Oroot 2:12 - ᐅᒋᐺ ᑭᒋᒪᓯᓇᐃᑲᓐ

¹² ᑕᑲ ᑳᑎᐯᒋᑫᒡ ᑭᑲ ᑎᐸᐊᒫᒃ ᐃᐃ ᑳᐱ ᐃᔑᒋᑫᔭᓐ᙮ ᑕᑲ ᑲᔦ ᑭᑲ ᒨᔥᑭᓀ ᑎᐸᐊᒫᒃ ᐊᐊ ᑳᑎᐯᒋᑫᒡ ᐃᔅᕒᐃᔭᓬᐊᒃ Israel ᑳᐅᑭᔐᒪᓂᑑᒥᐙᒡ, ᐁᐱ ᓈᒋᐸᐃᐙᓇᒡ ᐅᓂᑸᑲᓂᕽ ᒋᐅᒋ ᓈᑕᒪᐎᒃ, ᐅᑮᐃᓈᓐ᙮

Ojibwe Kihcimasina'ikan

¹² Taka kaaTipenciketc kika tipa'amaak i'i kaapi ishihcikeyan. Taka kaye kika mooshkine tipa'amaak a'a kaaTipenciketc Isriyalak (Israel) kaa⁠oKishemanitoomiwaatc, ehpi naacipa'iwaanatc oninkwiikanink ci⁠onci naatamawihk,” okii'inaan.

Oroot 2:12 Iomraidhean Croise

Nikamonan 19:11

ᒦ ᓴ ᐃᒫ ᐌᑎᓇᒫᓐ ᑭᑫᑕᒫᐎᓐ, ᓃᓐ ᑭᑕᓄᑮᐋᑲᓐ, ᓂᑎᐸᐊᒫᑯ ᓴ ᐁᓇᐃᑕᒫᓐ ᐃᓂ ᐃᓈᑯᓂᑫᐎᓇᓐ᙮

Nikamonan 57:1

ᑕᑲ ᑰᐹᑌᓂᒥᔑᓐ ᑭᔐᒪᓂᑑ, ᑕᑲ ᑰᐹᓯᓇᐎᔑᓐ, ᑮᓐ ᐄᑐᒃ ᑳᓈᒋᐸᐃᐙᓂᓈᓐ᙮ ᐊᓈᒪᔭᐄ ᓴ ᑭᓂᑸᑲᓂᕽ ᓂᑲᔑ ᐋᑲᐎᔑᒨᓐ, ᐲᓂᔥ ᒋᐃᔥᒀ ᐱᒥ ᐊᔮᒃ ᑳᑭᒋ ᐃᔑᐌᐸᒃ᙮

Nikamonan 63:7

ᐋᓃᔥ ᑮᓐ ᑳᐐᒋᐃᔭᓐ᙮ ᐃᐃᒫ ᑳᔑ ᐊᑲᐙᑌ ᓂᑸᑲᓀᓂᔭᓐ ᓂᑕᔑ ᓂᑲᒻ ᐁᐲᒋ ᒌᑫᑕᒫᓐ᙮

Nikamonan 91:4

ᐅᒦᑾᓂᕽ ᓴ ᐐᑫ ᑭᑲ ᐃᔑ ᐋᑰᔥᑳᒃ, ᑳᔑ ᐐᐱ ᓂᑸᑲᓀᓂᒡ ᓴ ᑭᑲ ᐃᔑ ᓈᑕᒪᒃ, ᐅᑌᐺᔦᑖᑯᓯᐎᓐ ᒦ ᐃ ᑫᐃᓍᑕᒧᐗᒡ ᑖᐱᔥᑰ ᑫᐅᓇᑳᐃᑲᓂᔭᓐ, ᑲᔦ ᑫᔑ ᐋᑲᐎᔑᓇᓐ᙮

ᑲᑮᑖᐎᑮᔗᐎᓇᓐ 11:18

ᒣᒑᑎᓯᐙᒡ ᐃᓴ ᑳᐐᓐ ᑫᑰᓐ ᑫᒋᓇᒡ ᑲᔥᑭᑕᒫᓱᓰᐗᒃ, ᑮᔥᐱᓐ ᑾᔭᒃ ᐃᔑᒋᑫᔭᓐ ᑫᒋᓈᒡ ᐄᑐᒃ ᑭᑲ ᑎᐸᐊᒫᑰᐎᔅ᙮

Ceramaaya 31:16

ᒦᑕᔥ ᐅᐅ ᐁᑭᑐᒡ ᑳᑎᐯᒋᑫᒡ, ᑕᑲ ᒦ ᐃ ᐃᔑ ᐴᓂ ᒪᐎᓐ, ᑳᓰᐊᓐ ᑲᔦ ᑭᑑᓯᐲᒀᓇᓐ᙮ ᑭᑲ ᐅᑎᔅ ᓴ ᐃ ᑳᑮ ᐃᓇᓄᑮᔭᓐ, ᑲᑭᓇ ᓴ ᑕᐱᐅᒋ ᑮᐌᐗᒃ ᐅᑕᑮᒥᓃᕽ ᑳᔒᑫᓂᒥᑯᐙᒡ᙮

Maahtiyo 23:37

ᐆ ᒉᕒᐆᓴᓬᐊᒻ Jerusalem! ᑮᓇᐙ ᒉᕒᐆᓴᓬᐊᒥᕽ ᑳᐊᔮᔦᒃ! ᑮᓇᐙ ᑳᓂᓭᒀ ᑳᑲᓅᑕᒪᐙᐙᒡ ᑭᔐᒪᓂᑑᓐ, ᑳᐸᐲᒧᓯᓇᐁᒀ ᑲᔦ ᐅᐐᑕᒫᑫᐞ ᑭᔐᒪᓂᑑ ᑳᐃᔑᓂᔕᐊᒪᐎᓀᒃ! ᒨᔕᒃ ᓴ ᐁᑮᐃᔑ ᒥᓴᐌᑕᒫᓐ ᐁᐐᒫᐗᑑᓂᓇᑰᒃ ᑖᐱᔥᑰ ᓅᔐ ᐹᑲᐋᒀᓐ ᑳᐃᔑ ᑕᐱᓇᐎᔥᑲᐙᒡ ᐅᓃᒑᓂᓴᐞ ᐃᐃᒫ ᐊᓈᒥ ᓂᑸᑲᓂᕽ᙮ ᑳᐐᓐ ᑕᔥ ᑭᑮ ᐸᑭᑎᓂᓰᒻ᙮

Maahtiyo 5:12

ᑭᒋᒥᓉᑕᒧᒃ, ᒌᑫᑕᒧᒃ! ᐋᓃᔥ ᑭᒋᑎᐸᐊᒫᑰᐎᓐ ᑭᑲ ᓇᐌᑕᒫᑰᒻ ᑭᒋᑮᔑᑯᕽ᙮ ᐊᒦ ᐅᐌ ᒪᔮ ᑫᐐᓇᐙ ᑳᑮᐃᔑ ᑲᒀᑕᑭᐃᑣ ᐃᑭ ᑭᔐᒪᓂᑑᓐ ᑳᑮ ᑲᓅᑕᒪᐙᐙᒡ ᑳᑮ ᐱᒫᑎᓯᐙᒡ ᒋᑆ ᐊᔮᔦᒃ᙮

Maahtiyo 6:1

ᒋᓴᔅ ᐅᐅᐌ ᑮᐊᓂ ᐃᑭᑐ: ᐊᔮᒀᒥᓯᒃ! ᐊᐲ ᐙᒥᓄᑑᑕᒣᒃ ᐅᒋ ᐊᓇᒥᐋᐎᓂᕽ, ᑫᑯ ᑑᑕᑫᒃ ᐁᔑ ᐊᔮᐙᒡ ᐊᐎᔭᒃ ᒋᑲᓇᐙᐱᒥᓀᒀ᙮ ᑮᔥᐱᓐ ᑑᑕᒣᒃ ᑭᑌᑌᐙ ᑭᒋᑮᔑᑯᕽ ᑳᐊᔮᒡ ᑳᐐᓐ ᑭᑲ ᑎᐸᐊᒫᑯᓰᐙ᙮

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 6:35

ᓵᑭᐃᑾᒃ ᐃᑕᔥ ᐃᑭ ᑳᔒᑫᓂᒥᓀᒀ, ᒥᓄᑑᑖᑫᒃ ᑲᔦ᙮ ᐱᓵᓐ ᑲᔦ ᐊᐎᐃᐌᒃ, ᑫᑯ ᑫᑰᓐ ᑮᐌ ᐊᑕᐌᑕᑫᒃ᙮ ᐃᐃ ᑕᔥ ᑭᑎᐸᐊᒫᑰᐎᓂᐙ ᑕᑭᒋ ᐌᓅᑕᓐ᙮ ᒦᔥ ᑫᐃᑰᔦᒃ ᐁᐅᓃᒑᓂᓯᒥᓀᒃ ᒫᐗᒡ ᑳᐃᔥᐯᑖᑯᓯᒡ ᑭᔐᒪᓂᑑ᙮ ᐐᓐ ᐄᑐᒃ ᑲᔦ ᑳᒥᓄᑑᑕᐙᒡ ᐊᐎᔭᐞ ᑳᑌᐱᓇᐌᐎᓯᓯᓂᒃ, ᐃᐃ ᑲᔦ ᑳᒪᒋ ᐃᔑᐌᐱᓯᓂᒡ᙮

ᑲᓬᐋᔑᔭᓇᒃ 2:18

ᑫᑯ ᑕᔥ ᐸᑭᑎᓈᑫᒃ ᐊᐎᔭ ᒋᐅᑕᐱᓇᒪᐎᓀᒃ ᐃᐃ ᑳᐐᑎᐸᐊᒫᑰᔦᒃ᙮ ᐋᓃᔥ ᐊᔮᐗᒃ ᐃᓂᓂᐗᒃ ᑫᐅᒋᓇᐁᓂᑎᓱᐙᒡ ᐁᑲᒀᑕᑭᐃᑎᓱᐙᒡ ᒋᑕᐸᓯᓈᑯᓯᐙᒡ, ᐁᐊᓇᒥᐁᑕᐙᐙᒡ ᑲᔦ ᐁᒐᓬᐊᐞ᙮ ᐗᐊ ᑎᓄ ᐅᑕᐯᓂᒧᓄᑖᓐ ᑲᔦ ᐅᑎᔑᓇᒧᐎᓇᓐ, ᐊᓂᔖ ᐃᐃ ᑳᐅᒋᑭᑌᓂᒧᒡ ᐃᐃ ᓇᑫ ᐃᓂᓃᓈᕽ ᐁᐃᔑᓈᓈᑲᑕᐌᑕᒧᐙᒡ᙮

2 Timahti 1:18

ᒫᓄ ᐅᑲᐃᓀᓂᒥᑰᓐ ᐃᓂ ᑳᑎᐯᒋᑫᓂᒡ ᐅᑭᑎᒫᑭᓈᑫᐎᓂᓂ ᒋᐅᒌᑕᒫᑯᒡ ᐹᓂᒫ ᐅᒋᒋᓭᓂᒃ ᐅᑮᔑᑳᒥᓂ᙮ ᐗᐐᑫ ᑲᔦ ᑮᓐ ᑭᑭᑫᑖᓐ ᐋᓃᓐ ᐃᑯ ᒥᓂᒃ ᑳᑮᐃᔑᐐᒋᐃᒡ ᐊᓀᓯᑆᕒᐊᔅ ᐃᐃᒫ ᐁᐱᓴᓯᕽ Ephesus ᑳᑮᐊᔮᔮᐹᓐ᙮

2 Timahti 4:8

ᐋᔕ ᐌᑎ ᓂᐲᐃᑯᓐ ᓂᑎᐸᐊᒫᑰᐎᓐ ᑾᔭᒃ ᓴ ᑯ ᐁᑮᑎᐱᓴᑣᔮᓐ, ᑫᐅᒋᒦᔑᒡ ᐊᐊᐌ ᑳᑎᐯᒋᑫᒡ ᐌᑎ ᐊᐲ ᑫᐅᑮᔑᑲᓄᒥᒡ᙮ ᒦ ᐊᐌ ᐅᑭᒋᑎᐹᑯᓂᐌ ᒥᓯᐌ ᑳᐃᔑᑾᔭᑯᒋᑫᒡ᙮ ᑳᐐᓐ ᓃᓀᑕ ᓂᑲᐅᒋᒦᓂᑰᓰ, ᐃᑭᐌᓂᐗᒃ ᓴ ᑲᔦ ᒫᐗᒡ ᑳᐲᐋᐙᒡ ᒋᓈᑯᓯᓂᒡ ᐁᓵᑭᐋᐙᒡ, ᑕᒦᓈᐗᒃ᙮

ᐄᐸᕒᐆᐗᒃ 11:26

ᒦᑕᔥ ᑳᐃᓇᑭᑕᕽ ᓇᐗᒡ ᐁᐅᓂᔑᔑᓂᓂᒃ ᒋᐃᔑᒪᒋᑕᔑᒥᓐᒡ ᐃᓂ ᑭᔐᒪᓂᑑᓐ ᑳᐅᓀᓂᒫᓂᒡ ᑫᐃᔑᒪᒋᑕᔑᒥᒥᓐᒡ, ᐊᐲᒡ ᐐᓐ ᑫᑮᐃᔑᐌᓅᑎᓯᐸᓐ ᐄᒋᐸᑮᕽ᙮ ᐋᓃᔥ ᐅᑮᐊᔕᐙᐸᑖᓐ ᓃᑳᓇᔭᐄ ᑫᒦᓂᓐᒡ ᑎᐸᐊᒫᑰᐎᓐ᙮

ᐄᐸᕒᐆᐗᒃ 11:6

ᑳᐐᓐ ᐃᑕᔥ ᐊᐎᔭ ᐅᑖᒥᓍᐸᒥᑯᓰᓐ ᑭᔐᒪᓂᑑᓐ ᑮᔥᐱᓐ ᐊᔮᓯᒃ ᑌᐺᔦᑕᒧᐎᓐ᙮ ᐊᐎᔭ ᓴ ᑳᐱᓈᓯᑲᐙᒡ ᑭᔐᒪᓂᑑᓐ ᒦ ᐃ ᐁᔑᓈᑾᓂᓂᒃ ᒋᑌᐺᔦᓂᒫᒡ ᐁᐊᔮᓂᒡ, ᐁᑎᐸᐊᒪᐙᓂᒡ ᑲᔦ ᐌᐌᓂ ᑳᐊᑐᓀᐅᑯᓂᒡ᙮

ᐄᐸᕒᐆᐗᒃ 6:10

ᐌᐌᓂ ᐋᓃᔥ ᑭᔐᒪᓂᑑ ᐊᐎᔭᓐ ᐅᑑᑕᐙᓐ᙮ ᑳᐐᓐ ᐅᑲᐸᓈᐸᑕᓰᓐ ᐋᓃᓐ ᑳᑮᐃᓇᓄᑮᔦᒃ᙮ ᑳᐐᓐ ᑲᔦ ᑕᐗᓃᑫᓰ ᐁᓈᑯᑕᐌᒃ ᐁᓵᑭᐁᒃ ᐁᐱᐐᑑᑲᐎᒣᒃ ᑫᔮᐱ ᑲᔦ ᐁᐸᒥᐃᒣᒃ ᑭᔐᒪᓂᑑ ᐅᐱᒫᑎᓰᒪᐞ᙮

Oroot 1:16

ᒦᔥ ᐅᕒᐆᑕᓐ ᑳᐃᔑ ᓇᑴᑖᑯᒡ, ᑫᑯ ᑲᑳᓱᒥᔑᑫᓐ ᒋᓇᑲᓂᓈᓐ, ᒫᓄ ᑲᔦ ᒋᐱᒥᓂᔕᐅᓯᓄᐎᓈᓐ, ᐋᑎ ᓴ ᑯ ᐁᔖᔭᓐ ᓂᑲ ᐃᔖ᙮ ᐋᑎ ᓴ ᑯ ᑫᔑ ᑲᐯᔑᔭᓐ ᑫᓃᓐ ᓂᑲᔑ ᑲᐯᔥ, ᑮᒋᐱᒫᑎᓰᒃ ᓴ ᑫᓃᓐ ᓂᑲ ᐅᐐᒋ ᐱᒫᑎᓰᒫᒃ, ᑭᒪᓂᑑᒻ ᓴ ᑲᔦ ᑫᓃᓐ ᓂᑲ ᐅᒪᓂᑑᒻ᙮

Oroot 2:11

ᒦᔥ ᐅᐅ ᐴᐙᔅ ᑳᐃᓈᒡ, ᑲᑭᓇ ᓴ ᑫᑰᓐ ᓂᐐᑕᒫᑰ ᐋᓃᓐ ᑳᑮ ᐱᑑᑕᐗᒡ ᑭᓯᑯᔅ ᐊᐲ ᑮᐃᔥᒀ ᐱᒫᑎᓯᒡ ᑳᑮ ᐅᓈᐯᒥᔭᓐ᙮ ᐁᑮ ᓇᑲᓇᒡ ᑭᑌᑌ, ᑭᒫᒫ ᑲᔦ ᐁᑮ ᓇᑲᑕᒪᓐ ᑲᔦ ᑭᑕᑮᒻ, ᐅᐅᒫ ᐁᑮ ᐲᔖᔭᓐ ᐁᐐ ᐐᒋ ᐱᒫᑎᓰᒪᑣ ᐐᑳ ᐅᑖᓇᕽ ᑳᑮᐱ ᑭᑫᓂᒫᓯᐗᑣ᙮

Oroot 2:13

ᒦᔥ ᐅᕒᐆᑕᓐ ᑳᐃᔑ ᓇᑴᑖᑯᒡ, ᓂᑑᑭᒫᒻ, ᐁᑕᑕᐌ ᓴ ᐌᐌᓂ ᑭᒥᓄᑑᑕᐎᔥ᙮ ᓂᑑᒋ ᒥᓄᒪᒋᐞ ᑲᔦ ᓅᑳᒡ ᐁᑲᓅᔑᔭᓐ, ᐋᓇᐐᓐ ᓅᑕᐞ ᐁᐋᐲᑌᑖᑯᓯᔮᓐ ᑳᐊᐲᑌᑖᑯᓯᐙᒡ ᑳᐃᑴᐎᐙᒡ ᑭᑕᓄᑮᐋᑲᓇᒃ, ᐅᑮᐃᑰᓐ᙮

Oroot 4:15

ᑭᔑᒥᔅ ᓴ ᑲᔦ ᑭᓵᑭᐃᒃ, ᐋᐱᒋ ᑲᔦ ᓃᐱᐗᐞ ᑭᐱ ᑑᑖᒃ ᐊᐲᒡ ᐐᓐ ᓃᔣᓱ 7 ᐅᑯᓯᓯᒫᒃ ᑫᑮ ᑑᑕᐎᒀᐸᓐ᙮ ᓅᑯᒻ ᐃᑕᔥ ᑳᑮᔑᑲᓂᓂᒃ ᑭᒦᓂᒃ ᑸᐎᓭᓴᓐ ᑫᐅᔫᔑᓯᐗᒡ᙮ ᒦ ᓴ ᑕᔥ ᐃᐃᒫ ᑫᐅᒋ ᑮᐌ ᒪᔥᑲᐙᑎᓯᔭᓐ, ᒦᑲᔦ ᐊᐊ ᑫᓂ ᓈᓈᑲᒋᐃᒃ ᑭᒋ ᐊᔮᐋᐎᔭᓐ, ᐅᑮᐃᑰᐞ᙮

1 Saamiyoo 24:19

ᐐᑳ ᓇ ᐃᓂᓂ ᐃᔑᒋᑫ ᐁᒥᑲᐙᒡ ᑳᔒᑫᓂᒫᒡ, ᑫᑰᓐ ᐃᑕᔥ ᒋᐃᓈᐱᓇᓈᓯᒃ? ᑕᑲ ᓴ ᑳᑎᐯᒋᑫᒡ ᐌᐌᓂ ᑭᑲ ᑎᐸᐊᒫᒃ ᐃᐃ ᑳᔑ ᒥᓄᑑᑕᐎᔭᓐ ᓅᑯᒻ ᑳᑮᔑᑲᒃ!

1 Saamiyoo 24:20

ᓂᑭᑫᑖᓐ ᐃᑕᔥ ᑲᔦ ᑫᒋᓈᒡ ᒋᐊᓂ ᑭᒋᐅᑭᒫᐎᔭᓐ, ᑭᑑᑭᒫᐎᐎᓐ ᒋᐅᓇᒋᑳᑌᒃ ᐅᐅᒫ ᐃᔅᕒᐃᔭᓬᐊᑮᕽ Israel ᑫᓂ ᐃᔥᒀᓭᓯᓄᒃ᙮