ᐱᓬᐃᐱᔭᓇᒃ 4:18 - ᐅᒋᐺ ᑭᒋᒪᓯᓇᐃᑲᓐ

¹⁸ ᓂᑮᑎᐱᒦᓂᑰ, ᑮᐊᐗᔑᒣᓭ ᑳᒦᔑᔦᒃ᙮ ᓂᑮᐱᐌᓅᒋᒦᓂᒃ ᐊᐌ ᐃᐹᐸᕒᐊᑕᐃᑕᔅ Epaphroditus, ᑲᑭᓇ ᐁᑮᒦᔑᒡ ᑳᑮᐱ ᐃᔑᓂᔕᐊᒪᐎᔦᒃ᙮ ᐃᓀᑖᑾᓅᓐ ᑖᐱᔥᑰ ᐸᑭᑎᓂᑫᐎᓐ ᐁᒥᓄᒫᑾᒃ, ᑫᔑᐅᑖᐱᓇᕽ ᑭᔐᒪᓂᑑ ᑲᔦ ᑫᔑᒥᓄᓇᕽ᙮

Ojibwe Kihcimasina'ikan

¹⁸ Ninkiihtipimiinikoo, kii'awahshimehse kaamiishiyek. Ninkiihpiwenoocimiinik 'awe Ipaahparataitahs (Epaphroditus), kahkina ekii'miishitc kaakiihpi‑ishinisha'amawiyek. Inentaakwanoon taapishkoo pakitinikewin e'minomaakwahk, keshiotaahpinank Kishemanitoo kaye keshiminonank.

ᐱᓬᐃᐱᔭᓇᒃ 4:18 Iomraidhean Croise

Ekihsatahs 29:18

ᒦᑕᔥ ᑫᔑ ᒥᓯᐌ ᒑᑭᓱᓐᒡ ᐃᐃᒫ ᑳᔑ ᐸᑭᑎᓈᓱᕽ ᒋᐃᓍᑌᒃ ᒦᒋᒥ ᐸᑭᑎᓂᑫᐎᓐ᙮ ᐃᐃ ᓴ ᑳᐃᔑ ᒫᓱᒡ ᐐᑫ ᓂᒥᓄᒫᑖᓐ᙮

ᐃᔑᒋᑫᐎᓇᓐ 10:4

ᐐᑫ ᑕᔥ ᑮᓭᑭᓯ ᐁᑮ ᑲᓇᐙᐸᒫᒡ ᐁᑮᐃᑭᑐᒡ: ᐌᑯᓀᓐ ᐁᑕᐌᑕᒪᓐ ᓂᑑᑭᒫᒻ? ᑮᐃᔑ ᓭᑭᑖᑯᓯ᙮ ᐅᐅ ᑕᔥ ᐅᑮᐃᑰᓐ ᐁᒐᓬᐊᓐ: ᑭᔐᒪᓂᑑ ᐅᔕ ᑭᒥᓍᐸᒥᒃ ᐃᐃ ᑳᔑ ᐊᓇᒥᐋᔮᓐ, ᐃᐃ ᑲᔦ ᑳᔑ ᐐᒋᐊᑣ ᑫᑎᒫᑭᓯᐙᒡ, ᑲᔦ ᑕᔥ ᐁᒫᒥᑴᓂᒥᒃ᙮

ᐅᕒᐆᒪᓇᒃ 12:1

ᒦᑕᔥ ᓃᒋᐅᑌᐺᑕᒨᒃ, ᑭᔐᒪᓂᑑ ᐁᐌᓅᑕᓂᓂᒃ ᐅᑰᐹᓯᓈᑫᐎᓐ, ᑭᑲᑳᓱᒥᓂᓂᒻ ᒋᐸᑭᑎᓂᑎᓱᔦᒃ ᐁᓈᓴᒦᒡ ᑭᔐᒪᓂᑑ᙮ ᐃᐃ ᓴ ᑳᐱᒫᑕᒃ ᐸᑭᑎᓂᑫᐎᓐ ᒋᐃᔑᓈᑯᓯᔦᒃ, ᐐᓐ ᐁᑕ ᑯ ᐁᔑᐅᓇᑕᒫᓱᔦᒃ ᒋᐋᐸᒋᐃᓀᒃ ᐊᓄᑮᑕᐌᒃ, ᒦᑕᔥ ᐃᐃᐌᓂ ᑳᒥᓍᐸᑕᕽ ᑭᔐᒪᓂᑑ᙮ ᒦ ᓴ ᑕᔥ ᐃᐃ ᑌᐺ ᑾᔭᒃ ᐊᓇᒥᐋᐎᓐ ᑫᒦᓀᑭᐸᓐ ᑭᔐᒪᓂᑑ᙮

2 ᑲᕒᐃᑎᔭᓇᒃ 11:8

ᐊᐲ ᓴ ᐌᑎ ᑳᑮᑕᓇᓄᑮᔮᓐ ᑳᔑᐊᔮᔦᒃ, ᑯᑕᒃ ᓴ ᐯᐸᑳᓐ ᐅᑌᐺᑕᒨᒃ ᑳᐄᔑᒫᐗᒋᐃᑎᐙᒡ ᓂᑮᑎᐸᐊᒫᑰᒃ᙮ ᒦᑕᔥ ᐁᑮᐃᔑᓈᑯᓯᔮᓐ ᑖᐱᔥᑰ ᐁᑮᑭᒨᑎᒪᒀ ᔔᓂᔮᓐ᙮ ᒦᑕᔥ ᐃᐃ ᐁᐐᐐᒋᐃᓇᑰᒃ ᑳᑮᐅᒋ ᐃᔑᓭᒃ᙮

2 ᑲᕒᐃᑎᔭᓇᒃ 9:12

ᐃᐃ ᑕᔥ ᑳᐃᔑᒋᑫᔦᒃ ᐃᐃᒫ ᑭᑕᓄᑮᐎᓂᐙᕽ ᐁᒦᑭᐌᔦᒃ, ᒦ ᓴ ᐃᒫ ᐌᒋᑭᒋᒪᒥᒋᒥᓐᒡ ᑭᔐᒪᓂᑑ᙮

ᐃᐲᔑᔭᓇᒃ 5:2

ᓵᑭᐃᑎᐎᓂᕽ ᑲᔦ ᐃᔑᐱᒧᓭᒃ ᑖᐱᔥᑰ X ᑳᑮᐃᔑᔕᐌᓂᒥᓀᒃ, ᐁᑮᐸᑭᑎᓇᕽ ᐅᐱᒫᑎᓯᐎᓐ ᑮᓇᐎᓐᑦ ᐅᒋ, ᐱᓵᓐ ᐃᑯ ᒋᓂᓯᓐᒡ ᐁᑮᐸᑭᑎᓇᒪᐙᒡ ᑭᔐᒪᓂᑑᓐ, ᐅᑮᒥᓈᓴᒪᐙᓐ, ᒦ ᓴ ᐃᐃᐌᓂ ᑭᔐᒪᓂᑑ ᑳᒥᓄᒫᑕᕽ᙮

ᐱᓬᐃᐱᔭᓇᒃ 4:12

ᓂᑮᐊᓂ ᐃᔑᐙᐸᑖᓐ ᐃᑯᑎᕽ ᒋᓅᑌᓭᔮᓐ, ᑲᔦ ᐃᑯᑎᕽ ᒋᐌᓅᒋᓭᔮᓐ᙮ ᑲᔦᔥ ᓂᑮᒥᑴᑖᓐ ᑫᐃᔑᓇᐁᑕᒫᓐ ᐱᑯ ᐊᐲ, ᐋᑎ ᑯ ᐊᔮᔮᓐ, ᒫᑭᔖ ᑌᐐᓯᓂᔮᓐ, ᒫᑭᔖ ᑲᔦ ᓅᑌᔅᑲᑌᔮᓐ; ᑫᒫ ᐌᓅᒋᓭᔮᓐ ᑫᒫ ᑲᔦ ᓅᑌᓭᔮᓐ, ᓂᓇᐁᑕᒻ᙮

2 ᑌᓴᓬᐆᓂᔭᓇᒃ 1:3

ᑳᐐᒋᐅᑌᐺᑕᒨᒥᑰᔦᒃ, ᐃᓇᑌ ᒨᔕᒃ ᒋᓇᓈᑯᒪᑭᒡ ᑭᔐᒪᓂᑑ ᐁᒥᑴᓂᒥᑰᔦᒃ᙮ ᑾᔭᒃ ᐃᐃᐌ ᒋᑑᑕᒪᕽ ᐋᓃᔥ ᐊᐗᔑᒣ ᑭᒋᒫᒌᑭᓐ ᑭᑌᐺᔦᑕᒧᐎᓂᐙ ᑲᔦ ᐁᐊᓂᒥᔖᒃ ᑭᓵᑭᐃᑎᐎᓂᐙ ᑲᑭᓇ ᐁᔑᓵᑭᐃᑎᔦᒃ᙮

ᐄᐸᕒᐆᐗᒃ 13:16

ᑫᑯ ᐗᓃᑫᑫᒃ ᒋᒥᓄᑑᑖᑫᔦᒃ ᒋᐙᐐᑑᑳᑫᔦᒃ ᑲᔦ, ᒦᑕᔥ ᐅᓄ ᑎᓄ ᐃᔑᒋᑫᐎᓇᓐ ᑭᔐᒪᓂᑑ ᐸᑭᑎᓈᓱᐎᓂᕽ ᑳᐃᔑᓇᕽ ᑳᒥᓍᐸᑕᕽ᙮

1 Piitar 2:5

ᒦᑕᔥ ᑫᑮᓇᐙ ᐯᔑᑾᓐ ᐁᑎᓄᐎᔦᒃ ᐊᓯᓃᒃ ᑳᐱᒫᑎᓯᐙᒡ, ᑭᑎᔑᐋᐸᑎᓯᒻ ᐃᐃ ᑳᐅᔑᒋᑳᑌᒃ ᐊᒑᑯᐙᑳᐃᑲᓐ᙮ ᒦᑕᔥ ᐃᐃᒫ ᑫᑕᔑ ᐃᓍᓱᔦᒃ ᐊᓇᒥᐁᐎᑭᒫᒃ ᑳᐋᐸᒋᐃᑯᐙᒡ ᑭᔐᒪᓂᑑᓐ, ᒋᐸᑭᑎᓇᒪᐌᒃ ᑳᐊᒑᑯᐌᑖᑾᓂᓂᑭᓐ ᐸᑭᑎᓈᓱᐎᓇᓐ, ᒦᐗᓐ ᐄᑐᒃ ᑳᒥᓍᐸᑕᕽ ᐅᒋ ᒋᓴᔅ Xᑕᓐ᙮