ᐱᓬᐃᐱᔭᓇᒃ 1:20 - ᐅᒋᐺ ᑭᒋᒪᓯᓇᐃᑲᓐ

²⁰ ᒦ ᐅᐌ ᐁᑭᒋᒥᓴᐌᑕᒫᓐ ᐁᐸᑯᓭᓂᒧᔮᓐ, ᐁᑳ ᐐᑳ ᑫᑰᓐ ᒋᐅᒋᒣᓂᔐᑕᓯᐙᓐ, ᒨᔕᒃ ᐃᑕᔥ ᒋᒪᔥᑲᐌᓂᒧᔮᓐ, ᒣᒥᑕᑫ ᑯ ᑲᔦ ᓅᑯᒻ, ᐁᓂᑭᓂᔮᓐ ᐃᑯ ᒋᑭᑌᑖᑯᐊᒃ ᐊᐊ X, ᑫᒫ ᐱᒫᑎᓯᔮᓐ ᑫᒫ ᓂᐳᔮᓐ᙮

Ojibwe Kihcimasina'ikan

²⁰ Mii 'owe ehkihcimihsawentamaan ehpakohsenimoyaan, ekaa wiihkaa kekoon cioncimenihshentansiwaan, mooshak itahsh cimashkawenimoyaan, memintake ko kaye noonkom, enikiniyaan iko cikihtentaako'ak a'a Christ, kemaa pimaatisiyaan kemaa nipoyaan.

ᐱᓬᐃᐱᔭᓇᒃ 1:20 Iomraidhean Croise

Nikamonan 25:2

ᑮᓐ ᓴ ᓂᑭᔐᒪᓂᑑᒻ ᑳᑌᐺᔦᓂᒥᓈᓐ᙮ ᑫᑯ ᐸᑭᑎᓂᔑᑫᓐ ᒋᐊᑲᒋᐃᑰᔮᓐ; ᑫᑯ ᐸᑭᑎᓈᑫᓐ ᑳᔒᑫᓂᒥᐙᒡ ᒋᔖᑰᒋᐃᐙᒡ᙮

Nikamonan 62:5

ᑳᐐᓐ ᓴ ᓂᓅᑖᑎᓰ ᓂᑕᒑᑯᕽ ᐁᐲᐊᒃ ᑭᔐᒪᓂᑑ ᐁᑕ, ᐐᓐ ᐅᔕ ᐁᑕ ᑳᐊᐯᓂᒧᓄᑕᐗᒃ᙮

ᑲᑮᑖᐎᑮᔗᐎᓇᓐ 10:28

ᐅᑾᔭᒀᑎᔅ ᐁᔑ ᐸᑯᓭᓂᒧᒡ ᒋᐃᔑᓭᒡ ᑕᐅᒋ ᒌᑫᑕᒻ᙮ ᐃᑭ ᑕᔥ ᐐᓐ ᐅᒪᒑᑎᓰᒃ ᐁᔑ ᐸᑯᓭᓂᒧᐙᒡ ᑳᐐᓐ ᑕᐃᔑᓭᓯᓂᓂ᙮

Aaiseya 45:17

ᑳᑎᐯᒋᑫᓂᒡ ᓴ ᐃᔅᕒᐃᔭᓬᐊᒃ ᑳᐱᒫᒋᐃᑯᐙᒡ, ᐃᐃ ᓴ ᐁᔑ ᐱᒫᒋᑯᐙᒡ ᓀᐱᒡ ᐃᑯ ᑕᐃᔑᓭᓂ, ᑳᐐᓐ ᐃᑕᔥ ᐐᑳ ᑕᐊᑲᒋᐋᓰᐗᒃ ᑳᐐᓐ ᑲᔦ ᐐᑳ ᑕᐊᑲᑌᑕᓰᐗᒃ, ᒦ ᓴ ᐱᑯ ᐃ ᑳᐐᓐ ᐐᑳ ᑕᐴᓂᓭᓯᓂᓂ, ᑭᑲᐃᑰᒃ᙮

Aaiseya 54:4

ᑫᑯ ᓭᑭᓯᑫᓐ, ᑳᐐᓐ ᒦᓇᐙ ᑭᑲ ᐊᑲᒋ ᔖᑰᒋᐃᑰᓰ; ᑳᐐᓐ ᑭᑲ ᓃᓭᓂᒥᑰᓰ᙮ ᒦᑕᔥ ᒋᐗᓃᑫᔭᓐ ᑳᑮ ᐃᔑ ᒪᒫᔒᔭᓐ ᑮᐅᔥᑳᑎᓯᔭᓐ, ᒦᔥ ᑲᔦ ᒋᐗᓃᑫᓄᑕᒪᓐ ᑳᑮ ᐃᔑ ᑰᐹᑌᑕᒪᓐ ᑮᑮᐙᒋᑴᐎᔭᓐ᙮

Cwaan 21:19

ᐅᐌᔥ ᐁᑮᐃᓈᒡ, ᐅᑮᑭᑭᓇᐙᒋᐐᑕᒪᐙᓐ ᐋᓃᓐ ᑫᐃᔑᓂᐳᓂᒡ, ᑫᐃᔑᑭᒋ ᐃᓀᑖᑯᐋᓂᒡ ᑭᔐᒪᓂᑑᓐ᙮ ᒦᑕᔥ ᐅᐅᐌ ᑳᐃᑭᑐᒡ ᒋᓴᔅ: ᐱᒥᓂᔕᐅᔑᓐ᙮

ᐃᔑᒋᑫᐎᓇᓐ 20:24

ᑳᐐᓐ ᑕᔥ ᓃᓐ ᑫᑰᓐ ᓂᑎᓀᑕᓰᓐ ᓂᐱᒫᑎᓯᐎᓐ ᒋᑭᒋ ᐃᓀᑕᒫᐹᓐ; ᒦ ᐁᑕ ᐙᐃᔑᒋᑫᔮᓐ ᒋᑮᔑᑖᐗᒃ ᐱᒥᐸᑑᐎᓐ, ᐊᓄᑮᐎᓐ ᑲᔦ ᑳᑮᒦᔑᒡ ᑳᑎᐯᒋᑫᒡ᙮ ᓂᑮᐃᔑᒦᓂᒃ ᒋᑎᐹᑐᑕᒧᐗᒃ ᐁᔑ ᒥᓍᑐᑌᓂᒃ ᑭᔐᒪᓂᑑ ᐅᑭᔐᐙᑎᓯᐎᓐ᙮

ᐃᔑᒋᑫᐎᓇᓐ 21:13

ᐅᐅ ᑕᔥ ᑮᐃᔑ ᓇᑴᑕᒻ: ᐌᑯᓀᓐ ᐌᒋ ᐃᔑᒋᑫᔦᒃ ᐁᒪᐎᔦᒃ, ᐁᒫᓀᑕᒥᐃᔦᒃ ᑲᔦ᙮ ᑳᐐᓐ ᐐᓐ ᐁᑕ ᓂᑎᔑ ᑮᔐᑕᓰ ᒋᒪᒫᒋᑾᐱᓂᑰᔮᓐ ᐌᑎ ᒉᕒᐆᓴᓬᐊᒥᕽ, ᐱᓵᓐ ᓴᑯ ᑲᔦ ᒋᐅᒋ ᓂᓯᑰᔮᓐ ᐅᐐᓱᐎᓂᕽ ᑳᑎᐯᒋᑫᒡ ᒋᓴᔅ, ᑮᐃᑭᑐ᙮

ᐃᔑᒋᑫᐎᓇᓐ 4:31

ᐊᐲ ᑕᔥ ᑳᐃᔥᒀ ᐊᓇᒥᐋᐙᒡ ᑮᑯᔥᑯᓭᓂ ᐃᐃᒫ ᐁᔑ ᐊᔮᐙᒡ᙮ ᑲᑭᓇ ᑕᔥ ᐅᑮᒨᔥᑭᓀᔥᑳᑯᐙᓐ ᑭᔐᒪᓂᑑᓐ ᐅᑕᒑᑯᓂ, ᒦᔥ ᑳᐃᔑ ᐙᐐᑕᒧᐙᒡ ᑭᔐᒪᓂᑑᓐ ᐅᑎᑭᑐᐎᓂᓂ ᐁᑮ ᓲᑭᑌᐁᐙᒡ᙮

ᐅᕒᐆᒪᓇᒃ 12:1

ᒦᑕᔥ ᓃᒋᐅᑌᐺᑕᒨᒃ, ᑭᔐᒪᓂᑑ ᐁᐌᓅᑕᓂᓂᒃ ᐅᑰᐹᓯᓈᑫᐎᓐ, ᑭᑲᑳᓱᒥᓂᓂᒻ ᒋᐸᑭᑎᓂᑎᓱᔦᒃ ᐁᓈᓴᒦᒡ ᑭᔐᒪᓂᑑ᙮ ᐃᐃ ᓴ ᑳᐱᒫᑕᒃ ᐸᑭᑎᓂᑫᐎᓐ ᒋᐃᔑᓈᑯᓯᔦᒃ, ᐐᓐ ᐁᑕ ᑯ ᐁᔑᐅᓇᑕᒫᓱᔦᒃ ᒋᐋᐸᒋᐃᓀᒃ ᐊᓄᑮᑕᐌᒃ, ᒦᑕᔥ ᐃᐃᐌᓂ ᑳᒥᓍᐸᑕᕽ ᑭᔐᒪᓂᑑ᙮ ᒦ ᓴ ᑕᔥ ᐃᐃ ᑌᐺ ᑾᔭᒃ ᐊᓇᒥᐋᐎᓐ ᑫᒦᓀᑭᐸᓐ ᑭᔐᒪᓂᑑ᙮

ᐅᕒᐆᒪᓇᒃ 5:5

ᐅᐅᐌ ᑕᔥ ᐁᐃᔑᑫᒋᓈᐅᔭᕽ, ᑳᐐᓐ ᐐᑳ ᑭᑲᓃᓭᑕᓰᒥᓐ᙮ ᐋᓃᔥ ᑭᔐᒪᓂᑑ ᑭᑮᓰᑭᓇᒫᑯᓈᓐ ᐅᓵᑭᐃᐌᐎᓐ ᐃᐃᒫ ᑭᑌᐃᓈᓂᕽ, ᐅᑕᒑᑾᓐ ᐁᑮᐋᐸᒋᐋᒡ᙮ ᒦᐗᓐ ᐃᑕᔥ ᐃᓂ ᑳᑮᒦᓂᓇᕽ᙮

ᐅᕒᐆᒪᓇᒃ 6:13

ᑳᐐᓐ ᑫᑰᓐ ᐁᔑᐸᑫᓯᐎᓀᔦᒃ ᑭᑲᒦᑭᐙᑕᒪᐙᑕᓰᒻ ᐃᐃ ᒪᒋᑑᑕᒧᐎᓐ ᒋᑕᔑᐋᐸᑕᒃ ᒪᒋᒋᑫᐎᓂᕽ ᐃᓇᑫ᙮ ᒣᔥᑾᒡ ᐃᑕᔥ ᑭᑲᒦᓈᐙ ᑭᔐᒪᓂᑑ ᑭᐐᔭᐎᐙᓐ ᐐᓂᑯ ᒋᑎᐯᑕᕽ᙮ ᑮᓇᐙ ᑭᑮᐃᓀᑖᑯᓯᒻ ᐁᑮᓂᐳᔦᒃ, ᓅᑯᒻ ᐃᑕᔥ ᑭᐱᒫᑎᓯᒻ᙮ ᒦ ᐃᐌ ᒥᓯᐌ ᐃᔑᐸᑭᑎᓂᑎᓱᑲᑕᐎᒃ ᑭᔐᒪᓂᑑ ᐃᐃᒫ ᒋᐃᓈᐸᑎᓯᔦᒃ ᑾᔭᑯᒋᑫᐎᓂᕽ᙮

ᐅᕒᐆᒪᓇᒃ 6:19

ᑕᑲ ᑕᔥ ᑳᓂᑖᐃᔑᑮᔗᓈᓂᐗᕽ ᓂᐐᐋᐸᒋᑑᓇᓐ ᐁᐗᑫᓂᓯᑐᑕᓯᐌᒃ ᐁᒥᒋ ᐃᓂᓃᐎ ᐱᒫᑎᓯᔦᒃ᙮ ᐃᑯᑎᕽ ᐃᑯ ᒥᓯᐌ ᑭᑮᐸᑭᑎᓂᑎᓱᒻ ᑳᐐᓀᑖᑾᒃ ᒋᐃᓈᐸᒋᐃᑯᔦᒃ ᐁᑮᐅᑕᐗᑳᓂᒥᑯᔦᒃ, ᑲᔦ ᑲᑭᓇ ᑫᑰᓐ ᒪᒋᒋᑫᐎᓐ ᐁᑮᐊᓂ ᐌᓅᒋ ᑑᑕᒣᒃ᙮ ᒦᑕᔥ ᐯᔑᑾᓐ ᓅᑯᒻ ᐃᔑᒥᓯᐌᐸᑭᑎᓂᑎᓱᒃ ᑾᔭᑯᒋᑫᐎᓂᕽ, ᒦ ᐃᒫ ᒋᐃᔑᐋᐸᑎᓯᔦᒃ, ᒋᐸᑳᓂᐊᐗᑳᓂᑰᔦᒃ, ᒥᓯᐌ ᐱᑯ ᑭᔐᒪᓂᑑ ᒋᑎᐯᓂᒥᓀᒃ᙮

ᐅᕒᐆᒪᓇᒃ 8:19

ᑲᑭᓇ ᑫᑰᓐ ᑳᐅᔑᒋᑳᑌᒃ ᐋᑯᐲᐆᒪᑲᓐ ᒋᐅᒋᒋᓭᒃ ᐃᐃ ᐊᐲ ᑭᔐᒪᓂᑑ ᑫᓈᑯᐋᒡ ᑲᑭᓇ ᐅᑯᓯᓴᐞ᙮

ᐅᕒᐆᒪᓇᒃ 9:33

ᐋᓃᔥ ᑭᒋᒪᓯᓇᐃᑲᓐ ᐃᔑᐲᐃᑳᑌ: ᐃᓇᔥᑫ ᓂᑕᓯᒫᓐ ᐃᓂ ᐊᓯᓃᓐ ᐃᐃᒫ ᓵᔭᓂᕽ Zion ᑫᐱᓱᑫᔥᑳᑯᐙᒡ ᐯᒫᑎᓯᐙᒡ, ᐊᓯᓃᓐ ᑫᑲᐎᐌᐱᔥᑳᑯᐙᒡ᙮ ᐊᐊ ᑕᔥ ᐐᓐ ᑫᑌᐺᑕᐙᒡ ᑳᐐᓐ ᑕᒥᒋᓇᐌᓯᓰ᙮

1 ᑲᕒᐃᑎᔭᓇᒃ 15:31

ᓃᒋᐅᑌᐺᑕᒨᒃ, ᐁᑕᓱᑮᔑᒃ ᓂᐯᔣᐸᑖᓐ ᐃᐃ ᓂᐳᐎᓐ᙮ ᐃᓇᔥᑫ ᓴ ᐐᑫ ᑭᑭᒋ ᐃᓀᓂᒥᓂᓂᒻ ᐃᐃᒫ ᐁᐅᒌᒪᑲᒃ ᐁᐐᒌᐎᓇᕽ ᐊᐊ X ᒋᓴᔅ ᑳᑎᐯᓂᒥᓇᕽ, ᒦ ᐃᐌ ᐁᓇᒪᒋᐅᔥᑳᑯᔮᓐ ᒋᐐᑕᒪᐎᓇᑰᒃ᙮

1 ᑲᕒᐃᑎᔭᓇᒃ 6:20

ᐋᓃᔥ ᑭᑮᑎᐸᐅᑯᐙ ᑭᔐᒪᓂᑑ, ᐐᓐ ᐁᑮᐊᑑᒡ ᑎᐸᐃᑫᐎᓐ᙮ ᒦ ᐃᐌ ᐃᓈᐸᒋᑖᐙᒃ ᑭᐐᔭᐎᐙᓐ ᒋᐅᒋ ᑭᒋ ᐃᓀᑖᑯᐁᒃ ᑭᔐᒪᓂᑑ᙮

1 ᑲᕒᐃᑎᔭᓇᒃ 7:34

ᒦ ᐃᐌ ᑳ ᐋᔮᔕᐌᑕᕽ᙮ ᔑᑾ ᑲᔦ ᐊᐌ ᑳᐅᓈᐯᒥᓯᒃ ᑫᒫ ᑲᔦ ᑭᒋᐅᔥᑭᓃᑭᑴ ᓇᐗᒡ ᐅᑕᔮᒀᒣᑕᒪᐙᓐ ᑳᑎᐯᒋᑫᓂᒡ ᐅᑎᔑᐊᓄᑮᐎᓂᓂ, ᒥᓯᐌ ᐁᐐᐸᑭᑎᓂᑎᓱᑲᑕᐙᒡ ᐐᔭᐎᕽ ᑲᔦ ᐅᑕᒑᑯᕽ᙮ ᐊᐊ ᑕᔥ ᐐᓐ ᑳᐅᓈᐯᒥᒡ ᐅᑕᔮᒀᒣᑖᓐ ᐊᑮᐎ ᐊᓄᑮᐎᓐ ᐁᐐᓇᓇᐁᑕᒥᐋᒡ ᐅᓈᐯᒪᓐ᙮

2 ᑲᕒᐃᑎᔭᓇᒃ 10:8

ᑳᐐᓐ ᑕᔥ ᓂᔖᑴᓂᒧᓰ ᓃᐱᐗᐞ ᑕᔑᑕᒪᐎᓇᑰᒃ ᑳᑎᐯᒋᑫᒡ ᑳᑮᒦᓂᓇᑭᒡ ᑲᔥᑭᐁᐎᓯᐎᓐ᙮ ᑮᓇᐙ ᓴ ᒋᐅᐱᑭᔦᒃ ᑳᑮᐅᒋᒦᓂᑰᔮᕽ, ᑳᐐᓐ ᐐᓐ ᐁᐐᓂᔑᐗᓈᒋᐃᑰᔦᒃ᙮

2 ᑲᕒᐃᑎᔭᓇᒃ 3:12

ᐅᐅ ᑕᔥ ᐁᐃᔑᐊᐯᓂᒧᔮᕽ, ᒦ ᓴ ᑳᐅᒋᓲᑭᑌᐁᔮᕽ ᑮᑮᑭᑐᔮᕽ᙮

2 ᑲᕒᐃᑎᔭᓇᒃ 4:10

ᒦᑕᔥ ᐁᔑᓈᑾᒃ ᒨᔕᒃ ᐁᐱᒥᐎᑖᐗᑭᒡ ᒋᓴᔅ ᐅᓂᐳᐎᓐ ᐃᐃᒫ ᓂᐐᔭᐎᓈᓂᕽ, ᐃᐃ ᓴ ᑳᐅᒋ ᐃᔑᓈᑾᒃ ᐅᐱᒫᑎᓯᐎᓐ ᒋᐙᐸᒋᑳᑌᓂᒃ ᐃᐃᒫ ᓂᐐᔭᐎᓈᓂᕽ᙮

2 ᑲᕒᐃᑎᔭᓇᒃ 5:15

ᑲᑭᓇ ᓴ ᐊᐎᔭᐞ ᐅᑮᓂᐳᑕᒪᐙᐞ, ᐃᑭ ᓴ ᑳᐱᒫᑎᓯᐙᒡ ᒋᐃᔑᐱᒫᑎᓯᐙᒡ ᒋᒥᓍᐸᒥᑯᐙᒡ ᐃᓂ ᑳᑮᓂᐳᑕᒫᑯᐙᒡ, ᑳᑮᑮᐌᐱᒫᑎᓯᐃᒥᓐᒡ ᐐᓇᐙ ᐅᒋ᙮ ᑳᐐᓐ ᐐᓐ ᐐᓇᐙ ᐁᑕ ᑳᐅᒋᐱᒫᑎᓯᐙᒡ᙮

2 ᑲᕒᐃᑎᔭᓇᒃ 7:14

ᐋᐱᒡ ᐅᔕ ᑭᑮᑭᒋ ᒥᓄᑕᔑᒥᓂᓂᒻ ᐊᐲ ᑳᑮᑲᑲᓅᓇᒃ ᑕᐃᑕᔅ᙮ ᑳᐐᓐ ᓂᑮᐅᒋᐊᑲᒋᓰ, ᐋᓃᔥ ᓂᑮᑌᐺ ᑳᑮᐃᔑᑕᔑᒥᓇᑰᒃ᙮ ᒨᔕᒃ ᐅᔕ ᑌᐺᐎᓂᕽ ᑭᑮᐃᔑᑲᓅᓂᑰᒻ᙮ ᐃᐃ ᑕᔥ ᑲᔦ ᑳᑮᐃᔑᑭᒋ ᒥᓄᑕᔑᒥᑰᔦᒃ ᑕᐃᑕᔅ ᐁᑮᓅᑕᕽ, ᐋᔕ ᑮᑭᑫᑖᑾᓐ ᐁᑮᑌᐺᔮᕽ᙮

2 ᑲᕒᐃᑎᔭᓇᒃ 7:4

ᐋᐱᒋ ᓴ ᑭᑫᒋᓈᐃᓂᓂᒻ, ᑭᑭᒋ ᐃᓀᓂᒥᓂᓂᒻ ᑲᔦ, ᒦᑕᔥ ᐃᐃᒫ ᑳᐅᒋᒪᔥᑲᐌᑕᒫᕽ᙮ ᑲᑭᓇ ᑳᐃᔑᐅᒑᓂᒥᓭᔮᕽ ᐋᐱᒋ ᓴ ᓂᒨᔥᑭᓀᔥᑳᑯᓐ ᒥᓉᑕᒧᐎᓐ᙮

ᐱᓬᐃᐱᔭᓇᒃ 1:14

ᔑᑾ ᓃᐱᐗᐞ ᐃᑭ ᐅᐐᒋᑭᐌᔨᒫᒃ ᑳᑎᐯᒋᑫᓂᒡ ᐁᑌᐺᔦᓂᒫᐙᒡ, ᐁᐙᐸᒥᐙᒡ ᐁᔑᑭᐸᐅᑰᔮᓐ, ᐅᒋᑌᐃᓀᓂᒧᐗᒃ, ᐊᐗᔑᒣ ᐁᐊᓂᒪᔥᑲᐌᓂᒧᐙᒡ ᒋᐙᐐᑕᒧᐙᒡ ᑭᔐᒪᓂᑑ ᐅᑎᐹᒋᒧᐎᓐ, ᐁᑳ ᐁᑯᑖᒋᓯᒀ᙮

ᐱᓬᐃᐱᔭᓇᒃ 2:17

ᒫᑭᔖ ᓂᑲᐃᔑᓂᑉ ᑖᐱᔥᑰ ᐁᐸᑭᑎᓈᔂᓂᐎᔮᓐ, ᓂᐱᒫᑎᓯᐎᓐ ᒋᓰᑭᓂᑳᑌᒃ ᐗᑭᒡ ᐃᐃᒫ ᑮᓇᐙ ᐁᔑᐸᑭᑎᓂᑫᔦᒃ, ᐋᓃᔥ ᑭᑌᐺᑕᒧᐎᓂᐙ ᑳᒦᓀᒃ ᑭᔐᒪᓂᑑ ᐁᐊᓇᒥᐁᑕᐌᒃ᙮ ᑮᔥᐱᓐ ᐃᐃᐌ ᐃᔑᓭᒃ ᓂᑲᒥᓉᑕᒻ, ᑲᔦ ᑮᓇᐙ ᑲᑭᓇ ᒋᐐᒋᐃᐌᔦᒃ ᓂᒌᑫᑕᒧᐎᓂᕽ,

ᑲᓬᐋᔑᔭᓇᒃ 1:24

ᓅᑯᒻ ᐃᑕᔥ ᐐᑫ ᓂᒥᓉᑕᒻ ᐃᐃ ᑳᐃᔑᑲᒀᑕᑭᑑᔮᓐ ᑮᓇᐙ ᐅᒋ᙮ ᐅᐅ ᐋᓃᔥ ᑳᐃᔑᑲᒀᑕᑭᑑᔮᓐ ᓂᐐᔭᐎᕽ, ᑫᓃᓐ ᓂᐐᒋᑣ ᒋᑮᔑᒋᑳᑌᒃ ᐃᐃ ᑲᒀᑕᑭᑑᐎᓐ ᑫᔮᐱ ᑳᐐᑲᒀᑕᑭᑑᓈᓂᐗᕽ, ᐃᓇᑫ X ᑳᑮᐃᔑᑲᒀᑕᑭᑑᒡ᙮ ᒦᑕᔥ ᑳᐅᒋ ᐃᔑᒋᑫᔮᓐ ᒋᐅᒋᐐᒋᐃᑣ ᐃᑭ ᑲᑭᓇ ᐅᑌᐺᑕᒨᒃ, ᒦ ᐋᓃᔥ ᐃᐃ X ᐅᐐᔭᐤ᙮

1 ᑌᓴᓬᐆᓂᔭᓇᒃ 5:23

ᔑᑾ ᓂᐸᑯᓭᓂᒫ ᑭᔐᒪᓂᑑ, ᒦ ᐊᐌ ᐱᓵᓂᓯᐎᓐ ᑳᒦᓂᓇᕽ: ᒫᓄ ᐐᓐ ᑭᔐᒪᓂᑑ ᑭᑲᐃᔑᐃᑯᐙ ᒥᓯᐌ ᐐᓀᑕ ᒋᐃᓈᐸᒋᐃᓀᒃ᙮ ᒫᓄ ᑭᑲᑲᓇᐌᓂᒥᑯᐙ ᐁᓂᑯᑴᑖᑯᓯᔦᒃ᙮ ᑲᔦ ᑭᑕᒑᑯᐙᐞ, ᑭᐱᒫᑎᓯᐎᓂᐙᓐ, ᑭᐐᔭᐎᐙᓐ ᑭᑲᑲᓇᐌᑕᒫᑯᐙ, ᐲᓂᔥ ᐊᐲ ᑕᑯᔑᕽ ᑳᑎᐯᒋᑫᒡ ᒋᓴᔅ X, ᐁᑳ ᐊᐙᒡ ᑫᑰᓐ ᒋᒥᑭᑳᑌᓯᓄᒃ ᒋᐃᔑᐊᔮᓯᐌᒃ᙮

1 Piitar 4:16

ᐃᓇᔥᑫ ᓴ ᑮᔥᐱᓐ ᐊᐎᔭ ᐅᒋ ᑲᒀᑕᑭᑑᒡ ᐁᐊᓇᒥᐁᐙᑎᓯᒡ, ᑕᑲ ᑫᑯ ᑕᐊᑲᑌᑕᓰ, ᒣᔥᑾᒡ ᓴ ᐅᑲᒦᑴᒋᐌᓂᒫᓐ ᑭᔐᒪᓂᑑᓐ ᐁᐱᒥᐎᑑᒡ Xᑕᓐ ᐅᐐᓱᐎᓂᓂ᙮

1 Cwaan 2:28

ᑮᓇᐙ ᓂᓃᒑᓂᓴᒃ ᑳᓵᑭᐃᓇᑰᒃ, ᑕᑲ ᒨᔕᒃ ᐐᒌᐙᑖ᙮ ᐊᐲ ᑕᔥ ᓈᑯᓯᒡ ᒋᓲᑭᑌᐁᔭᕽ, ᒋᐊᑲᒌᑕᐙᓯᐗᕽ ᑲᔦ ᐊᐲ ᐱᑕᑶᔑᕽ᙮