ᐱᓬᐃᐱᔭᓇᒃ 4:9 - Ojibwe Kihcimasina'ikan

⁹ Kakwenihtaatootamohk wekonen iko kaakiihkihkino'amaakooyek kaye kaakii'miinikooyek, kemaa kaakiihpisintawiyek kemaa kaye kaakii'ishiwaapamiyek niin ehtootamaan. Kikaishiwiiciiwikowaa 'awe Kishemanitoo 'awe kaapisaanentamo'inank.

ᐅᒋᐺ ᑭᒋᒪᓯᓇᐃᑲᓐ

⁹ ᑲᑴᓂᑖᑑᑕᒧᒃ ᐌᑯᓀᓐ ᐃᑯ ᑳᑮᑭᑭᓄᐊᒫᑰᔦᒃ ᑲᔦ ᑳᑮᒦᓂᑰᔦᒃ, ᑫᒫ ᑳᑮᐱᓯᑕᐎᔦᒃ ᑫᒫ ᑲᔦ ᑳᑮᐃᔑᐙᐸᒥᔦᒃ ᓃᓐ ᐁᑑᑕᒫᓐ᙮ ᑭᑲᐃᔑᐐᒌᐎᑯᐙ ᐊᐌ ᑭᔐᒪᓂᑑ ᐊᐌ ᑳᐱᓵᓀᑕᒧᐃᓇᕽ᙮

ᐱᓬᐃᐱᔭᓇᒃ 4:9 Iomraidhean Croise

Aaiseya 41:10

Keko hsa sekisihkek, niin iitok kiwiiciiwininim, keko pakitentankek, niin ohsha kiKishemanitoomiwaa. Kika mashkawisii'ininim, kika wiici'ininim kaye. Kehcinaac hsa kaa⁠kwayahkwentaakwahk nimashkawisiiwin ninka aapacihtoon ci⁠mincimininakook.”

Aaiseya 8:10

Onentamok aaniin waa⁠ishihcikeyek. Ta⁠wanashkwehse ohsha mihsawaa. Wiintamok waa⁠ishihcikeyek, kaawiin ta⁠kihkentaakwahsinoon, Kishemanitoo iitok niwiici'ikonaan!

Maahtiyo 1:23

Kwayahk pehkioshkiniikihkwe oka ayaawaan apinoonciishan kaye oka nihtaawiki'aan ke⁠okosihsitc. Imaaniyo'el (Immanuel) tahsh ta⁠ishinihkaasowan. Mii'iwe kaa⁠icikaatek: “Kishemanitoo kiwiiciiwikonaan.”

Maahtiyo 28:20

Ci⁠kihkino'amawekwaa kaye ci⁠tootamowaatc kahkina kekoonini kaakii'-ininakook. Mooshak tahsh eyaantahsokiishik kika wiiciiwininim piinihsh i'i ahpii ci‑ishkwaahsekin ono kaa⁠pimihsekin o'omaa ahkiink,” kii'‑ihkito.

Maahtiyo 7:21

“Kaawiin wiin iki kahkina kaa⁠ishiwaatc ‘Tepencikeyan! Tepencikeyan!’ ta⁠piintikanaahsiiwak imaa Kishemanitoon kaaishi Kihciokimaawinitc. Ikiweniwak ehta kaa⁠tootamowaatc eshi antawentaminitc ninTeten kihcikiishikonk kaa‑ayaanitc.

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 6:46

“Wekonen wenci ishinihkaashiyek ‘Tepencikeyan, Tepencikeyan!’ e'⁠ishihcikehsiwek itahsh kaaininakook?

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 8:21

O'o tahsh Ciisahs kii'ishinahkwehtam: “Miiwak ohsha oko nimaamaa, niicihkiweyak kaye kaaishihcikewaatc aaniin eshinoontamowaatc Kishemanitoon ehkitonitc. Iki ohsha kaana'ihtawaawaatc kaaishihcikewaatc kaye ehkitonitc Kishemanitoon, mii ohsha 'awe nimaamaa, niicihkiweyak kaye.”

Cwaan 13:17

Aasha tahsh ono ekiihpikihkentamek, wawiinke kikashawentaakosim ono tootamek,” okii'inaa'.

Cwaan 15:14

Kiinawaa hsa kaasaaki'akwaa, kiishpin ishihcikeyek i'iwe kaaishiwiintamawinakook.

Cwaan 2:5

Miitahsh kaa'ishikanoonaanitc omaamaan i'i anohkii'aakana': “Aaniin iko keininek, mii 'i ishihcikek,” okii'inaa'.

ᐃᔑᒋᑫᐎᓇᓐ 9:6

Taka tahsh, pasikwiin. Weti ootenaank ishaan, miitahsh weti keshi wiintamaakooyan aaniin keishihcikeyan,” okii'ikoon.

ᐅᕒᐆᒪᓇᒃ 15:33

Taka Kishemanitoo kaamiikiwetc pisaanentamowin kikawiiciiwikowaa kahkina kaatahshiyek. Emen.

ᐅᕒᐆᒪᓇᒃ 16:20

Kishemanitoo hsa kaamiininek pisaanisiwin kikashikoshkamaakowaa Setanan kiinawaa citahkohkaanimek. Taka tahsh okishewaatisiwin kaaTipenciketc Ciisahs Christ kikawiiciiwikowaam.

1 ᑲᕒᐃᑎᔭᓇᒃ 10:31

Mii 'i ehkitoyaan, wekonen hsa ko eshihcikeyek, maakishaa wiihsiniyek, maakishaa minihkweyek, kahkina ko ishihcikeyohk Kishemanitoo cikihtentaako'intc.

1 ᑲᕒᐃᑎᔭᓇᒃ 14:33

Inashke kaawiin 'iwe nihshiwanaatahkamikisiwin otooshihtoohsiin Kishemanitoo, i'iwe hsa cisakahkamikisink. Miinawaa tahsh 'owe eshihcikewaatc Kishemanitoo opimaatisiima' aanti piko kaaishimaawaci'itinitc, peshikwan kekiinawaa ci‑ishihcikeyek:

1 ᑲᕒᐃᑎᔭᓇᒃ 4:16

Mii 'iwe kaaoncipakohseniminakook cikihkinawaapamiyek.

2 ᑲᕒᐃᑎᔭᓇᒃ 13:11

Pooshoo tahsh kitinininim niicitepwehtamook! Wiinke hsa kwayahk kakwekwayahkwaatisik! Pisintamok kaaihkitoyaan. Weweni kaye pisintaatik aaniin ehkitoyek. Weweni kaye wiiciintik. Kishemanitoo hsa kaasaaki'iwetc, kaamiikiwetc kaye pisaanisiwin kikawiiciiwikowaa!

ᐱᓬᐃᐱᔭᓇᒃ 3:17

Niwiiciotepwehtamook! Naanaapinawihshik kaaishihcikeyaan, kanawaapamihkok ikiweniwak kaainaatisiwaatc niinawint kaakii'ishihcikeyaank, ekiihkihkinawaapanta'ikooyek.

ᐱᓬᐃᐱᔭᓇᒃ 4:7

Kikaotihsikom opisaanentamo'iwewin Kishemanitoo, wawiinke kaapahkinaakemakaninik eshiayaak kikihkentamowininaan. Kikashikanawentamaakom kite'iwaank kaye kinaakatawencikaniwaank, ekaa kekoon i'imaa ci‑ishihsehsiwek e'wiiciiwek Christ Ciisahs.

1 ᑌᓴᓬᐆᓂᔭᓇᒃ 1:6

Niinawint kikii'naanaapinawinaam eshipimaatisiyaank, kaye kikii'naapihcikewaam kaaTipenciketc kaakii'ishiminohciketc. Shikwa aanawiin ekiihkihci⁠kakwaatakihtooyek, weyiip kikii'otaahpinaanaawaa i'iwe kaaishiwiintamaakooyek, Kishemanitoo otAhcaahkwan ekii'onciiciihkentamoshkaakooyek.

1 ᑌᓴᓬᐆᓂᔭᓇᒃ 2:14

Kaawiiciotepwehtamoomikooyek, peshikwan kikii'ishiwepisim taapishkoo kaakii'ishiwepisiwaatc otepwehtamook i'imaa Cootiiyaawi ahkiink (Judea) kaa‑ayaawaatc, miiwak iki pepahkaan ayaawinink kaamaawacianami'ehtawaawaatc Kishemanitoon, ehtepwehtawaawaatc Christ Ciisahsoon. Aaniihsh kekiinawaa kitepwehtamowiniwaa kikii'onciihkaakowaak iki kiwiicionciimaakaniwaak Tehsalanaihkaank, taapishkoo wiinawaa Cootiiyaawi ahkiink kaakii'ishionciihkaakowaatc i'i Coowa'.

1 ᑌᓴᓬᐆᓂᔭᓇᒃ 5:23

Shikwa nimpakohsenimaa Kishemanitoo, mii 'awe pisaanisiwin kaamiininank: maano wiin Kishemanitoo kikaishi'ikowaa misiwe wiinehta ci‑inaapaci'inek. Maano kikakanawenimikowaa enikohkwentaakosiyek. Kaye kitahcaahkowaa', kipimaatisiwiniwaan, kiwiiyawiwaan kikakanawentamaakowaa, piinihsh ahpii takohshink kaaTipenciketc Ciisahs Christ, ekaa awaac kekoon cimihkikaatehsinok ci‑ishiayaahsiwek.

2 ᑌᓴᓬᐆᓂᔭᓇᒃ 3:4

Nintishi'ikonaan itahsh a'a kaaTipenciketc e'oncikwayahkwenimikooyek, aasha ekiihpi‑ishihcikeyek kaakii'ishiwiintamaakooyek kaye keyaapi ciani‑ishihcikeyek.

2 Timahti 4:22

Maano kitahcaahk okawiiciiwikoon kaaTipencikenitc. Okishewaatisiwin mincikahkina kika‑ahshici⁠wiiciiwikom.

Ciimis 1:22

Keko wiin waniwinitisohkek, keko mihci pisintankek i'i ihkitowin, tootamok aaniin ehkitoomakahk.

2 Piitar 1:10

Niiciotepwehtamook, taka tahsh aaskonentamok cikehcinaa'owentaakwaninik Kishemanitoo kaakii'ishikanooninek. Kiishpin hsa 'o ishihcikeyek, kaawiin wiihkaa kikapankihshinsiim.

1 Cwaan 3:22

Miitahsh kaye wencitepinamowank wekonen iko kaakakwecimank, aaniihsh kina'ihtamowaamin, e'ishihcikewank kaye kaaminwaapantank.