Oroot 1:16 - ᐅᒋᐺ ᑭᒋᒪᓯᓇᐃᑲᓐ

¹⁶ ᒦᔥ ᐅᕒᐆᑕᓐ ᑳᐃᔑ ᓇᑴᑖᑯᒡ, ᑫᑯ ᑲᑳᓱᒥᔑᑫᓐ ᒋᓇᑲᓂᓈᓐ, ᒫᓄ ᑲᔦ ᒋᐱᒥᓂᔕᐅᓯᓄᐎᓈᓐ, ᐋᑎ ᓴ ᑯ ᐁᔖᔭᓐ ᓂᑲ ᐃᔖ᙮ ᐋᑎ ᓴ ᑯ ᑫᔑ ᑲᐯᔑᔭᓐ ᑫᓃᓐ ᓂᑲᔑ ᑲᐯᔥ, ᑮᒋᐱᒫᑎᓰᒃ ᓴ ᑫᓃᓐ ᓂᑲ ᐅᐐᒋ ᐱᒫᑎᓰᒫᒃ, ᑭᒪᓂᑑᒻ ᓴ ᑲᔦ ᑫᓃᓐ ᓂᑲ ᐅᒪᓂᑑᒻ᙮

Ojibwe Kihcimasina'ikan

¹⁶ Miihsh Orootan kaa⁠ishi nahkwehtaakotc, “Keko kakaansomihshihken ci⁠nakaninaan, maano kaye ci⁠piminihsha'ohsinowinaan, aanti hsa ko eshaayan ninka ishaa. Aanti hsa ko keshi kapehshiyan keniin ninkashi kapehsh, kiicipimaatisiik hsa keniin ninka owiici pimaatisiimaak, kimanitoom hsa kaye keniin ninka omanitoom.

Oroot 1:16 Iomraidhean Croise

2 Saamiyoo 15:21

ᒦᑕᔥ ᐅᐅ ᐃᑕᐋᐃᐗᓐ ᑳᐃᑯᒡ, ᑫᒋᓈᒡ ᐃᑯ ᑳᑎᐯᒋᑫᒡ ᐐᓐ ᒥᓯᐌ ᐁᑎᐯᒋᑫᒡ, ᒦ ᐃ ᐁᐲᒋ ᑫᒋᓈᐁᑕᒫᓐ ᐋᓃᑎ ᓴ ᑯ ᑫᐃᔖᔭᓐ ᑫᓃᓐ ᓂᑲ ᐃᔖ, ᒥᓴᐙ ᑯ ᐃᔑᓭᒃ ᒋᐅᒋ ᓂᐳᔮᓐ! ᐅᑮᐃᑰᓐ᙮

Taaniyoo 2:47

ᒦᔥ ᐅᐅ ᑭᒋᐅᑭᒫᓐ ᑳᐃᑯᒡ, ᑌᐺ ᐄᓴᓐ ᑭᑭᔐᒪᓂᑑᒻ, ᒫᐗᒡ ᐅᑎᐯᓂᒫᐞ ᑯᑕᒃ ᒪᓂᑑᐞ, ᐅᑎᐯᓂᒫᐞ ᑲᔦ ᑭᒋᐅᑭᒫᐞ᙮ ᐐᓐ ᑲᔦ ᑳᑭᑫᑕᒧᐃᐌᒡ ᑫᑰᓇᓐ ᑫᑫᒋᑳᑌᓯᓂᓂᑭᓐ, ᑮᓐ ᐋᓃᔥ ᑭᑮ ᑲᔥᑭᑑᓐ ᒋᐐᑕᒪᓐ ᐅᐅ ᑳᑮ ᑭᑫᒋᑳᑌᓯᓄᑭᐸᓐ, ᐅᑮᐃᑰᓐ᙮

Taaniyoo 3:29

ᒦᑕᔥ ᐁᓈᑯᓂᑫᔮᓐ, ᐊᐌᓀᓇᒃ ᓴ ᑳᑕᓶᐙᓇᑭᓯᐙᒡ ᐯᒫᑎᓯᐙᒡ, ᐋᓃᓐ ᐃᑯ ᑲᔦ ᐁᔑᑮᔗᐙᑴᓐ ᑮᔥᐱᓐ ᑕᔥ ᒪᒋᐃᓈᐙᒡ ᐃᓂ ᐅᑭᔐᒪᓂᑑᒥᓂ ᔐᑕᕒᐋᑰᓐ, ᒦᔖᑰᓐ, ᐊᐯᑎᓂᑰᓐ ᑲᔦ ᒦᐗᒃ ᓴ ᐃᑭ ᑫᐲᓯᐱᓂᑣ᙮ ᐅᐙᑳᐃᑲᓂᐙᓐ ᑲᔦ ᑕᐲᑯᐱᒋᑳᑌᓂᐗᓐ ᐌᐱᓂᑲᓃᕽ ᒋᔑ ᐅᑯᓯᒋᑳᑌᓂᑭᓐ᙮ ᑳᐐᓐ ᐋᓃᔥ ᐸᑳᓐ ᒪᓂᑑ ᑖᔑ ᐱᒫᒋᐃᐌᓰ ᐅᐅᐌ ᓇᑫ, ᑮᐃᑭᑐ᙮

Taaniyoo 4:37

ᓅᑯᒻ ᐃᑕᔥ ᓃᓐ ᓀᐸᑲᓈᓴᕒ ᓂᒦᑴᒋᐌᓂᒫ, ᓂᑭᒋ ᐃᓀᓂᒫ ᑲᔦ, ᓂᑭᑌᓂᒫ ᑲᔦ ᑭᒋᐅᑭᒫ ᐁᔮᒡ ᑭᒋᑮᔑᑯᕽ, ᐋᓃᔥ ᑲᑭᓇ ᐅᓂᔑᔑᓂᓂ ᐁᔑᒋᑫᒡ, ᑾᔭᑴᑖᑾᓂᓂ ᑲᔦ᙮ ᐐᓐ ᑲᔦ ᐅᑲᔥᑭᑑᓐ ᒋᑕᐸᓭᑖᑯᓯᐋᒡ ᐃᐃ ᐁᔥᐯᓂᑎᓱᓂᒡ᙮

Hosiiya 13:4

ᓃᓐ ᐄᑐᒃ ᑳᑎᐯᒋᑫᒡ ᑭᑭᔐᒪᓂᑑᒥᐙ ᑳᑮ ᓵᑭᒋᐎᓂᓀᒃ ᐄᒋᐸᑮᕽ᙮ ᑳᐐᓐ ᑯᑕᒃ ᒪᓂᑑ ᑭᑭᑫᓂᒫᓯᐙᐙ, ᓃᓐ ᐁᑕ ᑯ᙮ ᑳᐐᓐ ᑯᑕᒃ ᐊᔮᓰ ᐯᒫᒋᐃᐌᒡ, ᓃᓐ ᐁᑕ ᑯ᙮

Sehkaraaya 8:23

ᒦ ᓴ ᐃ ᐊᐲ ᐃᔑ ᑮᔑᑲᒃ ᒥᑖᓱ 10 ᐃᓂᓂᐗᒃ ᐁᑕᓱ ᐊᔨᔑᑮᔗᐙᒡ, ᑳᐯᐸᑳᓂᓯᐙᒡ ᑫᓴᑮᑭᐱᓈᐙᒡ ᐅᑭᑭᔥᑭᑲᓂᓃᕽ ᐯᔑᒃ ᒎᐗᓐ ᒋᐃᓈᐙᒡ, ᑕᑲ ᓴ ᑭᑲ ᐐᒌᐎᑰ, ᐋᓃᔥ ᓂᓅᑖᒥᓐ ᑭᔐᒪᓂᑑ ᐁᐐᒌᐎᓀᒃ, ᒦ ᐃᐌᓂ ᐁᑭᑐᒡ ᑳᒫᐗᒋ ᒪᔥᑲᐎᓰᒡ ᑳᑎᐯᒋᑫᒡ᙮

Maahtiyo 8:19

ᐯᔑᒃ ᐃᑕᔥ ᑳᑭᑭᓄᐊᒫᑫᓂᒡ ᐅᓇᔓᐌᐎᓐ ᐅᑮ ᐱᓈᓯᑳᑰᓐ ᐁᑮᐃᑯᒡ: ᑭᑭᓄᐊᒫᑫ, ᑭᑲ ᐐᒌᐎᓐ ᐋᑎ ᐱᑯ ᑫᐃᔖᔭᓐ᙮

Cwaan 13:37

ᒦᔥ ᐃᐌ ᑳᐃᑯᒡ: ᑌᐯᒋᑫᔭᓐ, ᐌᑯᓀᓐ ᑕᔥ ᐁᑳ ᑫᐅᒋᐱᒥᓂᔕᐅᓯᓅᐙᓐ ᓅᑯᒻ? ᓂᑲᐸᑭᑎᓈᓐ ᓂᐱᒫᑎᓯᐎᓐ ᑮᓐ ᐅᒋ, ᐅᑮᐃᑰᓐ᙮

ᐃᔑᒋᑫᐎᓇᓐ 21:13

ᐅᐅ ᑕᔥ ᑮᐃᔑ ᓇᑴᑕᒻ: ᐌᑯᓀᓐ ᐌᒋ ᐃᔑᒋᑫᔦᒃ ᐁᒪᐎᔦᒃ, ᐁᒫᓀᑕᒥᐃᔦᒃ ᑲᔦ᙮ ᑳᐐᓐ ᐐᓐ ᐁᑕ ᓂᑎᔑ ᑮᔐᑕᓰ ᒋᒪᒫᒋᑾᐱᓂᑰᔮᓐ ᐌᑎ ᒉᕒᐆᓴᓬᐊᒥᕽ, ᐱᓵᓐ ᓴᑯ ᑲᔦ ᒋᐅᒋ ᓂᓯᑰᔮᓐ ᐅᐐᓱᐎᓂᕽ ᑳᑎᐯᒋᑫᒡ ᒋᓴᔅ, ᑮᐃᑭᑐ᙮

1 ᑌᓴᓬᐆᓂᔭᓇᒃ 1:9

ᐐᓇᐙ ᑯ ᑲᑭᓇ ᑭᑕᔑᒥᑯᐙᒃ ᐋᓃᓐ ᐁᔑᐲᑎᑲᔑᔮᕽ ᐊᐲ ᑲᑮᑮᔫᑕᒥᑰᔦᒃ, ᑲᔦ ᐋᓃᓐ ᑳᔑᑴᑫᑕᒣᒃ ᐁᑮᐃᔑᐌᐱᓀᒀ ᒪᓂᑑᑳᓇᒃ, ᐁᑮᑌᐺᑕᐌᒃ ᑭᔐᒪᓂᑑ, ᐁᑮᐐᐊᓄᑮᑕᐌᒃ᙮ ᒦ ᐊᐌ ᑭᔐᒪᓂᑑ ᐁᑌᐺᐎᓂᐎᒡ ᑲᔦ ᐁᐱᒫᑎᓯᐎᓂᐎᒡ᙮

Caahshowaa 24:18

ᑳᑎᐯᒋᑫᒡ ᓴ ᑲᔦ ᐅᑮ ᓵᑭᑖᒪᐙᐞ ᑲᑭᓇ ᐯᒫᑎᓯᓂᒡ, ᐃᐃ ᑯᑕ ᐁᒧᕒᐄ ᑳᑎᓄᐎᓂᒡ ᑳᑮ ᐃᔑᑖᓂᒡ ᐅᐅᒫ ᐊᑮᕽ᙮ ᑳᑎᐯᒋᑫᒡ ᓴ ᑲᔦ ᓃᓇᐎᓐᑦ ᓂᑲ ᐊᓄᑮᑕᐙᓈᓐ, ᐐᓐ ᐋᓃᔥ ᓂᑭᔐᒪᓂᑑᒥᓈᓐ, ᐅᑮᐃᑰᐞ᙮

ᑭᑫᑕᒨᔑᐌᐎᓐ 14:4

ᒦᐗᒃ ᐅᑯᐌᓂᐗᒃ ᑲᔦ ᒥᓯᐌ ᑳᑲᓇᐌᓂᑎᓱᐙᒡ ᐁᑳ ᑳᑮᐅᒋᐐᒌᐙᓯᒀ ᐃᑴᐗᐞ ᑲᔦ ᐁᐯᑭᐱᒫᑎᓯᐙᒡ᙮ ᒦᐗᑯᑯ ᐯᐹᒥᓂᔕᐙᐙᒡ ᐃᓂ ᒫᓇᒑᓂᔐᓴᓐ ᒥᓯᐌ ᑯ ᐱᑯ ᐋᑎ ᑳᐸᐹᐃᔖᓂᒡ᙮ ᐃᐃᒫ ᐅᒋ ᑯᑕᒃ ᑳᐱᒫᑎᓯᓂᒡ ᑮᐅᒋᑎᐸᐙᐗᒃ ᐅᑯ᙮ ᓂᑕᒻ ᐸᑭᑎᓂᑫᐎᓂᕽ ᑮᐃᓀᑖᑯᓯᐗᒃ ᐁᑮᒦᓂᓐᒡ ᑭᔐᒪᓂᑑ ᑲᔦ ᒫᓇᒑᓂᔐᔅ᙮

Oroot 1:15

ᒦᑕᔥ ᓀᔫᒦ ᑳᐃᓈᒡ ᐃᓂ ᐅᔑᒥᓴᓐ, ᑭᐙᐸᒫ ᐄᑐᒃ ᐊᐊ ᑮᒋᑴ ᐁᑮᐌ ᓈᓯᑲᐙᒡ ᐅᐐᒋ ᐅᒌᒫᑲᓇᐞ, ᐅᒪᓂᑑᒪᐞ ᑲᔦ᙮ ᑫᑮᓐ ᑕᔥ ᒫᒑᓐ ᒋᐐᒌᐗᒡ ᑮᒋᑴ, ᑮᐃᑭᑐ᙮

Oroot 1:17

ᐋᑎ ᓴ ᐱᑯ ᑫᔑ ᓂᐳᔭᓐ ᑫᓃᓐ ᓂᑲᔑ ᓂᑉ, ᒦ ᓴ ᑲᔦ ᑫᓃᓐ ᐌᑎ ᑫᔑ ᓂᑾᐅᑰᔮᓐ᙮ ᐱᓵᓐ ᐃᓴ ᑯ ᑳᑎᐯᒋᑫᒡ ᑫᑰᓂᓂ ᓂᑲ ᑑᑖᒃ ᐊᐗᔑᒣ ᑮᔥᐱᓐ ᐸᑭᑎᓇᒫᓐ ᑫᑰᓐ ᒋᐸᑫᐎᓂᑯᔭᕽ᙮ ᓂᐳᐎᓐ ᐃᓴ ᐁᑕ ᑮᓇᐎᓐᑦ ᑭᑲ ᐸᑫᐎᓂᑯᒥᓐ! ᐅᑮᐃᑰᓐ᙮

Oroot 2:6

ᒦᑕᔥ ᑳᐃᔑ ᓇᑴᑖᑯᒡ, ᒦᐄᑐᒃ ᐊᐊ ᐅᔥᑭᓃᑭᑴ ᒨᐗᑉ ᐊᑮᕽ ᑳᑮ ᐸᑲᒥ ᐐᒌᐙᒡ ᓀᔫᒦᐗᓐ, ᒨᐗᑉ ᐊᑮᕽ ᑮᐱᐅᒋ ᑕᑯᔑᓂᓂᒡ, ᐅᑮᐃᑰᓐ᙮

Oroot 4:15

ᑭᔑᒥᔅ ᓴ ᑲᔦ ᑭᓵᑭᐃᒃ, ᐋᐱᒋ ᑲᔦ ᓃᐱᐗᐞ ᑭᐱ ᑑᑖᒃ ᐊᐲᒡ ᐐᓐ ᓃᔣᓱ 7 ᐅᑯᓯᓯᒫᒃ ᑫᑮ ᑑᑕᐎᒀᐸᓐ᙮ ᓅᑯᒻ ᐃᑕᔥ ᑳᑮᔑᑲᓂᓂᒃ ᑭᒦᓂᒃ ᑸᐎᓭᓴᓐ ᑫᐅᔫᔑᓯᐗᒡ᙮ ᒦ ᓴ ᑕᔥ ᐃᐃᒫ ᑫᐅᒋ ᑮᐌ ᒪᔥᑲᐙᑎᓯᔭᓐ, ᒦᑲᔦ ᐊᐊ ᑫᓂ ᓈᓈᑲᒋᐃᒃ ᑭᒋ ᐊᔮᐋᐎᔭᓐ, ᐅᑮᐃᑰᐞ᙮