ᐱᓬᐃᐱᔭᓇᒃ 1:5 - ᐅᒋᐺ ᑭᒋᒪᓯᓇᐃᑲᓐ

⁵ ᐅᒋ ᐃᐌ ᑳᐱ ᐃᔑᐐᒋᐃᐌᔦᒃ ᐁᐱᒥᐐᒋᑳᑌᒃ ᒥᓍᒋᒧᐎᓐ, ᓂᑕᒻ ᐃᑯ ᐁᑮᒫᒌᐅᑖᐱᓇᒣᒃ ᐲᓂᔥ ᐃᑯ ᓅᑯᒻ᙮

Ojibwe Kihcimasina'ikan

⁵ onci 'iwe kaapi‑ishiwiici'iweyek ehpimiwiincikaatek minwaacimowin, nihtam iko ekii'maaciiotaahpinamek piinihsh iko noonkom.

ᐱᓬᐃᐱᔭᓇᒃ 1:5 Iomraidhean Croise

ᐃᔑᒋᑫᐎᓇᓐ 2:42

ᒦᑕᔥ ᐃᑯ ᒨᔕᒃ ᐃᐃᒫ ᑳ ᐊᔮᓂᒡ ᐁᑮ ᐱᓯᑕᒥᓂᒡ ᐁᔑ ᑭᑭᓄᐊᒫᑫᐙᒡ ᐃᔑᓂᔕᐙᑲᓇᒃ᙮ ᐁᑮᐃᔑ ᐐᑑᑳᓱᓂᒡ ᐃᑕᔥ ᑲᔦ ᐁᔑ ᐐᓯᓂᓈᓂᐗᓂᓂᒃ ᐯᑭᔥ ᐁᑮᐊᓇᒥᐁᓈᓂᐗᓂᓂᒃ᙮

ᐅᕒᐆᒪᓇᒃ 11:17

ᓇᔥᑫᔥ ᑲᔦ ᐃᑭ ᐃᔅᕒᐃᔭᓬᐊᒃ Israel ᒦ ᐁᓀᑖᑯᓯᐙᒡ ᐊᐊ ᐋᓬᐃᑉ olive ᔔᒥᓈᑎᒃ ᑳᑭᑎᑳᓱᒡ ᐋᓂᑕ ᐁᑮᐴᑯᓂᑳᑌᑭᓐ ᐅᐗᑎᑾᓇᓐ᙮ ᐊᐊ ᑕᔥ ᐐᓐ ᑯᑕᒃ ᐱᑾᒐᔭᐄ ᔔᒥᓈᑎᒃ ᑳᑮᑭᑎᑳᓱᓯᒃ ᑮᓇᐙ ᑳᒎᐎᐎᓯᐌᒃ ᑳᐃᔑᓈᑯᓯᔦᒃ ᐅᐗᑎᑾᓇᓐ ᐲᒋᑭᑎᑳᑌᓂᐗᓐ ᐃᐃᒫ ᑳᑮᐅᒋᐴᑯᓂᑳᑌᑭᓐ ᐃᓂ ᐗᑎᑾᓇᓐ᙮ ᑫᑮᓇᐙ ᑕᔥ ᐃᐃᒫ ᐁᔑᐐᑑᑳᓱᔦᒃ ᑳᑮᐅᒋᒪᔥᑲᐙᑎᓯᐙᒡ ᒎᐗᒃ, ᑳᑮᐅᒋᐌᓅᑕᓂᓂᒃ ᐅᐱᒫᑎᓯᐎᓂᐙ᙮

ᐅᕒᐆᒪᓇᒃ 12:13

ᒦᓂᑾᒃ ᑲᔦ ᐃᑭ ᐅᑕᓇᒥᐋᒃ ᑫᑰᓂᓂ ᑳᐃᔑᓅᑌᓭᐙᒡ, ᐌᐌᓂ ᓈᑲᒋᐃᑾᒃ ᑮᐅᑎᓯᓀᒀ ᐃᑭ ᐲᐎᑌᒃ ᑭᑖᐎᓂᐙᕽ᙮

ᐅᕒᐆᒪᓇᒃ 15:26

ᐃᑭ ᑕᔥ ᐅᑕᓇᒥᐋᒃ ᐌᑎ ᒫᓯᑑᓂᔭ Macedonia ᐊᑮᕽ ᑳᐊᔮᐙᒡ, ᐌᑎ ᑲᔦ ᐊᑫᔭ Achaia ᐊᑮᕽ ᑳᐊᔮᐙᒡ ᐐᓇᐙ ᓴ ᐱᑯ ᑮᐃᓀᑕᒨᒃ ᐁᐐᐸᑭᑎᓂᑫᐙᒡ ᔔᓂᔮᓐ ᐁᐐᐐᒋᐋᐙᒡ ᑳᑰᐹᑎᓯᓂᒡ ᑳᑕᑸᓄᓂᒡ ᑭᔐᒪᓂᑑ ᐅᐱᒫᑎᓰᒪᐞ ᑳᐃᔑᐊᔮᓂᒡ ᐌᑎ ᒉᕒᐆᓴᓬᐊᒥᕽ᙮

1 ᑲᕒᐃᑎᔭᓇᒃ 1:9

ᑌᐺᔦᑖᑯᓯ ᓴ ᐊᐌ ᑭᔐᒪᓂᑑ, ᒦ ᐊᐌ ᑳᑮᐊᑐᒥᓀᒃ ᒋᐐᒌᐎᒣᒃ ᐃᓂ ᐅᑯᓯᓴᓐ ᒋᓴᔅ Xᑕᓐ, ᒦᐗᓂᓂ ᑳᑎᐯᓂᒥᒥᓇᕽ᙮

2 ᑲᕒᐃᑎᔭᓇᒃ 8:1

ᑮᓇᐙ ᑕᔥ ᓃᑕᓇᒥᐋᓈᓂᒃ, ᑭᓇᑕᐌᓂᒥᑰᒻ ᒋᑭᑫᑕᒣᒃ ᐋᓃᓐ ᑭᔐᒪᓂᑑ ᐅᑭᔐᐙᑎᓯᐎᓐ ᐁᔑᐊᓄᑮᒪᑲᓂᓂᒃ ᐯᐸᑳᓐ ᐅᑌᐺᑕᒨᒃ ᑳᐃᔑᒫᐗᒋᐃᑎᐙᒡ ᐃᐃᒫ ᒫᓯᑑᓂᔭ Macedonia ᐊᑮᕽ᙮

ᐃᐲᔑᔭᓇᒃ 3:6

ᒦᑕᔥ ᐅᐅ ᑳᐃᑕᒫᓐ: ᐃᑭ ᓴ ᑲᔦ ᑳᒎᐎᐎᓯᒀ ᒥᓍᒋᒧᐎᓂᕽ ᑫᐐᓇᐙ ᐅᑲᐅᒋᑌᐱᓈᓈᐙ ᑳᐐᑌᐱᓇᒥᓂᒡ ᒎᐗᐞ ᑭᔐᒪᓂᑑᓐ ᑳᐐᒦᓂᑯᓂᒡ᙮ ᒦ ᓴ ᑲᔦ ᐐᓇᐙ ᐃᐃᒫ ᐁᔑᐐᑑᑳᓱᐙᒡ X ᐅᐐᔭᐎᓂᓃᕽ᙮ ᑮᐃᓀᑖᑯᓯᐗᒃ ᑲᔦ ᐐᓇᐙ ᒋᒦᓂᑣ ᑭᔐᒪᓂᑑᓐ ᑳᑮᐃᔑᐊᔓᑕᒫᑫᓂᒡ ᐃᐃᒫ X ᒋᓴᓱᕽ᙮

ᐱᓬᐃᐱᔭᓇᒃ 1:12

ᓃᒋᐅᑌᐺᑕᒨᒃ, ᑭᓇᑕᐌᓂᒥᓂᓂᒻ ᒋᑭᑫᑕᒣᒃ ᐅᐌ ᑳᐱ ᐃᔑᓭᔮᓐ, ᒦ ᐃᒫ ᑫᔮᐱ ᐌᒋᓂᑭᑫᑖᑾᒃ ᐃᐃ ᒥᓍᒋᒧᐎᓐ᙮

ᐱᓬᐃᐱᔭᓇᒃ 1:16

ᐅᑯᐌᓂᐗᒃ ᓵᑭᐃᐌᐎᓂᕽ ᐃᔑᒋᑫᐗᒃ᙮ ᐅᑭᑫᑖᓈᐙ ᑭᔐᒪᓂᑑ ᐁᑮᐃᓇᓄᑮᐃᒡ ᒋᑲᓅᒋᑫᑕᒪᐙᑕᒫᓐ ᐃᐃ ᒥᓍᒋᒧᐎᓐ᙮

ᐱᓬᐃᐱᔭᓇᒃ 1:27

ᐅᐅᐌ ᐁᑕ ᑭᑎᓂᓂᓂᒻ: ᐃᔑᐱᒫᑎᓯᔪᒃ ᒋᐯᔑᑯᓈᑾᒃ ᐁᔑᐊᔮᓂᒃ ᐅᒥᓍᒋᒧᐎᓐ ᐊᐊ X᙮ ᒦᔥ ᑮᔥᐱᓐ ᐃᔖᔮᓐ ᒋᐙᐸᒥᓇᑰᒃ, ᑮᔥᐱᓐ ᑲᔦ ᐙᐸᒥᓯᓄᐎᓇᑰᒃ, ᓂᑲᓅᑖᓐ ᐁᔑᐊᔮᔦᒃ, ᑫᔮᐱ ᐁᓲᑭᑳᐸᐎᔦᒃ ᐯᔑᑾᓐ ᐃᑯ ᒫᒪᐤ ᐁᐃᓀᑕᒣᒃ, ᐯᔑᑾᓐ ᐁᑕ ᑭᓇᑕᐌᑕᒧᐎᓂᐙᕽ ᐁᓂᑯᒃ ᒋᒫᒪᐎᐐᒋᐃᑎᔦᒃ, ᐁᑲᑴᒫᒑᑑᔦᒃ ᐃᐃ ᑌᐺᐎᓐ ᑳᐃᔑᑌᐺᑕᒪᕽ ᐃᐌ ᑳᐃᔑᓅᑕᒪᕽ ᒥᓍᒋᒧᐎᓂᕽ᙮

ᐱᓬᐃᐱᔭᓇᒃ 1:7

ᑾᔭᑾᓐ ᐃᓴ ᐅᐌ ᒋᐃᓀᓂᒥᓇᑰᒃ, ᒨᔕᒃ ᐁᑕᓀᓂᒥᓇᑰᒃ ᓂᑌᐃᕽ᙮ ᐋᓃᔥ ᑲᑭᓇ ᑳᑕᔑᔦᒃ ᑭᑮᐱ ᐃᔑᐐᒋᐃᐌᒻ ᓂᒦᓂᑰᐎᓯᐎᓂᕽ ᑳᐃᔑᐸᑭᑎᓇᒪᐎᒡ ᑭᔐᒪᓂᑑ, ᐋᓃᔥ ᓅᑯᒻ ᐁᑭᐸᐅᑰᔮᓐ ᑲᔦ ᐅᑖᓈᕽ ᒣᒀ ᐁᑮᐱᓂᔅᑴᓯᔮᓐ ᐁᑮᑲᓅᒋᑫᑕᒪᐙᑕᒫᓐ ᐃᐃ ᒥᓍᒋᒧᐎᓐ ᐁᑮᐱᒥᐋᔩᑕᑑᔮᓐ, ᒨᔕᒃ ᑭᑮᐱᐐᑑᑲᐎᒻ᙮

ᐱᓬᐃᐱᔭᓇᒃ 2:12

ᒦᓴ ᐃᐌ ᓯᔮᑭᐃᓇᑰᒃ, ᐃᐃᐌ ᐁᑮᐃᔑᐱᓯᑕᐎᔦᒃ ᑮᐐᒋᔭᔮᒥᓇᑰᒃ, ᐊᐗᔑᒣ ᓅᑯᒻ ᐁᐐᒋᐊᔮᒥᓯᓄᐎᓇᑰᒃ ᐊᑕᐌᑖᑾᓐ ᒋᑑᑕᒣᒃ ᐃᐃ ᑳᐃᓂᓇᑰᒃ᙮ ᑯᑖᓀᑕᒧᐎᓂᕽ, ᓂᓂᑭᔥᑳᐎᓂᕽ ᐃᔑᑲᐯᐊᓄᑳᑕᒫᓱᒃ ᑭᐱᒫᒋᐃᑰᐎᓂᐙ ᐲᓂᔑᑯ ᒋᑮᔑᓈᑾᒃ᙮

ᐱᓬᐃᐱᔭᓇᒃ 2:22

ᑮᓇᐙ ᑕᔥ ᑭᑭᑫᓂᒫᐙ ᐅᑎᔑᒋᑫᐎᓐ ᐊᐊ ᑎᒪᑎ, ᐁᑮᓈᑯᑑᒡ ᐅᒥᓋᑭᓱᐎᓐ᙮ ᑖᐱᔥᑰ ᐅᑯᓯᓯᒫ ᐁᐐᒋᐋᒡ ᐅᑌᑌᓐ, ᑲᔦ ᐐᓐ ᓂᑮᐐᑕᓄᑮᒥᒃ ᒋᒫᒌᔥᑳᒪᑲᒃ ᐃᐃ ᒥᓍᒋᒧᐎᓐ᙮

ᐱᓬᐃᐱᔭᓇᒃ 4:3

ᑲᔦ ᑮᓐ ᓂᐐᑕᓄᑮᒫᑲᓐ, ᑳᑾᔭᑴᑖᑯᓯᔭᓐ, ᐐᒋᐞ ᐅᑯ ᐃᑴᐗᒃ᙮ ᐁᓂᑯᒃ ᓂᑮᐐᑕᓄᑮᒥᑰᒃ ᒋᒫᒌᔥᑳᓂᒃ ᐃᐃ ᒥᓍᒋᒧᐎᓐ᙮ ᑲᔦ ᐅᑮᐐᑕᓄᑮᒫᐙᓐ ᐃᓂ ᑲᓬᐁᒪᑕᓐ Clement ᑲᔦ ᐃᓂ ᑯᑕᒃ ᓂᐐᑕᓄᑮᒫᑲᓇᐞ, ᐃᓂᐌᓂᐗᐞ ᐅᐐᓱᐎᓂᓂ ᑳᐊᔮᓂᑭᓐ ᐃᐃᒫ ᐅᒪᓯᓇᐃᑲᓂᕽ ᑭᔐᒪᓂᑑ ᑳᐃᔑᐅᔑᐲᐙᒡ ᐊᐌᓀᓇᐞ ᑳᑮᒦᓈᒡ ᐱᒫᑎᓯᐎᓐ᙮

ᐹᐃᓬᐄᒪᓐ 1:17

ᑮᔥᐱᓐ ᑕᔥ ᐃᓀᓂᒥᔭᓐ ᑭᐐᑕᓄᑮᒫᑲᓐ, ᑮᐌ ᐅᑖᐱᓐ ᑕᔥ ᑖᐱᔥᑰ ᓃᓐ ᑫᑮ ᑑᑕᐎᔭᐸᓐ᙮

ᐄᐸᕒᐆᐗᒃ 3:14

ᐋᓃᔥ ᑭᐐᒌᐙᓈᓐ X, ᑮᔥᐱᓐ ᐁᑕ ᒪᔥᑲᐎᒥᒋᒥᓇᒪᕽ ᐃᐃ ᑭᑫᒋᓈᐅᐎᓂᓈᓐ ᓂᑕᒻ ᑳᑮᐊᔮᔭᕽ, ᐲᓂᔥ ᐌᑎ ᐃᔥᒀᒡ ᑮᔑᑲᒃ᙮

2 Piitar 1:1

ᓃᓐ ᓵᔨᒪᓐ ᐲᑕᕒ Simon Peter, ᒋᓴᔅ X ᐅᑕᓄᑮᐋᑲᓇᓐ, ᐅᑎᔑᓂᔕᐙᑲᓇᓐ ᑲᔦ᙮ ᑭᑑᔑᐲᐊᒪᐎᓂᓂᒻ ᑮᓇᐙ ᑳᑮᑌᐱᓇᒣᒃ ᑌᐺᔦᑕᒧᐎᓐ ᐯᔑᑾᓐ ᑳᑭᑕᑭᑌᒃ ᑖᐱᔥᑰ ᓃᓇᐎᓐᑦ ᑎᓄ ᑳᐊᔮᐗᑭᒡ, ᑳᑮᐅᒋᑌᐱᓇᒣᒃ ᐅᑾᔭᒀᑎᓯᐎᓂᕽ ᑭᑭᔐᒪᓂᑑᒥᓈᓐ, ᑭᐱᒫᒋᐃᐌᒥᓈᓐ ᑲᔦ ᒋᓴᔅ X᙮

1 Cwaan 1:3

ᐃᐃ ᑕᔥ ᓃᓇᐎᓐᑦ ᑳᑮᐙᐸᑕᒫᕽ, ᑳᑮᓅᑕᒫᕽ ᑲᔦ, ᑳᐅᒋᐐᑕᒫᑰᔦᒃ ᑫᑮᓇᐙ ᒋᐐᒌᐎᔮᕽ, ᐅᐅ ᑳᔑᐐᒌᐗᑭᒡ ᑳᐅᑌᑌᒫᐎᒡ, ᐃᓂ ᑲᔦ ᑳᔑᐐᒌᐎᒪᑭᒡ ᐅᑯᓯᓴᓐ ᒋᓴᔅ Xᑕᓐ᙮

1 Cwaan 1:7

ᑮᔥᐱᓐ ᑕᔥ ᐙᓭᔮᕽ ᐃᔑᐱᒫᑎᓯᔭᕽ, ᑖᐱᔥᑰ ᐐᓐ ᐃᑯ ᐊᐊ ᐙᓭᔮᕽ ᑳᐃᔑᐊᔮᒡ, ᒦᑕᔥ ᐁᒥᓄᐐᒌᑎᔭᕽ; ᒋᓴᔅ ᑕᔥ ᐅᒥᔅᑸᒻ ᑭᔐᒪᓂᑑᓐ ᑳᐅᑯᓯᓯᒥᑯᒡ, ᑭᐯᑭᐃᑯᐙᒥᓐ ᒪᒋᑑᑕᒧᐎᓂᕽ ᐅᒋ᙮