Oroot 2:4 - ᐅᒋᐺ ᑭᒋᒪᓯᓇᐃᑲᓐ

⁴ ᓈᓈᑫ ᑕᔥ ᐴᐙᔅ ᐯᑕᓬᐃᐁᒥᕽ Bethlehem ᑮᐱᐅᒋ ᑕᑯᔑᓐ, ᒦᔥ ᑳᐃᓈᒡ ᐅᒨᔕᑭᓂᑫᐞ, ᑕᑲ ᑳᑎᐯᒋᑫᒡ ᑭᑲ ᐐᒌᐎᑯᐙ᙮ ᒦᑕᔥ ᑳᐃᔑ ᓇᑴᑖᑯᒡ, ᑕᑲ ᑳᑎᐯᒋᑫᒡ ᑭᑲ ᔕᐌᓂᒥᒃ᙮

Ojibwe Kihcimasina'ikan

⁴ Naanaake tahsh Poowaas Pehtalihemink (Bethlehem) kiih⁠pi'onci takohshin, miihsh kaa'inaatc omooshakinike', “Taka kaaTipenciketc kika wiiciiwikowaa.” Miitahsh kaa⁠ishi nahkwehtaakotc, “Taka kaaTipenciketc kika shawenimik.”

Oroot 2:4 Iomraidhean Croise

Cenisihs 18:19

ᐐᓐ ᓴ ᓂᑮ ᐅᓈᐸᒫ ᒋᑭᑭᓄᐎᓈᒡ ᐅᓃᒑᓂᓴᐞ, ᐃᐃ ᑲᔦ ᑫᓂ ᐅᐲᐌᓰᒥᒡ, ᐁᔑ ᐊᑕᐌᑕᒥᓂᒡ ᑳᑎᐯᒋᑫᓂᒡ᙮ ᑾᔭᒃ ᒌᔑᒋᑫᓂᒡ, ᐌᐌᓂ ᑲᔦ ᒋᑑᑖᑫᓂᒡ᙮ ᑮᔥᐱᓐ ᐃᐃ ᐃᔑᒋᑫᓂᒡ, ᒦᑕᔥ ᑲᑭᓇ ᑫᑰᓐ ᒌᔑᒋᑫᐊᒃ ᑳᑮ ᐃᔑ ᐊᔓᑕᒪᐗᒃ ᐁᐸᕒᐊᐋᒻ, ᑮᐃᑭᑐ᙮

Cenisihs 28:3

ᑕᑲ ᑭᔐᒪᓂᑑ ᑳᒫᐗᒋ ᒪᔥᑲᐎᓰᒡ ᑭᑲ ᔕᐌᓂᒥᒃ, ᑭᑲ ᐃᔑᐃᒃ ᑲᔦ ᒋᐹᑏᓄᓂᒡ ᑫᐅᓃᒑᓂᓯᐗᒡ, ᑮᓐ ᐃᑕᔥ ᑭᑲ ᐅᑌᑌᒥᑰᒃ ᓃᐱᐗᐞ ᑳᑕᓶᐙᓇᑭᓯᐙᒡ᙮

Ceramaaya 31:23

ᒦ ᓴ ᐃᐃᐌᓂ ᑳᑎᐯᒋᑫᒡ ᑳᒫᐗᒋ ᒪᔥᑲᐎᓰᒡ, ᐃᔅᕒᐃᔭᓬᐊᒃ Israel ᑳᐅᑭᔐᒪᓂᑑᒥᐙᒡ ᐁᑭᑐᒡ, ᐊᐲ ᓴ ᐸᑳᓐ ᐊᑮᕽ ᑮᐅᒋ ᐱᑮᐌᐎᓇᒀ, ᐯᒫᑎᓯᐙᒡ ᓴ ᐃᐃᒫ ᒎᑕ Judah ᐊᑮᕽ ᑳᐊᔮᐙᒡ, ᐃᐃᒫ ᑲᔦ ᑳᔑ ᐊᔫᑌᓇᐗᓂᓂᒃ ᐅᐅ ᒦᓇᐙ ᑕᐃᑭᑐᐗᒃ, ᑕᑲ ᑳᑎᐯᒋᑫᒡ ᐅᑲ ᒥᓍᐸᑖᓐ, ᑳᑭᑌᑖᑾᓂᓂᒃ ᐗᒌᓂ ᑳᔑ ᐊᔮᓂᒃ ᒉᕒᐆᓴᓬᐊᒻ Jerusalem, ᐐᓐ ᐄᑐᒃ ᐃᐃᒫ ᑕᓀᑖᑯᓯ᙮

ᐊᑭᑖᓱᓇᓐ 6:24

ᑕᑲ ᑳᑎᐯᒋᑫᒡ ᑭᑲ ᔕᐌᓂᒥᑯᐙ, ᑭᑲ ᓈᓈᑲᒋᐃᑯᐙ ᑲᔦ;

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 1:28

ᒦᑕᔥ ᐁᒐᓬ ᑳᑮᐱ ᓈᓯᑲᐙᒡ ᐃᓂ ᐅᔥᑭᓃᑭᑴᐗᓐ ᐁᑮᐃᓈᒡ: ᑭᐴᔔᐃᓐ, ᑳᑎᐯᒋᑫᒡ ᐅᔕ ᑭᐐᒌᐎᒃ ᑲᔦ ᑕᔥ ᐋᐱᒋ ᑭᑭᒋ ᔕᐌᓂᒥᒃ, ᐅᑮᐃᓈᓐ᙮

2 ᑌᓴᓬᐆᓂᔭᓇᒃ 3:16

ᐊᐊ ᑳᑎᐯᒋᑫᒡ ᑳᓂᑖ ᒦᑭᐌᒡ ᑯᔥᒀᐙᑌᑕᒧᐎᓐ, ᐐᓐ ᐃᑯ ᑎᐱᓇᐌ ᑭᑲᒦᓂᑯᐙ ᒨᔕᒃ, ᐋᓃᓂᑯ ᐁᔑᐌᐱᓯᕽ᙮ ᑳᑎᐯᒋᑫᒡ ᑲᑭᓇ ᑭᑲᐐᒌᐎᑯᐙ᙮

1 Timahti 6:2

ᐊᐎᔭ ᑕᔥ ᑳᐅᑕᓄᑮᐋᑲᓂᒥᑯᒡ ᐅᑌᐺᑕᒨᓐ, ᒦ ᐃ ᐁᐃᔑᐐᒋᑭᐌᔦᓂᒫᒡ, ᑳᐐᓐ ᐃᑕᔥ ᐅᑲᐅᒋᒪᒐᑭᒫᓰᓐ ᐅᑑᑭᒫᒪᓐ᙮ ᑕᑲ ᐊᐗᔑᒣ ᐃ ᑕᑲᑴᒥᓄᐊᓄᑮ, ᐋᓃᔥ ᐅᑌᐺᑕᒨᓐ ᐃᓂ ᑳᐐᒋᐋᒡ, ᐁᓵᑭᐋᒡ᙮ ᒦᐗᓄᓄ ᐃᔑᑭᑭᓄᐊᒫᑫᓐ, ᐃᔑᑲᑳᓱᑫᓐ᙮

2 Timahti 4:22

ᒫᓄ ᑭᑕᒑᒃ ᐅᑲᐐᒌᐎᑰᓐ ᑳᑎᐯᒋᑫᓂᒡ᙮ ᐅᑭᔐᐙᑎᓯᐎᓐ ᒥᒋᑲᑭᓇ ᑭᑲᐊᔑᒋᐐᒌᐎᑯᒻ᙮

Caahshowaa 24:15

ᑮᔥᐱᓐ ᐃᑕᔥ ᐃᓀᑕᓯᐌᒃ ᑳᔑ ᐊᔮᔦᒃ ᒋᐊᓄᑮᑕᐌᒃ ᑳᑎᐯᒋᑫᒡ; ᐅᓀᑕᒫᓱᒃ ᓴ ᑮᓇᐙ ᐱᑯ ᓅᑯᒻ ᑳᑮᔑᑲᒃ ᐊᐌᓀᓐ ᐙᐊᓄᑮᑕᐌᒃ᙮ ᑯᒫ ᒪᓂᑑᐞ ᑭᑫᑌᔭᐋᒥᐙᐸᓃᒃ ᑳᑮ ᐊᓄᑮᑕᐙᐙᒡ ᐌᑎ ᐊᑳᒥᓰᐱ ᐃᔫᐸᕒᐁᑏᔅ ᑯᒫ ᑲᔦ ᐃᐃ ᐅᒪᓂᑑᒥᐙᐞ ᐃᑭ ᐁᒧᕒᐄ ᑳᑎᓄᐎᐙᒡ ᑳᐐᒋᑖᒣᒀ ᐅᑕᑮᒥᐙᕽ᙮ ᓃᓐ ᐃᑕᔥ ᐐᓐ, ᐃᑭ ᑲᔦ ᓂᐙᑳᐃᑲᓂᕽ ᑳᑖᐙᒡ, ᓂᑲ ᐊᓄᑮᑕᐙᓈᓐ ᑳᑎᐯᒋᑫᒡ, ᐅᑮ ᐃᓈᐞ᙮

ᐅᓈᑯᓂᑫᒃ 6:12

ᒦᔥ ᐊᐊ ᑮᑎᔭᓐ ᑳᐃᑯᒡ ᑳᑎᐯᒋᑫᓂᒡ ᐅᑌᒐᓬᐃᒥᓂ ᐁᑮ ᓈᑯᓰᑖᑯᒡ ᐁᑮᐃᑯᒡ, ᑳᑎᐯᒋᑫᒡ ᐅᔕ ᑭᐐᒌᐎᒃ, ᑮᓐ ᑳᒪᔅᑲᐌᑖᑯᓯᔭᓐ ᒦᑳᓱᐎᓂᓂ, ᐅᑮᐃᑰᓐ᙮

ᐅᓈᑯᓂᑫᒃ 6:16

ᒦᔥ ᐅᐅ ᑳᐃᑯᒡ, ᑌᐺ ᓃᓐ ᐃᑯ ᑭᑲ ᐐᒌᐎᓐ, ᑭᑲ ᐃᔑ ᔖᑰᒋᐋᒃ ᓴ ᒥᑎᔭᓐ ᑳᑎᓄᐎᐙᒡ ᑖᐱᔥᑰ ᑫᔑ ᔖᑰᒋᐊᑎᐸᓐ ᐯᔑᒃ ᐃᓂᓂ, ᐅᑮᐃᑰᓐ᙮

Oroot 2:3

ᒦᑕᔥ ᐅᕒᐆᑦ ᑳᐃᔑ ᒫᒑᒡ ᐁᑮ ᐃᔖᒡ ᑭᑎᑫᐗᑲᒥᑯᕽ᙮ ᐅᑮ ᐱᒥᓂᔕᐙᐞ ᐃᑕᔥ ᑳᑮ ᒨᔕᑭᓂᑫᓂᒡ ᐁᑮ ᐊᓂ ᒨᔕᑭᓇᕽ ᑳᑮ ᐱᓂᓇᒥᓂᒡ᙮ ᓇᐃᑖᒃ ᐄᑐᒃ ᑮᐃᔖ ᑭᑎᑫᐗᑲᒥᑯᕽ ᑳᑮ ᑎᐯᑕᒥᓂᒡ ᐴᐙᓴᓐ ᑳᑮ ᐐᒋ ᐅᑕᑳᓀᓯᒫᓂᒡ ᐄᓬᐃᒣᓬᐁᑯᐸᓀᓐ᙮

Oroot 2:5

ᒦᑕᔥ ᐴᐙᔅ ᑳᑮ ᑲᑴᒋᒫᒡ ᐅᑕᓄᑮᐋᑲᓇᓐ ᑳᑮ ᓃᑳᓃᑕᒪᐙᓂᒡ ᐅᒪᓂᔑᑫᐞ, ᐊᐌᓀᓐ ᐊᐊ ᑎᓄ ᐅᔥᑭᓃᑭᑴ, ᐅᑮᐃᓈᓐ᙮

Oroot 4:11

ᐃᑭ ᑕᔥ ᑳᓃᑳᓂᓯᐙᒡ, ᐃᑭ ᑲᔦ ᐃᐃᒫ ᑳᐊᔮᐙᒡ ᑮᐃᑭᑐᐗᒃ, ᓃᓇᐎᓐᑦ ᓴ ᑌᐺ ᑭᐙᐸᒥᑰ᙮ ᑕᑲ ᑲᔦ ᑳᑎᐯᒋᑫᒡ ᐅᑲ ᐃᔑᐋᓐ ᑭᐐᐗᓐ ᑖᐱᔥᑰ ᐅᕒᐁᒐᓬᐗᓐ Rachel, ᓬᐄᔭᐗᓐ Leah ᑲᔦ ᑳᑮ ᐃᓀᑖᑯᓯᓂᒡ᙮ ᓃᐱᐗᐞ ᐁᑮ ᐊᔮᐙᐙᒡ ᐊᐱᓅᒌᔕᐞ ᒉᑲᐳᕽ Jacob ᐁᑮ ᐅᑎᓈᐙᒡ᙮ ᑕᑲ ᑲᔦ ᑭᑲ ᐌᓅᑎᔅ ᐃᐃᒫ ᑳᔑ ᐃᓇᐌᑎᐙᒡ ᐃᑭ ᐁᐸᕒᐊᑦ ᑳᐃᔑ ᑎᐯᑖᑯᓯᐙᒡ, ᐐᑫ ᑲᔦ ᒋᑭᑫᑖᑯᓯᔭᓐ ᐃᐃᒫ ᐯᑕᓬᐃᐁᒥᕽ Bethlehem᙮

1 Saamiyoo 17:37

ᒦᑕᔥ ᑳᐊᓂ ᐃᑭᑐᒡ, ᑳᑎᐯᒋᑫᒡ ᐅᔕ ᓂᑮ ᔖᐾᐃᒃ ᒋᓵᒥᓂᓯᓂᒃ ᒥᔑᐱᔑᐗᓐ, ᒪᑾᓐ ᑲᔦ᙮ ᒦᔥ ᐯᔑᑾᓐ ᑫᔑ ᔖᐾᐃᒡ ᐃᓂ ᐅᒋ ᐱᓬᐃᔅᑏ ᑳᑎᓄᐎᓂᒡ᙮ ᐅᐅᔥ ᔂᓬᐊᓐ ᐅᑮᐃᑰᓐ, ᐊᐤ, ᒫᒑᓐ, ᑳᑎᐯᒋᑫᒡ ᓴ ᑭᑲ ᐐᒌᐎᒃ, ᐅᑮᐃᑰᓐ᙮