ᐱᓬᐃᐱᔭᓇᒃ 2:29 - ᐅᒋᐺ ᑭᒋᒪᓯᓇᐃᑲᓐ

²⁹ ᒦᑕᔥ ᐊᐊᐌ ᐅᑖᐱᓂᒃ ᑭᑭᒌᑫᑕᒧᐎᓂᕽ, ᒥᒋᑲᑭᓇ ᑳᑎᐯᒋᑫᒡ ᐁᔑᐐᒌᐎᓀᒃ᙮ ᑲᔦ ᑭᑕᑭᒥᒃ ᑲᑭᓇ ᐊᐎᔭ ᐊᐌ ᑳᑎᓄᐎᒡ᙮

Ojibwe Kihcimasina'ikan

²⁹ Miitahsh a'awe otaahpinihk kikiciihkentamowinink, mincikahkina kaaTipenciketc eshiwiiciiwinek. Kaye kihtakimihk kahkina awiya 'awe kaatinowitc.

ᐱᓬᐃᐱᔭᓇᒃ 2:29 Iomraidhean Croise

Aaiseya 52:7

ᐁᑕᑕᐌ ᓴ ᒥᓄᓈᑯᓯ ᐊᐊ ᑳᐱ ᑎᐹᒋᒧᒡ, ᑭᒋ ᐗᒌᕽ ᑳᐱ ᐃᔖᒡ ᐁᐱ ᒥᓍᒋᒧᒡ᙮ ᑳᐱ ᑕᔑᑕᕽ ᐱᓵᓂᓯᐎᓐ, ᑫᑰᓇᓐ ᑲᔦ ᑳᐅᓂᔑᔑᓂᓂᑭᓐ, ᑳᑎᐹᑐᑕᕽ ᐱᒫᒋᐃᑰᐎᓐ, ᐅᐅ ᑳᐃᓈᒡ ᐁᔮᓂᒡ ᓵᔭᓂᕽ, ᑭᑭᔐᒪᓂᑑᒥᐙ ᐅᔕ ᑎᐯᒋᑫ᙮

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 9:5

ᐋᓃᑎ ᑕᔥ ᐃᑯ ᑫᔑ ᐲᑎᑫ ᐊᑐᒥᑰᓯᐌᒃ, ᐊᐲ ᑕᔥ ᐊᓂ ᓇᑲᑕᒣᒃ ᐃᐃ ᐆᑌᓇ, ᒦᔥ ᐃᔑ ᐹᐸᐎᓯᑌᔑᒨᓄᒃ ᒋᐅᒋ ᑭᑫᑕᒧᐙᒡ ᐁᐗᓂᑑᑕᒧᐙᒡ᙮

Cwaan 13:20

ᑌᐺᒪᑲᓐ ᐅᐅ ᑳᐐᑕᒪᐎᓇᑰᒃ: ᐊᐊᐌ ᐌᑖᐱᓈᒡ ᐊᐎᔭᓐ ᑳᐱ ᐃᔑᓂᔕᐅᒪᒃ, ᓃᓐ ᓂᑑᑖᐱᓂᒃ᙮ ᐊᐊᐌᔥ ᐌᑖᐱᓂᒡ ᐅᑑᑖᐱᓈᓐ ᐃᓂ ᓂᑌᑌᓐ ᑳᑮᐱ ᐃᔑᓂᔕᐅᓂᒡ᙮

ᐃᔑᒋᑫᐎᓇᓐ 2:46

ᐁᑕᓱᑮᔑᒃ ᐃᑕᔥ ᑮᓂᑖ ᒫᐗᒋᐃᑎᐗᒃ ᐲᒐᔭᐄ ᑭᒋᐊᓇᒥᐁᐎᑲᒥᑯᕽ᙮ ᐅᑖᐎᓂᐙᕽ ᐁᑮᑕᔑ ᐸᑴᐱᓈᒡ ᐸᑴᔑᑲᓇᓐ ᐁᑮᒫᒪᐎ ᐐᓯᓂᐙᒡ, ᐐᑫ ᐁᑮ ᒌᑫᑕᒧᐙᒡ ᐅᑌᐃᐙᕽ᙮

ᐃᔑᒋᑫᐎᓇᓐ 28:10

ᓃᐱᐗᐞ ᑕᔥ ᑫᑰᓇᓐ ᓂᑮᒦᓂᑯᓈᓂᒃ ᐁᓈᑯᑑᐙᒡ ᐁᑭᑌᓂᒥᔭᒥᑣ᙮ ᐊᐲ ᑳᑮᔒᔮᕽ ᒋᒫᒌᔮᔑᔮᕽ, ᓂᑮᒫᒌᑕᐃᑯᓈᓂᒃ ᑫᑰᓐ ᑫᔮᐸᒋᑑᔮᕽ᙮

ᐃᔑᒋᑫᐎᓇᓐ 8:8

ᐊᐱᒋ ᑕᔥ ᑮᐹᑎᓇᑦ ᒥᓉᑕᒧᐎᓐ ᐃᐃᒫ ᐆᑌᓈᕽ᙮

ᐅᕒᐆᒪᓇᒃ 10:15

ᐋᓃᓐ ᑕᔥ ᑫᐅᒋᐐᑕᒫᑫᐙᐸᓐ ᐃᐃ ᒥᓍᒋᒧᐎᓐ ᐃᑭ ᐅᒥᓍᒋᒨᒃ ᒪᔑ ᑳᒫᒋᓂᔕᐙᓯᐎᑣ? ᑭᒋᒪᓯᓇᐃᑲᓐ ᓴ ᐁᐃᔑᐲᐃᑳᑌᒃ: ᐋᐱᒋ ᓴ ᑕᒥᓄᓈᑯᓯᐗᒃ ᑳᐲᒋᒥᓍᒋᒧᐙᒡ!

ᐅᕒᐆᒪᓇᒃ 16:2

ᐌᐌᓂ ᐲᑎᑲᓂᒃ, ᑳᑎᐯᒋᑫᓂᒡ ᐄᑐᒃ ᑫᐐᓐ ᐅᑎᐯᓂᒥᑰᓐ᙮ ᐋᓃᔥ ᒦ ᐃ ᑫᐃᔑᒋᑫᐙᐸᓐ ᐯᒫᑎᓯᐙᒡ ᑳᑎᐯᓂᒥᑯᐙᒡ ᑭᔐᒪᓂᑑᓐ᙮ ᐐᒋᐃᒃ ᑲᔦ ᐋᓃᓐ ᐃᑯ ᐁᔑᓅᑌᓭᒡ, ᐋᐱᒋ ᐅᔕ ᓃᐱᐗᐞ ᐅᑮᐐᒋᐋᐞ ᐯᒫᑎᓯᓂᒡ, ᑫᓃᓐ ᓴ ᐱᑯ ᓂᑮᐐᒋᐃᒃ᙮

1 ᑲᕒᐃᑎᔭᓇᒃ 16:10

ᑮᔥᐱᓐ ᐃᐃᒫ ᐱᐃᔑᑕᑯᔑᕽ ᐊᐊ ᑎᒪᑎ Timothy ᑳᔑᐊᔮᔦᒃ, ᑲᑴᒥᓄᐐᒋᐃᒃ ᐁᑳ ᒋᓭᑭᓯᓯᒃ᙮ ᐋᓃᔥ ᑖᐱᔥᑰ ᑲᔦ ᓃᓐ ᐁᔑᐊᓄᑲᐗᒃ ᑳᑎᐯᒋᑫᒡ, ᑲᔦ ᐐᓐ ᑕᔥ ᐅᑕᓄᑲᐙᓐ ᐊᐊ ᑎᒪᑎ᙮

1 ᑲᕒᐃᑎᔭᓇᒃ 16:18

ᓂᑮ ᑭᔑᔕᐎᓰᔥᑳᑰᒃ ᒦ ᐯᔑᑾᓐ ᐃᑯ ᑫᑮᓇᐙ ᑳᑮᐃᔑᒋᑫᐃᓀᒀ᙮ ᑭᑖᑭᑫᓂᒫᐙᒃ ᐅᑯ ᑳᑎᓄᐎᐙᒡ᙮

2 ᑲᕒᐃᑎᔭᓇᒃ 10:18

ᐊᐎᔭ ᓴ ᑮᐃᓀᑕᕽ ᐁᑮᒥᓄᑑᑕᕽ ᑳᐐᓐ ᐐᓐ ᐃᐃᒫ ᐅᒋᒥᓋᑭᒫᓰ᙮ ᐹᓂᒫ ᓴ ᑳᑎᐯᒋᑫᓂᒡ ᑮᐃᓀᓂᒥᑯᒡ, ᒦᑕᔥ ᐃᐃ ᐸᔦᔥ ᐁᒥᓍᑭᒥᓐᒡ᙮

2 ᑲᕒᐃᑎᔭᓇᒃ 7:2

ᑕᐎᓇᒪᐎᔑᓈᒻ ᐃᓴ ᐃᐃᒫ ᑭᑌᐃᐙᕽ, ᑳᐐᓐ ᐄᑐᒃ ᐊᐎᔭ ᓂᑮᒫᔑᐐᒌᐙᓯᐙᓈᓐ, ᑳᐐᓐ ᑲᔦ ᐊᐎᔭ ᓂᑮᓂᔑᐗᓈᒋᐋᓯᐙᓈᓐ, ᑳᐐᓐ ᑲᔦ ᐊᐎᔭ ᓂᑮᐗᔦᔑᒫᓯᐙᓈᓐ᙮

ᐱᓬᐃᐱᔭᓇᒃ 2:28

ᒦᓴ ᐅᐌ ᓇᐗᒡ ᐃᑯ ᓂᑮᐸᐹᔐᑖᓐ ᒋᐃᔑᓂᔕᐗᒃ, ᑫᑮᓇᐙ ᒋᒥᓉᑕᒣᒃ ᒦᓇᐙ ᑮᐙᐸᒣᒃ᙮ ᔑᑾ ᑫᓃᓐ ᒋᐅᒋᒫᒑᒪᑲᒃ ᓂᒥᑯᔥᑳᑌᑕᒧᐎᓐ᙮

ᑲᓬᐋᔑᔭᓇᒃ 4:10

ᐁᕒᐃᔅᑖᕒᑲᔅ Aristarchus ᑳᐐᒋᑭᐸᐅᑰᒪᒃ ᑫᐐᓐ ᑭᐴᔔᐃᑯᐙ᙮ ᒫᕒᒃ Mark, ᐹᕒᓇᐸᔅ Barnabas ᐐᒋᑭᐌᓯᐗᓐ ᑲᔦ ᑭᐴᔔᐃᑯᐙ᙮ ᐋᔕ ᑭᑮᐐᑕᒫᑰᒻ ᐌᐌᓂ ᒋᐅᑖᐱᓀᒃ ᑮᔥᐱᓐ ᐅᑎᓯᓀᒃ᙮

1 ᑌᓴᓬᐆᓂᔭᓇᒃ 5:12

ᔑᑾ ᑭᐸᑯᓭᓂᒥᑰᒻ, ᑳᐐᒋᐅᑌᐺᑕᒨᒥᑰᔦᒃ: ᒥᓋᑭᒥᑾᒃ ᐃᑭ ᐅᓃᑳᓇᑭᓱᒃ ᑳᐊᓄᑮᑕᒧᐙᒡ ᐊᓇᒥᐋᐎᓐ ᐃᐃᒫ ᐁᔮᔦᒃ᙮ ᐋᓃᔥ ᐅᑮᐃᓇᓯᑯᐙᓐ ᑳᑎᐯᒋᑫᓂᒡ ᒋᒫᒦᓄᒥᓀᒀ᙮

1 Timahti 5:17

ᐃᑭ ᑳᓃᑳᓂᓯᐙᒡ ᐁᑭᑫᓂᒥᑣ ᐌᐌᓂ ᐁᑮᑲᑴᑑᑕᒧᐙᒡ ᐅᑕᓄᑮᐎᓂᐙᓐ ᑳᐃᔑᓃᑳᓂᓰᑲᑖᑫᐙᒡ ᑕᐃᓇᑭᒫᐗᒃ ᓃᔑᕽ 2 ᐊᐗᔑᒣ ᒋᑎᐸᐊᒪᐎᑣ, ᒣᒥᑕᑫ ᐃᑭᐌᓂᐗᒃ ᓃᐱᐗᐞ ᐁᐊᓄᑳᑕᒧᐙᒡ ᑲᑮᑴᐎᓐ, ᑭᑭᓄᐊᒫᑫᐎᓐ ᑲᔦ᙮

ᐄᐸᕒᐆᐗᒃ 13:17

ᓇᐃᑕᐎᑾᒃ ᓴ ᑳᓃᑳᓃᑕᒪᐎᓀᒀ, ᐃᔑᒋᑫᐙᒃ ᑲᔦ ᑳᐃᓂᓀᒀ, ᐋᓃᔥ ᑳᐐᓐ ᐋᐱᒋ ᐊᓉᐱᓰᐗᒃ ᐁᓈᑲᒋᑑᐙᒡ ᑭᑕᒑᑯᐱᒫᑎᓯᐎᓂᐙᓐ᙮ ᐋᓃᔥ ᐅᑲᑕᑾᑭᑕᒫᑯᐙᓐ ᑭᔐᒪᓂᑑᓐ ᐃᐃ ᑭᑎᔑᒋᑫᐎᓂᐙᓐ᙮ ᑮᔥᐱᓐ ᐃᑕᔥ ᐱᓯᑕᐌᒀ ᐋᐱᒋ ᓴ ᑕᒌᑲᓄᑮᐗᒃ᙮ ᑮᔥᐱᓐ ᐃᑕᔥ ᔕᔒᐱᑕᐌᒀ ᑕᒫᓀᑕᒨᒃ, ᑳᐐᓐ ᐃᑕᔥ ᐃᐃ ᓇᑫ ᑭᑖᐅᒋᒥᓄᓭᓰᒻ᙮

3 Cwaan 1:10

ᑮᔥᐱᓐ ᑕᔥ ᐱᑕᑯᔑᓈᓐ, ᓂᐐᑕᔑᑕᒧᐙᓐ ᐋᓃᓐ ᐁᔑᒋᑫᒡ, ᐅᒋᑕᑯ ᐁᓂᑖ ᐊᓈᒥᒥᔭᒥᓐᒡ᙮ ᑳᐐᓐ ᑕᔥ ᑌᐺᓰ ᐃ ᑳᐃᑭᑐᒡ᙮ ᑌᒥᓂᒃ ᐃᑕᔥ ᐁᐃᓀᑕᓯᒃ ᐃᐃ ᑳᐃᔑᒋᑫᒡ, ᑳᐐᓐ ᑲᔦ ᐅᑖᐎᓂᕽ ᐅᐲᑎᑲᓈᓰᐞ ᐅᑕᓇᒥᐋᐞ ᑳᐱᒥᐊᔮᓂᒡ᙮ ᐅᑭᐱᑎᓈᐞ ᑲᔦ ᐃᐃ ᑳ ᐊᑕᐌᑕᒥᓂᒡ ᐃᐃ ᐁᐐᐃᔑᒋᑫᓂᒡ᙮ ᒦᑕᔥ ᐁᔑᓵᑭᒋᐌᐱᓈᒡ ᐃᐃᒫ ᑳᔑᒫᐗᒋᐃᑎᓂᒡ ᐅᑕᓇᒥᐋᐞ᙮