ᐱᓬᐃᐱᔭᓇᒃ 3:6 - ᐅᒋᐺ ᑭᒋᒪᓯᓇᐃᑲᓐ

⁶ ᐐᑫ ᓂᑮᐃᔑᐅᓵᒣᑖᓐ ᓂᑕᓇᒥᐋᐎᓐ ᐁᑮᐅᒋᑲᒀᑕᑭᐃᒪᒃ X ᐅᑕᓇᒥᐋᑲᓇᐞ᙮ ᔑᑾ ᒥᓂᒃ ᐁᔑᑲᔥᑭᑑᒡ ᐊᐎᔭ ᐁᑲᓇᐌᑕᕽ ᐃᐃ ᐃᓈᑯᓂᑫᐎᓐ, ᐗᐐᑫ ᐃᒫ ᓂᑮᑾᔭᑯᑑᑕᒻ᙮

Ojibwe Kihcimasina'ikan

⁶ Wiinke ninkii'ishionsaamentaan nintanami'aawin ekii'oncikakwaataki'imak Christ otanami'aakana'. Shikwa minihk eshikashkihtootc awiya ehkanawentank i'i Inaahkonikewin, wawiinke 'imaa ninkiihkwayahkotootam.

ᐱᓬᐃᐱᔭᓇᒃ 3:6 Iomraidhean Croise

Maahtiyo 23:25

ᑭᑲ ᐅᒑᓂᒥᓯᒻ, ᑳᑭᑭᓄᐊᒫᑫᔦᒃ ᐅᓇᔓᐌᐎᓐ, ᑫᑮᓇᐙ ᐯᕒᐊᓰᒃ! ᑮᓇᐙ ᑳᒥᓍᑎᓰᔑᑑᔦᒃ! ᓵᑭᒐᔭᐄ ᐋᓃᔥ ᑭᑎᔑ ᐯᑭᑑᒻ ᑭᒥᓂᒀᑲᓂᐙᓐ, ᑭᑑᓈᑲᓂᐙᓐ ᑲᔦ᙮ ᐲᒐᔭᐄ ᑕᔥ ᑭᒨᔥᑭᓇᑑᒻ ᑫᑰᓇᓐ ᑳᑮᐅᑎᓇᒣᒃ ᑭᒪᑲᑗᐎᓂᐙᕽ, ᑭᑕᔫᓵᒥᓯᐎᓂᐙᕽ ᑲᔦ᙮

Maahtiyo 5:20

ᐊᒦᑕᔥ ᐅᐌ ᐁᔑ ᐐᑕᒪᐎᓇᑰᒃ: ᐊᐗᔑᒣ ᐊᔮᒀᒥᓯᒃ ᑲᑭᓇ ᑫᑰᓐ ᐊᐌ ᑭᔐᒪᓂᑑ ᑳᐃᔑ ᐊᑕᐌᓂᒥᓀᒃ ᒋᑑᑕᒣᒃ᙮ ᑳᐐᓐ ᑖᐱᔥᑰ ᐃᑭ ᑳᑭᑭᓄᐊᒫᑫᐙᒡ ᐅᓇᔓᐌᐎᓐ, ᔑᑾ ᐃᑭ ᐯᕒᐊᓰᒃ Pharisees ᑳᑑᑕᒧᐙᒡ᙮ ᒦ ᐁᑕ ᐅᐌ ᑭᔐᒪᓂᑑ ᑫᐃᔑ ᑭᒋᐅᑑᑭᒫᒥᔦᒃ, ᐊᐗᔑᒣ ᑭᒋ ᐊᔮᒀᒥᓯᔦᒃ᙮

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 1:6

ᒥᒋᓃᔥ ᐃᑕᔥ ᑮᑾᔭᒀᑎᓯᐗᒃ ᐁᓈᓴᒦᓂᒡ ᑭᔐᒪᓂᑑᓐ, ᑫᑰᓐ ᐁᑮᐃᔑ ᐊᓈᒣᑖᑯᓯᓯᒀ ᐁᔑ ᐱᒫᑎᓯᐙᒡ᙮ ᐁᑮᐃᔑᒋᑫᐙᒡ ᑲᑭᓇ ᐁᔑᓯᓂᓂᑭᓐ ᐅᓇᔓᐌᐎᓇᓐ, ᐁᓈᑯᓂᑫᓂᒡ ᑲᔦ ᑳᑎᐯᒋᑫᓂᒡ᙮

ᐃᔑᒋᑫᐎᓇᓐ 21:20

ᐊᐲ ᑕᔥ ᐁᓅᑕᒥᓂᒡ ᐅᑮᓇᓈᑯᒫᓂ ᑭᔐᒪᓂᑑᓐ, ᐅᐅ ᑲᔦ ᐁᑮᐃᑯᒡ: ᓃᒌᓈᓐ ᑆᓬ, ᐃᓇᔥᑫ ᐁᐲᒋᓂ ᓃᐱᐗᒥᑖᔂᒃ ᒎᐗᒃ ᐯᒥ ᑌᐺᑕᒧᐙᒡ, ᐌᐌᓂ ᑕᔥ ᑲᔦ ᑲᑴ ᐃᔑᒋᑫᐗᒃ ᐁᓇᑌᓂᒃ ᐅᓇᔓᐌᐎᓐ᙮

ᐃᔑᒋᑫᐎᓇᓐ 22:5

ᑭᒋᐊᓇᒥᐁᐎᑭᒫ ᐅᔕ ᑖᑎᐹᒋᒧ ᐁᑌᐺᐗᒃ, ᐃᑭ ᑲᔦ ᑲᑭᓇ ᒎᐎ ᐅᓇᔓᐌᐎᓂᓂᐗᒃ᙮ ᒦᐗᒃ ᐅᔕ ᐃᑭ ᑳᑮ ᒦᔑᐙᒡ ᐅᔥᐲᐃᑲᓇᓐ ᒋᒦᓂᒪᒃ ᑭᐐᒋ ᒎᐎᒥᓈᓂᐞ ᑎᒫᔅᑲᔅ Damascus ᐆᑌᓈᕽ ᑳᑮᐊᔮᓂᒡ᙮ ᓃᓐ ᑕᔥ ᓂᑮᐃᔖ ᐌᑎ ᐁᑮᓇᓇᑐᓀᐗᒀ ᐃᑭᐌᓂᐗᒃ ᐁᑮ ᐲᓇᒀ ᐅᐅᒫ ᒉᕒᐆᓴᓬᐊᒥᕽ ᒋᑲᒀᑕᑭᐃᑣ ᐲᐙᐱᑴᔮᐲᕽ ᐁᑮᐃᔑ ᒪᒫᒋᑾᐱᓱᐙᒡ᙮

ᐃᔑᒋᑫᐎᓇᓐ 26:5

ᐋᔕ ᑕᔥ ᑭᓉᔥ ᓂᐱᐅᒋ ᑭᑫᓂᒥᑰᒃ, ᑖᑎᐹᒋᒧᐗᒃ ᐅᔕ ᑮᔥᐱᓐ ᑯᑕ ᐃᓀᑕᒧᐙᒡ ᐁᐅᒋ ᑎᐯᑖᑯᓯᐗᒃ ᐯᕒᐊᓰᐞ Pharisee ᑳᐃᔑᑣᓂᒡ ᐁᔮᑾᓇᒥᐋᓂᒡ, ᐃᐃ ᑲᔦ ᓇᑫ ᐁᑮᐃᔑ ᐱᒫᑎᓯᐗᒃ᙮

ᐃᔑᒋᑫᐎᓇᓐ 8:3

ᔂᓬ ᑕᔥ ᐐᓐ ᐅᑮᐌᓵᓂᐋᐞ ᐅᑌᐺᑕᒨᐞ ᐁᑮ ᐹᐲᑎᑫᒡ ᑲᑭᓇ ᐙᑳᐃᑲᓂᑳᕽ, ᐁᑮᐅᑎᑎᓈᒡ ᐃᓂᓂᐗᐞ, ᐃᑴᐗᐞ ᑲᔦ ᑭᐸᐅᑏᐎᑲᒥᑯᕽ ᐁᑮᐃᔑ ᐲᒋᐌᐱᓈᒡ᙮

ᐅᕒᐆᒪᓇᒃ 7:9

ᓃᓐ ᐋᓃᔥ ᓂᑮᐱᒫᑎᔅ ᒋᑆ ᒫᒌᑭᑫᑕᒫᓐ ᐃᓈᑯᓂᑫᐎᓐ: ᑫᑯ ᒫᔑᒋᑫᑫᓐ, ᐁᐃᑯᔮᓐ᙮ ᐹᓂᒫᔥ ᐁᑮᑭᑫᑕᒫᓐ ᐃᐃ ᐃᓈᑯᓂᑫᐎᓐ: ᑫᑯ ᐐᓐ ᐃᔑᒋᑫᑫᓐ, ᐁᐃᑯᔮᓐ, ᒦ ᐸᔦᔥ ᐁᑮᒫᒌᒥᓴᐌᑕᒫᓐ ᐃᐃᐌ ᒋᑑᑕᒫᓐ ᑳᑮᐅᒋᐃᑯᔮᓐ᙮

1 ᑲᕒᐃᑎᔭᓇᒃ 10:32

ᒦ ᐃᐌ ᐃᓈᑎᓯᒃ, ᐁᑳ ᑫᑰᓐ ᒋᐃᓀᓂᒥᓯᓄᐌᒀ ᒎᐗᒃ ᑲᔦ ᑳᒎᐎᐎᓯᒀ, ᑲᔦ ᑭᔐᒪᓂᑑ ᐅᒫᐗᒋᐋᑲᓇᐞ᙮

1 ᑲᕒᐃᑎᔭᓇᒃ 15:9

ᓃᓐ ᒫᐗᒡ ᐅᑖᓈᕽ ᓂᑎᓀᑖᑯᔅ ᑲᑭᓇ ᐃᑭ ᐁᓇᑭᒥᑣ ᐃᔑᓂᔕᐙᑲᓇᒃ᙮ ᑳᐐᓐ ᓂᑌᐊᐲᑌᑖᑯᓯᓰ ᐃᔑᓂᔕᐙᑲᓐ ᒋᐃᑰᔮᐹᓐ᙮ ᐋᓃᔥ ᓂᑮᑲᒀᑕᑭᐃᒫᐞ ᑭᔐᒪᓂᑑ ᑳᒫᐗᒋᑌᐺᑖᑯᒡ᙮

ᐱᓬᐃᐱᔭᓇᒃ 2:15

ᒦ ᐃ ᑭᔐᒪᓂᑑ ᐅᓃᒑᓂᓴᐞ ᒋᑎᓄᐎᔦᒃ, ᐁᑳ ᑫᑰᓐ ᒋᐃᔑᐊᔮᓯᐌᒃ ᑲᔦ ᒋᐯᑭᓈᑯᓯᔦᒃ, ᑲᔦ ᐁᑳ ᑫᑰᓐ ᒋᑕᔑᒥᑰᓯᐌᒃ᙮ ᐃᐃᒫ ᒣᑴᐊᔭᐄ ᑭᑕᔨᑖᒻ ᐁᐊᔮᐙᒡ ᐃᑭ ᑳᑾᔭᑯᒋᑫᓯᒀ ᑲᔦ ᐊᓅᒡ ᑳᐃᓈᑎᓯᐙᒡ᙮ ᑭᑲᑕᔑᓵᑳᑌᓯᒻ ᑖᐱᔥᑰ ᐗᓇᑯᔕᒃ ᐁᐃᔑᐙᓵᔐᐙᒡ ᑮᔑᑯᕽ,

ᐱᓬᐃᐱᔭᓇᒃ 3:9

ᒥᓯᐌ ᐯᔑᑾᓐ ᓂᐐᐃᔑᑕᑯᐐᒌᐙ᙮ ᑳᐐᓐ ᑫᔮᐱ ᓃᓐ ᓂᑑᔑᑕᒫᓱᓰ ᓂᑾᔭᒀᑎᓯᐎᓐ, ᐃᐌ ᑎᓄ ᑳᐅᒌᒪᑲᒃ ᐃᓈᑯᓂᑫᐎᓐ ᐁᑲᓇᐌᒋᑳᑌᒃ ᑳᐐᓐ ᓂᑕᔮᓰᓐ᙮ ᓅᑯᒻ ᐃᑕᔥ ᓂᑕᔮᓐ ᐃᐃ ᑾᔭᒀᑎᓯᐎᓐ ᐃᐃᒫ ᓴ ᐁᐅᒌᒪᑲᒃ ᐁᑌᐺᑕᐎᓐᒡ ᐊᐊ X᙮ ᒦ ᐃᐌ ᑾᔭᒀᑎᓯᐎᓐ ᑭᔐᒪᓂᑑ ᑳᒦᔑᒡ ᑳᑌᐺᑕᒧᐗᒃ᙮

1 Timahti 1:13

ᓃᓐ ᑲᔭᑌ ᑳᑮᒪᒋ ᐃᓇᒃ᙮ ᓂᑮᑲᒀᑕᑭᐋ, ᓂᑮᐹᐱᓄᑕᐙ ᑲᔦ᙮ ᓂᑮᑰᐹᑌᓂᒥᒃ ᐃᑕᔥ ᐃᐌ ᐅᒋ ᐁᑮᑭᑫᑕᓯᐙᓐ ᑳᐃᔑᒋᑫᔮᓐ ᒣᒀ ᐁᑌᐺᑕᓯᐙᐹᓐ᙮

ᐅᓈᑯᓂᑫᒃ 6:30

ᐃᑭ ᑕᔥ ᐃᓂᓂᐗᒃ ᐆᑌᓈᕽ ᐌᒌᐙᒡ ᐅᑮᐃᓈᐙᓐ ᒎᐊᔕᓐ, ᑕᑲ ᐲᔥ ᑭᑯᓯᔅ ᒋᓂᓴᑭᒡ! ᐐᓐ ᐄᑐᒃ ᑳᑮ ᐲᑯᐱᑑᒡ ᑳᔑ ᐸᑭᑎᓈᓲᑕᒪᐎᒥᓐᒡ ᐯᔭᓬᐊᓐ, ᐐᓐ ᑲᔦ ᑳᑮ ᑲᐗᐙᒡ ᐊᔕᕒᐊᐗᓐ ᑳᑮ ᐊᔮᓂᒡ ᐃᐃᒫ ᐅᐱᒣᔭᐄ, ᐅᑮᐃᓈᐙᓐ᙮