ᐱᓬᐃᐱᔭᓇᒃ 1:6 - ᐅᒋᐺ ᑭᒋᒪᓯᓇᐃᑲᓐ

⁶ ᒦ ᐅᐌ ᐁᑫᒋᓈᐁᑕᒫᓐ, ᐃᐃᐌ ᐅᒥᓄᐊᓄᑮᐎᓐ ᑭᔐᒪᓂᑑ ᑳᑮᒫᑕᓄᑳᑕᕽ ᐁᑮᑭᑭᔥᑲᒧᐃᓀᒃ, ᑫᔮᐱ ᒋᓂ ᐃᔑᐊᓄᑳᑕᕽ ᐲᓂᔥ ᐃᑯ ᐊᐲ ᑮᔑᑲᓂᓂᒃ X ᒋᓴᔅ ᑳᐐᑎᐯᑕᕽ, ᐊᒦ ᐃ ᐊᐲ ᒋᑮᔑᒋᑳᑌᒃ᙮

Ojibwe Kihcimasina'ikan

⁶ Mii 'owe ehkehcinaa'entamaan, i'iwe ominoanohkiiwin Kishemanitoo kaakii'maatanohkaatank ekiihkikishkamo'inek, keyaapi cini‑ishianohkaatank piinihsh iko ahpii kiishikaninik Christ Ciisahs kaawiihtipentank, amii 'i ahpii cikiishihcikaatek.

ᐱᓬᐃᐱᔭᓇᒃ 1:6 Iomraidhean Croise

Cwaan 6:29

ᒋᓴᔅ ᑕᔥ ᐅᑮᐃᓈᐞ: ᒦ ᐅᐌ ᐊᓄᑮᐎᓐ ᑳᔑᐊᑕᐌᓂᒥᓀᒃ ᑭᔐᒪᓂᑑ: ᑌᐺᔦᓂᒥᒥᒃ ᐃᓂ ᑳᑮᐲᒋᓂᔕᐙᒡ, ᐅᑮᐃᓈᐞ᙮

ᐃᔑᒋᑫᐎᓇᓐ 11:18

ᐊᐲ ᑕᔥ ᑳᓅᑖᑯᒡ ᐅᐅ ᐁᓈᒋᒧᒡ ᑳᐐᓐ ᑮᓅᑖᑎᓰᐗᐞ᙮ ᒦᑕᔥ ᑳᐃᔑ ᓇᓈᑯᒫᓂᒡ ᑭᔐᒪᓂᑑᓐ ᐁᐃᑭᑐᓂᒡ: ᑭᔐᒪᓂᑑ ᐅᔕ ᐄᓴᓐ ᐅᐸᑭᑎᓇᒪᐙᐞ ᐃᐃ ᑳᒎᐎᐎᓯᓂᒃ ᒋᑴᑳᑎᓯᓂᒡ, ᒋᐅᒋ ᐱᒫᑎᓯᓂᒡ ᑲᔦ, ᑮᐃᑭᑐᐗᐞ᙮

ᐃᔑᒋᑫᐎᓇᓐ 16:14

ᐯᔑᒃ ᑕᔥ ᐃᑴ ᑳᑮ ᐱᓯᑕᐎᔭᒥᓐᒡ ᓬᐃᑎᔭ Lydia ᑮᐃᔑᓂᑳᓱ, ᑕᔭᑕᐃᕒᐊ Thyatira ᐆᑌᓈᕽ ᐁᑮᐅᒌᒡ᙮ ᒦ ᓴ ᑳᐃᓇᓄᑮᒡ ᐁᐊᑖᐙᑫᒡ ᒪᑲᑌᒥᔅᑴᑭᓄᓂ, ᑳᐊᓇᒥᐁᑕᐙᒡ ᑭᔐᒪᓂᑑᓐ ᓴ ᑮᑎᓄᐎ᙮ ᒦᑕᔥ ᑳᑮᒦᓂᑰᐎᓯᒡ ᒋᓂᓯᑐᑕᕽ, ᒋᑌᐺᑕᕽ ᑲᔦ ᑲᑭᓇ ᑆᓬᐊᓐ ᑳᑮᐃᑭᑐᓂᒡ᙮

1 ᑲᕒᐃᑎᔭᓇᒃ 1:8

ᐐᓐ ᑭᑲᐋᔩᒋᐃᑯᐙ ᒋᒪᔥᑲᐎᓰᔦᒃ ᐲᓂᔥ ᐃᑯ ᒋᐌᒀᐊᔮᒃ, ᒦ ᓴ ᐃᐌ ᐁᑳ ᑫᑰᓐ ᒋᐃᔑᐊᓈᒣᑖᑯᓯᓯᐌᒃ ᐊᐲ ᐅᑮᔑᑳᒥᒡ ᐊᐊ ᑳᑎᐯᓂᒥᓇᕽ ᒋᓴᔅ X᙮

2 ᑲᕒᐃᑎᔭᓇᒃ 1:15

ᓂᑕᒻ ᓴ ᑫᒋᓈᒡ ᓂᑮᐃᓀᑖᓈᐸᓐ ᐁᐐᒪᐗᑎᓯᓇᑰᒃ ᒋᐅᒋᒥᓉᑕᒣᒃ ᓃᔣ᙮

2 ᑲᕒᐃᑎᔭᓇᒃ 2:3

ᒦᑕᔥ ᑳᑮᐅᒋ ᐅᔑᐲᐊᒪᐎᓇᑰᒃ, ᑳᐐᓐ ᓂᑮᐃᓀᑕᓰ ᐊᐲ ᐅᑎᓯᓇᑰᒃ ᒋᒫᓀᑕᒥᐃᐙᐸᓐ ᐃᑭ ᐯᒫᑎᓯᐙᒡ ᑫᑮᒥᓉᑕᒥᐃᐙᐸᓐ᙮ ᒦᑕᔥ ᐁᔑᑫᒋᓈᐅᔮᓐ ᑮᔥᐱᓐ ᑮᒥᓉᑕᒫᓐ ᑫᑮᓇᐙ ᐁᒥᓉᑕᒣᒃ᙮

2 ᑲᕒᐃᑎᔭᓇᒃ 7:16

ᐋᐱᒋ ᑕᔥ ᓂᒥᓉᑕᒻ ᒥᓯᐌ ᐁᐃᔑᑌᐺᔦᓂᒥᓇᑰᒃ!

2 ᑲᕒᐃᑎᔭᓇᒃ 9:4

ᑮᔥᐱᓐ ᑕᔥ ᐸᑲᒥᐐᒌᐗᒀ ᒫᓴᑑᓂᔮᕽ ᑳᐅᒌᐙᒡ, ᒥᑳᑰᔦᒃ ᑕᔥ ᐁᑮᑮᔒᑖᓯᐌᒃ, ᐋᐱᒋ ᓂᑖᑭᒋᐊᑲᒋᒥᓐ᙮ ᑫᑮᓇᐙ ᑕᔥ ᑭᑖᐊᑲᒋᒻ, ᐋᓃᔥ ᐐᑫ ᑭᑭᒋ ᐃᓀᓂᒥᓂᓂᒻ!

ᑲᓬᐁᔑᔭᓇᒃ 5:10

ᑭᑑᒋᑫᒋᓈᐃᓂᓂᒻ ᐁᐐᒋᐌᒃ ᑳᑎᐯᒋᑫᒡ, ᒋᐅᑖᐱᓇᓯᐌᒃ ᑫᑰᓐ ᐸᑳᓐ ᑳᐃᔑᑌᐺᑕᓯᐙᓐ᙮ ᑭᔐᒪᓂᑑ ᓴ ᐅᑲᓇᓇᐊᓵᓐ ᐃᓂ ᐃᓂᓂᐗᓐ ᐊᐌᓀᓂᐎᓂᑴᓐ ᑳᒥᑯᔥᑳᒋᐃᓀᒃ᙮

ᐃᐲᔑᔭᓇᒃ 4:12

ᒦᑕᔥ ᐃᐃ ᑳᑮᐅᒋᒦᓈᒡ ᐁᐐᑾᔮᒋᐋᒡ ᑭᔐᒪᓂᑑ ᐅᑕᓇᒥᐋᒪᐞ ᒋᑑᑕᒥᓂᒡ ᐅᐙᐐᒋᐃᐌᐎᐊᓄᑮᐎᓐ, ᒋᐅᒋᑮᔑᓈᑾᓂᓂᒃ ᐁᐅᐱᒋᑳᑌᓂᒃ X ᐅᐐᔭᐤ,

ᐱᓬᐃᐱᔭᓇᒃ 1:10

ᒦ ᐃᐌ ᒋᐃᔑᑲᔥᑭᑑᔦᒃ ᒫᐗᒡ ᑳᐅᓂᔑᔑᑭᓐ ᒋᐅᑖᐱᓇᒣᒃ᙮ ᒦᑕᔥ ᐃᐌ ᒥᓯᐌ ᑫᔑᑌᐺᔦᑖᑯᓯᔦᒃ ᑲᔦ ᐁᑳ ᑫᑰᓐ ᒋᐃᔑᐊᓈᒣᑖᑯᓯᓯᐌᒃ ᐊᐲ ᐅᑮᔑᑳᒥᒡ X᙮

ᐱᓬᐃᐱᔭᓇᒃ 1:29

ᑭᑮᒦᓂᑰᐎᓯᒻ ᒋᐸᒦᑕᐌᒃ ᐊᐌ X᙮ ᑳᐐᓐ ᐁᑕ ᐁᑌᐺᑕᐌᒃ, ᐃᐃᐌᔥ ᑲᔦ ᒋᐅᒋᑲᒀᑕᑭᑑᔦᒃ᙮

ᐱᓬᐃᐱᔭᓇᒃ 2:12

ᒦᓴ ᐃᐌ ᓯᔮᑭᐃᓇᑰᒃ, ᐃᐃᐌ ᐁᑮᐃᔑᐱᓯᑕᐎᔦᒃ ᑮᐐᒋᔭᔮᒥᓇᑰᒃ, ᐊᐗᔑᒣ ᓅᑯᒻ ᐁᐐᒋᐊᔮᒥᓯᓄᐎᓇᑰᒃ ᐊᑕᐌᑖᑾᓐ ᒋᑑᑕᒣᒃ ᐃᐃ ᑳᐃᓂᓇᑰᒃ᙮ ᑯᑖᓀᑕᒧᐎᓂᕽ, ᓂᓂᑭᔥᑳᐎᓂᕽ ᐃᔑᑲᐯᐊᓄᑳᑕᒫᓱᒃ ᑭᐱᒫᒋᐃᑰᐎᓂᐙ ᐲᓂᔑᑯ ᒋᑮᔑᓈᑾᒃ᙮

ᐱᓬᐃᐱᔭᓇᒃ 2:13

ᐋᓃᔥ ᑭᔐᒪᓂᑑ ᐊᐌ ᑳᐃᓇᓄᑮᒡ ᐃᐃᒫ ᑭᐱᒫᑎᓯᐎᓂᐙᕽ᙮ ᑭᑭᑭᔥᑲᒧᐃᑯᐙ ᒋᐃᓀᑕᒣᒃ ᑲᔦ ᒋᑑᑕᒣᒃ ᐅᑎᔑᐊᑕᐌᑕᒧᐎᓐ᙮

ᐱᓬᐃᐱᔭᓇᒃ 2:16

ᑲᔦ ᐁᓃᒥᓇᒪᐌᒀ ᐃᐃ ᑎᐹᒋᒧᐎᓐ ᑫᐅᒋᐱᒫᑎᓯᐙᒡ᙮ ᑮᔥᐱᓐ ᑌᐺ ᐅᐅᐌ ᐃᔑᒋᑫᔦᒃ ᑭᑲᐅᒋᐙᐎᔐᓂᒥᓂᓂᒻ ᐊᐲ ᐅᑮᔑᑳᒥᒡ X᙮ ᑕᐃᔑᑭᑫᑖᑾᓐ ᐃ ᐊᐲ ᐁᑳ ᐊᓂᔖ ᐁᑮᐱᒪᓄᑮᓯᐙᓐ ᑲᔦ ᐊᓂᔖ ᐁᑮᐅᒋᒑᑮᐃᑎᓱᓯᐙᓐ᙮

ᑲᓬᐋᔑᔭᓇᒃ 2:12

ᐊᐲ ᓴ ᑮᓰᑲᐊᑖᑰᔦᒃ ᒦ ᐃ ᑮᐐᒋᓂᑾᐅᑰᒣᒃ X, ᒦ ᐃᒫ ᑲᔦ ᑳᐃᔑᐐᒋᑮᐌᐱᒫᑎᓰᒣᒃ᙮ ᐋᓃᔥ ᑭᑮᑌᐺᑕᒧᐙᒻ ᑭᔐᒪᓂᑑ ᐅᒪᔥᑲᐎᓰᐎᓐ ᐁᑮᑮᐌᐱᒫᑎᓯᐋᒡ Xᑕᓐ ᑳᑮᓂᐳᓂᒡ᙮

1 ᑌᓴᓬᐆᓂᔭᓇᒃ 1:3

ᔑᑾᔥ ᐊᐲ ᑯ ᐁᐊᓇᒥᐁᑕᐗᑭᒡ ᑭᔐᒪᓂᑑ ᑳᐅᔫᓯᒪᕽ, ᒨᔕᒃ ᓂᒫᒥᑴᑖᒥᓐ ᐃᐃᐌ ᑳᐅᒋ ᐃᔑᒋᑫᔦᒃ ᐁᐅᑌᐺᑕᒧᐎᓂᔦᒃ, ᑲᔦ ᐁᐅᒋᑭᒋᐊᓄᑮᔦᒃ ᓵᑭᐃᐌᐎᓂᕽ, ᑲᔦ ᑕᔥ ᐁᐅᒋᔕᔒᐯᑕᒣᒃ, ᐗᐐᑫ ᐁᑫᒋᓈᐅᔦᒃ ᐁᐐᐱᑕᑯᔑᕽ ᐊᐊ ᑳᑎᐯᓂᒥᓇᕽ ᒋᓴᔅ X᙮

2 ᑌᓴᓬᐆᓂᔭᓇᒃ 1:11

ᒦ ᓴ ᑯ ᐊᐸᓀ ᐌᒋᐊᓇᒥᐁᑕᒫᑰᔦᒃ, ᐊᐊ ᑭᑭᔐᒪᓂᑑᒥᓈᓐ ᒋᐊᐲᑕᑭᒥᓀᒃ ᒋᐅᑎᓵᐸᑕᒣᒃ ᐃᐃᐌ ᐱᒫᑎᓯᐎᓐ ᑳᐃᔑᐊᑐᒥᓀᒃ, ᒫᓄ ᑲᔦ ᐅᑲᑎᐱᓴᑣᓐ ᐌᑯᓀᓐ ᐃᑯ ᒥᓄᑫᑰᓐ ᑳᑮᐃᓀᑕᒣᒃ ᒋᑑᑕᒣᒃ, ᑲᔦ ᑲᑭᓇ ᑫᑰᓐ ᑭᑌᐺᔦᑕᒧᐎᓂᐙᕽ ᑳᐐᐅᒋᐊᓄᑳᑕᒣᒃ ᐅᑲᑎᐱᓴᑣᓐ᙮

2 ᑌᓴᓬᐆᓂᔭᓇᒃ 3:4

ᓂᑎᔑᐃᑯᓈᓐ ᐃᑕᔥ ᐊᐊ ᑳᑎᐯᒋᑫᒡ ᐁᐅᒋᑾᔭᑴᓂᒥᑰᔦᒃ, ᐋᔕ ᐁᑮᐱ ᐃᔑᒋᑫᔦᒃ ᑳᑮᐃᔑᐐᑕᒫᑰᔦᒃ ᑲᔦ ᑫᔮᐱ ᒋᐊᓂ ᐃᔑᒋᑫᔦᒃ᙮

ᐹᐃᓬᐄᒪᓐ 1:21

ᐅᐅ ᑕᔥ ᑳᐃᔑᐲᐊᒪᐎᓈᓐ ᐁᑲᑴᒋᒥᓈᓐ, ᓂᑭᑫᑖᓐ ᐃᐃ ᒋᐃᔑᒋᑫᔭᓐ᙮ ᓂᑭᑫᑖᓐ ᐃᑯ ᐊᐗᔑᒣ ᒋᐃᔑᒋᑫᔭᓐ᙮

ᐄᐸᕒᐆᐗᒃ 10:35

ᐅᐅ ᑕᔥ ᐁᐱᐊᔨᔑᓭᔦᒃ, ᑫᑯ ᑕᔥ ᐌᐱᓇᑫᒃ ᐃᐃ ᑳᐃᔑᑫᒋᓈᐅᔦᒃ, ᐋᓃᔥ ᒦ ᐃᒫ ᑫᐅᑎᓇᒣᒃ ᐃᐃ ᑭᒋᑎᐸᐊᒫᑰᐎᓐ᙮

ᐄᐸᕒᐆᐗᒃ 12:2

ᑕᑲ ᒨᔕᒃ ᑲᓇᐙᐸᒫᑖ ᒋᓴᔅ ᑳᑮᒫᒋᑑᒡ, ᑳᑮᑮᔑᑑᒡ ᑲᔦ ᑭᑌᐺᔦᑕᒧᐎᓂᓈᓂᓐ᙮ ᑳᐐᓐ ᐃᑕᔥ ᑮᐸᑭᒌᓰ ᐋᓇᐐᓐ ᐁᑮᑭᑫᑕᕽ ᒋᓂᓯᓐᒡ ᐋᔑᑌᔮᑎᑯᕽ, ᐋᒋᑯ ᑕᔥ ᑳᐐᓐ ᐅᑮᐸᐹᐱᓯᔅᑫᑕᓰᓐ ᑳᑮᐐᐃᔑᐊᑲᒋᐃᓐᒡ, ᐋᓃᔥ ᐅᑮᑭᑫᑖᓐ ᐃᐃ ᒥᓉᑕᒧᐎᓐ ᑳᑮᐲᐃᑯᒡ᙮ ᐃᓇᔥᑫ ᑕᔥ ᓅᑯᒻ ᑭᔐᒪᓂᑑᓐ ᐅᐐᑕᐱᒫᓐ, ᐅᑭᒋᓂᑭᓃᕽ ᐃᓇᑫ ᐁᐃᔑᐊᐱᒡ᙮

1 Piitar 5:10

ᐊᐲ ᑕᔥ ᐊᒋᓇ ᑮᑲᒀᑕᑭᑑᔦᒃ, ᑭᔐᒪᓂᑑ ᑳᐌᓅᒋ ᐐᒦᑭᐌᒡ ᑭᔐᐙᑎᓯᐎᓐ, ᑳᑮᐊᑑᒥᓀᒃ Xᐃᕽ ᒋᐃᔑᐐᑑᑳᓱᔦᒃ ᐃᐃᒫ ᑳᐃᔑᓀᐱᒋ ᑭᒋ ᐃᓀᑖᑯᓯᒡ, ᐐᓐ ᐃᑯ ᑭᑲᑮᔑᓈᑯᐃᑯᐙ, ᑭᑲᐃᔑᐃᑯᐙ ᑲᔦ ᒋᐋᔩᒋᑳᐸᐎᔦᒃ, ᒋᒪᔥᑲᐎᓰᔦᒃ, ᑭᑲᓀᐱᒋᐅᓇᓯᑯᐙ ᑲᔦ᙮

2 Piitar 3:10

ᐃᐃ ᓴ ᑮᔑᑲᓂᓂᒃ ᑳᑎᐯᒋᑫᒡ ᑳᐐᑕᑯᔑᕽ ᑕᓭᓴᑰᒋ ᐅᒋᒋᓭ, ᑖᐱᔥᑰ ᐅᑮᒨᒋᔥᒃ ᓃᔮᒃ ᑳᑭᑫᑖᑯᓯᓯᒃ ᐁᐐᑕᑯᔑᕽ᙮ ᒦ ᓴ ᑕᔥ ᐃᐃ ᐊᐲ ᐃᔥᐱᒥᕽ ᑮᔑᒃ ᑫᐊᑯᓈᑾᒃ ᑭᔒᐌ ᓅᑖᑾᒃ ᑫᑰᓐ᙮ ᒦ ᑲᔦ ᐃᐃ ᐊᐲ ᑲᑭᓇ ᑫᑰᓇᓐ ᐃᔥᐱᒥᕽ ᑳᐊᔮᑭᓐ ᑳᐐᓂᔑᐗᓈᒋᒋᑳᑌᑭᓐ ᐃᔥᑯᑌ ᐁᐐᐋᐸᑕᒃ᙮ ᐃᐃ ᑲᔦ ᐊᑭ, ᑲᑭᓇ ᑲᔦ ᑫᑰᓐ ᐃᐃᒫ ᑳᐊᔮᑭᓐ ᑳᐐᓐ ᑕᑭᑫᑖᑾᓯᓅᓇᓐ᙮