ᐱᓬᐃᐱᔭᓇᒃ 3:10 - ᐅᒋᐺ ᑭᒋᒪᓯᓇᐃᑲᓐ

¹⁰ ᐅᐅᐌ ᓴ ᐁᑕ ᓂᓇᑕᐌᑖᓐ, ᐐᓐ X ᒋᑭᑫᓂᒪᒃ ᑲᔦ ᒋᐱᑭᑫᑕᒪᐗᒃ ᐃᐌ ᒪᔥᑲᐎᓰᐎᓐ ᐃᐃᒫ ᐌᒌᒪᑲᒃ ᐅᑮᐌᐱᒫᑎᓯᐎᓂᕽ᙮ ᑲᔦ ᓂᐐᐐᒋᐃᐌ ᐅᑯᑕᑭᑑᐎᓂᕽ X, ᓂᐐᓈᐹᑎᓰᒫ ᑳᐃᓈᑎᓯᒡ ᐅᓂᐳᐎᓂᕽ,

Ojibwe Kihcimasina'ikan

¹⁰ O'owe hsa ehta ninantawentaan, wiin Christ cikihkenimak kaye cipikihkentamawak 'iwe mashkawisiiwin i'imaa wenciimakahk okiiwepimaatisiwinink. Kaye niwii'wiici'iwe okotakihtoowinink Christ, niwii'naapaatisiimaa kaainaatisitc onipowinink,

ᐱᓬᐃᐱᔭᓇᒃ 3:10 Iomraidhean Croise

Maahtiyo 20:23

ᒋᓴᔅ ᑕᔥ ᐅᑮᐃᓈᐞ: ᑌᐺ ᓴ ᑭᑲᐅᒋ ᒥᓂᑴᒻ ᐃᐃᒫ ᓂᒥᓂᒀᑲᓂᕽ᙮ ᑳᐐᓐ ᑕᔥ ᓃᓐ ᓂᑑᓀᓂᒫᓰᒃ ᐊᐌᓀᓇᒃ ᑫᐊᐱᐙᒡ ᓂᑭᒋᓂᑭᕽ ᐃᓇᑫ, ᓂᓇᒪᑎᓂᑭᕽ ᐃᓇᑫ ᑲᔦ᙮ ᐋᔕ ᐅᔕ ᓂᑌᑌ ᐅᑮᐅᓀᓂᒫᐞ ᐊᐌᓀᓇᐞ ᑫᐊᐱᓂᒡ᙮

Cwaan 10:18

ᑳᐐᓐ ᐊᐎᔭ ᐅᑲᑲᔥᑭᑑᓰᓐ ᒋᐅᑖᐱᓇᒪᐎᒡ ᓂᐱᒫᑎᓯᐎᓐ᙮ ᓃᓐ ᐋᓃᔥ ᐁᐃᓀᑕᒫᓐ ᐃᑯ ᓂᐸᑭᑎᓈᓐ᙮ ᓂᑕᔮᓐ ᐃᑕᔥ ᑲᔥᑭᐁᐎᓯᐎᓐ ᒋᐸᑭᑎᓇᒫᓐ, ᔑᑾᔥ ᓂᑕᔮᓐ ᑲᔥᑭᐁᐎᓯᐎᓐ ᒦᓇᐙ ᒋᑮᐌᐱᒫᑎᓯᔮᓐ᙮ ᒦ ᐅᐌ ᑳᑮᐃᔑᑲᓅᔑᒡ ᐊᐊ ᓂᑌᑌ ᒋᑑᑕᒫᓐ, ᑮᐃᑭᑐ᙮

Cwaan 17:3

ᒦ ᐋᓃᔥ ᐅᐌ ᐱᒫᑎᓯᐎᓐ ᐐᑳ ᑫᐃᔥᒀᓭᓯᓄᒃ, ᐁᑭᑫᓂᒥᑰᔭᓐ ᑮᓐ ᐱᑯ ᑌᐺ ᑳᑭᔐᒪᓂᑑᐎᔭᓐ, ᑲᔦ ᐁᑭᑫᓂᒥᓐᒡ ᒋᓴᔅ X, ᑮᓐ ᑳᑮᐲᒋᓂᔕᐗᒡ᙮

ᐅᕒᐆᒪᓇᒃ 8:17

ᒦᔥ ᐃᐃ ᑌᐺ ᐋᔕ ᐁᐅᓃᒑᓂᓯᒥᓇᕽ, ᑭᑲᒦᓂᑰᒥᓐ ᒋᑎᐱᓇᐌᐎᓯᐗᕽ ᐃᓂ ᑫᑰᓇᓐ ᑭᔐᒪᓂᑑ ᐙᐃᔑᔕᐌᓂᒫᒡ ᐅᐱᒫᑎᓰᒪᐞ, ᑲᔦ ᑭᑲᑕᑯᒦᓂᑰᒥᓐ ᑲᔦ ᐐᓐ X ᐙᐃᔑᒦᓂᑯᒡ ᑭᔐᒪᓂᑑᓐ᙮ ᑮᔥᐱᓐ ᐋᓃᔥ ᐅᒋᐐᒌᐗᕽ X ᐅᑲᒀᑕᑭᐃᑰᐎᓂᕽ, ᑭᑲᑕᔑᐐᒌᐙᓈᓐ ᑲᔦ ᐅᑭᒋ ᐃᓀᑖᑯᓯᐎᓂᕽ ᑳᐐᒦᓂᓐᒡ᙮

ᐅᕒᐆᒪᓇᒃ 8:29

ᐃᓂᐌᓂᐗᐞ ᐋᓃᔥ ᓃᔮᒃ ᑳᑮᐅᓀᓂᒫᒡ ᑭᔐᒪᓂᑑ, ᓃᔮᑭᑯ ᐅᑮᐃᓇᓵᐞ ᐁᐃᓀᓂᒫᒡ ᐃᑯᑎᕽ ᒋᐃᔑᓈᑯᓯᓂᒡ ᐅᑯᓯᓴᓐ ᑳᐃᔑᓈᑯᓯᓂᒡ, ᐐᓐ ᒫᐗᒡ ᒋᓃᑳᓀᑖᑯᓯᓂᒡ ᐃᐃᒫ ᑫᔑᐹᑏᓄᓂᒡ ᑳᐐᐅᐐᒋᑭᐌᔨᑎᓂᒡ᙮

ᐅᕒᐆᒪᓇᒃ 8:36

ᐃᓇᔥᑫ ᐃᔑᐲᐃᑳᑌ ᑫᑌᒪᓯᓇᐃᑲᓂᕽ: ᐁᑕᓱᑮᔑᒃ ᓂᓇᓃᓵᓂᓈᑯᓯᒥᓐ ᑮᓐ ᐁᐐᐅᒋᓂᓯᑰᔮᕽ; ᒦ ᐃᐌ ᐁᑑᑖᑰᔮᕽ ᑖᐱᔥᑰ ᒫᓇᒑᓂᔕᒃ ᑳᐐᓂᓯᑣ, ᐃᑭᑑᒪᑲᓐ᙮

2 ᑲᕒᐃᑎᔭᓇᒃ 1:10

ᐋᐱᒋ ᑕᔥ ᓂᑮᐯᔣᐸᑖᒥᓐ ᐃᐃ ᓂᐳᐎᓐ᙮ ᑭᔐᒪᓂᑑ ᑕᔥ ᓂᑮᔖᐾᐃᑯᓈᓐ᙮ ᑲᔦ ᓂᑲᔖᐾᐃᑯᓈᓐ᙮ ᐐᓐ ᑕᔥ ᓂᑕᐯᓂᒧᓄᑕᐙᓈᓐ ᒦᓇᐙ ᒋᓂᔖᐾᐃᔭᒥᓐᒡ᙮

2 ᑲᕒᐃᑎᔭᓇᒃ 1:5

ᑖᐱᔥᑰ ᓴ ᑳᔑ ᐐᒋ ᑲᒀᑕᑭᑑᒪᑭᒡ ᐊᐊ X ᐅᑲᒀᑕᑭᑑᐎᓂᕽ, ᒦ ᓴ ᐯᔑᑾᓐ ᐃᐃᒫ Xᐃᕽ ᑭᔐᒪᓂᑑ ᓂᑲᐐᒋᐃᑯᓈᓐ᙮

2 ᑲᕒᐃᑎᔭᓇᒃ 13:4

ᑫᒋᓈᒡ ᓴ ᑖᐱᔥᑰ ᐁᒪᒌᐗᑮᒡ ᑮᐃᔑᓈᑯᓯ ᐊᐲ X ᑮᐊᑯᓴᑲᐅᓐᒡ ᐃᐃᒫ ᐋᔑᑌᔮᑎᑯᕽ᙮ ᓅᑯᒻ ᑕᔥ ᑭᔐᒪᓂᑑᓐ ᐅᒪᔥᑲᐎᓰᐎᓂᓃᕽ ᐃᔑᐱᒫᑎᓯ᙮ ᑫᓃᓇᐎᓐᑦ ᓴ ᐁᐐᒌᐗᑭᒡ X ᒦ ᓴ ᐯᔑᑾᓐ ᐁᔑᓈᑯᓯᔮᕽ ᐁᒪᒌᐗᑮᔮᕽ᙮ ᐃᐃᒫ ᑕᔥ ᐐᓐ ᑭᔐᒪᓂᑑ ᐅᒪᔥᑲᐎᓰᐎᓂᕽ ᓂᑲᐃᔑᐐᒋᐱᒫᑎᓰᒫᓈᓐ X, ᐊᐲ ᐐᒌᐎᑰᔦᒃ᙮

ᑲᓬᐁᔑᔭᓇᒃ 2:20

X ᓴ ᓂᑮᐐᒋᓂᐴᒫ ᐊᐲ ᐁᑮᓂᓯᓐᒡ ᐃᐃᒫ ᐋᔑᑌᔮᑎᑯᕽ᙮ ᑳᐐᓐ ᑕᔥ ᓃᓐ ᐗᐊ ᑳᐱᒫᑎᓯᔮᓐ, ᐐᓐ ᐅᔕ X ᑳᐱᒫᑎᓯᒡ ᓂᐱᒫᑎᓯᐎᓂᕽ᙮ ᐁᑌᐺᑕᐎᒪᒃ ᑭᔐᒪᓂᑑ ᐅᑯᓯᓴᓐ, ᑳᐅᒋᐱᒫᑎᓯᔮᓐ ᐅᐅ ᓅᑯᒻ ᐱᒫᑎᓯᐎᓐ ᑳᐱᒫᑎᓯᔮᓐ᙮ ᐋᓃᔥ X ᓂᑮᓵᑭᐃᒃ, ᐅᑮᐸᑭᑎᓈᓐ ᑲᔦ ᐅᐱᒫᑎᓯᐎᓐ ᓃᓐ ᐅᒋ᙮

ᑲᓬᐁᔑᔭᓇᒃ 6:17

ᒦᑕᔥ ᐅᐅ ᐁᑭᑐᔮᓐ ᐃᔥᒀᒡ, ᑕᑲ ᑫᑯ ᐊᐎᔭ ᐊᐗᔑᒣ ᓂᑲᒥᑯᔥᑳᒋᐃᑯᓰ, ᐋᓃᔥ ᓈᑾᓅᓐ ᐃᓂ ᓂᑲᒀᑕᑭᐃᑰᐎᓇᓐ ᐃᐃᒫ ᓂᐐᔭᐎᕽ᙮ ᒦᑕᔥ ᐃᐃᒫ ᐁᔑᑭᑭᓇᐙᓯᓈᑾᒃ ᐁᐊᓄᑮᑕᐗᒃ ᒋᓴᔅ᙮

ᐃᐲᔑᔭᓇᒃ 4:13

ᐹᓂᒫ ᑲᑭᓇ ᑮᐯᔑᑴᑖᑾᒃ ᑭᑌᐺᑕᒧᐎᓂᓈᓐ, ᑳᐃᔑᑭᑫᓂᒪᕽ ᑲᔦ ᑭᔐᒪᓂᑑ ᐅᑯᓯᓴᓐ, ᒦᑕᔥ ᐃᐃ ᐸᔦᔥ ᒋᓂᑮᔖᐯᐎᐗᕽ, ᒋᐅᒋᒋᔥᑳᐗᕽ ᐅᒨᔥᑭᓀᐌᑖᑯᓯᐎᓂᕽ X ᒪᔮ ᑫᑮᓇᐎᓐᑦ ᒋᐃᔑᓈᑯᓯᔭᕽ᙮

ᐱᓬᐃᐱᔭᓇᒃ 3:8

ᑳᐐᓐ ᐃᓂᐌᓂᐗᓐ ᐁᑕ ᓂᑎᔑᓇᓰᓇᓐ, ᑲᑭᓇ ᑫᑰᓐ ᐋᓇᑑᑕᒫᓐ ᓂᑎᔑᓈᓐ ᒥᓯᐌ ᐁᑮᐗᓂᒋᑫᔮᓐ, ᓇᐗᒡ ᐃᑯ ᐁᐐᐊᔮᔮᓐ ᑫᑰᓐ ᒫᐗᒡ ᑳᐅᓂᔑᔑᕽ, ᒦ ᐃᐌ ᒋᑭᑫᓂᒪᒃ X ᒋᓴᔅ ᑳᑎᐯᓂᒥᒡ᙮ ᐐᓐ ᐁᐐᐊᔮᐗᒃ ᓂᑮᐅᒋᐌᐱᓈᓐ ᑲᑭᓇ᙮ ᒋᒥᒋᐌᐱᓂᑳᑌᒃ ᐁᑕ ᓂᑎᓇᑭᑖᓐ ᑲᑭᓇ, ᓇᐗᒡ ᐁᐐᐅᑎᓇᒃ ᐊᐊ X᙮

ᑲᓬᐋᔑᔭᓇᒃ 1:24

ᓅᑯᒻ ᐃᑕᔥ ᐐᑫ ᓂᒥᓉᑕᒻ ᐃᐃ ᑳᐃᔑᑲᒀᑕᑭᑑᔮᓐ ᑮᓇᐙ ᐅᒋ᙮ ᐅᐅ ᐋᓃᔥ ᑳᐃᔑᑲᒀᑕᑭᑑᔮᓐ ᓂᐐᔭᐎᕽ, ᑫᓃᓐ ᓂᐐᒋᑣ ᒋᑮᔑᒋᑳᑌᒃ ᐃᐃ ᑲᒀᑕᑭᑑᐎᓐ ᑫᔮᐱ ᑳᐐᑲᒀᑕᑭᑑᓈᓂᐗᕽ, ᐃᓇᑫ X ᑳᑮᐃᔑᑲᒀᑕᑭᑑᒡ᙮ ᒦᑕᔥ ᑳᐅᒋ ᐃᔑᒋᑫᔮᓐ ᒋᐅᒋᐐᒋᐃᑣ ᐃᑭ ᑲᑭᓇ ᐅᑌᐺᑕᒨᒃ, ᒦ ᐋᓃᔥ ᐃᐃ X ᐅᐐᔭᐤ᙮

ᑲᓬᐋᔑᔭᓇᒃ 2:13

ᑮᓇᐙ ᑕᔥ ᐋᐱᑎᕽ ᑭᑮᓂᐳᐗᑭᓱᒻ, ᐋᓃᔥ ᒪᒋᑑᑕᒧᐎᓐ ᑭᑮᑭᑭᔥᑳᑯᒻ, ᑭᑮᑎᓄᐎᒻ ᑲᔦ ᑳᑭᑭᓇᐙᑕᔕᑫᔣᓯᐎᑣ ᐁᑮᐊᔮᓯᐌᒃ ᑭᔐᒪᓂᑑ ᐅᑑᓇᔓᐌᐎᓐ᙮ ᓅᑯᒻ ᐃᑕᔥ ᑭᔐᒪᓂᑑ ᑭᑮᑕᑯᐱᒫᑎᓯᐃᑯᐙ ᑳᐃᔑᐱᒫᑎᓯᓂᒡ Xᑕᓐ, ᐁᑮᐴᓀᑕᒪᐎᓇᕽ ᑲᑭᓇ ᑭᒪᒋᑑᑕᒧᐎᓂᓈᓂᓐ᙮

ᑲᓬᐋᔑᔭᓇᒃ 3:1

ᐋᔕ ᑕᔥ ᑭᑮᑮᐌᐱᒫᑎᓰᐃᑰᒻ ᑮᑮᐌᐱᒫᑎᓯᐃᓐᒡ X᙮ ᒦ ᓴ ᐱᑯ ᐃ ᒨᔕᒃ ᐃᑯ ᐃᔑᐊᑐᓀᐊᒧᒃ ᐃᔥᐱᒥᕽ ᑳᐊᔮᑭᓐ, ᐋᓃᔥ ᒦ ᐃ ᐌᑎ X ᐁᔮᒡ, ᐁᐃᔑᐅᑭᒫᐗᐱᒡ ᐅᑭᒋᓂᑭᓃᕽ ᐃᓇᑫ ᑭᔐᒪᓂᑑᓐ᙮

1 Piitar 1:3

ᑕᑲ ᑕᒥᑴᒋᐌᑖᑯᓯᐗᓐ ᑳᐅᑭᔐᒪᓂᑑᒥᒡ ᑳᐅᑌᑌᒡ ᑲᔦ ᑳᑎᐯᓂᒥᓇᕽ ᒋᓴᔅ X᙮ ᑭᔐᒪᓂᑑ ᐄᑐᒃ ᑭᑮᒦᓂᑯᓈᓐ ᐅᔥᑭᐱᒫᑎᓯᐎᓐ ᑫᐅᒋᐊᔮᐗᕽ ᐃᐃ ᐊᐯᓂᒧᐎᓐ ᑳᑫᒋᓈᐅᐌᑖᑾᓂᓂᒃ ᐃᐃᒫ ᑳᐅᒌᓂᒃ ᑳᑮᐃᔑᑮᐌᐱᒫᑎᓯᐋᒡ ᒋᓴᔅ Xᑕᓐ ᓂᐳᐎᓂᕽ ᐅᒋ᙮

2 Piitar 1:13

ᒦᑕᔥ ᐁᓀᑕᒫᓐ ᒥᓂᒃ ᐃᑯ ᑫᐱᒫᑎᓯᔮᓐ ᐅᐅᒫ ᓂᐐᔭᐎᕽ ᑾᔭᒃ ᒋᐃᔑᒋᑫᔮᐹᓐ, ᒋᐅᒻᐺᒥᓇᑰᑭᐸᓐ, ᒋᒫᒥᑰᑕᒪᐎᓂᓇᑰᒃ ᐅᓄᐌᓂᐗᓐ᙮

1 Cwaan 2:3

ᐁᑲᓇᐌᑕᒧᐗᕽ ᐃᑕᔥ ᑭᔐᒪᓂᑑ ᐅᑎᓈᑯᓂᑫᐎᓇᓐ, ᒦ ᐅᒫ ᐌᒋᑫᒋᓈᐅᔭᕽ ᐁᑭᑫᓂᒪᕽ᙮

1 Cwaan 2:5

ᐊᐊᐌ ᑕᔥ ᐐᓐ ᑳᑲᓇᐌᑕᕽ ᐅᑎᑭᑐᐎᓂᓂ, ᑭᔐᒪᓂᑑᓐ ᓴ ᑫᑮᐃᔑᓵᑭᐋᐸᓐ ᑮᑮᔑᒋᑳᑌᓂ ᐅᐱᒫᑎᓯᐎᓂᕽ᙮ ᒦᑕᔥ ᐃᐃ ᐃᔑᒋᑫᔭᕽ, ᒦ ᐅᒫ ᑫᐅᒋᑫᒋᓈᐅᔭᕽ ᐁᐐᒋᐊᔮᒪᕽ ᑭᔐᒪᓂᑑ᙮

ᑭᑫᑕᒨᔑᐌᐎᓐ 1:18

ᓃᓐ ᐊᐊ ᑳᐱᒫᑎᓯᒡ᙮ ᓂᑮᓂᑉ, ᒦᓇᐙᔥ ᓂᐱᒫᑎᔅ, ᑲᔦ ᓀᐱᒡ ᐱᔑᔑᒃ ᓂᑲᐱᒫᑎᔅ᙮ ᓃᓐ ᓂᑌᐃᓀᑖᑯᔅ ᒋᑎᐯᑕᒫᓐ ᓂᐳᐎᓐ ᑲᔦ ᐃᑭ ᐃᐃᒫ ᑳᓂᐳᐙᒡ ᑳᐃᔑᐊᔮᐙᒡ᙮