ᐱᓬᐃᐱᔭᓇᒃ 1:11 - ᐅᒋᐺ ᑭᒋᒪᓯᓇᐃᑲᓐ

¹¹ ᑭᑲᐃᔑᒨᔥᑭᓀᔥᑳᑰᒻ ᑫᑰᓇᓐ ᑾᔭᑯᐱᒫᑎᓯᐎᓐ ᐐᓐ X ᒋᓴᔅ ᑳᓂᑖᐎᑭᑑᒡ, ᒦ ᐃᐌ ᑫᐅᒋᑭᑕᑭᒥᓐᒡ ᑭᔐᒪᓂᑑ ᑲᔦ ᑫᐅᒋᓇᓈᑯᒥᓐᒡ᙮

Ojibwe Kihcimasina'ikan

¹¹ Kikaishimooshkineshkaakoom kekoonan kwayahkopimaatisiwin wiin Christ Ciisahs kaanihtaawikihtootc, mii 'iwe keoncikihtakimintc Kishemanitoo kaye keoncinanaahkomintc.

ᐱᓬᐃᐱᔭᓇᒃ 1:11 Iomraidhean Croise

Nikamonan 1:3

ᒦᑕᔥ ᐅᐅ ᑫᔑᓈᑯᓯᒡ ᑖᐱᔥᑰ ᒥᑎᒃ ᑳᑭᑎᑳᓱᓂᒡ ᒌᑲᔭᐄ ᑳᔑ ᐱᒥᒋᐗᓂᓂᒃ ᓂᐱ, ᑳᓂᑖᐎᑭᑑᒡ ᔒᐎᒦᒋᒻ ᐊᐲ ᑳᓂᑖ ᓂᑖᐎᑭᓂᓂᒃ; ᐅᑕᓃᐲᔑᒻ ᑲᔦ ᑳᐹᑌᓯᓂᓂᒃ᙮ ᐋᓃᓐ ᓴ ᑯ ᐁᔑᒋᑫᒡ ᑕᔑ ᒥᓄᓭ᙮

Aaiseya 5:2

ᑮᐱᑭᔥᑲᑲᒥᑭᐱᒋᑫ ᓴ ᐁᑮ ᒫᒨᔕᑭᓈᒡ ᐊᓯᓃᐞ, ᒦᑕᔥ ᑳᐃᔑ ᑭᑎᑳᓈᒡ ᒫᐗᒡ ᐃᑯ ᐌᓂᔑᔑᓂᒡ ᔔᒥᓈᑎᑰᐞ᙮ ᐅᑮ ᐅᔑᑑᓐ ᑲᔦ ᐅᓵᐱᐎᓐ ᐙᐅᒋ ᑲᓇᐌᑕᕽ ᑳᑮ ᑭᑎᑳᑕᕽ, ᑮᐙᓂᑫ ᑲᔦ ᐋᓃᑎ ᑫᐃᔑ ᔑᑯᔥᑭᑳᓱᓂᒡ ᑳᑮ ᑭᑎᑳᓈᒡ᙮ ᒦᑕᔥ ᑳᐃᔑ ᐲᐋᒡ ᐐᑫ ᒋᒥᓄ ᓂᑖᐎᑭᓂᒡ, ᐐᑫ ᓴ ᑕᔥ ᑮᐐᓴᑭᐳᑯᓯᐗᐞ᙮

Aaiseya 60:21

ᑭᐱᒫᑎᓰᒪᒃ ᓴ ᑕᔥ ᐃᐃᒫ ᒉᕒᐆᓴᓬᐊᒥᕽ ᑫᐊᔮᐙᒡ ᑕᑾᔭᒀᑎᓯᐗᒃ, ᐐᓇᐙ ᑲᔦ ᐅᑲ ᑎᐯᑖᓈᐙ ᐃᐃ ᐊᑮᓂ ᑳᑭᑫ᙮ ᒦᐗᒃ ᓴ ᐃᑭ ᑳᑮ ᑭᑎᑳᓇᒀ, ᓃᓐ ᐁᑮ ᐅᔑᐊᒀ, ᐁᐐ ᓈᑯᑑᔮᓐ ᓂᑭᒋ ᐃᓀᑖᑯᓯᐎᓐ᙮

Aaiseya 61:11

ᑫᒋᓈᒡ ᓴ ᑯ ᑖᐱᔥᑰ ᐊᑮᕽ ᑳᐅᒋ ᓂᑖᐎᑭᑭᓐ ᑭᑎᑳᓀᔅ, ᑭᑎᑳᓇᑲᒥᑯᕽ ᐁᐅᒋ ᒫᒌᑭᑭᓐ, ᒦ ᓴ ᐃ ᓇᑫ ᑳᒫᐗᒋ ᒪᔥᑲᐎᓰᒡ ᑳᑎᐯᒋᑫᒡ ᑫᔑ ᐱᒫᒋᐋᒡ ᐅᐱᒫᑎᓰᒪᐞ, ᑲᑭᓇ ᓴ ᑕᔥ ᐯᒫᑎᓯᓂᒡ ᐅᑲ ᒦᑴᒋᐌᓂᒥᑰᐞ᙮

Aaiseya 61:3

ᒋᒥᓉᑕᒧᐃᒪᒃ ᑲᔦ ᑳᒫᓀᑕᒥᓂᒡ ᐃᐃᒫ ᓵᔭᓂᕽ Zion ᐁᔮᓂᒡ᙮ ᑳᐐᓐ ᐅᓇᑕᐌᓂᒫᓰᐞ ᒋᒫᓀᑕᒥᓂᒡ; ᒋᒌᑫᑕᒥᓂᒡ, ᒋᒨᒋᑫᑕᒥᓂᒡ ᐅᔕ ᐅᑎᔑ ᐊᑕᐌᓂᒫᐞ᙮ ᒥᑎᑯᕽ ᓴ ᐃᓀᑖᑯᓯᐗᐞ ᑳᑎᐯᒋᑫᒡ ᐐᓐ ᐃᑯ ᑳᑮ ᑭᑎᑳᓈᒡ᙮ ᑾᔭᒃ ᓴ ᑕᔥ ᑕᐃᔑᒋᑫᐗᐞ, ᒦᔥ ᐃᐃᒫ ᑭᔐᒪᓂᑑ ᑫᐅᒋ ᒦᑴᒋᐌᑖᑯᓯᒡ ᐋᓃᓐ ᑳᑮ ᐃᔑᒋᑫᒡ᙮

Maahtiyo 5:16

ᒫᓄ ᔑᑾ ᑕᐃᔑ ᐙᓴᑯᓀ ᐃᐌ ᑭᐙᓴᑯᓀᐎᓂᐙ ᒋᐙᐸᒥᓀᒀ ᐯᒫᑎᓯᐙᒡ, ᒋᐙᐸᑕᒧᐙᒡ ᑭᒥᓄᒋᑫᐎᓂᐙᓐ, ᔑᑾ ᒋᑭᒋ ᐃᓇᑭᒫᐙᒡ ᑰᓯᐙᓐ ᑭᒋᑮᔑᑯᕽ ᑳᐊᔮᓂᒡ᙮

Cwaan 15:16

ᐃᓇᔥᑫ ᓴ, ᑳᐐᓐ ᑮᓇᐙ ᓃᑳᓐ ᑭᑮᐅᓈᐸᒥᓰᒻ᙮ ᓃᓐ ᐋᓃᔥ ᑭᑮᐅᓈᐸᒥᓂᓂᒻ, ᑲᔦ ᑭᑮᐅᓇᓯᓂᓂᒻ ᒋᒫᒑᔦᒃ, ᓃᐱᐗᐞ ᒋᐊᑕᑲᔥᑭᑑᔦᒃ᙮ ᐃᐌ ᑕᔥ ᐋᓃᓂᑯ ᑫᑰᓐ ᑫᔑᑲᔥᑭᑑᔦᒃ, ᒦᑕᔥ ᒋᐊᔮᒪᑲᒃ ᐱᔑᔑᒃ᙮ ᐊᒦᑕᔥ ᐱᑯ ᑫᑰᓐ ᑫᐅᒋᑲᑴᒋᒣᒃ ᐌᔫᓯᒥᓐᒡ, ᓃᓐ ᐁᐱᒥᓂᔕᐅᔦᒃ, ᑭᑲᒦᓂᑯᐙ᙮

Cwaan 15:2

ᒥᓂᒃ ᐃᑕᔥ ᐁᑕᓱ ᐗᑎᑾᓂᐎᔮᓐ ᑳᔔᒥᓂᐗᓯᓄᒃ ᐅᐸᑾᒋᐱᑑᓐ᙮ ᑕᓯᓐ ᐃᑕᔥ ᑳᔔᒥᓂᐗᓂᓂᒃ, ᐸᑮ ᐅᑮᔥᑭᔖᓐ, ᒦ ᐁᑮᔖᒋᑑᒡ ᐊᐗᔑᒣ ᒋᒥᓄᔔᒥᓂᐗᓂᓂᒃ᙮

Cwaan 15:8

ᒦᔥ ᐅᐌ ᑫᔑᑭᑫᒋᑳᑌᓂᒃ ᐅᑭᒋ ᐃᓀᑖᑯᓯᐎᓐ ᐊᐊ ᓂᑌᑌ, ᓃᐱᐗᐞ ᑫᑰᓐ ᑲᔥᑭᑑᔦᒃ᙮ ᐊᒦᑕᔥ ᐃᒫ ᑭᑲᐃᔑ ᐅᑭᑭᓄᐊᒪᐙᑲᓂᒥᓂᓂᒻ᙮

ᐅᕒᐆᒪᓇᒃ 15:28

ᐊᐲ ᑕᔥ ᑮᑮᔑᑑᔮᓐ ᐃᐃ ᓂᑕᓄᑮᐎᓐ, ᑮᐃᔥᒀᒥᓯᐌᒦᓇᒀ ᐃᓂ ᔔᓂᔮᓐ ᑳᑮᒫᐗᒋᒋᑲᓂᐎᓂᒡ, ᒦᑕᔥ ᐃᐃ ᒋᓂᒫᒑᔮᓐ ᐃᔅᐯᓐ ᐊᑮᕽ ᒋᐃᔖᔮᓐ᙮ ᓂᑲᐊᓂᑭᐱᒌ ᑕᔥ ᐁᐐᒪᐗᑎᓯᓇᑰᒃ᙮

ᐅᕒᐆᒪᓇᒃ 6:22

ᐋᔕ ᑕᔥ ᑭᔐᒪᓂᑑ ᑭᑮᐋᐸᐅᑯᐙ ᐃᐃᒫ ᑳᑮᐃᔑᑎᐯᓂᒥᑯᔦᑭᐸᓐ ᒪᒋᑑᑕᒧᐎᓐ, ᐐᓐ ᐃᑕᔥ ᒣᔥᑾᒡ ᐁᑎᐯᓂᒥᓀᒃ ᑖᐱᔥᑰ ᐁᐅᑕᓄᑮᐋᑲᓂᒡ᙮ ᓅᑯᒻ ᐃᑕᔥ ᒦ ᐅᐌ ᐁᔑᐅᑎᓯᔦᒃ, ᒥᓯᐌ ᑭᔐᒪᓂᑑ ᐁᑎᐯᑕᕽ ᑭᐱᒫᑎᓯᐎᓂᐙᓐ, ᐲᓂᔥ ᑲᔦ ᐁᐐᒦᓂᓀᒃ ᐃᐃ ᐱᒫᑎᓯᐎᓐ ᐁᑳ ᑫᐌᒀᐊᔮᓯᓄᒃ᙮

1 ᑲᕒᐃᑎᔭᓇᒃ 10:31

ᒦ ᐃ ᐁᑭᑐᔮᓐ, ᐌᑯᓀᓐ ᓴ ᑯ ᐁᔑᒋᑫᔦᒃ, ᒫᑭᔖ ᐐᓯᓂᔦᒃ, ᒫᑭᔖ ᒥᓂᑴᔦᒃ, ᑲᑭᓇ ᑯ ᐃᔑᒋᑫᔪᒃ ᑭᔐᒪᓂᑑ ᒋᑭᑌᑖᑯᐃᓐᒡ᙮

2 ᑲᕒᐃᑎᔭᓇᒃ 9:10

ᑭᔐᒪᓂᑑ ᓴ ᑳᒦᓈᒡ ᑭᑎᑫᐎᓂᓂᐗᓐ ᑭᑎᑳᓀᓯᓂ, ᐸᑴᔑᑲᓇᓐ ᑲᔦ ᒋᐐᓯᓂᓂᒡ, ᒦ ᓴ ᑫᔑᒦᓂᓀᒃ ᐃᐃ ᑭᑎᑳᓀᓯᓂ ᒥᓂᒃ ᑫᓅᑌᓭᔦᒃ᙮ ᒦᑕᔥ ᐃᐃᒫ ᑳᔑᒥᓄᒋᑫᔦᒃ ᑭᒦᑭᐌᐎᓂᐙᕽ, ᒦ ᓴ ᐃᐃᒫ ᑫᐅᒋᒫᒌᑭᑭᓐ, ᐋᐱᒋ ᑕᔥ ᒋᐌᓅᑎᓯᔦᒃ ᐊᐲ ᒨᓇᐃᑫᔦᒃ᙮

ᐃᐲᔑᔭᓇᒃ 1:12

ᐐᓐ ᐄᑐᒃ ᐅᑮᐅᓀᑖᓐ ᓃᓇᐎᓐᑦ ᓂᑕᒻ ᑳᑮᐊᐯᓂᒧᓄᑕᐎᒪᑭᒡ Xᑕᓐ ᒋᐅᒋᒦᑴᒋᐌᓂᒪᑭᒡ, ᐋᓃᔥ ᑭᒋ ᐃᓀᑖᑯᓯ᙮

ᐃᐲᔑᔭᓇᒃ 1:14

ᐊᐊ ᑕᔥ ᐊᒑᒃ ᑳᑮᒦᓂᑰᔭᕽ ᒦ ᐃᒫ ᐁᔑᓈᑾᒃ ᐁᑮᑭᒋᐎᑎᐸᐊᕽ ᓂᑯᑎᕽ ᒋᑌᐱᓇᒧᐗᕽ ᐃᐃ ᑳᐐᒦᓂᓇᕽ, ᒦ ᑲᔦ ᐃᐃᒫ ᐌᒋᑭᑫᑕᒧᐗᕽ ᑭᔐᒪᓂᑑ ᐐᑫ ᐁᐐᐱᒫᒋᐋᒡ ᐃᓂ ᐯᒫᑎᓯᓂᒡ ᑳᑎᐯᓂᒫᒡ᙮ ᑕᑲ ᑕᔥ ᒦᑴᒋᐌᓂᒫᑖ ᐋᓃᔥ ᑭᒋ ᐃᓀᑖᑯᓯ᙮

ᐃᐲᔑᔭᓇᒃ 2:10

ᑮᓇᐎᓐᑦ ᐃᑕᔥ ᑭᔐᒪᓂᑑ ᐅᑎᔑᒫᒌᐎᓐ, X ᒋᓴᓱᕽ ᑭᑮᐅᔑᐃᑯᓈᓐ ᒋᒥᓄᒋᑫᐗᕽ, ᐐᓐ ᐋᓃᔥ ᑭᑮᑾᔮᒌᑕᒫᑯᓈᓐ ᑫᐃᔑᐱᒫᑎᓯᐗᕽ᙮

ᐃᐲᔑᔭᓇᒃ 5:9

ᐋᓃᔥ ᑳᐙᓭᔮᒃ ᐅᒋᓂᑖᐎᑮᒪᑲᓅᓐ ᑲᑭᓇ ᑳᐅᓂᔑᔑᒃ ᒥᓄᑑᑕᒧᐎᓐ, ᑾᔭᒀᑎᓯᐎᓐ, ᑌᐺᐎᓐ ᑲᔦ᙮

ᐱᓬᐃᐱᔭᓇᒃ 4:17

ᑳᐐᓐ ᐐᓐ ᐃᐃ ᒋᒦᓂᑰᔮᓐ ᓂᑎᓀᑕᓰᓐ᙮ ᓇᐗᒡ ᐃᑕᔥ ᑭᓇᑕᐌᓂᒥᓂᓂᒻ ᒥᓄᑫᑰᓐ ᒋᓇᑲᑭᓱᔦᒃ᙮

ᑲᓬᐋᔑᔭᓇᒃ 1:10

ᒦᑕᔥ ᐃᐃ ᒋᑲᔥᑭᑑᔦᒃ ᒋᐃᔑᐱᒫᑎᓯᐌᒃ ᑫᑮᐃᔑᐱᒫᑎᓯᐙᐸᓐ ᑳᑎᐯᓂᒥᑯᐙᒡ ᑳᑎᐯᒋᑫᓂᒡ, ᒨᔕᒃ ᑲᔦ ᒋᐃᔑᒋᑫᐌᒃ ᑳᐃᔑᒥᓉᑕᕽ᙮ ᐅᔥᑭᐱᒫᑎᓯᐎᓂᕽ ᐃᑕᔥ ᓅᑯᒻ ᐁᐃᔑᐱᒫᑎᓯᔦᒃ, ᒥᓄᒋᑫᐎᓇᓐ ᑭᑲᑑᑖᒻ, ᐲᓂᔥ ᑲᔦ ᐐᑫ ᑭᑲᑭᑫᓂᒫᐙ ᑭᔐᒪᓂᑑ᙮

ᑲᓬᐋᔑᔭᓇᒃ 1:6

ᐃᐃ ᑕᔥ ᒥᓍᒋᒧᐎᓐ ᑳᑮᐅᑎᓯᑯᔦᒃ, ᒨᔕᒃ ᐊᓂᒥᓄᑑᑖᑫᒪᑲᓐ, ᒥᓯᐌ ᑲᔦ ᐊᓂ ᐃᔑᒥᓯᑌᔥᑳᒪᑲᓐ ᐅᐅᒫ ᐊᑮᕽ, ᑖᐱᔥᑰ ᑳᑮᑑᑖᑯᔦᒃ ᒥᓍᒋᒧᐎᓐ ᓂᑕᒻ ᐁᑮᔑᑲᒃ ᑳᑮᓅᑕᒣᒃ, ᐁᑮᑭᑫᑕᒧᐌᒃ ᑲᔦ ᐋᓃᓐ ᒪᔮ ᐁᓀᑖᑾᓂᓂᒃ ᑭᔐᒪᓂᑑ ᐅᑭᔐᐙᑎᓯᐎᓐ᙮

2 ᑌᓴᓬᐆᓂᔭᓇᒃ 1:12

ᒦᑕᔥ ᐅᓄ ᑫᑰᓇᓐ ᐃᔑᒋᑳᑌᑭᓐ ᑮᓇᐙ ᑕᐅᒋᑭᑌᒋᑳᑌᓂ ᐅᐐᓱᐎᓐ ᐊᐊ ᑳᑎᐯᓂᒥᓇᕽ ᒋᓴᔅ, ᔑᑾ ᑲᔦ ᑮᓇᐙ ᑭᑲᑕᑯᒦᓂᑯᐙ ᐅᑭᑌᑖᑯᓯᐎᓐ᙮ ᐅᓄᔥ ᑲᑭᓇ ᑕᐅᒌᒪᑲᓅᓐ ᐅᔕᐌᒋᑫᐎᓂᕽ ᐊᐊ ᑭᑭᔐᒪᓂᑑᒥᓈᓐ ᑲᔦ ᑳᑎᐯᒋᑫᒡ ᒋᓴᔅ X᙮

Taitahs 3:14

ᒦ ᓴ ᐁᔑᓈᑾᓂᓂᒃ ᑭᐐᒋᑌᐺᑕᒨᒥᓈᓂᒃ ᒋᑭᑫᑕᒧᐙᐸᓐ ᒨᔕᒃ ᐃᑯ ᒋᑲᑴᒥᓄᑑᑕᒧᐙᒡ, ᒋᑲᔥᑭᑕᒫᓱᐙᒡ ᑫᑰᓂᓂ ᒋᓅᑌᓭᓯᒀ᙮ ᑳᐐᓐ ᐐᓐ ᐊᓂᔖ ᐱᑯ ᒋᒥᒋᐱᒫᑎᓯᐙᐸᓐ᙮

ᐄᐸᕒᐆᐗᒃ 12:11

ᐃᐃ ᓴ ᑲᑭᓇ ᒫᒦᓄᓂᑰᐎᓐ ᒣᒀ ᐁᐋᐸᑕᒃ ᑳᐐᓐ ᒥᓉᑖᑾᓯᓅᓐ, ᐐᓴᑫᑖᑾᓐ ᐄᑐᒃ᙮ ᔖᑰᒡ ᐃᑕᔥ ᐃᑭ ᐃᐃ ᓇᑫ ᑳᐃᔑᑭᑭᓄᐊᒪᐎᑣ ᓈᓈᑫ ᑾᔭᒀᑎᓯᐎᓐ ᐅᑲᐅᑎᓈᓈᐙ, ᒦᑕᔥ ᐃᐃᒫ ᐌᒌᒃ ᐱᓵᓂᓯᐎᓐ᙮

1 Piitar 2:12

ᐋᐱᒋ ᑕᔥ ᑾᔭᒃ ᐃᔑᐱᒫᑎᓯᒃ ᑳᐃᔑᐊᔮᐙᒡ ᐃᑭ ᑳᑌᐺᑕᓯᒀ, ᐋᓇᐐᓐ ᐁᐃᓂᓀᒀ ᐁᒪᒋ ᐃᔑᐌᐱᓯᔦᒃ᙮ ᐃᓇᔥᑫ ᓴ ᐅᑲᓂᓯᑕᐎᓈᓈᐙᓐ ᐃᓂ ᑭᑎᔑᒋᑫᐎᓂᐙᓐ ᑳᐅᓂᔑᔑᓂᓂᑭᓐ, ᒦᑕᔥ ᑫᔑᒦᑴᒋᐌᓂᒫᐙᒡ ᑭᔐᒪᓂᑑᓐ ᐊᐲ ᑮᔑᑲᓂᓂᒃ ᐐᐱ ᐊᑕ ᑎᐹᑯᓂᐌᓂᒡ᙮

1 Piitar 2:5

ᒦᑕᔥ ᑫᑮᓇᐙ ᐯᔑᑾᓐ ᐁᑎᓄᐎᔦᒃ ᐊᓯᓃᒃ ᑳᐱᒫᑎᓯᐙᒡ, ᑭᑎᔑᐋᐸᑎᓯᒻ ᐃᐃ ᑳᐅᔑᒋᑳᑌᒃ ᐊᒑᑯᐙᑳᐃᑲᓐ᙮ ᒦᑕᔥ ᐃᐃᒫ ᑫᑕᔑ ᐃᓍᓱᔦᒃ ᐊᓇᒥᐁᐎᑭᒫᒃ ᑳᐋᐸᒋᐃᑯᐙᒡ ᑭᔐᒪᓂᑑᓐ, ᒋᐸᑭᑎᓇᒪᐌᒃ ᑳᐊᒑᑯᐌᑖᑾᓂᓂᑭᓐ ᐸᑭᑎᓈᓱᐎᓇᓐ, ᒦᐗᓐ ᐄᑐᒃ ᑳᒥᓍᐸᑕᕽ ᐅᒋ ᒋᓴᔅ Xᑕᓐ᙮

1 Piitar 2:9

ᑮᓇᐙ ᑕᔥ ᑳᐅᑯ ᐅᓀᑖᑯᓯᔦᒃ, ᐊᓇᒥᐁᐎᑭᒫᒃ ᐁᑎᓄᐎᔦᒃ ᑳᐊᓄᑮᑕᐌᒃ ᑭᔐᒪᓂᑑ ᑳᑭᒋᐅᑭᒫᐎᒡ, ᐸᑳᓐ ᑲᔦ ᑳᑮᐃᓇᓯᓀᒃ ᐁᐐᐃᓈᐸᒋᐃᓀᒃ, ᑭᔐᒪᓂᑑ ᑲᔦ ᑳᑎᐯᓂᒥᓀᒃ, ᑭᑮᐅᓈᐸᒥᑯᐙ ᒋᑎᐹᑐᑕᒧᐌᒃ ᐅᒥᓄᒋᑫᐎᓇᓐ᙮ ᑮᓇᐙ ᑲᔦ ᑳᑮᑲᓅᓂᓀᒃ ᒋᓵᑲᐊᒧᐌᒃ ᐃᐃᒫ ᑳᐃᔑᑲᔥᑮᑎᐱᑲᒃ ᑳᑮᐃᔑ ᐊᔮᔦᑭᐸᓐ, ᐃᐃᒫ ᑕᔥ ᒋᔑᐲᑎᑫᔥᑳᔦᒃ ᑳᐃᔑᐅᓂᔑᔑᓂᓂᒃ ᐅᐙᓭᔮᓯᐎᓐ᙮

1 Piitar 4:14

ᑮᔥᐱᓐ ᐃᑕᔥ ᐅᒋᒪᒋ ᐃᑰᔦᒃ X ᐅᑎᔑᓂᑳᓱᐎᓂᕽ, ᒦᐃ ᒋᔕᐌᑖᑯᓯᔦᒃ, ᐋᓃᔥ ᐊᐊ ᐊᒑᒃ ᑳᑭᒋ ᐃᓀᑖᑯᓯᒡ ᑭᑭᑭᔥᑲᐙᐙ, ᐊᒦᐗᓐ ᐃᓴ ᐃᓂ ᑭᔐᒪᓂᑑ ᐅᑕᒑᑾᓐ᙮