ᐱᓬᐃᐱᔭᓇᒃ 3:2 - ᐅᒋᐺ ᑭᒋᒪᓯᓇᐃᑲᓐ

² ᓇᐋᓰᑲᑕᐎᑯᒃ ᐃᑭ ᑳᑑᑕᒧᐙᒡ ᐁᑳ ᑳᑾᔭᑾᓯᓂᓂᒃ, ᐃᑭ ᐊᓂᒧᔑᕽ ᑳᐃᓀᑖᑯᓯᐙᒡ᙮ ᓇᐋᓰᑲᑕᐎᑯᒃ ᐃᑭ ᑳᐐᐯᔑᔕᒧᐙᒡ ᐐᔭᐎᐙᓐ᙮

Ojibwe Kihcimasina'ikan

² Na'aasiihkantawihkok iki kaatootamowaatc ekaa kaakwayahkwahsininik, iki animohshink kaainentaakosiwaatc. Na'aasiihkantawihkok iki kaawiihpehshishamowaatc wiiyawiwaan.

ᐱᓬᐃᐱᔭᓇᒃ 3:2 Iomraidhean Croise

Nikamonan 22:16

ᐃᓂᓂᐗᒃ ᓴ ᐁᐅᑸᓄᐙᒡ ᓂᐙᑳᔥᑳᑰᒃ ᑖᐱᔥᑰ ᐊᓂᒨᒃ ᑳᐐ ᒦᑳᓱᐙᒡ; ᒦᑕᔥ ᐁᔑ ᐸᑯᓀᐊᒧᐙᒡ ᓂᓂᒌᓐ, ᓂᓯᑕᓐ ᑲᔦ᙮

Nikamonan 22:20

ᐱᒫᒋᐃᔑᓐ ᐸᔑᐸᐃᑫᐎᑯᒫᓂᕽ ᒋᐅᒋ ᓂᓯᑰᓯᐙᓐ; ᐱᒫᒋᑑᓐ ᓂᐱᒫᑎᓯᐎᓐ ᒋᓂᔑᓯᒀ ᐃᑭ ᐊᓂᒨᒃ᙮

Maahtiyo 24:10

ᑕᐹᑏᓄᐗᒃ ᑲᔦ ᑫᐋᓇᐌᒋᑫᐙᒡ ᐃᐃ ᐊᐲ᙮ ᑕᒪᒥᔑᑎᐗᒃ ᑲᔦ, ᑕᔒᑫᓂᑎᐗᒃ ᑲᔦ᙮

Maahtiyo 7:15

ᐊᔛᑲᑕᐎᑯᒃ ᐃᑭ ᑳᐗᓂᔑᒥᐌᐙᒡ ᑳᑲᓅᑕᒪᐙᔑᑑᐙᒡ ᑭᔐᒪᓂᑑᓐ᙮ ᑭᐱᐅᑎᓯᑰᒃ ᒫᓇᒑᓂᔑᕽ ᐁᔑᓈᑯᓯᐙᒡ ᐗᑭᒐᔭᐄ᙮ ᐲᒋᓇᐤ ᐃᑕᔥ ᑖᐱᔥᑰ ᑳᐋᒀᑎᓯᐙᒡ ᒪᐄᑲᓇᒃ ᐃᔑᐊᔮᐗᒃ᙮

Maahtiyo 7:6

ᐌᑯᓀᓐ ᑳᑎᐯᑕᕽ ᑭᔐᒪᓂᑑ ᑫᑯ ᒦᓈᑫᒀᓂᒃ ᐃᑭ ᐊᓂᒨᒃ᙮ ᒫᑭᔖ ᑕᐱ ᑴᑮᐗᒃ, ᒋᒦᑳᓂᓀᒀ᙮ ᐃᑭ ᑲᔦ ᑳᑲᓇᐌᓂᒣᒀ ᑳᐋᑾᑭᓱᓂᒡ ᐊᓯᓃᐞ ᑫᑯ ᐊᐸᑭᑕᐙᑫᒀᓂᒃ ᐃᑭ ᑰᑰᔕᒃ᙮ ᒫᑭᔖ ᐅᑲ ᑕᑖᑯᑳᓈᐙᐞ᙮

ᐅᕒᐆᒪᓇᒃ 2:28

ᐊᐌᓀᓐ ᑕᔥ ᐊᐊ ᑌᐺ ᑳᒎᐎᐎᒡ? ᑳᐐᓐ ᒣᒬᒡ ᐊᐎᔭ ᑖᑎᓄᐎᓰ ᐗᑭᒐᔭᐄ ᐁᑕ ᑳᐃᔑᓈᑯᓯᒡ, ᐃᐃᒫ ᐐᔭᐎᕽ ᐁᑕ ᑳᑕᔑᑭᑭᓇᐙᑕᔕᑫᔓᓐᒡ᙮

2 ᑲᕒᐃᑎᔭᓇᒃ 11:13

ᑳᐐᓐ ᓴ ᑾᔭᒃ ᐃᔑᓂᔕᐙᑲᓇᒃ ᑎᓄᐎᓰᐗᒃ᙮ ᒦ ᓴ ᐃᑭ ᑳᐃᓍᓂᑎᓱᐙᒡ ᐃᔑᓂᔕᐙᑲᓇᒃ, ᑳᑮᐗᓂᒧᐙᒡ ᐁᑕᔑᑕᒧᐙᒡ ᐅᑕᓄᑮᐎᓂᐙᓐ᙮ ᑖᐱᔥᑰ ᑕᔥ ᑲᔦ ᑌᐺ X ᐅᑎᔑᓂᔕᐙᑲᓇᐞ ᐁᐃᔑᓈᑯᓯᐃᑎᓱᐙᒡ᙮

ᑲᓬᐁᔑᔭᓇᒃ 5:13

ᑮᓇᐙ ᑕᔥ ᐐᓐ ᓃᑕᓇᒥᐋᒃ, ᑭᔐᒪᓂᑑ ᐅᔕ ᑭᑮᐊᑐᒥᑯᐙ ᐃᐃᒫ ᐋᐸᐅᑰᐎᓂᕽ ᒋᑎᐯᓂᑎᓱᔦᒃ᙮ ᑫᑯ ᑕᔥ ᐐᓐ ᐃᐃ ᑭᑎᐯᓂᒥᑎᓱᐃᑰᐎᓂᐙ ᐋᐸᒋᑑᑫᒃ ᒋᐅᒋᒪᒋᑑᑕᒣᒃ, ᑫᑯ ᑲᔦ ᐸᑭᑎᓇᑫᒃ ᐃᓂ ᑭᒪᒋᒥᓴᐌᑕᒧᐎᓂᐙᓐ ᒋᑎᐯᓂᒥᑯᔦᒃ᙮ ᐅᐅ ᑕᔥ ᐃᔑᒋᑫᒃ, ᓵᑭᐃᑎᐎᓂᕽ ᐃᔑᓈᓈᑲᒋᐃᑎᒃ᙮

ᑲᓬᐁᔑᔭᓇᒃ 5:15

ᐊᔮᒀᒥᓯᒃ! ᑮᔥᐱᓐ ᐊᔭᐋᐎᔑᕽ ᑑᑖᑎᔦᒃ, ᒫᒫᑾᓂᑎᔦᒃ, ᐐᓴᑳᐱᓇᓂᑎᔦᒃ, ᒦ ᒫᐐᓐ ᐃᐃ ᒋᒑᑭᓇᓂᑎᔦᒃ!

ᑲᓬᐁᔑᔭᓇᒃ 5:6

ᐊᐲ ᓴ ᑮᐐᒌᐎᓐᒡ X ᒋᓴᔅ, ᐊᐊ ᓴ ᑳᑭᑭᓇᐙᑕᔕᑫᔑᑲᓂᐎᒡ ᐊᐊ ᑲᔦ ᐁᑳ ᑳᑭᑭᓇᐙᑕᔕᑫᔑᑲᓂᐎᓯᒃ ᑳᐐᓐ ᐯᔑᒃ ᐊᐗᔑᒣ ᐊᐲᑌᑖᑯᓯᓰ᙮ ᑳᐐᓐ ᑕᔥ ᐐᓐ ᐃᐃ ᑳᑭᒋ ᐃᓀᑖᑾᒃ᙮ ᑌᐺᑕᒧᐎᓐ ᓴ ᐃᐃ ᓵᑭᐃᐌᐎᓂᕽ ᑳᐃᔑᐊᓄᑮᒪᑲᒃ, ᒦ ᓴ ᐃ ᑳᑭᒋ ᐃᓀᑖᑾᒃ᙮

ᐱᓬᐃᐱᔭᓇᒃ 3:19

ᐱᒌᓇᒃ ᑕᐹᑲᒋᐊᔮᐗᒃ ᓂᔑᐗᓈᑎᓯᐎᓂᕽ᙮ ᐋᓃᔥ ᐅᒪᓂᑑᒥᐗᒃ ᐐᔭᐎᐙᓐ ᑳᐃᔑᐊᑕᐌᑕᒨᒪᑲᓂᓂᑭᓐ᙮ ᐃᐃᐌ ᑫᑮᒣᓂᔐᑕᒧᐙᐸᓐ ᓇᐗᒡ ᐃᑕᔥ ᐅᐙᐎᔐᑖᓈᐙ, ᐊᑮᐗᔭᐄᓐ ᐁᑕ ᐁᐸᐹᒣᑕᒧᐙᒡ᙮

ᐱᓬᐃᐱᔭᓇᒃ 3:3

ᑮᓇᐎᓐᑦ ᐅᔕ ᑭᑖᐎᒥᓐ ᑳᒦᓂᑰᐎᓯᔭᕽ ᑾᔭᒃ ᑭᑭᓇᐙᑕᔕᑫᔓᑰᐎᓂᕽ ᑳᐃᓀᑖᑾᒃ᙮ ᐋᓃᔥ ᑮᓇᐎᓐᑦ ᑭᑎᔑᐊᓇᒥᐁᑕᐙᓈᓐ ᑭᔐᒪᓂᑑ ᐁᐃᔑᑲᔥᑭᑑᐃᒥᓇᕽ ᐅᑕᒑᑾᓐ᙮ ᔑᑾ ᑭᑑᒋᒨᒋᑫᑖᒥᓐ ᐃᐌ ᐁᐐᒌᐎᓇᕽ X ᒋᓴᔅ᙮ ᑳᐐᓐ ᑲᓇᑫ ᑭᑕᐯᓂᒧᓄᑕᓰᒥᓐ ᑫᑰᓐ ᐗᑭᒋᓇᐤ ᐁᑕ ᐁᑑᒋᑳᑌᒃ᙮

1 Timahti 1:19

ᒥᒋᒥᓇᓐ ᐃᐃ ᑭᑌᐺᔦᑕᒧᐎᓐ, ᐃᐃ ᑲᔦ ᒥᓄᐃᓀᓂᑎᓱᐎᓐ᙮ ᐃᑭ ᐋᓂᓐᑦ ᐁᐌᐱᓇᒧᐙᒡ ᐅᑮᓂᔑᐗᓈᒋᑑᓈᐙ ᐅᑌᐺᔦᑕᒧᐎᓂᐙᓐ,

Taitahs 1:16

ᒦᑕᔥ ᐁᑭᑐᐙᒡ ᐁᑭᑫᓂᒫᐙᒡ ᑭᔐᒪᓂᑑᓐ, ᐅᑕᓄᑮᐎᓂᐙᓐ ᐃᑕᔥ ᐅᑎᔑᓈᑯᑑᓈᐙ ᐁᑭᑫᓂᒫᓯᒀ ᐁᐃᔑᒋᑫᐙᒡ, ᐁᔒᑫᑖᑯᓯᐙᒡ, ᐁᔕᔒᐱᑕᒧᐙᒡ ᑲᔦ᙮ ᑳᐐᓐ ᐃᑕᔥ ᑫᑰᓐ ᐊᐲᑌᑖᑯᓯᓰᐗᒃ, ᒥᓴᐙ ᐱᑯ ᑾᔭᒃ ᒋᑮᐃᔑᒋᑫᐙᐸᓐ᙮

2 Piitar 2:22

ᒦᓴᑯ ᒪᔮ ᑌᐺ ᐁᔑᓭᐙᒡ ᑳᐃᔑᓯᓂᓂᒃ ᐃᐃ ᓇᓀᑳᒻ ᐃᑭᑐᐎᓐ: ᐊᓂᒧᔥ ᐅᑮᐌᐊᑕᒦᒋᓐ ᑳᑮᔑᔑᑲᑯᐙᑕᕽ, ᐅᐅ ᑕᔥ ᑲᔦ ᐃᑭᑐᐎᓐ: ᐊᐊ ᑰᑰᔥ ᑮᐃᔥᒀ ᑭᓰᓯᐸᒋᑲᓂᐎᒡ, ᒦ ᐃ ᒦᓇᐙ ᐁᔑ ᑮᐌ ᑎᑎᐱᔑᒨᓄᒡ ᐊᔕᔥᑮᑳᕽ᙮

Coot 1:4

ᐊᓂᑕ ᐁᓇᒥᐁᐙᑎᓯᓯᒀ ᐅᔕ ᑭᑮᐲᑎᑳᑯᓈᓂᒃ ᐁᑮᑭᑫᑖᑯᓯᓯᒀ ᐁᑎᓄᐎᐙᒡ᙮ ᒦᐗᒃ ᐃᑕᔥ ᐃᐃ ᑳᑮᑴᑭᓇᒧᐙᒡ ᐁᓈᑐᑌᓂᒃ ᑭᔐᒪᓂᑑᓐ ᐅᑭᔐᐙᑎᓯᐎᓂᓂ, ᒦᔥ ᒣᔥᑾᒡ ᐁᓈᐸᒋᑑᐙᒡ ᐱᓵᓐ ᑫᐅᒋᑑᑕᒧᐙᒡ ᓅᒋᑯ ᐅᑎᔑᒋᑫᐎᓂᐙᓐ᙮ ᒦᐗᒃ ᐃᑕᔥ ᐃᑭ ᑳᔮᓇᐌᓂᒫᐙᒡ ᒋᓴᔅ Xᑕᓐ ᑳᒥᒋᐯᔑᑯᓂᒡ ᑭᑑᑭᒫᒥᓈᓂᓐ, ᑳᑎᐯᓂᒥᒥᓇᕽ ᑲᔦ᙮ ᒣᐎᔕ ᐄᑐᒃ ᑮᐃᔑᐲᐃᑳᑌᑯᐸᓐ ᐋᓃᓐ ᑫᔑᑲᒀᑕᑭᐃᑣ᙮

ᑭᑫᑕᒨᔑᐌᐎᓐ 2:9

ᑭᑭᑫᓂᒥᓂᓂᒻ ᐁᐅᒑᓂᒥᓯᔦᒃ ᑲᔦ ᐐᑫ ᐁᑭᑎᒫᑭᓯᔦᒃ᙮ ᑭᐌᓅᑎᓯᒻ ᐃᑕᔥ᙮ ᑲᔦ ᓂᑭᑫᑖᓐ ᐃᐃ ᐁᔑᒪᒋᑮᔣᓂᓀᒀ ᐃᑭ ᓂᒎᐎᒥᓐ ᑳᐃᑭᑐᐙᒡ, ᑳᐐᓐ ᐃᑕᔥ ᑌᐺ ᒎᐗᒃ ᑎᓄᐎᓰᐗᒃ, ᓭᑕᓐ Satan ᐃᑕᔥ ᐅᒫᐗᒋᐃᑎᐎᓂᕽ ᐃᔑᐐᒋᑣᐗᒃ᙮

ᑭᑫᑕᒨᔑᐌᐎᓐ 21:8

ᐃᑭᐌᓂᐗᒃ ᐃᑕᔥ ᐐᓐ ᑳᔖᑯᑌᐁᐙᒡ, ᑳᑌᐺᔦᑖᑯᓯᓯᒀ, ᑳᓂᑖ ᑲᒀᓂᓴᑭᒋᑫᐙᒡ, ᐃᑭ ᑲᔦ ᐅᓂᔑᐌᒃ, ᐅᐱᔑᒀᑎᓰᒃ, ᐅᑯᓵᐸᒋᑫᒃ, ᐅᒪᓂᑑᑫᔥᑲᒃ, ᑲᔦ ᑲᑭᓇ ᑳᑲᑮᓇᐎᔥᑭᐙᒡ, ᒦ ᐃᒫ ᐐᓇᐙ ᑫᐊᔮᐙᒡ, ᐃᐃᒫ ᓵᑲᐃᑲᓃᕽ ᑳᔑᒑᑭᑌᒃ ᐃᐃᐌ ᐃᔥᑯᑌ ᑲᔦ ᐊᐌ ᐊᓯᓐ ᑳᐱᔅᑲᓀᒡ ᐁᐐᓴᑳᐸᓱᐌᒡ᙮ ᒦ ᐅᐌ ᐃᔥᒀᒡ ᓃᔣ ᓂᐳᐎᓐ᙮

ᑭᑫᑕᒨᔑᐌᐎᓐ 22:15

ᐊᑾᒌᕽ ᐃᑕᔥ ᑕᐊᔮᐗᒃ ᐃᑭ ᐊᓅᒋᑯ ᐁᔑᐌᐱᓯᐙᒡ, ᑲᔦ ᑳᑯᓵᐸᑕᒧᐙᒡ, ᑳᐱᔑᒀᑎᓯᐙᒡ, ᑳᓂᔑᐌᐙᒡ, ᑲᔦ ᑳᒪᓂᑑᑫᐙᒡ ᑫᑰᓐ, ᑲᔦ ᐊᐌᓀᓐ ᐃᑯ ᑳᓵᑭᑑᒡ ᐁᑮᐗᓂᒧᒡ ᑲᔦ ᐁᑲᑮᓇᐎᔥᑭᐊᔨᔑᒋᑫᒡ᙮

ᑭᑫᑕᒨᔑᐌᐎᓐ 3:9

ᐃᓇᔥᑫ ᒦ ᐅᐌ ᑫᑑᑕᐗᒀ ᐃᑭᐌᓂᐗᒃ ᑳᐐᒋᐃᐌᐙᒡ ᐃᐃᒫ ᓭᑕᓐ Satan ᐅᒫᐗᒋᐃᐌᐎᓂᕽ᙮ ᒦᐗᑭᑭ ᐅᑮᐗᓂᒨᒃ, ᒎᐗᒃ Jews ᓂᑎᓄᐎᒥᓐ ᑳᐃᑭᑐᐙᒡ, ᑳᐐᓐ ᑌᐺ ᑎᓄᐎᓰᐗᒃ᙮ ᓇᔥᑫ ᓂᑲᐃᔑᐋᒃ ᒋᐱᐅᒋᒌᑾᓇᐱᐙᒡ ᐃᒫ ᐁᔑᓯᑌᑳᐸᐎᔦᒃ᙮ ᐅᑲᑭᑫᑖᓈᐙ ᑕᔥ ᐁᓵᑭᐃᓇᑰᒃ᙮