ᐱᓬᐃᐱᔭᓇᒃ 3:1 - ᐅᒋᐺ ᑭᒋᒪᓯᓇᐃᑲᓐ

¹ ᐅᐌ ᑕᔥ ᐃᔥᒀᒡ ᑭᑎᔑᐐᑕᒪᐎᓂᓂᒻ, ᓃᒋᐅᑌᐺᑕᒨᒃ: ᐅᒋᒌᑫᑕᒧᒃ ᐃᐌ ᐁᔑᐐᒌᐌᒃ ᑳᑎᐯᒋᑫᒡ᙮ ᑳᐐᓐ ᐃᑯᑕᓄ ᓂᑎᓀᑕᓰᓐ ᒦᓇᐙ ᐯᔑᑾᓐ ᒋᐐᑕᒫᓐ ᐃᐃᐌ ᐅᑖᓈᕽ ᑳᑮᐃᔑᐲᐊᒪᐎᓇᑰᒃ, ᓇᐗᒡ ᐃᐃᒫ ᒋᐃᔑᑲᓇᐌᑖᑯᓯᔦᒃ᙮

Ojibwe Kihcimasina'ikan

¹ 'Owe tahsh ishkwaac kitishiwiintamawininim, niiciotepwehtamook: onciciihkentamok 'iwe eshiwiiciiwek kaaTipenciketc. Kaawiin inkotano nintinentansiin miinawaa peshikwan ciwiintamaan i'iwe otaanaank kaakii'ishipii'amawinakook, nawac i'imaa ci‑ishikanawentaakosiyek.

ᐱᓬᐃᐱᔭᓇᒃ 3:1 Iomraidhean Croise

Niiyamaaya 8:10

ᒦᑕᔥ ᓃᔭᒫᔭ ᑳᐃᓈᒡ ᐯᒫᑎᓯᓂᒡ, ᒫᒑᒃ ᐊᓂ ᑮᐌᒃ, ᐊᐎ ᐐᑾᑎᒃ᙮ ᐊᐎ ᒦᒋᒃ ᑳᐅᓂᔑᔑᒃ ᒦᒋᒻ, ᐊᐎ ᒥᓂᑴᒃ ᑲᔦ ᑳᔒᐙᑲᒥᕽ᙮ ᑕᑾᐆᓂᑰᒃ ᓴ ᐃᑭ ᒪᔑ ᑳᑮᔒᓯᒀ᙮ ᓅᑯᒻ ᐋᓃᔥ ᑳᑮᔑᑲᒃ ᒦ ᐃ ᐁᔑ ᑮᔑᑲᒃ ᐁᑭᑌᑖᑯᒋᑳᑌᒃ ᑳᑎᐯᒋᑫᒡ ᐅᒋ᙮ ᑫᑯ ᑕᔥ ᒫᓀᑕᑫᒃ; ᐃᐃᐌ ᓴ ᒌᑫᑕᒧᐎᓐ ᑳᒦᓂᓀᒃ ᑳᑎᐯᒋᑫᒡ, ᒦ ᓴ ᐃᐌ ᑫᒪᔥᑲᐎᓰᔥᑳᑯᐌᒃ᙮

Nikamonan 32:11

ᑮᓇᐙ ᓴ ᑴᔭᒀᑎᓯᔦᒃ ᒥᓉᑕᒧᒃ, ᒌᑫᑕᒧᒃ ᑲᔦ ᐋᓃᔥ ᑳᑎᐯᒋᑫᒡ ᑳᐐᑑᑲᐎᓀᒃ; ᓂᑲᒧᒃ ᑲᑭᓇ ᑴᔭᒀᑎᓯᔦᒃ ᑭᑌᐃᐙᕽ᙮

Nikamonan 33:1

ᒌᑫᑕᒧᒃ ᓴ ᒋᓂᑲᒨᑕᐌᒃ ᑳᑎᐯᒋᑫᒡ, ᑮᓇᐙ ᑳᑾᔭᒀᑎᓯᔦᒃ; ᒦ ᐄᑐᒃ ᓀᑖ ᐃᔑᒋᑫᐙᒡ ᑴᔭᒀᑎᓯᐙᒡ᙮

Nikamonan 37:4

ᓇᓈᑐᓀᐊᓐ ᒋᐅᒋ ᒧᒋᑫᑕᒪᓐ ᐃᐃᒫ ᑳᑎᐯᒋᑫᒡ ᐁᔑᐊᔮᒡ, ᑭᑲ ᒦᓂᒃ ᐃᑕᔥ ᐁᔑ ᒥᓴᐌᑕᒧᐗᒡ ᑭᑌᐃᕽ᙮

Nikamonan 42:4

ᐐᑫ ᑕᔥ ᓂᒫᓀᑕᒻ ᓂᑌᐃᕽ ᐅᑖᓈᕽ ᐁᐃᔑ ᒫᒥᑲᐎᔮᓐ, ᐁᑮ ᓂᑖ ᐐᒌᐗᒀᐸᓐ ᑳᑮ ᐹᑏᓄᐙᐸᓐ ᐯᒫᑎᓯᐙᒡ, ᐁᐃᔖᐙᐸᓐ ᐅᐙᑳᐃᑲᓂᓃᕽ ᑭᔐᒪᓂᑑᓐ᙮ ᐁᐱᒧᓭᐙᒡ ᐁᑮ ᒌᑫᑕᒧᐙᐸᓐ, ᐁᑮ ᓂᑲᒧᐙᒡ, ᐁᑮ ᔖᔖᑯᐌᐙᒡ ᑲᔦ ᐁᒦᑴᒋᐌᓂᒫᐙᒡ ᑭᔐᒪᓂᑑᓐ᙮

Aaiseya 41:16

ᒦᔥ ᒋᑮᓰᐋᓯᒋᑫᔦᒃ, ᒋᒫᒌ ᐌᐹᓯᑭᓐ ᐅᑯᓇᔮᓇᓐ ᒥᓯᐌ ᒋᐃᔑ ᐌᐹᓯᑭᓐ ᑮᑭᒋᓅᑎᕽ᙮ ᑮᓇᐙ ᑕᔥ ᐐᓐ ᑭᑲ ᒥᓉᑖᒻ ᐁᐐᒌᐎᓀᒃ ᑳᑎᐯᒋᑫᒡ, ᑭᑲ ᒦᑴᒋᐌᓂᒥᒫᐙᓐ ᑲᔦ ᑳᑭᑌᑖᑯᓯᓂᒡ ᐃᔅᕒᐃᔭᓬᐊᒃ ᐅᑭᔐᒪᓂᑑᒥᐙᓐ᙮

Aaiseya 61:10

ᒉᕒᐆᓴᓬᐊᒻ ᑕᐅᒋ ᒥᓉᑕᒨᒪᑲᓐ ᐋᓃᓐ ᑳᐃᔑᒋᑫᓂᒡ ᑳᑎᐯᒋᑫᓂᒡ᙮ ᒦ ᓴ ᐃ ᐁᔑᑯᓇᔦᔮᓐ ᑖᐱᔥᑰ ᐃᓂᓂ ᑳᐃᔑᐅᒡ ᑮᐐ ᑭᒋ ᐐᑎᑫᒡ ᑲᔦ ᐃᑴ ᑳᔑ ᐙᐌᔑᐅᒡ ᑮᐐ ᑭᒋ ᐐᑎᑫᒡ᙮ ᑭᔐᒪᓂᑑ ᓂᑎᔑ ᑯᓇᔦᐃᒃ ᒋᑭᑭᔥᑲᒫᓐ ᐱᒫᒋᐃᑰᐎᓯᐎᓐ, ᔖᑰᒋᑣᐎᓐ ᑲᔦ᙮

Aaiseya 65:14

ᓂᑕᓄᑮᐋᑲᓇᒃ ᐅᑌᐃᐙᕽ ᑕᐅᒋ ᓂᑲᒧᐗᒃ ᑫᐊᐲᒋ ᒥᓉᑕᒧᐙᒡ, ᑮᓇᐙ ᑕᔥ ᐐᓐ ᑭᑲ ᒪᐎᒻ ᑫᐊᐲᒋ ᐲᑴᑕᒣᒃ, ᑭᑲ ᐲᑯᑌᐁᒻ ᑲᔦ᙮

Coowel 2:23

ᐯᒫᑎᓯᔦᒃ, ᓵᔭᓂᕽ ᐁᔮᔦᒃ ᑕᑲ ᒥᓉᑕᒧᒃ᙮ ᐅᒋ ᒌᑫᑕᒧᒃ ᐁᐐᒌᐌᒃ ᑳᑎᐯᒋᑫᒡ, ᐐᓐ ᐄᑐᒃ ᑳᐃᔑᒋᑫᑕᒪᐎᓀᒃ ᓇᐃ ᐱᑯ ᒥᓂᒃ ᒋᑭᒥᐗᓂᓂᒃ ᐁᑕᒀᑭᓂᓂᒃ᙮ ᐐᓐ ᑳᐃᔑᒋᑫᒡ ᐌᒋ ᑭᒥᐗᓂᓂᒃ ᐁᑕᒀᑭᓂᓂᒃ, ᒋᑭᒥᐗᓂᓂᒃ ᑲᔦ ᑮᓰᑾᓂᓂᒃ ᑳᐱ ᓂᑖ ᐃᔑᐌᐸᒃ ᐅᑖᓈᕽ᙮

Sehpanaaya 3:14

ᓂᑲᒧᒃ, ᔖᑯᐌᒃ ᑲᔦ ᐁᒥᓉᑕᒣᒃ, ᐯᒫᑎᓯᔦᒃ ᐃᔅᕒᐃᔭᓬᐊᒃ! ᒌᑫᑕᒧᒃ ᒥᓯᐌ ᐱᑯ ᑭᑌᐃᐙᕽ, ᒉᕒᐆᓴᓬᐊᒥᕽ ᐁᔮᔦᒃ!

Sehpanaaya 3:17

ᑳᑎᐯᒋᑫᒡ ᑳᐅᑭᔐᒪᓂᑑᒥᔦᒃ ᐅᔕ ᑭᐐᒌᐎᑯᐙ, ᐋᐱᒋ ᑲᔦ ᒪᔥᑲᐎᓰ ᒋᐱᒫᒋᐃᓀᒃ᙮ ᐋᐱᒋ ᑲᔦ ᑕᑭᒋ ᒥᓉᑕᒻ ᒋᒥᓍᐸᒥᓀᒃ; ᐅᓵᑭᐃᐌᐎᓂᕽ ᑭᑲ ᐅᒋ ᒦᓂᑯᐙ ᐅᔥᑭ ᐱᒫᑎᓯᐎᓐ᙮ ᑕᓇᓂᑲᒧ ᓴ ᑫᐊᐲᒋ ᒌᑫᓂᒥᓀᒃ,

Sehkaraaya 10:7

ᐃᑭ ᓴ ᐯᒫᑎᓯᐙᒡ ᐃᔅᕒᐃᔭᓬ ᐌᒌᐙᒡ ᑕᔑ ᓲᑭᓯᐗᒃ ᑖᐱᔥᑰ ᔑᒫᑲᓂᔑᕽ, ᒋᐃᔑ ᒌᑫᑕᒧᐙᒡ ᑲᔦ ᑖᐱᔥᑰ ᐊᐎᔭ ᑳᒥᓂᑴᒡ ᔔᒥᓈᐳ᙮ ᒦᑕᔥ ᑫᒫᒥᑲᐎᓂᒡ ᑫᓂ ᐅᐲᐌᓰᒥᐙᒡ ᐅᐅ ᑳᑮ ᐃᔑ ᔖᑰᒋᑣᐙᒡ, ᒦᔥ ᑫᔑ ᒌᑫᑕᒥᓂᒡ ᐋᓃᓐ ᑳᑎᐯᒋᑫᓂᒡ ᑳᐃᔑᒋᑫᓂᒡ᙮

Maahtiyo 5:12

ᑭᒋᒥᓉᑕᒧᒃ, ᒌᑫᑕᒧᒃ! ᐋᓃᔥ ᑭᒋᑎᐸᐊᒫᑰᐎᓐ ᑭᑲ ᓇᐌᑕᒫᑰᒻ ᑭᒋᑮᔑᑯᕽ᙮ ᐊᒦ ᐅᐌ ᒪᔮ ᑫᐐᓇᐙ ᑳᑮᐃᔑ ᑲᒀᑕᑭᐃᑣ ᐃᑭ ᑭᔐᒪᓂᑑᓐ ᑳᑮ ᑲᓅᑕᒪᐙᐙᒡ ᑳᑮ ᐱᒫᑎᓯᐙᒡ ᒋᑆ ᐊᔮᔦᒃ᙮

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 1:47

ᓂᑕᒑᑯᕽ ᓂᑑᒋᑌᐱᓇᐌᐃᒃ ᑭᔐᒪᓂᑑ ᓂᑑᐱᒫᒋᐃᐌᒻ!

ᐅᕒᐆᒪᓇᒃ 5:11

ᑫᔮᐱ ᑕᔥ ᑫᑰᓐ ᐊᐗᔑᒣ ᐊᓂᑕᑯᐊᔮᒪᑲᓐ ᑳᒦᓂᑰᔭᕽ᙮ ᑭᑑᒋ ᒥᓉᑕᒥᐃᑯᓈᓐ ᐊᐊ ᑭᔐᒪᓂᑑ ᐃᐃ ᑳᑮᐃᔑᒋᑫᐃᒥᓇᕽ ᑳᑎᐯᓂᒥᒥᓇᕽ ᒋᓴᔅ Xᑕᓐ᙮ ᒦᐗᓐ ᐃᓂ ᒋᓴᓲᓐ ᐋᔕ ᑳᑮᐅᒋᑌᐱᓇᒧᐗᕽ ᑭᔐᒪᓂᑑ ᐅᓵᑭᐐᒋᐙᑲᓇᐞ ᒋᑎᓄᐎᔭᕽ᙮

2 ᑲᕒᐃᑎᔭᓇᒃ 13:11

ᐴᔔ ᑕᔥ ᑭᑎᓂᓂᓂᒻ ᓃᒋᑌᐺᑕᒨᒃ! ᐐᑫ ᓴ ᑾᔭᒃ ᑲᑴᑾᔭᒀᑎᓯᒃ! ᐱᓯᑕᒧᒃ ᑳᐃᑭᑐᔮᓐ᙮ ᐌᐌᓂ ᑲᔦ ᐱᓯᑖᑎᒃ ᐋᓃᓐ ᐁᑭᑐᔦᒃ᙮ ᐌᐌᓂ ᑲᔦ ᐐᒌᑎᒃ᙮ ᑭᔐᒪᓂᑑ ᓴ ᑳᓵᑭᐃᐌᒡ, ᑳᒦᑭᐌᒡ ᑲᔦ ᐱᓵᓂᓯᐎᓐ ᑭᑲᐐᒌᐎᑯᐙ!

ᐃᐲᔑᔭᓇᒃ 6:10

ᒦᑕᔥ ᐅᐅ ᐃᔥᒀᒡ ᐙᐃᓂᓇᑰᒃ, ᑳᑎᐯᒋᑫᒡ ᐅᑭᒋᒪᔥᑲᐎᓰᐎᓂᕽ, ᒦᐃᒫ ᐅᑎᓇᒧᒃ ᑭᒪᔥᑲᐎᓰᐎᓂᐙ᙮

ᐱᓬᐃᐱᔭᓇᒃ 3:3

ᑮᓇᐎᓐᑦ ᐅᔕ ᑭᑖᐎᒥᓐ ᑳᒦᓂᑰᐎᓯᔭᕽ ᑾᔭᒃ ᑭᑭᓇᐙᑕᔕᑫᔓᑰᐎᓂᕽ ᑳᐃᓀᑖᑾᒃ᙮ ᐋᓃᔥ ᑮᓇᐎᓐᑦ ᑭᑎᔑᐊᓇᒥᐁᑕᐙᓈᓐ ᑭᔐᒪᓂᑑ ᐁᐃᔑᑲᔥᑭᑑᐃᒥᓇᕽ ᐅᑕᒑᑾᓐ᙮ ᔑᑾ ᑭᑑᒋᒨᒋᑫᑖᒥᓐ ᐃᐌ ᐁᐐᒌᐎᓇᕽ X ᒋᓴᔅ᙮ ᑳᐐᓐ ᑲᓇᑫ ᑭᑕᐯᓂᒧᓄᑕᓰᒥᓐ ᑫᑰᓐ ᐗᑭᒋᓇᐤ ᐁᑕ ᐁᑑᒋᑳᑌᒃ᙮

ᐱᓬᐃᐱᔭᓇᒃ 4:4

ᒨᔕᒃ ᒌᑫᑕᒧᒃ ᐁᐐᒌᐌᒃ ᑳᑎᐯᒋᑫᒡ᙮ ᒦᓇᐙ ᓂᑎᑭᑦ: ᒌᑫᑕᒧᒃ!

ᐱᓬᐃᐱᔭᓇᒃ 4:8

ᒦᓇᐙ ᐃᔥᒀᒡ, ᓂᐐᒋᐅᑌᐺᑕᒨᒪᒃ, ᓈᓈᑲᑕᐌᑕᒧᒃ ᐅᓄ ᑳᑎᓄᐎᐗᑭᓐ, ᐌᑯᓀᓂᑯ ᑳᑌᐺᐗᑫᑖᑾᒃ, ᔑᑾ ᑳᑭᑌᑖᑾᒃ, ᐌᑯᓀᓐ ᐃᑯ ᑳᑾᔭᑾᒃ, ᑲᔦ ᑳᐯᑫᑖᑾᒃ, ᑲᔦ ᑳᒥᓄᓈᑾᒃ, ᑲᔦ ᑳᒥᓍᑐᑌᒃ᙮ ᐌᑯᓀᓐ ᓴ ᑯ ᒥᓄᐃᔑᐌᐱᓯᐎᓐ ᑳᐃᓀᑖᑾᒃ ᑲᔦ ᑳᒥᓄᒋᑫᐗᑫᑖᑾᒃ, ᒦ ᐃᐌ ᐃᔑᓈᑲᑕᐌᑕᒧᒃ᙮

1 ᑌᓴᓬᐆᓂᔭᓇᒃ 4:1

ᔑᑾ ᐅᐅ ᐸᑳᓐ ᑫᑰᓐ ᑭᐐᐐᑕᒫᑰᒻ, ᑳᐐᒋᐅᑌᐺᑕᒨᒥᑰᔦᒃ᙮ ᑭᑮᐃᔑᑭᑭᓄᐊᒫᑰᒻ ᐋᓃᓐ ᑫᐃᔑᑾᔭᑯᔥᑳᔦᒃ, ᐋᓃᓐ ᑫᐃᔑ ᑲᑴ ᓇᓇᐁᑕᒥᐁᒃ ᑭᔐᒪᓂᑑ᙮ ᐋᔕ ᐅᐅᐌ ᑭᑎᔑᒋᑫᒻ᙮ ᐅᐅ ᑕᔥ ᓅᑯᒻ ᑭᐸᑯᓭᓂᒥᑰᒻ, ᑭᑑᒋᐊᔮᒀᒥᒥᑰᒻ ᐅᐐᓱᐎᓂᕽ ᑳᑎᐯᒋᑫᒡ ᒋᓴᔅ, ᑫᔮᐱ ᒋᓂᑭᒋᐅᓂᔑᔑᕽ ᑭᑎᔑᒋᑫᐎᓂᐙ᙮

1 ᑌᓴᓬᐆᓂᔭᓇᒃ 5:16

ᒨᔕᒃ ᑖᐱᑕᐎᒌᑫᑕᒧᒃ᙮

Ciimis 1:2

ᓃᒋ ᐅᑌᐺᑕᒨᒃ, ᑌᐱᓇᐌᐗᑫᑕᒧᒃ ᑮᓇᑭᔥᑲᒣᒃ ᑳᐯᐸᑳᓇᑎᑭᓐ ᑲᑭᓇ ᑯᒋᐃᑰᐎᓰᐎᓇᓐ᙮

1 Piitar 3:8

ᐅᐅᐌ ᑕᔥ ᑭᑎᓂᓂᓂᒻ ᐃᔥᒀᒡ, ᑲᑭᓇ ᓴ ᑳᑕᔑᔦᒃ ᐯᔑᑾᓐ ᐃᔑᓈᓈᑲᑕᐌᑕᒧᒃ, ᒋᑰᐹᑌᓂᑎᔦᒃ᙮ ᐃᔑᓵᑭᐃᑎᒃ ᑲᔦ ᑳᐃᔑᓵᑭᐃᑎᐙᒡ ᑳᐅᐐᒋᑭᐌᑎᐙᒡ, ᒥᓄᑑᑖᑎᒃ ᑲᔦ, ᑕᐸᓭᓂᒧᒃ ᑲᔦ᙮

1 Piitar 4:13

ᒣᔥᑾᒡ ᐅᔕ ᑭᑖᒌᑫᑖᒻ ᐁᐃᓀᑕᑾᒃ ᐁᐐᑑᑳᓱᔦᒃ ᐃᓇᑫ X ᑳᑮᐃᔑ ᑲᒀᑕᑭᑑᒡ, ᒋᐅᒋᒨᔥᑭᓀᔥᑳᑯᔦᒃ ᒥᓉᑕᒧᐎᓐ ᐊᐲ ᓈᑯᒋᑳᑌᓂᒃ ᐅᑭᒋ ᐃᓀᑖᑯᓯᐎᓐ᙮

2 Piitar 3:1

ᑳᓵᑭᐃᓇᑰᒃ, ᒦ ᓴ ᐃ ᐅᐌ ᐋᔕ ᓃᔑᕽ 2 ᐁᐅᔑᐲᐊᒪᐎᓇᑰᒃ᙮ ᒦ ᓴ ᑕᔥ ᑳᑮᐅᒋ ᐅᔑᐲᐊᒪᐎᓇᑰᒃ ᓃᔣ ᒋᒫᒥᑲᐙᒥᓇᑰᒃ ᒋᐊᒪᒋᑑᔮᓐ ᑭᓈᓈᑲᑕᐌᑕᒧᐎᓂᐙᓐ ᑾᔭᒃ ᒋᐃᓀᑕᒣᒃ᙮

1 Saamiyoo 2:1

ᐁᓇ ᑕᔥ ᑮᐊᓇᒥᐋ ᐁᑮ ᐃᑭᑐᒡ: ᑳᑎᐯᒋᑫᒡ ᓴ ᓂᒨᔥᑭᓀ ᑌᐱᓇᐌᐃᒃ ᓂᑌᐃᕽ, ᓂᑑᒋ ᒥᓉᑕᒧᐙᓐ ᓴ ᐃ ᐋᓃᓐ ᑳᑮ ᐱᐃᔑᒋᑫᒡ! ᓂᐹᐱᐋᒃ ᓴ ᐃᑭ ᑳᔒᑫᓂᒥᐙᒡ, ᐋᐱᒋ ᓴ ᓂᒥᓉᑕᒻ ᐋᓃᔥ ᑭᔐᒪᓂᑑ ᓂᐐᒋᐃᒃ᙮