ᐱᓬᐃᐱᔭᓇᒃ 3:9 - ᐅᒋᐺ ᑭᒋᒪᓯᓇᐃᑲᓐ

⁹ ᒥᓯᐌ ᐯᔑᑾᓐ ᓂᐐᐃᔑᑕᑯᐐᒌᐙ᙮ ᑳᐐᓐ ᑫᔮᐱ ᓃᓐ ᓂᑑᔑᑕᒫᓱᓰ ᓂᑾᔭᒀᑎᓯᐎᓐ, ᐃᐌ ᑎᓄ ᑳᐅᒌᒪᑲᒃ ᐃᓈᑯᓂᑫᐎᓐ ᐁᑲᓇᐌᒋᑳᑌᒃ ᑳᐐᓐ ᓂᑕᔮᓰᓐ᙮ ᓅᑯᒻ ᐃᑕᔥ ᓂᑕᔮᓐ ᐃᐃ ᑾᔭᒀᑎᓯᐎᓐ ᐃᐃᒫ ᓴ ᐁᐅᒌᒪᑲᒃ ᐁᑌᐺᑕᐎᓐᒡ ᐊᐊ X᙮ ᒦ ᐃᐌ ᑾᔭᒀᑎᓯᐎᓐ ᑭᔐᒪᓂᑑ ᑳᒦᔑᒡ ᑳᑌᐺᑕᒧᐗᒃ᙮

Ojibwe Kihcimasina'ikan

⁹ Misiwe peshikwan niwii'ishitakowiiciiwaa. Kaawiin keyaapi niin nintooshihtamaasohsii ninkwayahkwaatisiwin, 'iwe tino kaaonciimakahk Inaahkonikewin ehkanawencikaatek kaawiin nintayaahsiin. Noonkom itahsh nintayaan i'i kwayahkwaatisiwin i'imaa hsa e'onciimakahk ehtepwehtawintc a'a Christ. Mii 'iwe kwayahkwaatisiwin Kishemanitoo kaamiishitc kaatepwehtamowak.

ᐱᓬᐃᐱᔭᓇᒃ 3:9 Iomraidhean Croise

Cenisihs 7:23

ᑳᑎᐯᒋᑫᒡ ᑲᑭᓇ ᑫᑰᓂᓂ ᐅᑮ ᓂᔑᐗᓈᒋᑑᓐ ᑳᑮ ᐱᒫᑕᓂᓂᒃ᙮ ᐯᒫᑎᓯᓂᒡ, ᐊᔭᐋᐎᔕᐞ, ᑳᐸᐹᒨᑌᓂᒡ, ᐱᓀᔒᔕᐞ ᑲᔦ᙮ ᒦᔦᑕᑯ ᓅᐗ, ᐃᐃ ᑕᔥ ᑳᑮ ᐐᒋ ᐴᓰᒥᑯᒡ ᑳᐱᒫᑎᓯᓂᒡ᙮

1 ᑭᒋᐅᑭᒫᒃ 8:46

ᐊᐲ ᓴ ᑲᔦ ᑭᐱᒫᑎᓰᒪᒃ ᒪᒋᑑᑕᐎᒀ, ᑳᐐᓐ ᐄᑐᒃ ᐊᐎᔭ ᐊᔮᓰ ᐐᑳ ᒣᒋ ᑑᑕᓯᒃ, ᐁᑮ ᓂᔥᑭᐃᒀ ᑕᔥ ᐃᔑ ᐸᑭᑎᓇᑣ ᒋᔖᑰᒋᐃᑯᐙᒡ ᑳᔒᑫᓂᒥᑯᐙᒡ, ᐃᔑᐎᓂᑣ ᑕᔥ ᒥᓴᐙ ᑯ ᐙᓴ ᐊᑮᕽ ᐁᑕᑯᓂᑲᓂᐎᐙᒡ,

Nikamonan 14:3

ᑲᑭᓇ ᓴ ᑮᐸᑫᔥᑳᐗᒃ, ᑲᑭᓇ ᑲᔦ ᑳᑕᔑᐙᒡ ᒫᒪᐎ ᐊᓂ ᓅᒋᑯ ᐃᔑᐊᔮᐗᒃ᙮ ᑳᐐᓐ ᓴ ᐊᐙᒡ ᐃᑯ ᐯᔑᒃ ᐊᔮᓰ ᑳᐅᓂᔑᔑᓂᓂᒃ ᑫᑑᑕᑭᐸᓐ, ᑳᐐᓐ ᓴ ᑯ ᐋᐲᓐᒡ ᐯᔑᒃ ᐊᔮᓰ᙮

Nikamonan 19:12

ᐊᐌᓀᓐ ᑫᑭᑫᑕᑭᐸᓐ ᐋᓃᓐ ᐁᔑ ᒪᒫᔒᒡ? ᑌᐯᒋᑫᔭᓐ, ᑕᑲ ᐯᑭᐃᔑᓐ ᑮᑭᑫᑕᓯᐙᓐ ᑮᒪᒋᑑᑕᒫᓐ᙮

Aaiseya 53:11

ᐊᐲ ᑕᔥ ᑮᐃᔥᒀ ᑲᒀᑕᑭᑑᒡ ᐅᐱᒫᑎᓯᐎᓂᕽ, ᒦᑕᔥ ᒦᓇᐙ ᒋᐊᔮᒡ ᒥᓉᑕᒧᐎᓐ, ᒋᑭᑫᑕᕽ ᐃᔑ ᐊᓂᔖ ᐁᑮ ᑲᒀᑕᑭᑑᓯᒃ᙮ ᐃᐃ ᑕᔥ ᐁᐃᔑ ᑭᑫᑕᕽ ᐊᐊ ᓂᑕᓄᑮᐋᑲᓐ ᑳᑾᔭᒀᑎᓯᒡ, ᓃᐱᐗᐞ ᓴ ᐊᐎᔭᐞ ᐅᑲ ᐊᔨᔑᐋᐞ ᒋᒥᓋᑭᓱᓂᒡ, ᐐᓐ ᐋᓃᔥ ᑳᐐ ᐱᒥᐎᑕᒪᐙᒡ ᐅᒪᒋᑑᑕᒧᐎᓂᓂ᙮

Aaiseya 53:6

ᑲᑭᓇ ᓴ ᑳᑕᔑᔭᕽ ᑭᑮ ᐃᔑᓈᑯᓯᒥᓐ ᑖᐱᔥᑰ ᒫᓇᒑᓂᔕᒃ ᑳᐗᓂᔑᓄᐙᒡ, ᑮᓇᐎᓐᑦ ᐃᑯ ᐁᐃᔖᔭᕽ ᐗᐃᔖᔭᕽ᙮ ᑳᑎᐯᒋᑫᓂᒡ ᐅᔕ ᐅᑮ ᐊᑕᒫᑰᓐ ᒋᐱᒥᐎᑑᒡ ᑲᑭᓇ ᑳᑕᔑᐗᑭᒡ ᑭᒪᒋᑑᑕᒧᐎᓂᓈᓂᓐ᙮

Aaiseya 6:5

ᒦᑕᔥ ᐅᐅ ᑳᐃᓇᑌᒧᔮᓐ, ᐐᑫ ᓂᑰᐹᓯᓈᑯᔅ! ᒦ ᒫᐐᓐ ᐃᐃ ᒋᓂᔑᐗᓈᑎᓯᔮᓐ ᐋᓃᔥ ᐁᑕᔂ ᑲᑮᑭᑐᔮᓐ ᒪᒋᐃᔑᑮᔗᐎᓐ ᓂᑑᓂᕽ ᐅᒋ ᓵᑲᐊᒨᒪᑲᓐ᙮ ᓂᐐᒋᑖᒫᑲᓇᒃ ᑲᔦ ᐐᓇᐙ ᐱᔑᔑᒃ ᒪᒋᐃᔑᑮᔗᐗᒃ᙮ ᔖᑰᒡ ᑕᔥ ᓃᓐ ᐃᑯ ᓂᔥᑮᔑᑯᕽ ᓂᑮ ᐅᒋ ᐙᐸᒫ ᑭᒋᐅᑭᒫ ᑳᑎᐯᒋᑫᒡ ᑳᒫᐗᒋ ᒪᔥᑲᐎᓰᒡ᙮

Ceramaaya 23:6

ᐊᐲ ᑭᒋᐅᑭᒫᐎᒡ ᐯᒫᑎᓯᐙᒡ ᒎᑕ Judah ᐊᑮᕽ ᐌᒌᐙᒡ ᓴ ᑕᐱᒫᒋᐋᐗᒃ, ᐃᔅᕒᐃᔭᓬᐊᒃ ᑲᔦ ᐌᐌᓂ ᐱᑯ ᑕᐊᔨᑖᐗᒃ; ᒦᑕᔥ ᐅᐅ ᑫᐃᔑᓂᑳᒋᑲᓂᐎᒡ, ᑳᑎᐯᒋᑫᒡ ᑭᑾᔭᒀᑎᓰᒥᓈᓐ᙮

Taaniyoo 9:24

ᓃᔣᒋᕽ 7 ᓃᔣᓯᒥᑕᓇ 70 ᑕᓱᐱᐴᓐ ᓴ ᑭᔐᒪᓂᑑ ᐅᑮ ᐃᔑ ᐅᓇᑑᓐ ᒋᐃᔑᓭᓂᒃ ᐊᐲ ᑫᐸᑭᑎᓈᒡ ᑭᐱᒫᑎᓰᒪᐞ, ᒋᐸᑭᑎᓂᑳᑌᒃ ᑲᔦ ᑫᑌᑖᑾᓂᓂᒃ ᑭᑑᑌᓈᒥᐙ ᒋᐸᐹᒣᓂᒥᑯᓯᐌᒃ ᐊᐗᔑᒣ ᒪᒋᐃᔑᐌᐱᓯᐎᓐ, ᒪᒋᑫᑰᓐ ᑲᔦ᙮ ᒦᔥ ᒪᒋᑑᑕᒧᐎᓐ ᒋᐴᓀᒋᑳᑌᒃ, ᐌᐌᓂ ᐃᓈᑯᓂᑫᐎᓐ ᑲᔦ ᒋᓀᐱᒋ ᐊᔮᒃ᙮ ᒦᔥ ᑲᔦ ᐃ ᓃᑳᓂ ᑎᐹᒋᒧᐎᓐ ᑌᐺ ᒋᐃᔑᓭᒃ, ᐃᐃ ᑲᔦ ᑭᒋ ᐊᓇᒥᐁᐎᑲᒥᒃ ᒋᑮᐌ ᑭᑌᑖᑯᒋᑳᑌᒃ᙮

Maahtiyo 9:13

ᐊᓂ ᒫᒑᒃ ᐃᑕᔥ ᒋᑲᑴ ᑭᑫᑕᒣᒃ ᐌᑯᓀᓐ ᐅᐅ ᑳᐅᒋ ᐃᔑᐲᐃᑳᑌᒃ: ᐅᐅ ᑳᐊᑕᐌᑕᒫᓐ ᐃᐃ ᒋᔕᐌᓂᑎᔦᒃ, ᑳᐐᓐ ᐐᓐ ᐁᑕ ᐊᐗᑳᓇᒃ ᒋᓂᓭᒀ ᒋᐸᑭᑎᓂᑳᑫᔦᒃ᙮ ᑳᐐᓐ ᑕᔥ ᐐᓐ ᓂᑮᐅᒋ ᐲᔖᓰ ᒋᐊᑐᒪᒀ ᐅᑾᔭᒀᑎᓰᒃ, ᐃᑭ ᓴ ᒋᐊᑐᒪᒀ ᑳᐋᓇᐌᓂᒥᑣ᙮

ᐅᕒᐆᒪᓇᒃ 1:17

ᒦ ᐃᒫ ᒥᓍᒋᒧᐎᓂᕽ ᐅᒋᑭᑫᑖᑾᓐ ᐋᓃᓐ ᑭᔐᒪᓂᑑ ᑫᐃᔑᐋᒡ ᐊᐎᔭᓐ ᑾᔭᒃ ᒋᐐᒌᐎᑯᒡ᙮ ᐅᐅᐌᓂ ᑳᑑᑕᐙᒡ ᑭᔐᒪᓂᑑ, ᒦ ᐁᑕ ᐃᒫ ᐅᒌᒪᑲᓂᓂ ᐁᑌᐺᑖᑯᒡ᙮ ᒦ ᐃᒫ ᑌᐺᑕᒧᐎᓂᕽ ᐁᔑᒫᒋᓯᕽ ᑲᔦ ᐃᒫ ᑌᐺᑕᒧᐎᓂᕽ ᐁᑕᔑᑮᔑᓯᕽ᙮ ᒦ ᐃᐌ ᑳᐃᔑᓯᕽ ᐃᐃᐌ ᐅᔑᐲᐃᑫᐎᓐ: ᐊᐌᓀᓐ ᓴ ᑯ ᐅᑌᐺᑕᒧᐎᓂᕽ ᐌᒋᑾᔭᑾᑭᒥᑯᒡ ᑭᔐᒪᓂᑑᓐ ᒋᒥᓄᐐᒌᐙᒡ, ᒦ ᐊᐌ ᑌᐺ ᑫᐱᒫᑎᓯᒡ᙮

ᐅᕒᐆᒪᓇᒃ 10:10

ᐋᓃᔥ ᐐᑫ ᑌᐺᑕᒪᕽ ᒦᐃᒫ ᐌᒋᑾᔭᒀᒋᐃᓇᕽ ᒋᒥᓄᐐᒌᐎᓇᕽ ᑭᔐᒪᓂᑑ; ᐁᒧᔐᐐᑕᒫᑫᔭᕽ ᑕᔥ ᑲᔦ ᑭᑑᒋᐱᒫᒋᐃᑰᒥᓐ᙮

ᐅᕒᐆᒪᓇᒃ 16:7

ᓂᐴᔔᐋ ᑕᔥ ᐁᑕᕒᐅᓈᐃᑲᔅ Andronicus, ᒎᓂᔭᔅ Junias ᑲᔦ᙮ ᒦᐗᒃ ᓴ ᐃᑭ ᑳᐐᒋᑎᓄᐐᒪᒀ ᐁᒎᐎᐎᔮᕽ, ᓂᑮᐐᒋᑕᑯᓂᑰᒥᑰᒃ ᐃᑕᔥ ᑲᔦ᙮ ᐅᑯᐌᓂᐗᒃ ᐃᑕᔥ ᐗᐐᑫ ᑭᑫᒋᑲᓂᐎᐗᒃ, ᐃᔑᓂᔕᐙᑲᓂᕽ ᐁᐃᔑᑕᑾᑭᒥᑣ᙮ ᐐᓇᐙ ᑕᔥ ᑲᔦ ᓂᑕᒻ ᐅᑮᑌᐺᔦᓂᒫᐙᓐ Xᑕᓐ ᒋᑆ ᑌᐺᔦᓂᒥᒪᒃ᙮

ᐅᕒᐆᒪᓇᒃ 5:21

ᒦ ᐋᓃᔥ ᐅᐅᐌ ᐃᔥᒀᒡ ᐁᔑᐐᑕᒫᓐ: ᒪᒋᑑᑕᒧᐎᓐ ᐋᐱᒋ ᑮᑲᔥᑭᒋᑫᒪᑲᓐ, ᐋᓃᔥ ᑲᑭᓇ ᐱᑯ ᐊᐎᔭᒃ ᑮᓂᐳᐗᒃ᙮ ᒦᑕᔥ ᑲᔦ ᐯᔑᑾᓐ ᓃᐱᐗᐞ ᑲᔥᑭᒋᑫᒪᑲᓂᓂ ᑭᔐᒪᓂᑑ ᐅᔕᐌᒋᑫᐎᓐ, ᐋᓃᔥ ᐅᑎᔑᐋᐞ ᐃᐃ ᐯᒫᑎᓯᓂᒡ ᑾᔭᒃ ᒋᒥᓄᐐᒌᐎᑯᒡ᙮ ᑭᑎᔑᐃᑯᓈᓐ ᐊᐸᓀ ᑯ ᒋᐱᒫᑎᓯᐗᕽ, ᐃᐃᐌ ᒋᓴᔅ Xᑕᓐ ᑳᑮᑑᑕᐎᒥᓇᕽ᙮

ᐅᕒᐆᒪᓇᒃ 8:1

ᒦᑕᔥ ᐅᑯᐌᓂᐗᒃ ᑳᑭᑭᐱᒫᑎᓯᐙᒡ ᒋᓴᔅ Xᑕᓐ ᑳᐐᓐ ᑭᔐᒪᓂᑑᓐ ᐅᑲᐃᑯᓰᐙᓐ: ᑭᑲᓂᔑᐗᓈᑎᓯᒻ᙮

ᐅᕒᐆᒪᓇᒃ 8:3

ᒦ ᐅᐌ ᑳᑮᑆᓇᐎᒋᑫᒪᑲᓂᓂᒃ ᒨᓯᔅ Moses ᐅᑎᓈᑯᓂᑫᐎᓐ, ᐋᓃᔥ ᐅᓵᒻ ᑮᓃᓇᒪᓐ ᑭᑫᑌᐃᓈᑎᓯᐎᓂᓈᓐ᙮ ᑭᔐᒪᓂᑑ ᑕᔥ ᐐᓐ ᐅᑮᑲᔥᑭᑑᓐ ᑳᑮᐃᔑᐋᓇᐌᐎᓰᒪᑲᓂᓂᒃ ᐃᓈᑯᓂᑫᐎᓐ, ᐁᑮᐲᒋᓂᔕᐙᒡ ᐃᓂ ᑎᐱᓇᐌ ᐅᑯᓯᓴᓐ, ᑫᐐᓐ ᒋᐃᓀᑖᑯᓯᓂᒡ ᑳᐃᔑᐊᔮᓂᒡ ᐃᐃ ᐯᒫᑎᓯᓂᒡ ᑳᒪᒋ ᐃᔑᐌᐱᓯᓂᒡ, ᐅᐅᐌ ᐁᑮᑑᑕᒥᓂᒡ ᐁᑮᓇᓇᐃᓯᑕᒪᐙᓂᒡ ᐅᒪᒋᑑᑕᒧᐎᓂᓂ ᐃᐃ ᐯᒫᑎᓯᓂᒡ᙮

1 ᑲᕒᐃᑎᔭᓇᒃ 1:30

ᒦ ᐊᐌ ᑭᔐᒪᓂᑑ ᑳᐃᔑᒋᑫᐃᓀᒃ ᒋᒫᒌᐐᒌᐌᒃ X ᒋᓴᔅ᙮ ᐅᑮᐃᔑᐋᓐ Xᑕᓐ ᒦ ᐃᒫ ᒋᐊᔮᒪᑲᒃ ᑭᑲᑮᑖᐎᓯᐎᓂᓈᓐ᙮ ᒦ ᐊᐌ X ᐁᔑᒋᑫᐃᓇᕽ ᒋᑾᔭᑾᑭᒥᓇᕽ ᑭᔐᒪᓂᑑ, ᐐᓐ ᐅᑾᔭᒀᑎᓰᒪᐞ ᒋᑎᓄᐎᔭᕽ, ᑲᔦ ᒦ ᐊᐌ X ᑳᑮᐸᑭᑎᓂᓇᕽ ᐃᐃᒫ ᑳᑮᑭᒋᐎᓂᑯᔭᕽ ᒪᒋᑑᑕᒧᐎᓐ᙮

2 ᑲᕒᐃᑎᔭᓇᒃ 5:17

ᑮᔥᐱᓐ ᓴ ᐊᐎᔭ ᐊᔮᒡ ᐃᐃᒫ Xᐃᕽ, ᒦ ᓴ ᐃ ᑮᐅᔥᑭᐅᔑᒋᑲᓂᐎᒡ᙮ ᑲᑭᓇ ᓴ ᑫᑌᔭᐄᓐ ᑮᐃᔥᒀᓭᐗᓐ, ᐅᔥᑲᔭᐄᓐ ᑕᔥ ᑮᑕᑯᔑᓅᒪᑲᓅᓐ᙮

2 ᑲᕒᐃᑎᔭᓇᒃ 5:21

X ᑕᔥ ᐐᑳ ᑳᑮᑭᑫᑕᓯᒃ ᒪᒋᑑᑕᒧᐎᓂᓂ, ᔖᑰᒡ ᐃᑕᔥ ᒪᒋᑑᑕᒧᐎᓂᕽ ᐅᑮᑎᓄᐎᐃᑰᓐ ᑭᔐᒪᓂᑑᓐ ᑮᓇᐎᓐᑦ ᐅᒋ, ᑮᓇᐎᓐᑦ ᒣᔥᑾᒡ ᑭᔐᒪᓂᑑ ᐅᑾᔭᒀᑎᓯᐎᓂᕽ ᒋᑎᓅᐎᔭᕽ ᐁᐐᒌᐗᕽ X᙮

ᑲᓬᐁᔑᔭᓇᒃ 2:16

ᓂᑭᑫᑖᒥᓐ ᐋᓃᔥ ᐊᐎᔭ ᑮᑌᐺᑕᐙᒡ ᒋᓴᔅ Xᑕᓐ, ᒦ ᓴ ᐃ ᐌᒋᒥᓄᐐᒌᐎᑯᒡ ᐃᓂ ᑭᔐᒪᓂᑑᓐ, ᑳᐐᓐ ᐐᓐ ᐁᑑᑕᕽ ᐃᐃ ᐅᓇᔓᐌᐎᓂᓂ ᑳᐃᓇᑌᓂᒃ᙮ ᑫᓃᓇᐎᓐᑦ ᑕᔥ ᓂᑮᑌᐺᑕᐙᓈᓐ X ᒋᓴᔅ᙮ ᐃᐃᒫ ᑕᔥ ᐁᑌᐺᑕᐗᑭᒡ X, ᒦ ᐃ ᑫᐅᒋᒥᓄᐐᒌᐎᓇᑭᒡ ᑭᔐᒪᓂᑑ, ᐋᓃᔥ ᑳᐐᓐ ᐊᐎᔭ ᐅᑑᒋᒥᓄᐐᒌᐎᑯᓰᓐ ᑭᔐᒪᓂᑑᓐ ᐁᒥᒋᑑᑕᕽ ᑳᐃᓇᑌᓂᒃ ᐃᐃ ᐅᓇᔓᐌᐎᓂᓂ᙮

ᐱᓬᐃᐱᔭᓇᒃ 3:6

ᐐᑫ ᓂᑮᐃᔑᐅᓵᒣᑖᓐ ᓂᑕᓇᒥᐋᐎᓐ ᐁᑮᐅᒋᑲᒀᑕᑭᐃᒪᒃ X ᐅᑕᓇᒥᐋᑲᓇᐞ᙮ ᔑᑾ ᒥᓂᒃ ᐁᔑᑲᔥᑭᑑᒡ ᐊᐎᔭ ᐁᑲᓇᐌᑕᕽ ᐃᐃ ᐃᓈᑯᓂᑫᐎᓐ, ᐗᐐᑫ ᐃᒫ ᓂᑮᑾᔭᑯᑑᑕᒻ᙮

2 Timahti 1:9

ᒦ ᐊᐌ ᑳᐱᒫᒋᐃᓇᕽ, ᑳᐊᑐᒥᓇᕽ ᑲᔦ, ᐐᓐ ᐃᑯ ᑎᐱᓇᐌ ᒋᑎᐯᓂᒥᓇᕽ ᐁᑮᐃᓀᓂᒥᓇᕽ᙮ ᑳᐐᓐ ᑮᓇᐎᓐᑦ ᑭᑎᔑᒋᑫᐎᓂᓈᓐ ᑭᑑᒋᑑᑖᑯᓰᓈᓐ, ᐐᓐ ᐃᑯ ᑎᐱᓇᐌ ᐅᑮᐅᓀᑖᓐ ᐁᑮᐃᔑᔕᐌᓂᒥᓇᕽ᙮ ᒣᐎᔕ ᒋᑆ ᐊᓂᒫᒋᓭᒃ ᑫᑰᓐ, ᐋᔕ ᑮᔖᒡ ᑭᑮᒦᓂᑯᓈᓐ ᑭᔐᒪᓂᑑ ᐅᔕᐌᒋᑫᐎᓐ, X ᒋᓴᓲᓐ ᐁᑮᐅᒋᒦᓂᓇᕽ᙮

Taitahs 3:5

ᑭᑮᐱᒫᒋᐃᑯᓈᓐ᙮ ᑳᐐᓐ ᑕᔥ ᐐᓐ ᑭᒥᓄᐊᓄᑮᐎᓂᓈᓂᕽ ᑳᑮᐃᔑᒋᑫᔭᕽ, ᐃᐃᒫ ᓴ ᐐᓐ ᐃᑯ ᐅᑰᐹᓯᓈᑫᐎᓐ ᑭᑮᐅᒋᐱᒫᒋᐃᑯᓈᓐ᙮ ᐊᐊ ᓴ ᑭᔐᒪᓂᑑ ᐅᑕᒑᑾᓐ ᑭᑮᐃᔑᒋᑫᐃᑯᓈᓐ, ᑭᑮᑭᓰᔮᐹᐗᓂᑯᓈᓐ ᐁᑮᐅᔥᑭᓂᑖᐎᑭᐃᓇᕽ, ᐅᔥᑭᐱᒫᑎᓯᐎᓐ ᑲᔦ ᐁᑮᒦᓂᓇᕽ᙮

ᐄᐸᕒᐆᐗᒃ 6:18

ᐅᓄ ᑕᔥ ᓃᔑᓐ ᑫᑰᓇᓐ ᑳᐱᑕᔑᑕᒫᕽ ᑳᐐᓐ ᐐᑳ ᑖᐋᒋᓭᓯᓅᓇᓐ᙮ ᑳᐐᓐ ᐐᑳ ᑖᐃᔑᓈᑾᓯᓂᓂ ᑭᔐᒪᓂᑑ ᒋᑮᐗᓂᒧᒡ᙮ ᒦ ᓴ ᑕᔥ ᑳᐅᒋᒪᔥᑲᐌᑕᒪᕽ, ᐋᓃᔥ ᑭᑮᓈᒋᐸᐃᐙᑕᒧᐙᒥᓐ ᐁᑲᑴᑌᐱᓇᒧᐗᕽ ᐊᐯᓂᒧᐎᓐ ᑳᐐᒦᓂᓇᕽ᙮

Ciimis 3:2

ᑮᓇᐎᓐᑦ ᑕᔥ ᑳᐱᒫᑎᓯᔭᕽ ᒨᔕᒃ ᑭᐗᓂᑑᑖᒥᓐ᙮ ᑮᔥᐱᓐ ᑕᔥ ᐐᓐ ᐊᐎᔭ ᐐᑳ ᐗᐗᓃᓯᒃ ᐋᓃᓐ ᐁᑭᑐᒡ, ᒦ ᐊᐌ ᑳᑮᔑᓈᑾᓂᓂᒃ ᐅᐱᒫᑎᓯᐎᓐ, ᐁᑌᑕᑯ ᐁᑲᔥᑭᑑᒡ ᒋᑎᐯᓂᑎᓱᒡ ᒥᓯᐌ ᐅᐱᒫᑎᓯᐎᓂᕽ᙮

2 Piitar 1:1

ᓃᓐ ᓵᔨᒪᓐ ᐲᑕᕒ Simon Peter, ᒋᓴᔅ X ᐅᑕᓄᑮᐋᑲᓇᓐ, ᐅᑎᔑᓂᔕᐙᑲᓇᓐ ᑲᔦ᙮ ᑭᑑᔑᐲᐊᒪᐎᓂᓂᒻ ᑮᓇᐙ ᑳᑮᑌᐱᓇᒣᒃ ᑌᐺᔦᑕᒧᐎᓐ ᐯᔑᑾᓐ ᑳᑭᑕᑭᑌᒃ ᑖᐱᔥᑰ ᓃᓇᐎᓐᑦ ᑎᓄ ᑳᐊᔮᐗᑭᒡ, ᑳᑮᐅᒋᑌᐱᓇᒣᒃ ᐅᑾᔭᒀᑎᓯᐎᓂᕽ ᑭᑭᔐᒪᓂᑑᒥᓈᓐ, ᑭᐱᒫᒋᐃᐌᒥᓈᓐ ᑲᔦ ᒋᓴᔅ X᙮

1 Cwaan 3:4

ᑲᑭᓇ ᑕᔥ ᐊᐎᔭ ᑳᓂᑖᒪᒋᑑᑕᕽ, ᒦᐊᐌ ᑎᓄ ᑳᓂᑖᐋᓇᐌᑕᕽ ᑭᔐᒪᓂᑑᓐ ᐅᑑᓇᔓᐌᐎᓂᓂ᙮ ᑮᐋᓇᐌᒋᑳᑌᒃ ᐅᔕ ᐅᓇᔓᐌᐎᓐ, ᒦᓴᐃ ᐁᒪᒋᑑᑕᒧᓈᓂᐗᕽ᙮