ᐱᓬᐃᐱᔭᓇᒃ 2:26 - ᐅᒋᐺ ᑭᒋᒪᓯᓇᐃᑲᓐ

²⁶ ᐋᐱᒋ ᐅᓇᑕᐌᑖᓐ ᒋᐙᐸᒥᓀᒃ᙮ ᑲᔦ ᑮᒥᑯᔥᑳᑌᑕᒻ ᐁᑭᑫᑕᕽ ᐁᑮᓅᑕᒣᒃ ᐁᐋᑯᓯᐸᓐ᙮

Ojibwe Kihcimasina'ikan

²⁶ Aahpici onantawentaan ciwaapaminek. Kaye kii'mikoshkaatentam ehkihkentank ekii'noontamek e'aahkosihpan.

ᐱᓬᐃᐱᔭᓇᒃ 2:26 Iomraidhean Croise

2 Saamiyoo 24:17

ᐊᐲ ᑕᔥ ᑌᐱᑦ ᐁᐙᐸᒫᒡ ᐃᓂ ᐁᒐᓬᐊᓐ ᐁᓂᓵᓂᒡ ᐯᒫᑎᓯᓂᒡ, ᒦᑕᔥ ᑳᑮ ᑲᓅᓈᒡ ᑳᑎᐯᒋᑫᓂᒡ ᐅᐅ ᐁᑮᐃᓈᒡ, ᓃᓐ ᐄᑐᒃ ᑳᑮ ᒪᒋᑑᑕᒫᓐ, ᓃᓐ ᐄᑐᒃ ᑳᑮ ᒪᒫᔒᔮᓐ᙮ ᐅᑯ ᑕᔥ ᐯᒫᑎᓯᐙᒡ ᒫᓇᒑᓂᔑᕽ ᐁᓀᑖᑯᓯᐙᒡ, ᐋᓃᓐ ᐐᓇᐙ ᑳᐃᔑ ᒪᒫᔒᐙᒡ᙮ ᑕᑲ ᓃᓐ ᑫᑰᓐ ᓂᑲ ᐸᑲᒥᔥᑳᑯᓐ, ᐃᑭ ᑲᔦ ᓂᑌᑌᕽ ᐌᒌᐙᒡ, ᑮᐃᑭᑐ᙮

ᑲᑮᑖᐎᑮᔗᐎᓇᓐ 12:25

ᐅᒑᓂᒣᑕᒧᐎᓂᕽ ᐃᓴ ᐊᐎᔭ ᑳᐅᒋ ᒥᓉᑕᓯᒃ ᐅᑌᐃᕽ, ᒥᓄᑮᔗᐎᓂᕽ ᐃᓴ ᑕᐅᒋ ᒌᑫᑕᒻ᙮

Aaiseya 61:3

ᒋᒥᓉᑕᒧᐃᒪᒃ ᑲᔦ ᑳᒫᓀᑕᒥᓂᒡ ᐃᐃᒫ ᓵᔭᓂᕽ Zion ᐁᔮᓂᒡ᙮ ᑳᐐᓐ ᐅᓇᑕᐌᓂᒫᓰᐞ ᒋᒫᓀᑕᒥᓂᒡ; ᒋᒌᑫᑕᒥᓂᒡ, ᒋᒨᒋᑫᑕᒥᓂᒡ ᐅᔕ ᐅᑎᔑ ᐊᑕᐌᓂᒫᐞ᙮ ᒥᑎᑯᕽ ᓴ ᐃᓀᑖᑯᓯᐗᐞ ᑳᑎᐯᒋᑫᒡ ᐐᓐ ᐃᑯ ᑳᑮ ᑭᑎᑳᓈᒡ᙮ ᑾᔭᒃ ᓴ ᑕᔥ ᑕᐃᔑᒋᑫᐗᐞ, ᒦᔥ ᐃᐃᒫ ᑭᔐᒪᓂᑑ ᑫᐅᒋ ᒦᑴᒋᐌᑖᑯᓯᒡ ᐋᓃᓐ ᑳᑮ ᐃᔑᒋᑫᒡ᙮

Maahtiyo 11:28

ᐱᓈᓯᑲᐎᔑᒃ ᑲᑭᓇ ᑮᓇᐙ ᑳᐊᔦᑯᓯᔦᒃ, ᐁᑆᐗᓀᔦᒃ ᑲᔦ, ᑭᑲ ᒦᓂᓂᓂᒻ ᐃᑕᔥ ᐊᓉᐱᐎᓐ᙮

Maahtiyo 26:37

ᒦᑕᔥ ᐅᐅ ᐁᑕ ᑳᒫᒌᓈᒡ, ᐲᑕᕒᐆᓐ Peter, ᐃᓂᔥ ᑲᔦ ᓃᔑᓐ 2 ᓭᐸᑏᓐ Zebedee ᐅᑯᓯᓯᓂ᙮ ᑲᒀᑕᑫᑕᒧᐎᓐ, ᐐᓴᑫᑕᒧᐎᓐ ᑲᔦ ᐅᑮᐅᑎᓯᑯᓐ ᒋᓴᔅ᙮

ᐃᔑᒋᑫᐎᓇᓐ 21:13

ᐅᐅ ᑕᔥ ᑮᐃᔑ ᓇᑴᑕᒻ: ᐌᑯᓀᓐ ᐌᒋ ᐃᔑᒋᑫᔦᒃ ᐁᒪᐎᔦᒃ, ᐁᒫᓀᑕᒥᐃᔦᒃ ᑲᔦ᙮ ᑳᐐᓐ ᐐᓐ ᐁᑕ ᓂᑎᔑ ᑮᔐᑕᓰ ᒋᒪᒫᒋᑾᐱᓂᑰᔮᓐ ᐌᑎ ᒉᕒᐆᓴᓬᐊᒥᕽ, ᐱᓵᓐ ᓴᑯ ᑲᔦ ᒋᐅᒋ ᓂᓯᑰᔮᓐ ᐅᐐᓱᐎᓂᕽ ᑳᑎᐯᒋᑫᒡ ᒋᓴᔅ, ᑮᐃᑭᑐ᙮

ᐅᕒᐆᒪᓇᒃ 1:11

ᐋᐱᒋ ᑯ ᑭᐐᓅᑌᐙᐸᒥᓂᓂᒻ᙮ ᑭᐐᐃᔑᐐᒋᐃᓂᓂᒻ ᐌᑯᓀᓐ ᓴ ᑯ ᔕᐌᓂᒥᑰᐎᓐ ᑭᔐᒪᓂᑑ ᐅᑕᒑᑾᓐ ᑫᔑᒦᓂᓀᒃ, ᒦᔥ ᐃᐃ ᑮᓇᐙ ᒋᐅᒋᓲᑭᑳᐸᐎᔦᒃ᙮

ᐅᕒᐆᒪᓇᒃ 12:15

ᐐᒋᒥᓉᑕᒨᒥᑾᒃ ᓴ ᐃᑭ ᑲᔦ ᑳᒥᓉᑕᒧᐙᒡ, ᐐᒋᒪᐎᒥᑾᒃ ᑲᔦ ᐃᑭ ᑳᒪᐎᐙᒡ᙮

ᐅᕒᐆᒪᓇᒃ 9:2

ᐋᐱᒋ ᑕᔥ ᐐᑫ ᓂᑑᒋᒫᓀᑕᒻ, ᒨᔕᒃ ᑲᔦ ᐐᓴᑫᑕᒧᐎᓐ ᐁᐊᔮᒃ ᐃᐃᒫ ᓂᑌᐃᕽ᙮

1 ᑲᕒᐃᑎᔭᓇᒃ 12:26

ᐊᐲ ᑯ ᐁᒪᒋᓭᒃ ᐯᔑᒃ ᐸᑫᓯᐎᓐ, ᒦ ᐯᔑᑾᓐ ᐃᑯ ᑲᑭᓇ ᐸᑫᓯᐎᓇᓐ ᐐᒋ ᐃᓇᒪᒋᐅᑏᒪᑲᓅᓐ᙮ ᐯᔑᒃ ᐃᑕᔥ ᑲᔦ ᑭᒋ ᐃᓀᒋᑳᑌᒃ ᐸᑫᓯᐎᓐ, ᒦ ᐯᔑᑾᓐ ᐃᑯ ᑲᑭᓇ ᐁᔑᒫᒪᐎ ᒌᑫᑕᒨᒪᑲᑭᓐ᙮

2 ᑲᕒᐃᑎᔭᓇᒃ 9:14

ᐋᐱᒋ ᓴ ᐌᐌᓂ ᑭᑲ ᐊᓇᒥᐁᑕᒫᑯᐙᒃ ᐋᓃᔥ ᐐᑫ ᑭᔐᒪᓂᑑ ᐅᑭᔐᐙᑎᓯᐎᓐ ᐊᓄᑮᒪᑲᓂᓂ ᑭᐱᒫᑎᓯᐎᓂᐙᕽ᙮

ᑲᓬᐁᔑᔭᓇᒃ 6:2

ᐙᐐᒋᐃᑎᒃ ᑕᔥ ᒋᐱᒥᐎᑕᒫᑎᔦᒃ ᐃᓂ ᑳᐱᒥᐎᑑᔦᒃ᙮ ᐅᐅ ᑕᔥ ᑮᐃᔑᒋᑫᔦᒃ ᒦ ᓴ ᐃ ᐁᓇᐃᑕᒧᐌᒃ ᐅᓇᔓᐌᐎᓐ X ᑳᑮᐃᔑᑭᑭᓄᐃᑫᒡ᙮

ᐃᐲᔑᔭᓇᒃ 3:13

ᒦᑕᔥ ᐁᔑᐸᑯᓭᓂᒥᓂᓇᑰᒃ, ᒋᐲᑯᑌᐁᓯᐌᒃ ᐅᐅ ᑮᓇᐙ ᑳᐅᒋᑲᒀᑕᑭᑑᔮᓐ, ᑮᓇᐙ ᓴ ᑭᑲᐅᒋᒥᓄᓭᒻ ᐅᐅ ᑳᔑᑲᒀᑕᑭᑑᔮᓐ᙮

ᐱᓬᐃᐱᔭᓇᒃ 1:3

ᑕᓯᕽ ᐃᑯ ᐁᒥᑴᓂᒥᓇᑰᒃ ᓂᒦᑴᒋᐎᐋ ᑭᔐᒪᓂᑑ᙮

ᐱᓬᐃᐱᔭᓇᒃ 1:8

ᑭᔐᒪᓂᑑ ᓂᑖᑎᐹᒋᒥᒃ ᐋᐱᒋ ᑯ ᐁᐐᐙᐸᒥᓇᑰᒃ᙮ ᐃᐃᒫ ᐐᓐ X ᒋᓴᔅ ᐅᓵᑭᐃᐌᐎᓂᕽ ᐅᒌᒪᑲᓂᓂ ᐅᐅ ᑳᐃᓀᓂᒥᓇᑰᒃ᙮

ᐱᓬᐃᐱᔭᓇᒃ 2:25

ᓂᑮᑌᐃᔑᓈᓐ ᐃᑕᔥ ᐁᐊᑕᐌᑖᑾᒃ ᐃᐃᒫ ᒋᐃᔑᓂᔕᐗᒃ ᐊᐊᐌ ᑮᒋᐅᑌᐺᑕᒨᒥᓈᓐ ᐃᐹᐸᕒᐊᑕᐃᑕᔅ Epaphroditus ᒋᐊᑕᐙᐸᒥᓀᒃ᙮ ᒦ ᐋᓃᔥ ᐊᐊᐌ ᑳᑮᐱᐐᑕᓄᑮᒥᒡ ᑲᔦ ᓂᐐᒋᒦᑳᓱᐎᓂᓃᒻ ᐁᐃᓀᓂᒪᒃ᙮ ᑲᔦ ᑮᓇᐙ ᑭᑮᐱᐊᓅᓈᐙ ᐁᐱ ᐃᔑᐎᑑᒡ ᑭᐐᑑᑳᑫᐎᓂᐙ ᐁᒦᔑᔦᒃ᙮

ᐱᓬᐃᐱᔭᓇᒃ 2:27

ᑌᐺ ᓴ ᑯ ᑮᐋᑯᓯ, ᑫᑳ ᐱᑯ ᐁᑮᐅᒋᓂᐳᒡ᙮ ᐅᑮᑭᑎᒫᑭᓈᑰᓐ ᐃᑕᔥ ᑭᔐᒪᓂᑑᓐ᙮ ᑳᐐᓐ ᑕᔥ ᐐᓀᑕ, ᑲᔦ ᓃᓐ ᐃᑕᔥ ᓂᑮᑭᑎᒫᑭᓈᑰ, ᐁᑳ ᒋᐊᔮᑸᑕᐙᓯᓄᑭᓐ ᓂᐲᑴᑕᒧᐎᓇᓐ᙮

ᐱᓬᐃᐱᔭᓇᒃ 4:1

ᓂᐐᒋᐅᑌᐺᑕᒨᒃ! ᑮᓇᐙ ᑳᓵᑭᐃᓇᑰᒃ, ᐋᐱᒋ ᑭᓇᑕᐌᓂᒥᓂᓂᒻ, ᐋᐱᒋ ᑭᒥᓉᑕᒥᐃᒻ, ᐋᐱᒋ ᑭᐙᐎᔐᓂᒥᓂᓂᒻ᙮ ᓯᔮᑭᐃᓇᑰᒃ, ᒦ ᐅᐌ ᐃᔑᓲᑭᑳᐸᐎᒃ ᐃᐃᐌ ᑳᐱ ᐃᓂᓇᑰᒃ ᒋᐊᓂ ᐃᔑᐐᒌᐌᒃ ᑳᑎᐯᒋᑫᒡ᙮

1 Piitar 1:6

ᒦᑕᔥ ᐅᐅ ᐐᑫ ᐅᒋᒥᓉᑕᒧᒃ, ᐋᓇᐐᓐ ᓅᑯᒻ ᐊᒋᓇ ᐁᐅᒋᒫᓀᑕᒣᒃ ᐃᐃ ᑳᐃᔑᑲᒀᑕᑭᑑᔦᒃ, ᒥᓯᐌ ᐁᐃᔑᑯᒋᐃᑰᐎᓯᔦᒃ᙮