Oroot 4:11 - ᐅᒋᐺ ᑭᒋᒪᓯᓇᐃᑲᓐ

¹¹ ᐃᑭ ᑕᔥ ᑳᓃᑳᓂᓯᐙᒡ, ᐃᑭ ᑲᔦ ᐃᐃᒫ ᑳᐊᔮᐙᒡ ᑮᐃᑭᑐᐗᒃ, ᓃᓇᐎᓐᑦ ᓴ ᑌᐺ ᑭᐙᐸᒥᑰ᙮ ᑕᑲ ᑲᔦ ᑳᑎᐯᒋᑫᒡ ᐅᑲ ᐃᔑᐋᓐ ᑭᐐᐗᓐ ᑖᐱᔥᑰ ᐅᕒᐁᒐᓬᐗᓐ Rachel, ᓬᐄᔭᐗᓐ Leah ᑲᔦ ᑳᑮ ᐃᓀᑖᑯᓯᓂᒡ᙮ ᓃᐱᐗᐞ ᐁᑮ ᐊᔮᐙᐙᒡ ᐊᐱᓅᒌᔕᐞ ᒉᑲᐳᕽ Jacob ᐁᑮ ᐅᑎᓈᐙᒡ᙮ ᑕᑲ ᑲᔦ ᑭᑲ ᐌᓅᑎᔅ ᐃᐃᒫ ᑳᔑ ᐃᓇᐌᑎᐙᒡ ᐃᑭ ᐁᐸᕒᐊᑦ ᑳᐃᔑ ᑎᐯᑖᑯᓯᐙᒡ, ᐐᑫ ᑲᔦ ᒋᑭᑫᑖᑯᓯᔭᓐ ᐃᐃᒫ ᐯᑕᓬᐃᐁᒥᕽ Bethlehem᙮

Ojibwe Kihcimasina'ikan

¹¹ Iki tahsh kaa⁠niikaanisiwaatc, iki kaye i'imaa kaa‑ayaawaatc kii‑ihkitowak, “Niinawint hsa tepwe kiwaapamikoo. Taka kaye kaaTipenciketc oka ishi'aan kiwiiwan taapishkoo Orehcalwan (Rachel), Liiyawan (Leah) kaye kaakii inentaakosinitc. Niipiwa' ekii ayaawaawaatc apinoonciisha' Cekaponk (Jacob) ekii ontinaawaatc. Taka kaye kika wenootis i'imaa kaashi inawentiwaatc iki Ehparaht kaa⁠ishi tipentaakosiwaatc, wiinke kaye ci⁠kihkentaakosiyan i'imaa Pehtalihemink (Bethlehem).

Oroot 4:11 Iomraidhean Croise

Cenisihs 23:10

ᐊᐊ ᓴ ᐄᐸᕒᐊᓐ ᐅᑮ ᐐᑕᐱᒫᐞ ᐃᐃ ᑯᑕᒃ ᐁᑦ ᑳᑎᓄᐎᓂᒡ ᐌᑎ ᐆᑌᓈᕽ ᐁᐅᓈᑯᓂᑫᐙᒡ᙮ ᒦᔥ ᐅᐅ ᑳᔑ ᓇᑴᑕᕽ ᐁᐸᕒᐊᐋᒪᓐ ᒋᓅᑖᑯᒡ ᑲᑭᓇ ᐁᑦ ᑳᑎᓄᐎᓂᒡ ᐃᐃᒫ ᐁᔮᓂᒡ᙮ ᒦᔥ ᐅᐅ ᑳᐃᑭᑐᒡ:

Cenisihs 24:60

ᒦᑕᔥ ᑳᐃᔑ ᔕᐌᓂᒫᓂᒡ ᐅᕒᐃᐯᑲᐗᓐ ᐅᐅ ᐁᑮᐃᓈᓂᒡ, ᑕᑲ ᑮᓐ, ᓂᑕᐌᒫᓈᓐ, ᐋᐱᒋ ᑕᓂ ᑭᒋ ᐹᑏᓄᐗᒃ ᑭᐲᐌᓰᒪᒃ᙮ ᒦᐗᒃ ᐃᑕᔥ ᑫᔖᑰᒋᑑᐙᒡ ᐆᑌᓇᐗᓐ ᐁᔑᑖᓂᒡ ᑳᔒᑫᓂᒥᑯᐙᒡ, ᐅᑮᐃᓈᓂ᙮

Cenisihs 29:16

ᓬᐁᐸᓐ ᑕᔥ ᑮᓃᔑᐗᐞ ᐅᑖᓂᓴᐞ᙮ ᑳᑮ ᐅᒥᓭᓯᒫᐎᓂᒡ ᓬᐄᔭ Leah ᑮᐃᔑᓂᑳᓱᐗᓐ᙮ ᐃᓂ ᑕᔥ ᑳᑮ ᐅᔒᒣᔑᒫᐎᓂᒡ ᐅᕒᐁᒐᓬ Rachel ᑮᐃᔑᓂᑳᓱᐗᓐ᙮

Cenisihs 29:25

ᐹᓂᒫ ᑕᔥ ᐁᑭᔐᐹᐗᑲᓂᓂᒃ ᒉᑲᑉ ᑳᑮ ᑭᑫᑕᕽ ᓬᐄᔭᐗᓐ ᐃᓇᑾᓇ ᐃᓂ ᑳᑮ ᐐᐯᒫᒡ᙮ ᑮᐃᔖ ᑕᔥ ᓬᐁᐸᓅᓐ ᐁᑮᐃᓈᒡ, ᐁᑕᑕᐌ ᑭᑭᒋ ᑑᑕᐤ ᐅᐅ ᑳᑑᑕᐎᔭᓐ! ᐅᕒᐁᒐᓬ ᐄᑐᒃ ᑳᑮ ᐅᒋ ᐊᓄᑮᑕᐎᓈᓐ᙮ ᐌᑯᓀᓐ ᑕᔥ ᐌᒋ ᑭᒋ ᐗᔦᔑᒥᔭᓐ? ᐅᑮᐃᓈᓐ᙮

Cenisihs 29:32

ᓬᐄᔭ ᑕᔥ ᑮᑭᑭᔥᑲᐙᐗᓱ, ᑸᐎᓭᓴᓐ ᐁᑮ ᐊᔮᐙᒡ᙮ ᐅᕒᐆᐱᓐ Reuben ᑕᔥ ᐅᑮ ᐃᔑᓂᑳᓈᓐ᙮ ᐅᐅ ᐄᑐᒃ ᑮᐃᑭᑐ, ᑳᑎᐯᒋᑫᒡ ᐅᔕ ᐅᐙᐸᑖᓐ ᐁᔑ ᑲᒀᑕᑫᑕᒧᐗᒃ; ᑫᒋᓈᒡ ᒫᐐᓐ ᐃᑕᔥ ᓅᑯᒻ ᓂᑲ ᓵᑭᐃᒃ ᓂᓈᐯᒻ, ᑮᐃᑭᑐ᙮

Cenisihs 35:23

ᒦᑕᔥ ᐅᐅ ᑳᐃᔑᓂᑳᓱᐙᒡ ᓬᐄᔭᐗᓐ Leah ᑳᐅᒫᒫᐙᒡ᙮ ᐅᕒᐆᐸᓐ ᓭᓰᑭᓯᑦ, ᓯᒥᔭᓐ Simeon, ᓬᐄᐹᐃ Levi, ᒎᑕ Judah, ᐃᓴᑳᕒ Issachar, ᑲᔦ ᓭᐱᔪᓬᐊᓐ Zebulun᙮

Cenisihs 35:24

ᐃᑭ ᑕᔥ ᐌᒫᒫᐙᒡ ᐅᕒᐁᒐᓬᐗᓐ ᐅᐅ ᑮᐃᔑᓂᑳᓱᐗᒃ᙮ ᒎᓴᑉ Joseph, ᐊᐊᔥ ᑲᔦ ᐯᒋᒪᓐ Benjamin᙮

1 ᑭᒋᐅᑭᒫᒃ 21:8

ᒦᑕᔥ ᒉᓴᐯᓬ ᑳᐃᔑ ᒫᒌᐲᐃᑫᒡ ᐁᐋᐴᓐ ᐅᐐᓱᐎᓂᓂ ᐁᑮ ᐋᐸᒋᑑᒡ, ᐅᑭᑭᓇᐙᒋᐲᐃᑲᓂᓂ ᑲᔦ ᐁᑮ ᐋᐸᒋᑑᒡ᙮ ᐃᐃ ᓴ ᑳᓃᑳᓂᓯᓂᒡ, ᑫᒋ ᐃᓀᑖᑯᓯᓂᒡ ᐌᑎ ᐁᔮᓂᒡ ᐆᑌᓈᕽ ᒉᔅᕒᐄᔭᓬ ᐅᑮ ᐅᔑᐲᐊᒪᐙᐞ᙮ ᒦ ᓴ ᐅᐌ ᑳᐃᔑᐲᐊᒪᐙᒡ᙮

Nikamonan 132:6

ᐌᑎ ᓴ ᐁᐸᕒᐊᑦ Ephrath ᓂᑮ ᐅᒋ ᓅᑖᒥᓐ ᐁᑕᔑᑌᒃ ᐃᐃ ᐊᔓᑕᒫᑫᒪᑲᒃ, ᐁᑮ ᐃᔑ ᒥᑲᒫᕽ ᐃᑕᔥ ᒥᔕᐗᑲᒥᕽ ᒉᐊᕒ Jaar ᐁᒋᑳᑌᒃ᙮

ᑲᑮᑖᐎᑮᔗᐎᓇᓐ 31:23

ᐃᓂ ᓴ ᐅᓈᐯᒪᓐ ᐐᑫ ᑭᑌᓂᒥᒫᐗᓐ ᐅᐐᑕᐱᒫᓂ ᐄᑐᒃ ᐃᐃ ᑳᓃᑳᓀᑖᑯᓯᓂᒡ ᐃᓂᓂᐗᐞ᙮

Maaihka 5:2

ᒦᔥ ᑳᑎᐯᒋᑫᒡ ᐁᑭᑐᒡ, ᐯᑕᓬᐃᐁᒻ Bethlehem ᐁᐸᕒᐊᑕ Ephrathah, ᑮᓐ ᒫᐗᒡ ᐯᔑᒃ ᑭᑕᑳᓭᑖᑯᔅ ᑳᑕᓯᑭᓐ ᐆᑌᓇᐗᓐ ᐃᐃᒫ ᒎᑕ Judah ᐊᑮᕽ᙮ ᒦᑕᔥ ᐃᐃᒫ ᑫᐅᑎᓇᒃ ᑫᑎᐯᓂᒫᒡ ᐃᔅᕒᐃᔭᓬᐊᐞ Israel, ᐙᓴ ᐅᑖᓈᕽ ᐅᑑᑕᑳᓀᓯᐎᓐ ᑳᐱ ᑭᑫᑖᑾᓂᓂᒃ᙮

Maahtiyo 2:6

ᐃᐃᐌ ᓴ ᐯᑕᓬᐃᐁᒻ ᐃᐃᒫ ᑳᐊᔮᒃ ᐊᑮᕽ ᒎᑕᑳᕽ Judah, ᑳᐐᓐ ᐸᑮ ᐃᓇᑭᑌᓯᓅᓐ ᐃᒫ ᑳᑭᒋ ᐃᓀᑖᑾᑭᓐ ᐆᑌᓇᐗᓐ ᒎᑕ ᐊᑮᕽ᙮ ᒦ ᐅᔕ ᐃᒫ ᐯᑕᓬᐃᐁᒦᕽ ᑳᐐᐅᒌᒡ ᐊᐊ ᑳᐐᓃᑳᓃᑕᒫᑫᒡ ᑫᑭᑭᓄᐎᓈᒡ ᑲᔦ ᓂᑑᐱᒫᑎᓰᒪᐞ ᐃᐃ ᐃᔅᕒᐃᔭᓬᐊᐞ Israel, ᑮᐃᑭᑐ ᑳᑎᐯᒋᑫᒡ᙮

ᑑᑕᕒᐋᓇᒦ 25:7

ᑮᔥᐱᓐ ᐃᑕᔥ ᐐᓐ ᐊᐊ ᐃᓂᓂ ᐐᐐᑎᑫᒫᓯᒃ ᐃᓂ ᐐᒋᑭᐌᔨᐸᓃᓐ ᐐᐎᓂ, ᐊᐊ ᑕᔥ ᐃᑴ ᑕᐃᔖ ᐁᔑᐊᔮᓂᒡ ᑳᓃᑳᓂᓯᓂᒡ ᐅᐅ ᒋᐃᑭᑐᒡ, ᓂᓈᐯᒥᐸᓐ ᐐᒋᑭᐌᔭᓐ ᓴ ᑳᐐᓐ ᐃᓀᑕᓰᐗᓐ ᒋᐊᓂ ᐱᒥᐎᑑᓂᒡ ᐅᐐᓱᐎᓂ ᐃᐃᒫ ᐃᔅᕒᐃᔭᓬᐊᑮᕽ᙮ ᑳᐐᓐ ᓴ ᓂᐐ ᑑᑖᑯᓰ ᑫᑮ ᐃᔑᒋᑫᐸᓐ, ᓃᓂᒻ ᐃᑕᔥ ᐁᐃᓇᐌᒥᒡ, ᑕᐃᑭᑐ᙮

ᑑᑕᕒᐋᓇᒦ 25:9

ᐊᐊ ᑕᔥ ᐃᑴ ᐅᑲ ᓈᓯᑲᐙᓐ ᐃᓂ ᐐᓂᒨᓐ ᑳᐐ ᐐᑎᑫᒥᑯᓯᒃ ᒋᐙᐸᒥᑯᒡ ᐃᐃ ᑳᓃᑳᓂᓯᓂᒡ ᐆᑌᓈᕽ, ᒦᑕᔥ ᑫᔑ ᑮᑕᑭᓯᓀᐱᓈᒡ ᒋᓯᒀᓈᒡ ᐅᐗᑌᑯᓃᕽ ᐅᐅ ᒋᐃᑭᑐᒡ, ᒦ ᓴ ᐅ ᐁᑑᑕᐎᓐᒡ ᐃᓂᓂ ᑳᑌᐺᑕᓯᒃ ᒋᐅᔑᑕᒪᐙᒡ ᐐᒋᑭᐌᔨᓂ ᐅᐲᐌᓰᒥᓂ, ᑕᐃᑭᑐ᙮

Oroot 1:2

ᐊᐊ ᓴ ᐃᓂᓂ ᐄᓬᐃᒣᓬᐁᒃ Elimelech ᑮᐃᔑᓂᑳᓱ, ᐐᐗᓐ ᓀᔫᒦ Naomi ᑮᐃᔑᓂᑳᓱᐗᓐ᙮ ᐃᓂ ᑕᔥ ᐯᔑᒃ ᐅᑯᓯᓴᓐ ᒣᓬᐊᓐ Mahlon ᑮᐃᔑᓂᑳᓱᐗᓐ, ᐃᓂ ᑕᔥ ᑯᑕᒃ ᑭᓬᐃᔭᓐ Chilion ᑮᐃᔑᓂᑳᓱᐗᓐ᙮ ᐃᐃᒫ ᓴ ᑳᑮ ᐃᔑ ᐃᓇᐌᑎᓂᒡ ᐁᐸᕒᐊᑦ Ephrath ᑮᐃᔑ ᑎᐯᑖᑯᓯᐗᒃ᙮ ᒣᒀ ᓴ ᑕᔥ ᐌᑎ ᒨᐗᑉ ᐊᑮᕽ ᐁᐊᔮᐙᒡ,