ X ᒋᓴᔅ᙮ ᑮᓇᐙ ᑭᑑᔑᐲᐊᒫᑰᒻ ᐃᐃᒫ ᐱᓬᐃᐹᐃ Philippi ᐆᑌᓈᕽ ᑳᐊᔮᔦᒃ, ᑮᓇᐙ ᑭᔐᒪᓂᑑ ᐅᐱᒫᑎᓰᒪᐞ ᑳᐐᒌᐌᒃ X ᒋᓴᔅ, ᑕᑯ ᑲᔦ ᐃᑭᐌᓂᐗᒃ ᐅᓃᑳᓂᓰᒃ ᑲᔦ ᐅᐐᒋᐃᐌᒃ ᓂᑑᔑᐲᐊᒪᐙᓈᓂᒃ᙮

ᐱᓬᐃᐱᔭᓇᒃ 1:2

ᔕᐌᑖᑯᓯᐎᓐ ᑲᔦ ᐱᓵᓀᑕᒧᐎᓐ ᑭᑲᐅᒌᑕᒫᑯᐙ ᑭᔐᒪᓂᑑ ᐊᐌ ᑰᓯᓈᓐ ᑲᔦ ᑳᑎᐯᒋᑫᒡ ᒋᓴᔅ X᙮

ᐱᓬᐃᐱᔭᓇᒃ 4:19

ᔑᑾ ᑲᑭᓇ ᑮᓇᐙ ᑫᔑᓅᑌᓭᔦᒃ ᑭᑲᐅᒌᑕᒫᑯᐙ ᓂᑭᔐᒪᓂᑑᒻ, ᐃᐃᒫ ᒋᐅᒌᒪᑲᓂᓂᒃ ᐁᐅᓂᔑᔑᓂᓂᒃ ᐅᐌᓅᑎᓯᐎᓐ, ᐃᐃᒫ ᑳᐊᔮᒪᑲᓂᓂᒃ X ᒋᓴᔅ ᐁᐊᔮᒡ᙮

ᐱᓬᐃᐱᔭᓇᒃ 4:21

ᑲᑭᓇ ᑕᐴᔔᐋᐗᒃ ᑭᔐᒪᓂᑑ ᐅᐱᒫᑎᓰᒪᐞ ᐃᑭᐌᓂᐗᒃ X ᒋᓴᓲᓐ ᑳᑎᐯᓂᒥᑯᐙᒡ᙮ ᑲᔦ ᐅᐐᒋᑌᐺᑕᒨᒫᒃ ᐅᐅᒫ ᑳᐐᒋᐊᔮᒥᐙᒡ ᑫᐐᓇᐙ ᑭᐴᔔᐃᑯᐙᒃ᙮

ᐱᓬᐃᐱᔭᓇᒃ 4:9

ᑲᑴᓂᑖᑑᑕᒧᒃ ᐌᑯᓀᓐ ᐃᑯ ᑳᑮᑭᑭᓄᐊᒫᑰᔦᒃ ᑲᔦ ᑳᑮᒦᓂᑰᔦᒃ, ᑫᒫ ᑳᑮᐱᓯᑕᐎᔦᒃ ᑫᒫ ᑲᔦ ᑳᑮᐃᔑᐙᐸᒥᔦᒃ ᓃᓐ ᐁᑑᑕᒫᓐ᙮ ᑭᑲᐃᔑᐐᒌᐎᑯᐙ ᐊᐌ ᑭᔐᒪᓂᑑ ᐊᐌ ᑳᐱᓵᓀᑕᒧᐃᓇᕽ᙮

ᑲᓬᐋᔑᔭᓇᒃ 3:15

ᑕᑲ ᐱᓵᓂᐐᒌᑎᐎᓐ X ᑳᒦᓂᓀᒃ ᑭᑲᑭᑭᓄᐎᓂᑯᐙᒻ ᐃᐃᒫ ᑭᑌᐃᐙᕽ; ᒦᑕᔥ ᐅᐅᒫ ᑫᐅᒋᐅᓀᑕᒣᒃ ᐋᓃᓐ ᐙᐃᔑᒋᑫᔦᒃ᙮ ᐋᓃᔥ ᑲᑭᓇ ᑭᑮᐊᑐᒥᑯᐙ ᑭᔐᒪᓂᑑ ᒋᐯᔑᑴᑖᑯᓯᔦᒃ ᐃᐃᒫ ᐐᔭᐎᒫᕽ ᒋᐱᓵᓂᐐᒌᑎᔦᒃ᙮ ᒨᔕᒃ ᐃᑕᔥ ᐃᑯ ᒦᑴᒋᐌᑕᒧᒃ!

2 ᑌᓴᓬᐆᓂᔭᓇᒃ 3:16

ᐊᐊ ᑳᑎᐯᒋᑫᒡ ᑳᓂᑖ ᒦᑭᐌᒡ ᑯᔥᒀᐙᑌᑕᒧᐎᓐ, ᐐᓐ ᐃᑯ ᑎᐱᓇᐌ ᑭᑲᒦᓂᑯᐙ ᒨᔕᒃ, ᐋᓃᓂᑯ ᐁᔑᐌᐱᓯᕽ᙮ ᑳᑎᐯᒋᑫᒡ ᑲᑭᓇ ᑭᑲᐐᒌᐎᑯᐙ᙮

ᐄᐸᕒᐆᐗᒃ 13:20

ᑭᔐᒪᓂᑑ ᐅᔕ ᐅᑮᑮᐌᐱᒫᑎᓰᐋᓐ ᑳᑎᐯᒋᑫᓂᒡ ᒋᓴᓲᓐ ᑳᑮᓂᓯᒥᓐᒡ᙮ ᒦᐗᓂᓂ ᑳᑭᒋ ᐃᓀᑖᑯᓯᓂᒡ ᐁᑲᓇᐌᓂᒫᓂᒡ ᐃᐃ ᐅᒫᓇᒑᓂᔑᒥᓂ, ᐋᓃᔥ ᒋᓴᓲᓐ ᐅᑮᐸᑭᑎᓇᒥᓂ ᐅᒥᔅᑸᒥᓂ, ᑳᐅᒋᐋᔩᒋᓯᓂᓂᒃ ᐃᐃ ᑭᔐᒪᓂᑑ ᑳᑮᐃᔑ ᓀᐱᒋ ᐊᔓᑕᒫᑫᒡ᙮ ᑕᑲ ᑭᔐᒪᓂᑑ ᑳᒦᓂᓇᕽ ᐱᓵᓐ ᒋᐱᒫᑎᓯᐗᕽ,

Coot 1:1

ᓃᓐ ᒎᑦ Jude ᒋᓴᔅ X ᐅᑕᓄᑮᐋᑲᓇᓐ᙮ ᒌᒥᔅ James ᐃᔑᓂᑳᓱ ᓃᒋᑭᐌᓯ᙮ ᑭᑑᔑᐲᐊᒪᐎᓂᓂᒻ ᑲᑭᓇ ᑮᓇᐙ ᑳᔭᑐᒥᓀᒃ, ᑳᓵᑭᐃᓀᒃ ᑲᔦ ᑭᔐᒪᓂᑑ ᑳᐅᔫᓯᒥᓐᒡ, ᒋᓴᔅ X ᐃᑕᔥ ᑳᑲᓇᐌᓂᒥᓀᒃ᙮

ᑭᑫᑕᒨᔑᐌᐎᓐ 1:4

ᓃᓐ ᒞᓐ ᓂᑑᔑᐲᐊᒪᐙᒃ ᐃᑭ ᐅᑌᐺᑕᒨᒃ ᐃᒫ ᑳᑕᔑᒫᒫᐗᒋᐃᑎᐙᒡ ᐁᓃᔣᒋᑭᓐ 7 ᐆᑌᓇᐗᓐ ᐁᔖᐗᑮᕽ Asia᙮ ᔕᐌᓂᒥᑰᐎᓐ ᑲᔦ ᐱᓵᓀᑕᒧᐎᓐ ᑭᑲᐅᒌᑕᒫᑯᐙ ᐊᐊ ᑭᔐᒪᓂᑑ ᐅᒫ ᓅᑯᒻ ᑳᐊᔮᒡ ᑲᔦ ᒣᐎᔕ ᑳᐱᐅᒋᐊᔮᒡ ᑲᔦ ᑳᐐᐱᐊᔮᒡ, ᑲᔦ ᐃᑭᐌᓂᐗᒃ ᓃᔣᓱ ᐊᒑᑾᒃ ᑳᐃᓈᓴᒥᑳᐸᐎᐙᒡ ᑭᔐᒪᓂᑑ ᐅᑭᑕᐱᐎᓂᕽ,

ᑭᑫᑕᒨᔑᐌᐎᓐ 2:17

ᑳᐅᓅᑕᒫᐎᓂᒡ ᒫᓄ ᐅᑲᐱᓯᑕᐙᓐ ᐃᓂ ᑭᔐᒪᓂᑑ ᐅᑕᒑᑾᓐ ᑳᐃᓈᓂᒡ ᐅᑌᐺᑕᒨᐞ ᐯᐸᑳᓐ ᑳᐃᔑᒫᒫᐗᒋᐃᑎᓂᒡ᙮ ᐊᐊᐌᔥ ᑫᔖᑰᒋᑣᒡ ᐃᒫ ᓂᑲᐅᒋᒦᓈ ᒪᔑ ᑳᓈᑯᓯᓯᓂᒃ ᐸᑴᔑᑲᓇᓐ ᒣᓇ Manna ᑳᐃᓂᒥᓐᒡ᙮ ᑲᔦ ᓂᑲᒦᓈ ᐙᐱᔥᑭᐊᓯᓃᓐ, ᐅᑑᔥᑭᐐᓱᐎᓐ ᑳᐃᔑᐅᔑᐲᐃᑳᑌᓂᒃ, ᐁᑳ ᐊᐎᔭ ᐁᑭᑫᑕᓯᒃ, ᐱᑯ ᐁᑕ ᑫᒦᓂᓐᒡ ᐅᑲᑭᑫᑖᓐ᙮