ᐱᓬᐃᐱᔭᓇᒃ 3:12 - ᐅᒋᐺ ᑭᒋᒪᓯᓇᐃᑲᓐ

¹² ᑳᐐᓐ ᐃᐌ ᓂᑖᐃᑭᑐᓰ ᐋᔕ ᒋᑲᔥᑭᑑᔮᓐ, ᑳᐐᓐ ᑲᔦ ᐁᑮᔑᐃᑰᐎᓯᔮᓐ᙮ ᐁᓂᑯᒃ ᐃᑕᔥ ᓂᑕᓂᑲᑴᑳᒋᑎᓇᒫᔅ ᐃᐃᐌ ᑳᑮᐐᒦᔑᒡ ᑳᑮᐅᒋᑳᒋᑎᓂᒡ X ᒋᓴᔅ᙮

Ojibwe Kihcimasina'ikan

¹² Kaawiin 'iwe nintaaihkitohsii aasha cikashkihtooyaan, kaawiin kaye ehkiishi'ikoowisiyaan. Enikohk itahsh nintanikakwekaahcitinamaas i'iwe kaakiiwii'miishitc kaakii'oncikaahcitinitc Christ Ciisahs.

ᐱᓬᐃᐱᔭᓇᒃ 3:12 Iomraidhean Croise

Nikamonan 42:1

ᑖᐱᔥᑰ ᓴ ᐙᐙᔥᑫᔑ ᑳᔑ ᓅᑕᔮᐹᑴᓄᑕᕽ ᑳᐱᒥᒋᐗᓂᓂᒃ ᓂᐱ, ᑭᔐᒪᓂᑑ, ᒦ ᑫᓃᓐ ᐯᔑᑾᓐ ᓂᑕᒑᑯᕽ ᐁᔑ ᐊᑕᐌᓂᒥᓈᓐ᙮

Nikamonan 63:8

ᓂᑕᒑᒃ ᓴ ᑭᑭᒌᑳᒃ, ᑭᑭᒋᓂᒃ ᑲᔦ ᑭᑎᔑ ᒥᒋᒥᓂᔥ ᐁᑲᓇᐌᓂᒥᔭᓐ᙮

Nikamonan 84:2

ᒫᐗᒡ ᐃᑯ ᐁᐊᑕᐌᑕᒫᓐ ᒋᐊᔮᔮᓐ ᐌᑎ! ᓂᒥᓴᐌᑖᓐ ᒋᑮ ᐊᔮᔮᐹᓐ ᑳᔑ ᐙᑳᔮᑯᓂᑳᑌᓂᒃ ᑳᑎᐯᒋᑫᒡ ᐅᑕᓇᒥᐁᐎᑲᒥᒃ; ᐁᓂᑯᑯᑌᐁᐗᒃ ᓴ ᓂᑲ ᓂᑲᒨᑕᒪᐙ ᑳᐱᒫᑎᓯᒡ ᑭᔐᒪᓂᑑ ᐁᐲᒋ ᒌᑫᑕᒧᐗᒃ᙮

ᑲᑮᑖᐎᑮᔗᐎᓇᓐ 4:18

ᐃᐃ ᓴ ᒦᑲᓇ ᐯᒪᐊᑑᐙᒡ ᐅᑾᔭᒀᑎᓰᒃ ᒦ ᐃ ᐁᔑᓈᑾᓂᓂᒃ ᑖᐱᔥᑰ ᑳᐲᑖᐸᕽ, ᐁᐊᓂ ᐙᓭᔮᒃ, ᐲᓂᔥ ᐁᐊᓂ ᒨᔥᑭᓀ ᑮᔑᑲᒃ᙮

Hosiiya 6:3

ᑕᑲ ᓴ ᐃᑭᑐᑖ ᐁᑭᑫᓂᒪᕽ ᑳᑎᐯᒋᑫᒡ; ᒫᓄ ᑲᔦ ᑲᑴ ᑭᑫᓂᒫᑖ᙮ ᑫᒋᓈᒡ ᓴ ᑳᔑ ᒨᑲᐊᕽ ᑮᓯᔅ, ᒦ ᒫᐐᓐ ᐃᐃ ᓇᑫ ᑫᔑ ᓈᓯᑲᐎᓇᕽ᙮ ᑳᔑ ᑭᒥᐗᕽ ᓴ ᑮᓰᑾᕽ, ᒦ ᒫᐐᓐ ᐃᐃ ᓇᑫ ᑫᒋᓈᒡ ᑳᑎᐯᒋᑫᒡ ᑫᔑ ᓈᓯᑲᐎᓇᕽ᙮

Maahtiyo 5:48

ᑮᓇᐙ ᑕᔥ ᒋᒥᓄᐱᒫᑎᓯᔦᑭᐸᓐ ᒥᓯᐌ ᑭᐱᒫᑎᓯᐎᓂᐙᕽ, ᐋᓃᔥ ᐐᑫ ᑌᒥᓯᐌ ᒥᓄᐱᒫᑎᓯ ᑭᑌᑌᐙ ᑭᒋᑮᔑᑯᕽ ᑳᐊᔮᒡ᙮

ᐃᔑᒋᑫᐎᓇᓐ 9:15

ᒦᔥ ᐅᐅ ᑳᐃᑯᒡ ᑳᑎᐯᒋᑫᓂᒡ: ᒫᒑᓐ, ᐃᔖᓐ! ᐐᓐ ᐅᔕ ᓂᑮᐅᓈᐸᒫ ᐁᐐᐋᐸᒋᐊᒃ ᒋᑭᑫᑕᒨᓈᒡ ᓂᐐᓱᐎᓐ ᑳᒎᐎᐎᓯᓂᒃ Gentiles, ᑭᒋᐅᑭᒫᐞ ᑲᔦ, ᐃᐃ ᑕᔥ ᑲᔦ ᐃᔅᕒᐃᔭᓬᐊᐞ᙮

ᐅᕒᐆᒪᓇᒃ 8:39

ᑳᐐᓐ ᑕᔥ ᑲᔦ ᐃᔥᐱᒥᕽ ᑳᐊᔮᑭᓐ, ᐌᑎ ᑲᔦ ᓃᓴᔭᐄ ᑳᐃᔑᐊᔮᑭᓐ, ᑳᑕᓯᑭᓐ ᐃᑯ ᑲᔦ ᐋᑎ ᓴ ᑯ ᑳᐅᔑᒋᑳᑌᑭᓐ᙮ ᑳᐐᓐ ᑲᓇᑫ ᐐᑳ ᑫᑰᓐ ᑭᑖᐸᑫᐎᓂᑯᓰᒥᓐ ᐁᑳ ᒋᐐᒌᐎᑯᓯᐗᕽ ᑭᔐᒪᓂᑑ ᐅᔕᐌᓂᒥᐌᐎᓐ ᐃᐃᒫ ᑳᐅᒋᒦᓂᑰᔭᕽ X ᒋᓴᔅ ᑳᑎᐯᓂᒥᓇᕽ᙮

1 ᑲᕒᐃᑎᔭᓇᒃ 13:10

ᐊᐲ ᑕᔥ ᐱᐅᒋᒋᓭᒃ ᐃᐃ ᑳ ᐊᐲᒋ ᒥᓯᐌᐊᔮᒃ, ᑳᐐᓐ ᑫᔮᐱ ᑕᓈᑾᓯᓅᓐ ᐃᐃᐌ ᐸᑮ ᑳ ᐊᔮᒃ᙮

1 ᑲᕒᐃᑎᔭᓇᒃ 13:12

ᐃᐃᐌ ᓅᑯᒻ ᑳᐙᐸᑕᒪᕽ ᑖᐱᔥᑰ ᐙᐸᒧᓂᕽ ᐁᒥᒋᐸᐎᓈᑾᒃ ᑭᑎᔑᓈᒥᓐ᙮ ᐱᒌᓇᒃ ᐃᑕᔥ ᐅᒋᒋᓭᒃ, ᑾᔭᒃ ᐃᑯ ᐯᔓ ᑭᑲᐙᐸᒫᓈᓐ᙮ ᒣᒀ ᐱᑯ ᐅᐅ ᐊᐲ ᐸᑮ ᐁᑕ ᓂᑎᔑᑭᑫᑕᒻ᙮ ᐹᓂᒫ ᑕᔥ ᐊᐲ ᓂᑲᒥᓯᐌ ᑭᑫᑕᒻ ᑖᐱᔥᑰ ᑭᔐᒪᓂᑑ ᑳᐃᔑᔖᐳᑭᑭᑫᓂᒥᔑᒡ᙮

1 ᑲᕒᐃᑎᔭᓇᒃ 9:24

ᑫᒋᓈᒡ ᑭᑭᑫᑖᓈᐙ ᐐᑲᑴᒋᑲᓂᑎᕽ, ᓃᐱᐗᐞ ᐊᐎᔭ ᐐᒋᐃᐌᐗᒃ ᐁᒫᒌᐸᐃᑎᐙᒡ᙮ ᐯᔑᒃ ᐃᑕᔥ ᐁᑕ ᑕᐸᑭᓈᑫ ᒋᑎᐸᐊᒪᐎᓐᒡ᙮ ᒦ ᐃᐌ ᑮᓇᐙ ᑾᔭᒃ ᑲᑴᐱᒥᐸᑑᒃ ᒋᐸᑭᓈᑫᔦᒃ᙮

2 ᑲᕒᐃᑎᔭᓇᒃ 13:9

ᓂᒥᓉᑖᒥᓐ ᑲᔦ ᓃᓇᐎᓐᑦ ᐁᐃᔑᓈᑯᓯᔮᕽ ᐁᒪᔥᑲᐎᓰᓯᐙᕽ, ᑮᓇᐙ ᑕᔥ ᐁᒪᔥᑲᐎᓰᔦᒃ᙮ ᒦ ᑲᔦ ᐁᔑᐊᓇᒥᐁᑕᒫᑰᔦᒃ ᒥᓯᐌ ᑾᔭᒃ ᒋᓂ ᐃᔑᓈᑯᓯᔦᒃ᙮

2 ᑲᕒᐃᑎᔭᓇᒃ 7:1

ᑳᓵᑭᐃᓇᑰᒃ, ᐅᐅᐌ ᑕᔥ ᐁᑮᐃᔑᐊᔓᑕᒫᑰᔭᕽ, ᑕᑲ ᓴ ᐯᑭᑑᑖᓂᓐ ᑭᐱᒫᑎᓯᐎᓂᓈᓂᓐ᙮ ᑕᑲ ᑳᐐᓐ ᑭᑲᐸᐹᒣᑕᓰᒥᓐ ᑫᑰᓐ ᑫᐐᓂᔥᑳᑯᔭᕽ ᐃᐃᒫ ᑭᐐᔭᐎᓈᓂᕽ, ᑭᑕᒑᑯᓈᓂᕽ ᑲᔦ᙮ ᑕᑲ ᐌᐌᓂ ᐱᒫᑎᓰᑲᑕᐙᑖ ᐁᑭᒋ ᐃᓀᓂᒪᕽ ᑭᔐᒪᓂᑑ᙮

ᑲᓬᐁᔑᔭᓇᒃ 5:17

ᐊᐎᔭ ᓴ ᐅᑫᑌᐃᓈᑎᓯᐎᓐ ᓇᐹᒡ ᐃᓇᑫ ᐃᔑᒥᓴᐌᑕᒨᒪᑲᓂᓂ, ᑳᐐᓐ ᐐᓐ ᑭᔐᒪᓂᑑ ᐅᑕᒑᑾᓐ ᑳᐃᔑᒥᓴᐌᑕᒥᓂᒡ ᐃᔑᒋᑫᒪᑲᓯᓂᓂ᙮ ᐊᐊ ᑕᔥ ᑲᔦ ᑭᔐᒪᓂᑑ ᐅᑕᒑᑾᓐ ᑳᐐᓐ ᐃᔑᒥᓴᐌᑕᓰᐗᓐ ᐃᐃ ᑫᑌᐃᓈᑎᓯᐎᓐ ᑳᐐᐃᔑᒋᑫᒪᑲᓂᓂᒃ᙮ ᐊᐊ ᑕᔥ ᐊᒑᒃ ᐅᒥᓴᐌᑕᒧᐎᓐ ᐃᐃ ᑲᔦ ᑭᑫᑌᐃᓈᑎᓯᐎᓂᐙ ᒦᑕᔥ ᒨᔕᒃ ᒦᑳᑏᒪᑲᓅᓐ᙮ ᒦᑕᔥ ᐃᐃ ᑳᐅᒋᑲᔥᑭᑑᓯᐌᒃ ᐃᐃ ᑳᔑᐊᑕᐌᑕᒣᒃ ᐁᐐᐃᔑᒋᑫᔦᒃ᙮

ᐃᐲᔑᔭᓇᒃ 1:4

ᐐᓐ ᐋᓃᔥ ᑭᑮᑮᔖᒋᐅᓀᓂᒥᑯᓈᓐ ᒋᐐᒌᐎᒪᕽ Xᑕᓐ ᒋᑆ ᒫᒋᓭᓂᒃ ᐅᐅ ᐊᑮᓂ, ᒋᐯᑭᓯᐗᕽ, ᑫᑰᓐ ᑲᔦ ᐋᐲᓐᒡ ᒋᐃᔑᐊᓈᒣᑖᑯᓯᓯᐗᕽ ᐁᓈᓴᒦᒡ᙮

ᐃᐲᔑᔭᓇᒃ 4:12

ᒦᑕᔥ ᐃᐃ ᑳᑮᐅᒋᒦᓈᒡ ᐁᐐᑾᔮᒋᐋᒡ ᑭᔐᒪᓂᑑ ᐅᑕᓇᒥᐋᒪᐞ ᒋᑑᑕᒥᓂᒡ ᐅᐙᐐᒋᐃᐌᐎᐊᓄᑮᐎᓐ, ᒋᐅᒋᑮᔑᓈᑾᓂᓂᒃ ᐁᐅᐱᒋᑳᑌᓂᒃ X ᐅᐐᔭᐤ,

ᐱᓬᐃᐱᔭᓇᒃ 1:1

ᓃᓇᐎᓐᑦ ᑆᓬ Paul ᑲᔦ ᑎᒪᑎ Timothy ᐅᑕᓄᑮᐋᑲᓇᐞ X ᒋᓴᔅ᙮ ᑮᓇᐙ ᑭᑑᔑᐲᐊᒫᑰᒻ ᐃᐃᒫ ᐱᓬᐃᐹᐃ Philippi ᐆᑌᓈᕽ ᑳᐊᔮᔦᒃ, ᑮᓇᐙ ᑭᔐᒪᓂᑑ ᐅᐱᒫᑎᓰᒪᐞ ᑳᐐᒌᐌᒃ X ᒋᓴᔅ, ᑕᑯ ᑲᔦ ᐃᑭᐌᓂᐗᒃ ᐅᓃᑳᓂᓰᒃ ᑲᔦ ᐅᐐᒋᐃᐌᒃ ᓂᑑᔑᐲᐊᒪᐙᓈᓂᒃ᙮

ᐱᓬᐃᐱᔭᓇᒃ 3:16

ᒫᓄ ᑕᔥ ᑫᔮᐱ ᒋᐊᓂ ᐃᔑᒫᒑᔭᕽ ᐯᔑᑾᓐ ᐃᐃᐌ ᐋᔕ ᑳᐱ ᐃᔑᐅᑎᑕᒪᕽ᙮

ᐱᓬᐃᐱᔭᓇᒃ 3:3

ᑮᓇᐎᓐᑦ ᐅᔕ ᑭᑖᐎᒥᓐ ᑳᒦᓂᑰᐎᓯᔭᕽ ᑾᔭᒃ ᑭᑭᓇᐙᑕᔕᑫᔓᑰᐎᓂᕽ ᑳᐃᓀᑖᑾᒃ᙮ ᐋᓃᔥ ᑮᓇᐎᓐᑦ ᑭᑎᔑᐊᓇᒥᐁᑕᐙᓈᓐ ᑭᔐᒪᓂᑑ ᐁᐃᔑᑲᔥᑭᑑᐃᒥᓇᕽ ᐅᑕᒑᑾᓐ᙮ ᔑᑾ ᑭᑑᒋᒨᒋᑫᑖᒥᓐ ᐃᐌ ᐁᐐᒌᐎᓇᕽ X ᒋᓴᔅ᙮ ᑳᐐᓐ ᑲᓇᑫ ᑭᑕᐯᓂᒧᓄᑕᓰᒥᓐ ᑫᑰᓐ ᐗᑭᒋᓇᐤ ᐁᑕ ᐁᑑᒋᑳᑌᒃ᙮

ᐱᓬᐃᐱᔭᓇᒃ 3:8

ᑳᐐᓐ ᐃᓂᐌᓂᐗᓐ ᐁᑕ ᓂᑎᔑᓇᓰᓇᓐ, ᑲᑭᓇ ᑫᑰᓐ ᐋᓇᑑᑕᒫᓐ ᓂᑎᔑᓈᓐ ᒥᓯᐌ ᐁᑮᐗᓂᒋᑫᔮᓐ, ᓇᐗᒡ ᐃᑯ ᐁᐐᐊᔮᔮᓐ ᑫᑰᓐ ᒫᐗᒡ ᑳᐅᓂᔑᔑᕽ, ᒦ ᐃᐌ ᒋᑭᑫᓂᒪᒃ X ᒋᓴᔅ ᑳᑎᐯᓂᒥᒡ᙮ ᐐᓐ ᐁᐐᐊᔮᐗᒃ ᓂᑮᐅᒋᐌᐱᓈᓐ ᑲᑭᓇ᙮ ᒋᒥᒋᐌᐱᓂᑳᑌᒃ ᐁᑕ ᓂᑎᓇᑭᑖᓐ ᑲᑭᓇ, ᓇᐗᒡ ᐁᐐᐅᑎᓇᒃ ᐊᐊ X᙮

1 ᑌᓴᓬᐆᓂᔭᓇᒃ 5:15

ᑫᑯ ᐊᐎᔭ ᐅᑲᓈᐱᑑᑕᐙᓰᓐ ᐊᐎᔭᓐ ᒪᒋᒋᑫᐃᑯᒡ᙮ ᒨᔕᒃ ᐃᑕᔥ ᑲᑴᒥᓄᒋᑫᐃᑎᒃ, ᑲᔦ ᑲᑭᓇ ᐯᒫᑎᓯᐙᒡ ᒥᓄᒋᑫᐃᑾᒃ᙮

2 ᑌᓴᓬᐆᓂᔭᓇᒃ 2:13

ᑳᐐᒋᐅᑌᐺᑕᒨᒥᑰᔦᒃ, ᑮᓇᐙ ᑳᓵᑭᐃᓀᒃ ᑭᔐᒪᓂᑑ! ᑮᓇᐙ ᓂᑑᒋᒦᑴᒋᐎᐋ ᑭᔐᒪᓂᑑ, ᐋᓃᔥ ᒫᐗᒡ ᓃᑳᓐ ᑭᑮᐅᓀᓂᒥᑯᐙ ᒋᐱᒫᒋᐃᑰᐎᓯᔦᒃ, ᐁᑮᐃᔑᐊᓄᑮᓂᒡ ᐅᑕᒑᑾᓐ ᑭᔐᒪᓂᑑ, ᐐᓐ ᐃᑯ ᒋᑎᐯᓂᒥᓀᒃ, ᑲᔦᔥ ᐁᑮᑌᐺᑕᒣᒃ ᑌᐺᐎᓐ᙮

1 Timahti 5:10

ᑕᒥᓍᒋᒫ ᑲᔦ ᐁᓂᑖ ᒥᓄᒋᑫᒡ, ᐁᑮᒥᓄ ᐅᐱᑭᐋᒡ ᐊᐱᓅᒌᔕᐞ, ᐁᑮᒥᓄᐲᑎᑲᓈᒡ ᐲᐎᑌᐞ, ᐁᓂᑖ ᑭᓰᐲᑭᓯᑌᓈᒡ ᐁᐱᒥᐊᔮᓂᒡ ᑭᔐᒪᓂᑑᓐ ᐅᑎᐯᓂᒫᑲᓂᓂ, ᐁᑮᐱᒥᓄᐐᒋᐋᒡ ᑲᔦ ᐃᓂ ᑳᒪᒋᓭᓂᒡ, ᒋᐃᓂᑎᐸᓐ ᑲᔦ ᑲᑭᓇ ᒥᓄᒋᑫᐎᓐ ᐁᑮᑲᑴᑲᔥᑭᑑᒡ᙮ ᒦᓴ ᐊᐌ ᑫᑕᑾᑭᒥᓐᒡ᙮

1 Timahti 6:19

ᒦ ᐃᒫ ᑫᐃᔑᒫᐗᒋᑕᒫᓱᐙᒡ ᐃᐃᐌᓂ ᑳᐅᓂᔑᔑᓂᓂᒃ, ᑫᔑᐋᐸᒋᑑᐙᒡ ᓃᑳᓇᔭᐄ ᒋᓂᐅᒋᒥᓄᐱᒫᑎᓯᐙᒡ᙮ ᒦᔥ ᐃᐃᒫ ᑫᓂ ᐃᔑ ᐅᑎᑎᓇᒧᐙᒡ ᑌᐺ ᐃ ᐱᒫᑎᓯᐎᓐ᙮

ᐄᐸᕒᐆᐗᒃ 12:14

ᐌᐌᓂ ᑕᔥ ᑲᑴᐐᒋᐱᒫᑎᓰᒥᑾᒃ ᑲᑭᓇ ᐃᓂᓂᐗᒃ, ᑲᑴᐯᑳᑎᓯᒃ ᑲᔦ, ᐋᓃᔥ ᑮᔥᐱᓐ ᐊᐎᔭ ᐊᔮᓯᒃ ᐯᑳᑎᓯᐎᓐ ᑳᐐᓐ ᐅᑲᐙᐸᒫᓰᓐ ᑭᔐᒪᓂᑑᓐ᙮

ᐄᐸᕒᐆᐗᒃ 12:23

ᐁᑮᐃᔑᑕᑯᔑᓀᒃ ᑲᔦ ᑳᐃᔑᒥᓉᑕᒧᓈᓂᐗᕽ ᑳᐃᔑᒫᒪᐐᓄᓂᒡ ᑭᔐᒪᓂᑑ ᓂᑕᒻ ᑳᐅᑯᓯᓯᒫᒡ, ᐅᐐᓱᐎᓂᓂ ᑳᐅᔑᐲᐃᑳᑌᓂᑭᓐ ᑭᒋᑮᔑᑯᕽ; ᐁᑮᐱᓈᓯᑲᐌᒃ ᑲᔦ ᑭᔐᒪᓂᑑ ᑳᑎᐹᑯᓈᒡ ᑲᑭᓇ ᐯᒫᑎᓯᓂᒡ᙮ ᑭᐱᑕᑯᔑᓂᒻ ᑲᔦ ᑳᐃᔑᐊᔮᓂᒡ ᐅᑕᒑᑯᐙᐞ ᐃᑭ ᑾᔭᒃ ᐯᒫᑎᓯᐙᒡ ᐋᔕ ᑳᑮ ᑮᔑ ᐃᔑᓈᑯᓯᐃᑣ᙮

ᐄᐸᕒᐆᐗᒃ 13:21

ᑭᑲᐅᑎᓇᒫᑯᐙ ᑲᑭᓇ ᑳᐅᓂᔑᔑᓂᓂᑭᓐ ᑫᑰᓇᓐ ᒋᑑᑕᒧᐌᒃ ᐅᑎᓀᑕᒧᐎᓐ᙮ ᑕᑲ ᑲᔦ ᒋᓴᔅ Xᐃᕽ ᑭᑲᐅᒋ ᐃᔑᐃᑯᓈᓐ ᒋᑑᑕᒧᐗᕽ ᐋᓃᓐ ᐁᔑᒥᓍᐸᑕᕽ᙮ ᑕᑲ X ᑕᑭᒋ ᐃᓀᑖᑯᓯ ᒨᔕᒃ ᐃᑯ ᐊᐸᓀ᙮ ᐁᒣᓐ᙮

Ciimis 3:2

ᑮᓇᐎᓐᑦ ᑕᔥ ᑳᐱᒫᑎᓯᔭᕽ ᒨᔕᒃ ᑭᐗᓂᑑᑖᒥᓐ᙮ ᑮᔥᐱᓐ ᑕᔥ ᐐᓐ ᐊᐎᔭ ᐐᑳ ᐗᐗᓃᓯᒃ ᐋᓃᓐ ᐁᑭᑐᒡ, ᒦ ᐊᐌ ᑳᑮᔑᓈᑾᓂᓂᒃ ᐅᐱᒫᑎᓯᐎᓐ, ᐁᑌᑕᑯ ᐁᑲᔥᑭᑑᒡ ᒋᑎᐯᓂᑎᓱᒡ ᒥᓯᐌ ᐅᐱᒫᑎᓯᐎᓂᕽ᙮

1 Piitar 5:10

ᐊᐲ ᑕᔥ ᐊᒋᓇ ᑮᑲᒀᑕᑭᑑᔦᒃ, ᑭᔐᒪᓂᑑ ᑳᐌᓅᒋ ᐐᒦᑭᐌᒡ ᑭᔐᐙᑎᓯᐎᓐ, ᑳᑮᐊᑑᒥᓀᒃ Xᐃᕽ ᒋᐃᔑᐐᑑᑳᓱᔦᒃ ᐃᐃᒫ ᑳᐃᔑᓀᐱᒋ ᑭᒋ ᐃᓀᑖᑯᓯᒡ, ᐐᓐ ᐃᑯ ᑭᑲᑮᔑᓈᑯᐃᑯᐙ, ᑭᑲᐃᔑᐃᑯᐙ ᑲᔦ ᒋᐋᔩᒋᑳᐸᐎᔦᒃ, ᒋᒪᔥᑲᐎᓰᔦᒃ, ᑭᑲᓀᐱᒋᐅᓇᓯᑯᐙ ᑲᔦ᙮

2 Piitar 3:18

ᐃᔑᐱᒫᑎᓯᒃ ᓴ ᒋᐊᓂ ᐃᔑᒫᒌᑭᔦᒃ ᑭᑕᓇᒥᐁᐙᑎᓯᐎᓂᐙᕽ, ᒋᓂᑭᑫᓂᒣᒃ ᑳᑎᐯᓂᒥᓇᕽ ᑳᐱᒫᒋᐃᓇᕽ ᒋᓴᔅ X᙮ ᑕᑲ ᐐᓐ ᒨᔕᒃ ᑕᑭᒋ ᐃᓀᓂᒫ ᓅᑯᒻ ᓀᐱᒡ ᐃᑯ ᑲᔦ᙮ ᐁᒣᓐ᙮