Oroot 4:10 - ᐅᒋᐺ ᑭᒋᒪᓯᓇᐃᑲᓐ

¹⁰ ᐊᐊ ᓴ ᑲᔦ ᐅᕒᐆᑦ, ᒣᓬᐊᓐ ᑳᑮᐃᓂᓐᒡ ᐅᑮᐗᔑᑴᒪᓐ, ᒦ ᓴ ᐊᐌ ᑫᐐᐎᔮᓐ, ᒋᐅᐱᑭᐃᒪᒃ ᑲᔦ ᑫᐅᓃᒑᓂᓯᒡ᙮ ᐊᐊ ᓴ ᐃᓂᓃᐸᓐ ᑳᐱᒫᑎᓯᓯᒃ ᐅᑎᓇᐌᒫᑲᓇᐞ ᒋᑎᐯᑕᒥᓂᒡ ᐃᐃ ᐊᑭ᙮ ᐅᐐᓱᐎᓐ ᑲᔦ ᐊᐊ ᐃᓂᓃᐸᓐ ᒋᓂ ᐊᔮᓂᒃ ᑳᔑ ᐊᔮᓂᒡ ᐅᑎᓇᐌᒫᑲᓇᐞ, ᑳᑮ ᐃᔑ ᓂᑖᐎᑭᒡ ᑲᔦ᙮ ᑮᓇᐙ ᐄᑐᒃ ᑭᐙᐸᒥᔑᒻ ᓅᑯᒻ ᑳᑮᔑᑲᒃ, ᑮᐃᑭᑐ᙮

Ojibwe Kihcimasina'ikan

¹⁰ A'a hsa kaye Oroot, Melan kaakii'inintc okiiwahshihkweman, mii hsa awe ke⁠wiiwiyaan, ci⁠ompiki'imak kaye ke⁠oniicaanihsitc. A'a hsa ininiipan kaa⁠pimaatisihsik otinawemaakana' ci⁠tipentaminitc i'i ahki. Owiinsowin kaye a'a ininiipan cini ayaanik kaashi ayaanitc otinawemaakana', kaakii ishi nihtaawikitc kaye. Kiinawaa iitok kiwaapamihshim noonkom kaa⁠kiishikahk,” kii‑ihkito.

Oroot 4:10 Iomraidhean Croise

Cenisihs 29:27

ᐱᓇᒫ ᓴ ᐲᐅᓐ ᐯᔑᑯᑕᐗᑌ ᒌᔥᒀ ᐃᔑᓭᒃ ᐅᐅ ᑳᑭᒋ ᐐᑎᑫ ᐐᑾᑎᕽ᙮ ᒦᑕᔥ ᐊᐲ ᑫᒦᓂᓈᓐ ᐅᕒᐁᒐᓬ ᒋᐊᓄᑮᑕᐎᔭᓐ ᒦᓇᐙ ᓃᔣᓱ ᐱᐴᓐ, ᐅᑮᐃᑰᓐ᙮

Cenisihs 38:9

ᐆᓇᓐ ᐃᑕᔥ ᐅᑮ ᑭᑫᑖᓐ ᒋᑎᐱᓇᐌᐎᓯᓯᒃ ᐃᐃ ᐊᐱᓅᒌᔕᐞ ᑫᓂ ᓂᑖᐎᑭᓂᒡ᙮ ᒦᔥ ᐁᑕᓯᕽ ᐁᐐᐯᒫᒡ ᐃᓂ ᐐᒋᑭᐌᓯᐗᓐ ᐐᐎᓂ ᒥᑕᑲᒥᒃ ᐃᓴ ᑮᐃᔑ ᒦᓰ ᒋᓂᑖᐎᑭᓯᓂᒃ ᐐᒋᑭᐌᓯᐗᓐ ᑫᓂ ᐅᐲᐌᓰᒥᓂᐸᓐ᙮

Nikamonan 34:16

ᑳᐐᓐ ᐃᑕᔥ ᐐᓐ ᐅᒥᓍᐸᒫᓰᐞ ᑳᒪᒋᑑᑕᒥᓂᒡ, ᐁᐐ ᓂᔑᐗᓈᒋᐋᒡ ᒋᓀᐱᒋ ᐗᓃᑫᓄᑕᐎᒥᓐᒡ ᐅᐅᒫ ᐊᑮᕽ᙮

Hosiiya 12:12

ᒦᑕᔥ ᒉᑲᑉ Jacob ᑳᑮ ᐊᐸᐃᐌᒡ ᒣᓱᐳᑌᒥᔭ Mesopotamia ᐊᑮᕽ, ᐁᑮ ᐊᓄᑮᑕᐙᒡ ᐊᐎᔭᓐ ᐌᑎ ᐁᑮ ᑲᓇᐌᓂᒫᒡ ᐅᒫᓇᒑᓂᔑᒥᓂ ᐁᑮ ᑎᐸᐙᒡ ᑫᐐᐎᒡ᙮

Hosiiya 3:2

ᒦᑕᔥ ᑳᑮ ᑎᐸᐃᑫᔮᓐ ᒥᑖᔑᓈᓇᓐ 15 ᐙᐹᐱᑯ ᔔᓂᔮᔅ, ᓃᔣᓲᔥᑭᒧᑦ 7 ᒪᓅᒥᓐ ᐁᑮ ᐊᑖᐌᔮᓐ ᐊᐊ ᐃᑴ᙮

Sehkaraaya 13:2

ᐃᐃᔥ ᐊᐲ ᑮᔑᑲᒃ, ᒦ ᓴ ᐃ ᑳᐐ ᐅᑖᐱᓇᒧᐗᒃ ᐅᑎᔑᓂᑳᓱᐎᓂᐙᓐ ᐃᑭ ᒪᓂᑑᑳᓇᒃ ᐁᔮᐙᒡ ᐃᐃᒫ ᐊᑮᕽ, ᑳᐐᓐ ᐃᑕᔥ ᐃᑯᒋ ᑕᑭᑫᑖᑯᓯᓰᐗᒃ᙮ ᐅᑲᓅᑕᒫᑫᒃ ᑲᔦ ᑳᐐᓐ ᑕᐊᔮᓰᐗᒃ᙮ ᐃᐃ ᑲᔦ ᐁᐐ ᐌᐱᓇᒫᓐ ᐁᔑ ᒪᒋ ᒥᓴᐌᑖᑾᒃ ᒋᑮ ᐊᓇᒥᐁᑕᐎᑣᐸᓐ ᒪᓂᑑᑳᓇᒃ᙮

Maalahkaai 2:14

ᒦᔥ ᐅᐅ ᐁᔑ ᑲᑴᑗᔦᒃ, ᐌᑯᓀᓐ ᐃᑕᔥ ᐌᒋ ᐅᑖᐱᓇᓯᒃ ᑭᐸᑭᑎᓂᑫᐎᓂᓈᓐ? ᐅᓵᒻ ᐋᓃᔥ ᑭᑮ ᐲᑯᓇᒧᐙᓐ ᑳᑮ ᐃᔑ ᐊᔓᑕᒪᐗᑎᐸᓐ ᑭᐐᐤ ᑳᑮ ᐐᑎᑫᒪᑎᐸᓐ ᑮᐅᔥᑳᑎᓯᔭᓐ! ᒦ ᐄᑐᒃ ᐊᐊ ᑫᑮ ᐅᐐᒌᐙᑲᓂᔭᐸᓐ ᔖᑰᒡ ᐃᑕᔥ ᑭᑮ ᐲᑯᓈᓐ ᑳᑮ ᐃᔑ ᐊᔓᑕᒪᐗᑎᐸᓐ᙮ ᑭᔐᒪᓂᑑ ᐃᑕᔥ ᐁᑮ ᑲᓇᐙᐸᒥᒃ ᑮᐊᔓᑕᒪᐎᒪᒡ ᑌᐺ ᐁᐐ ᑑᑕᐎᒪᒡ᙮

ᐃᐲᔑᔭᓇᒃ 5:25

ᑮᓇᐙ ᑲᔦ ᐅᓈᐯᒥᒫᒃ, ᔕᐌᓂᒥᑾᒃ ᑭᐐᐎᐙᒃ ᑖᐱᔥᑰ X ᑳᑮᐃᔑᔕᐌᓂᒫᒡ ᑳᒫᒪᐐᓄᐋᒡ ᐅᑕᓇᒥᐋᐞ, ᐁᑮᐅᒋᐸᑭᑎᓇᕽ ᐅᐱᒫᑎᓯᐎᓐ ᑲᔦ᙮

ᑑᑕᕒᐋᓇᒦ 25:6

ᐃᓂ ᑕᔥ ᓂᑕᒻ ᑫᐊᔮᐙᐙᒡ ᐅᑯᓯᓯᐙᓐ, ᒦᐗᓐ ᓴ ᐃᓂ ᑫᓂ ᐋᓂᑫᐎᑑᓂᒡ ᐐᓱᐎᓂᓂ ᐃᓂ ᐐᒋᑭᐌᔨᐸᓃᓐ ᑳᑮ ᓂᐳᓂᒡ, ᑳᐐᓐ ᐃᑕᔥ ᐅᐐᓱᐎᓂᓂ ᑕᐴᓂ ᐊᔮᓯᓂᓂ ᐃᐃᒫ ᐃᔅᕒᐃᔭᓬᐊᑮᕽ Israel᙮

ᐄᐸᕒᐆᐗᒃ 13:4

ᐐᑎᑫᑎᐎᓐ ᑕᔥ ᒫᐗᒡ ᐃᑯ ᑖᑭᒋ ᐃᓀᒋᑲᑌ᙮ ᐅᓈᐯᒥᒫ, ᐐᐎᒫ ᑲᔦ ᒦ ᐃ ᐁᔑᓈᑾᓂᓂᒃ ᑾᔭᒃ ᑌᐺ ᒋᑑᑖᑎᐙᐸᓐ᙮ ᑭᔐᒪᓂᑑ ᓴ ᐐᓐ ᐅᑲᑎᐸᐊᒪᐙᐞ ᑳᐐᓈᑎᓯᓂᒡ ᐃᐃ ᑲᔦ ᐊᐎᔭᐞ ᑳᐱᒣᓂᒫᓂᒡ ᐸᑳᓐ ᐊᐎᔭᓐ ᐅᐐᑎᑫᒫᑲᓂᓂ᙮

Oroot 4:9

ᒦᑕᔥ ᐴᐙᔅ ᑳᐃᓈᒡ ᑳᓃᑳᓂᓯᓂᒡ, ᐃᐃ ᑲᔦ ᑲᑭᓇ ᐃᐃᒫ ᑳᐊᔮᓂᒡ, ᑮᓇᐙ ᑭᐙᐸᒥᔑᒻ ᓅᑯᒻ ᑳᑮᔑᑲᒃ ᐁᑮ ᐊᑖᒪᒃ ᓀᔫᒦ ᑲᑭᓇ ᑫᑰᓂᓂ ᑳᑮ ᑎᐯᑕᒥᓂᒡ ᐄᓬᐃᒣᓬᐁᑯᐸᓀᓐ᙮ ᑲᑭᓇ ᑲᔦ ᑫᑰᓂᓂ ᑳᑮ ᑎᐯᑕᒥᓂᒡ ᑭᓬᐃᔭᓇᓐ Chilion, ᐃᓂ ᑲᔦ ᒣᓬᐊᓇᓐ Mahlon᙮