Oroot 1:6 - ᐅᒋᐺ ᑭᒋᒪᓯᓇᐃᑲᓐ

⁶ ᒣᒀ ᑕᔥ ᓀᔫᒦ Naomi ᒨᐗᑉ Moab ᐊᑮᕽ ᐁᐊᔮᒡ ᑮᓅᑕᒻ ᑳᑎᐯᒋᑫᓂᒡ ᐁᑮ ᒥᓄᓭᐋᓂᒡ ᐅᐱᒫᑎᓰᒥᓂ ᐁᑮ ᒦᓈᓂᒡ ᒦᒋᒻ᙮ ᒦᑕᔥ ᔐᒫᒃ ᑳᑮ ᐅᔒᑖᒡ ᐁᐐ ᑮᐌᒡ, ᐁᐐ ᓇᑲᑕᕽ ᒨᐗᑉ ᐊᑭ᙮ ᐅᔑᒥᓴᐞ ᑲᔦ ᐅᑮ ᐐᒌᐎᑰᐞ᙮

Ojibwe Kihcimasina'ikan

⁶ Mekwaa tahsh Neyoomii (Naomi) Moowap (Moab) ahkiink e⁠ayaatc kii⁠noontam kaaTipencikenitc ekii minohse'aanitc opimaatisiimini ekii miinaanitc miicim. Miitahsh shemaak kaakii oshiihtaatc ewiih kiiwetc, ewii nakatank Moowap ahki. Ohshimihsa' kaye okii wiiciiwikoo'.

Oroot 1:6 Iomraidhean Croise

Cenisihs 21:1

ᑳᑎᐯᒋᑫᒡ ᑌᐺ ᐅᑮ ᔕᐌᓂᒫᓐ ᓭᕒᐊᐗᓐ Sarah, ᐁᑮ ᐃᔑᒋᑫᒡ ᑳᑮ ᐃᔑ ᐊᔓᑕᒪᐙᒡ᙮

Cenisihs 28:20

ᒉᑲᑉ ᑕᔥ ᑮᐃᔑ ᐊᐱᒧ ᐁᑮ ᐃᑭᑐᒡ, ᑮᔥᐱᓐ ᑭᔐᒪᓂᑑ ᐐᒌᐎᒡ, ᑲᓇᐌᓂᒥᒡ ᑲᔦ ᐅᐅᒫ ᑳᐱᒥ ᐊᔮᐗᒃ, ᒦᔑᒡ ᒦᒋᒻ ᑫᒦᒋᐗᒃ, ᑭᑭᔥᑭᑲᓇᓐ ᑲᔦ ᑫᑭᑭᔥᑲᒧᐗᒃ,

Cenisihs 48:15

ᒦᑕᔥ ᑳᐃᔑ ᔕᐌᓂᒫᒡ ᒎᓴᐴᓐ ᐅᐅ ᐁᑮᐃᓈᒡ, ᑕᑲ ᑭᔐᒪᓂᑑ, ᓂᑫᑌᔭᐋᒥᐸᓃᒃ ᐁᐸᕒᐊᐋᒻ, ᐋᐃᓯᒃ ᑲᔦ ᑳᑮ ᐊᓄᑮᑕᐙᐙᒡ, ᐅᑲ ᔕᐌᓂᒫᐞ ᐅᐅ ᑸᐎᓭᓴᐞ᙮ ᑭᔐᒪᓂᑑ ᑳᑮ ᓃᑳᓃᑕᒪᐎᒡ ᒥᓂᒃ ᐃᑯ ᑳᐱ ᐱᒫᑎᓯᐗᒃ ᐲᓂᔥ ᐅᐅ ᐃᔑ ᐊᐲ ᓅᑯᒻ ᑳᑮᔑᑲᓂᓂᒃ, ᐅᑲ ᔕᐌᓂᒫᐞ᙮

Cenisihs 50:25

ᒎᓴᑉ ᑕᔥ ᐅᑮᐃᓈᐞ ᐃᔅᕒᐃᔭᓬᐊᐞ ᒋᐊᐱᒧᓂᒡ ᐁᑮᐃᓈᒡ, ᐊᔓᑕᒪᐎᔑᒃ, ᐊᐲ ᑭᔐᒪᓂᑑ ᐃᔑᐎᓂᓀᒃ ᐌᑎ ᑫᓇᓐ Canaan ᐊᑮᕽ, ᒫᒌᑑᑫᒃ ᓂᑲᓇᓐ, ᐁᑮᐃᓈᒡ᙮

Nikamonan 132:15

ᓂᑲ ᒥᓄᓭᑑᓐ ᓴ ᓵᔭᓐ ᐋᓃᓐ ᐃᑯ ᑫᔑ ᓅᑌᓭᒃ, ᐃᑭ ᑲᔦ ᑫᑎᒫᑭᓯᐙᒡ ᐃᐃᒫ ᐁᔮᐙᒡ ᓂᑲ ᑌᐸᔕᒫᒃ᙮

Nikamonan 145:15

ᑲᑭᓇ ᓴ ᐊᐎᔭᒃ ᑭᑲᓇᐙᐸᒥᑰᒃ ᐁᐸᑯᓭᓂᒥᒀ, ᑭᑲ ᐊᔕᒫᒃ ᐃᑕᔥ ᓇᐃ ᐊᐲ ᓅᑌᓭᐙᒡ᙮

Nikamonan 146:7

ᑳᑎᐯᒋᑫᒡ ᓴ ᐅᓈᑕᒪᐙᐞ ᑳᐌᓵᓂᐃᒥᓐᒡ, ᐅᑕᔕᒫᐞ ᑲᔦ ᑳᓅᑌᔅᑲᑌᓂᒡ᙮ ᐅᐸᑭᑎᓈᐞ ᑲᔦ ᐃᐃ ᑳᑕᑯᓂᒥᓐᒡ,

Ekihsatahs 3:16

ᒫᒑᓐ ᒫᐗᑑᓐ ᐃᔅᕒᐃᔭᓬᐊᒃ ᑳᓃᑳᓂᓯᐙᒡ ᒋᐅᑯ ᐊᔮᐙᒡ ᐅᐅ ᒋᐃᓇᑣ, ᑳᑎᐯᒋᑫᒡ ᐌᑭᔐᒪᓂᑑᒥᐙᒡ ᑭᑫᑌᔭᐋᒥᓈᓃᒃ ᐁᐸᕒᐊᐋᒻ, ᐋᐃᓯᒃ, ᐊᐊ ᑲᔦ ᒉᑲᑉ, ᐐᓐ ᓴ ᑯ ᓂᑮ ᓈᑯᓰᑖᒃ, ᒦᑕᔥ ᐅᐅᐌ ᑳᐃᑭᑐᒡ, ᑌᐺ ᓴ ᑭᓈᓈᑲᑕᐌᓂᒥᓂᓂᒻ ᐃᐃ ᑳᑑᑖᑰᔦᒃ ᐃᐃᒫ ᐄᒋᐸᑮᕽ᙮

Ekihsatahs 4:31

ᐯᒫᑎᓯᐙᒡ ᓴ ᑮᑌᐺᑕᒨᒃ ᐊᐲ ᑳᓅᑕᒧᐙᒡ ᑳᑎᐯᒋᑫᓂᒡ ᐁᑰᐹᑌᓂᒥᑯᐙᒡ, ᐁᑮ ᐙᐸᑕᒥᓂᒡ ᑲᔦ ᐁᔑ ᑲᒀᑕᑭᐃᑣ᙮ ᒦᔥ ᑳᐃᔑ ᐊᒋᑕᐎᑴᑖᐙᒡ ᐁᑮ ᐊᓇᒥᐁᑕᐙᐙᒡ ᑭᔐᒪᓂᑑᓐ᙮

Aaiseya 55:10

ᓂᑎᑭᑐᐎᓐ ᓴ ᒦ ᐃ ᐁᓀᑖᑾᒃ ᑖᐱᔥᑰ ᑮᔑᑯᕽ ᑳᐅᒋ ᑭᒥᐗᕽ, ᑳᐅᒋ ᓲᑭᐳᒃ ᑲᔦ᙮ ᒦᑕᔥ ᐃᐃᒫ ᑲᑭᓇ ᑫᑰᓐ ᐊᑮᕽ ᑳᐊᔮᒃ ᐌᒋ ᔖᐳᐲᒃ, ᑫᑰᓇᓐ ᑲᔦ ᑳᐅᒋ ᓂᑖᐎᑭᑭᓐ᙮ ᑭᑎᑳᓀᓴᓐ ᐁᐅᒋ ᐅᔑᐆᒪᑲᑭᓐ ᑫᔮᐱ ᑫᐅᒋ ᑭᑎᑫᕽ, ᒦᔥ ᐃᐃᒫ ᑫᐅᑕᒋᑫᐙᒡ ᑳᐐᓯᓂᐙᒡ᙮

Coowel 2:19

ᒦᑕᔥ ᑳᐃᔑ ᓇᑴᑕᐙᒡ, ᑭᑲ ᐃᔑᓂᔕᐊᒪᐎᓂᓂᒻ ᓴ ᐸᑴᔑᑲᓐ, ᐅᔥᑭ ᔔᒥᓈᐳ, ᐱᒥᑌ ᑲᔦ ᒋᐊᔮᔦᒃ; ᒥᓂᒃ ᐃᑯ ᒋᑌᐱᓭᔦᒃ᙮ ᑳᐐᓐ ᑕᔥ ᒦᓇᐙ ᐐᑳ ᑯᑕᒃ ᐯᒫᑎᓯᐙᒡ ᑭᑲ ᒫᓀᓂᒥᑯᓰᐙᒃ᙮

Sehpanaaya 2:7

ᐃᑭ ᓴ ᑫᔖᐾᐙᒡ ᐌᒌᐙᒡ ᒎᑕ Judah ᐊᑮᕽ ᑕᐃᔑᑖᐗᒃ ᑭᑕᑮᒥᐙᕽ᙮ ᒦᔥ ᐌᑎ ᑫᔑ ᒥᑲᒧᐙᒡ ᒪᔥᑯᓰᓂ ᑫᒦᒋᓂᒡ ᐅᒫᓇᒑᓂᔑᒥᐙᐞ, ᒋᔑ ᓂᐹᐙᒡ ᑲᔦ ᐅᐙᑳᐃᑲᓂᓃᕽ ᐃᐃ ᐊᔥᑫᓬᐊᓐ ᐌᒌᓂᒡ ᑳᑮ ᐃᔑᑖᓂᐸᓐ᙮ ᑳᑎᐯᒋᑫᓂᒡ, ᐅᑭᔐᒪᓂᑑᒥᐙᓐ ᓴ ᐅᑲ ᐐᒌᐎᑯᐙᓐ, ᒋᒥᓄᓭᐃᑯᐙᒡ ᒦᓇᐙ᙮

Maahtiyo 6:11

ᒦᔑᔑᓈᒻ ᓅᑯᒻ ᑳᑮᔑᑲᒃ ᒦᒋᒻ ᑫᐅᒋ ᐱᒫᑎᓯᔮᕽ᙮

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 1:68

ᑕᑲ ᑕᓇᓈᑯᒫᑲᓂᐎ ᑳᑎᐯᒋᑫᒡ ᑳᐅᑭᔐᒪᓂᑑᒥᐙᒡ ᐃᔅᕒᐃᔭᓬᐊᒃ ᐐᓐ ᐁᑮ ᐲᔖᒡ, ᐁᑮᐱ ᐊᑕᓈᑕᒪᐙᒡ ᐅᐱᒫᑎᓰᒪᐞ ᒋᐱᒫᒋᐃᒥᓐᒡ᙮

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 19:44

ᐐᑫ ᓴ ᑯ ᐅᑲ ᓂᔑᐗᓈᒋᑑᓈᐙ ᑭᑑᑌᓈᒥᐙ᙮ ᑭᑲ ᓂᓯᑰᒻ, ᐊᐱᓅᒌᔕᐞ ᑲᔦ ᐅᑲ ᓂᓵᐙᐞ᙮ ᑳᐐᓐ ᑲᓇᑫ ᐯᔑᒃ ᐊᓯᓐ ᑕᐃᓇᐱᓰ ᑳᑮᐃᔑ ᑭᑕᐱᐸᓐ, ᐅᓵᒻ ᐋᓃᔥ ᑳᐐᓐ ᑭᑮᓂᓯᑕᐎᓇᓰᒻ ᐊᐲ ᑮᔑᑲᓂᓂᒃ ᑭᔐᒪᓂᑑ ᑫᑮ ᐱᒫᒋᐃᓀᑭᐸᓐ᙮

1 Timahti 6:8

ᒦ ᐃᐌ, ᑮᔥᐱᓐ ᐃᓂᐌᓂᐗᓐ ᐊᔮᔭᕽ, ᒦᒋᒻ, ᑭᑭᔥᑭᑲᓐ, ᒦᐃ ᑫᔑᓇᐁᑕᒪᑭᐸᓐ᙮

1 Piitar 2:12

ᐋᐱᒋ ᑕᔥ ᑾᔭᒃ ᐃᔑᐱᒫᑎᓯᒃ ᑳᐃᔑᐊᔮᐙᒡ ᐃᑭ ᑳᑌᐺᑕᓯᒀ, ᐋᓇᐐᓐ ᐁᐃᓂᓀᒀ ᐁᒪᒋ ᐃᔑᐌᐱᓯᔦᒃ᙮ ᐃᓇᔥᑫ ᓴ ᐅᑲᓂᓯᑕᐎᓈᓈᐙᓐ ᐃᓂ ᑭᑎᔑᒋᑫᐎᓂᐙᓐ ᑳᐅᓂᔑᔑᓂᓂᑭᓐ, ᒦᑕᔥ ᑫᔑᒦᑴᒋᐌᓂᒫᐙᒡ ᑭᔐᒪᓂᑑᓐ ᐊᐲ ᑮᔑᑲᓂᓂᒃ ᐐᐱ ᐊᑕ ᑎᐹᑯᓂᐌᓂᒡ᙮

Oroot 1:5

ᒥᒋᓃᔥ ᒣᓬᐊᓐ, ᐊᐊ ᑲᔦ ᑭᓬᐃᔭᓐ ᑮᐃᔥᒀ ᐱᒫᑎᓯᐗᒃ᙮ ᒦ ᓴ ᑕᔥ ᐊᐊ ᓀᔫᒦ ᐁᑮ ᒥᒋ ᐯᔑᑯᒡ, ᐋᓃᔥ ᐅᓈᐯᒪᓐ, ᐃᐃ ᑲᔦ ᓃᔑᓐ ᐅᑯᓯᓴᐞ ᑳᐐᓐ ᑮᐱᒫᑎᓯᓰᐗᐞ᙮

Oroot 1:7

ᒦᑕᔥ ᑳᑮ ᓇᑲᑕᕽ ᐃᐃᒫ ᑳᑮ ᐃᔑ ᐊᔮᒡ, ᓃᔑᓐ ᐅᔑᒥᓴᐞ ᐁᑮ ᐐᒌᐎᑯᒡ, ᐁᑮ ᐃᔖᐙᒡ ᐃᓇᑫ ᐁᔑᐊᔮᓂᒃ ᒎᑕ Judah ᐊᑭ᙮

1 Saamiyoo 2:21

ᒦᑕᔥ ᐁᓇ ᑳᑮ ᔕᐌᓂᒥᑯᒡ ᑳᑎᐯᒋᑫᓂᒡ, ᓂᓯᓐ ᑸᐎᓭᓴᐞ ᐁᑮ ᓂᑖᐎᑭᐋᒡ, ᓃᔑᓐ ᑲᔦ ᐃᑴᓭᓴᐞ ᐁᑮ ᐊᔮᐙᒡ᙮ ᐊᐊ ᑕᔥ ᐐᓐ ᑸᐎᓭᔅ ᓵᒥᔫ ᑮᐅᐱᑭ ᐁᓈᓴᒦᓂᒡ ᑳᑎᐯᒋᑫᓂᒡ᙮