ᐱᓬᐃᐱᔭᓇᒃ 4:8 - Ojibwe Kihcimasina'ikan

⁸ Miinawaa ishkwaac, niwiiciotepwehtamoomak, naanaakatawentamohk ono kaatinowiwankin, wekonen iko kaatepwewakentaakwahk, shikwa kaakihtentaakwahk, wekonen iko kaakwayahkwahk, kaye kaapehkentaakwahk, kaye kaaminonaakwahk, kaye kaaminwaatotek. Wekonen hsa ko minoishiwepisiwin kaainentaakwahk kaye kaaminohcikewakentaakwahk, mii 'iwe ishinaakatawentamohk.

ᐅᒋᐺ ᑭᒋᒪᓯᓇᐃᑲᓐ

⁸ ᒦᓇᐙ ᐃᔥᒀᒡ, ᓂᐐᒋᐅᑌᐺᑕᒨᒪᒃ, ᓈᓈᑲᑕᐌᑕᒧᒃ ᐅᓄ ᑳᑎᓄᐎᐗᑭᓐ, ᐌᑯᓀᓂᑯ ᑳᑌᐺᐗᑫᑖᑾᒃ, ᔑᑾ ᑳᑭᑌᑖᑾᒃ, ᐌᑯᓀᓐ ᐃᑯ ᑳᑾᔭᑾᒃ, ᑲᔦ ᑳᐯᑫᑖᑾᒃ, ᑲᔦ ᑳᒥᓄᓈᑾᒃ, ᑲᔦ ᑳᒥᓍᑐᑌᒃ᙮ ᐌᑯᓀᓐ ᓴ ᑯ ᒥᓄᐃᔑᐌᐱᓯᐎᓐ ᑳᐃᓀᑖᑾᒃ ᑲᔦ ᑳᒥᓄᒋᑫᐗᑫᑖᑾᒃ, ᒦ ᐃᐌ ᐃᔑᓈᑲᑕᐌᑕᒧᒃ᙮

ᐱᓬᐃᐱᔭᓇᒃ 4:8 Iomraidhean Croise

Cenisihs 18:19

Wiin hsa ninkii onaapamaa ci⁠kihkinowinaatc oniicaanihsa', i'i kaye keni opiiwesiimitc, eshi antawentaminitc kaaTipencikenitc. Kwayahk ci‑ishihcikenitc, weweni kaye ci⁠tootaakenitc. Kiishpin i'i ishihcikenitc, miitahsh kahkina kekoon ci‑ishihcike'ak kaakii ishi ahshotamawak Eparahaam,” kii‑ihkito.

2 Saamiyoo 1:23

Swaal shikwa Cwaanahtan kii⁠saaki'aawak, Kii⁠minwentaakosiwak kaye mekwaa eh⁠pimaatisiwaatc, Mihsawaa kii⁠nipowaatc Keyaapi kaawiin kii⁠pahkewinitihsiiwak. Nawac kii⁠na'iwak ahpiihc mikisi, Nawac kaye kii⁠mashkawisiiwak ahpiihc mishipishiiwak.

2 Saamiyoo 23:3

Isriyalak (Israel) hsa oKishemanitoomiwaan kiih⁠kiikitowan, o'o ekii'ishitc Kaa⁠naatamawaatc Isriyala', ‘Awiya hsa weweni kiih⁠tipaahkonaatc ininiwa', a'a kaye kaa⁠kohtaanenimaatc kaa⁠tipenimiwenitc Kishemanitoon,

ᑲᑮᑖᐎᑮᔗᐎᓇᓐ 11:1

KaaTipenciketc ihsa oshiinkentaanan kaa⁠wayeshimiwemakaninikin tipaapiishkoocikanan. Ominwaapantaanan itahsh kwayahk tino tipaapiishkoocikanan.

ᑲᑮᑖᐎᑮᔗᐎᓇᓐ 12:4

Kwayahk enaatisitc wiiwimaa hsa tinowi taapishkoo kihciokimaawaanohkwaanink wenci minwentaminitc onaapeman. A'a tahsh wiiwimaa kaa‑akaci'aatc onaapeman mii 'i enentaakositc taapishkoo ohkani aahkosiwin.

ᑲᑮᑖᐎᑮᔗᐎᓇᓐ 20:7

Kweyahkwaatisitc hsa ishi pimaatisi kekoon keshi anaamentaakosihsik, oniicaanihsa' ihsa tani shawentaakosiwa'.

ᑲᑮᑖᐎᑮᔗᐎᓇᓐ 31:10

Aahpici hsa sanakan ci⁠mihkawintipan sasekaa wiiwimaa! Nawac hsa wiin ishpentaakosi ahpiihc wiin i'i kaa‑aahkwakinsonitc miskwaapihkahsinii' Oroopi kaa'inimintc.

ᑲᑮᑖᐎᑮᔗᐎᓇᓐ 31:29

“Paahtiinowak hsa sasekaa wiiwimaak, kiin tahsh maawac kipaashicishkawaak kahkina wiiwimaak.”

ᑲᑮᑖᐎᑮᔗᐎᓇᓐ 31:31

Kashkihtamaaso ohsha ci⁠tipa'amawintipan, tipa'amawihk itahsh. Ishinaakwanini ko entahso peshikowaatc awiyak ci⁠kihtenimaawaahpan ini ihkwewan.

Maahtiyo 22:16

Okihkino'amawaakaniwaa' itahsh okii'-ishinisha'waawaa', ekiih takowiiciiwaanitc aaninta Heratan (Herod) kaa⁠wiici'ikonitc. Miitahsh ekii'-inaanitc: “Okihkino'amaake, kikihkenimikoo aahpici e'⁠nihtaatepweyan, kwayahk e'ishi kihkino'amaakewatc kaye aaniin Kishemanitoo kaashi antawenimaatc awiyan ci‑ishipimaatisinitc, kaawiin kaye kiwanishkwe'ikohsiik aaniin awiyak enenimihkwaa, kikihkenimikoo kaye kahkina awiya peshikwan eh⁠tootawatc kaa⁠tootawatc a'a peshik awiya.

Maarhk 6:20

A'awe aaniihsh Herat okiih kohsaan ini Cwaanan, ekiih kihkenimaatc kwayahk e'⁠ishiwepisinitc, kaye e'⁠onakimikonitc ini Kishemanitoon. Mii'i kaa'ishi kanawenimaatc. Okii'-minohtawaan ini Cwaanan eh⁠pisintawaatc. Ahpii tahsh iko e'⁠noontawaatc, kii'⁠mikoshkaatentam.

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 16:15

Miitahsh Ciisahs kaa'inaatc: “Kiinawaa ohsha kaakakwe minonaako'itisoyek enaahsamiiwaatc pemaatisiwaatc, Kishemanitoo tahsh wiin kikihkenimikowaa enaatisiyek kite'iwank. I'iweni ohsha awiyak kaakihci inentamowaatc, mii 'iweni Kishemanitoo kaashiinketank.

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 2:25

Peshik itahsh inini kii'ayaa i'imaa Ceroosalamink, Simiyan (Simeon) eshinihkaasotc. Kwayahk kii'ishi pimaatisi, kaye tahsh ekiih kosikwenimaatc Kishemanitoon. Ekiih piihtootc kaawiih pimaaci'imintc Isriyala' (Israel) kaye tahsh ekiih kikishkaakotc Kishemanitoon otAhcaahkoni.

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 23:50

Kii'⁠ayaa inini Coosap (Joseph) ekii'-ishinihkaasotc. Kwayahk kii'‑ininiiwi, kaye tahsh kii'⁠minwaatisi, ekiih takwapitc kaanihtaa onaahkonikenitc.

Cwaan 7:18

A'awe wiin iko i'imaa kaaoncikiikitotc, wiin iko onantonaan okihci‑inentaakosiwin. A'ahsh wiin kaa‑anohkiitc cioncikihci‑inentaakosinitc ini kaakiihpi‑ishinisha'okotc, mii wa'a wiinke misiwe kaakwayahkotepwetc inini. Kaawiin tahsh kekoon wayeshinkewin otayaahsiin kaaishihciketc,” okii'inaa'.

ᐃᔑᒋᑫᐎᓇᓐ 10:22

Miihsh o'o kaa'ikotc: “A'awe hsa Kwaarniiliyahs (Cornelius) shimaakanihshiiwikimaa ninkiih piicinisha'okonaan. Kwayahkwaatisi, okohtaanenimaan kaye Kishemanitoon. Kahkina hsa Coowa' okihtenimikoo'. Kishemanitoon tahsh otencalimini okii wiintamaakoon cipiishaawatc owaahkaa'ikanink cinoontawihk aaniin ke'ihkitowatc,” okii'ikoo'.

ᐃᔑᒋᑫᐎᓇᓐ 22:12

“Peshik tahsh inini Aananaayahs (Ananias) eshinihkaasotc, kwayahk kaakii'-anami'ehtawaatc Kishemanitoon, kaakiih kanawentank kaye onahshowewin, kaakiih kihtenimikotc kaye kahkina Coowa' i'imaa kaakii'-ishitaanitc.

ᐃᔑᒋᑫᐎᓇᓐ 6:3

Haw hsa niici otepwehtamook, kiinawaa hsa onaapamihkwak niishwaahso (7) kaaminwaatisiiwakimintwaa, kekiihtaawentamowaatc, kaamooshkineshkaakowaatc kaye Kishemanitoon otAhcaahkoni. Miiwak itahsh iki kenaanaakacihtoowaatc i'i anohkiiwin.

ᐅᕒᐆᒪᓇᒃ 13:13

Taka tahsh weweni pimaatisitaa, ci‑ishihcikeyank kaaishihcikewaatc waahseyaank kaaishitipentaakosiwaatc. Taka kaawiin onoweniwan kikaishihcikehsiimin: papaakakiipaacihcikewin, minihkwewin, wiinaatisiwin, pihshikwaacihcikewin, kiihkaantiwin, aayaahshenintiwin.

ᐅᕒᐆᒪᓇᒃ 13:3

Iki tahsh weweni kaaishihcikewaatc kaawiin memwehc okakohsaahsiwaawaa' i'i ahkiiwiokimaa'. Iki tahsh kaanihtaa mamaashiiwaatc ehta okakohsaawaa'. Kinantawentaam ina cikohsaahsiwek a'a ahkiiwiokimaa? Inashke kwayahk ishihcikek, miitahsh keininek ekii'minohcikewek.

ᐅᕒᐆᒪᓇᒃ 14:18

Awiya tahsh o'o nahke kii‑ishianohkiihtawaatc Christan, Kishemanitoon ominwaapamikoon, pemaatisinitc kaye ominwaapamikoo'.

ᐅᕒᐆᒪᓇᒃ 2:29

A'awehsh wiin piincinaw kaaCoowiwitc, mii 'awe tepwe kaatinowitc, ote'ink ehkihkinawaaci'intc ehtipenimikotc Kishemanitoon, otAhcaahkoni ekii'ishianohkiinitc. Kaawiin tahsh wiin awiya i'iweni kaaoshipii'ikaatenik Inaahkonikewin otishi'ikohsiin. Ominwaapamikoowin a'a kaatinowitc kaawiin ininiinaank onciimakahsinini, Kishemanitoonaank ihsa onciini.

1 ᑲᕒᐃᑎᔭᓇᒃ 4:5

Mii 'i kekiinawaa, keko onsaam wiipa anoociko inenimaahkek awiya otishihcikewin cipwaa na'ihsek. Paanimaa ehta takohshink kaaTipenciketc, okapitootaan waahseyaank cimohshenaakwaninik kahkina kekoon, mihsawaako wanitipihkanonk aana kaatoonitc awiyan otishihcikewinini. Kaye okatootaan cimohsheyaapancikaatenik aaniin enentamowaatc awenenak ote'iwaank. Mii 'iwe ahpii kahkina awiya keshiminwaacimikotc Kishemanitoon aaniiniko kaashikashkihtamaasotc.

2 ᑲᕒᐃᑎᔭᓇᒃ 13:7

Miitahsh eshianami'ehtawankitc Kishemanitoo kiinawaa ekaa noociko ci‑ishihcikehsiwek. Kaawiin wiin e'antawentamaank nintanohkiiwininaan ciminonaakwahk. Kiinawaa hsa weweni cipimaatisiyek, aana maawiin ishinaakosiyaank niinawint ekiihpwaanawihcikeyaank.

2 ᑲᕒᐃᑎᔭᓇᒃ 6:8

Ninkotink tahsh ninkihtenimikoomin, ninkotink kaye kaawiin sesik nintootaakoohsiimin, ninkotink noociko nintikoomin, ninkotink kaye niminotashimikoomin. Taapishkoo hsa ehkakiinawishkiyaank nintootaakoomin aanawiin ehtashintamaank tepwewin.

2 ᑲᕒᐃᑎᔭᓇᒃ 8:18

Otihsinek itahsh okapakamiwiiciiwaan ini kaakihtenimimintc kiitanami'aanaanin. Niinawint hsa ninkii'ishinisha'waanaan a'a kiitanami'aanaan, aaniihsh aahpici kihtenimaa i'imaa pepahkaan kaaishimaawaci'itiwaatc otepwehtamook otanohkiiwinink onci kaye ehkakiihkwaatank minwaacimowinini.

2 ᑲᕒᐃᑎᔭᓇᒃ 8:21

Miitahsh maawac eshimihsawentamaank kwayahk ewii'ishihcikeyaank. Kaawiin wiin ehta kaaTipenciketc ciminwaapantank, ininiwak hsa kaye ciminwaapantamowaatc.

ᑲᓬᐁᔑᔭᓇᒃ 5:22

Ini tahsh Kishemanitoo otAhcaahkwan, miiwan ono nehtaawikihtoonitc: saaki'iwewin, minwentamowin, pisaanisiwin, shiipentamowin, kishewaatisiwin, minotootaatiwin, tepweyentaakosiwin,

ᐃᐲᔑᔭᓇᒃ 4:25

Haw itahsh poonihtook kikiiwanimowiniwaan! Kaatepweyentaakwahk tahsh waawiintamawihk kahkina kaatahsopehpeshikoyek kiicipimaatisiik, aaniihsh kahkina kaatahshiyank peshikwan kitishitipentaakosimin.

ᐃᐲᔑᔭᓇᒃ 5:9

Aaniihsh kaawaahseyaak oncinihtaawikiimakanoon kahkina kaaonishihshik minotootamowin, kwayahkwaatisiwin, tepwewin kaye.

ᐃᐲᔑᔭᓇᒃ 6:14

Mashkawikaapawik itahsh wiinke, ehkihcihpisoyek i'i tepwewin, ehkikishkamek kaye i'i kwayahkwaatisiwin taapishkoo i'i piiwaapihk shimaakanihshak kaapihsihkamowaatc ohkaahkikaniwaank.

ᐱᓬᐃᐱᔭᓇᒃ 3:1

'Owe tahsh ishkwaac kitishiwiintamawininim, niiciotepwehtamook: onciciihkentamok 'iwe eshiwiiciiwek kaaTipenciketc. Kaawiin inkotano nintinentansiin miinawaa peshikwan ciwiintamaan i'iwe otaanaank kaakii'ishipii'amawinakook, nawac i'imaa ci‑ishikanawentaakosiyek.

ᑲᓬᐋᔑᔭᓇᒃ 4:5

Kakiihtaawiik kaye aaniin entootawekwaa iki kaatepwehtansikwaa, aahpici hsa kwayahk inaapacihtook i'i kaashitawinamaakooyek.

1 ᑌᓴᓬᐆᓂᔭᓇᒃ 4:12

Mii 'iwe kikaishi minohcikewakenimikowaak iki ekaa kaaotepwehtamowinihsikwaa. Shikwa kaawiin memwehc kika‑ahpenimohsiim pahkaan mininciin cipami'ikoyek.

1 Timahti 2:2

Iki kaye ta/⁠anami'ehtamawaawak kihciokimaak, kahkina kaye awiyak kaakihtentaakosiwaatc, pisaan cionci⁠pimaatisiyank, misiwe kaye ci‑ishianami'ewaatisiyankipan kaye ciayaankwaamisiyank.

1 Timahti 3:11

Mii hsa tahsh peshikwan ini wiiwiwaa' keinaatisinihpan, misiwe ko ciminwaatisinihpan. Kaawiin macikekoon tanihtaa aanihko/⁠aacimohsiiwa'. Weweni okakanawentamini opimaatisiwinini, misiwe kaye citepwewiniwinitc.

1 Timahti 3:4

Shikwa kwayahk okatipenimaa' otaawinink kaatahshinitc, ehkashki'aatc oniicaanihsa' cipisintaakotc, ehkihci‑inenimikotc.

1 Timahti 4:12

Keko awiya kikamacitootaakohsii ehteahpiihtaatisihsiwan. Kiin itahsh kakweminoishiwepisin minokakitowinink, ishihcikewinink, saaki'iwewinink, tepweyentamowinink, peyahtakaatisiwinink, ci‑ishikihkinawaapamihkwaa kaaotepwehtamowiniwaatc.

1 Timahti 5:10

Taminwaacimaa kaye e'nihtaa minohciketc, ekii'mino‑ompiki'aatc apinoonciisha', ekii'minopiintikanaatc piiwite', e'nihtaa kisiipiikisitenaatc ehpimiayaanitc Kishemanitoon otipenimaakanini, ekiihpi⁠minowiici'aatc kaye ini kaamacihsenitc, ci‑inintipan kaye kahkina minohcikewin ekiihkakwekashkihtootc. Mii hsa 'awe ketakwakimintc.

1 Timahti 5:2

Ikihsh kaye nawac kaakihtaatisiwaatc ihkwewak taapishkoo e'omaamaamatwaa kikainenimaak. Iki kaye kaaoshkaatisiwaatc ihkwewak taapishkoo e'otawemaamatwaa; mii ehta ko pehkaya'ii nahke keshinaanaakatawenimatwaa.

Taitahs 1:8

Mii hsa tahsh ciminwentank cipiintikanaatc awiya' otaawinink, cisaakihtootc kaye kaaonishihshininik, weweni cipimaatisitc, kwayahk kaye citootawaatc awiya', kaye Kishemanitoon kaaishiminwentaminitc ci‑ishipimaatisitc. Cikashkihtootc kaye wiinke piko cikanawenintisotc aaniin eshipimaatisitc.

Taitahs 2:14

Wiin aaniihsh kiihpakitinitiso kiinawint onci, ekiihtipa'onank i'imaa kahkina macitootamowinink cioncitipentaakosihsiwank, kaye ekiihpehki'aatc pemaatisinitc wiin iko ewiihtipenimaatc, i'i mehsawentaminitc ewii'minohcikenitc.

Taitahs 2:2

Kihkino'amaw ahkiwensiwak cikanawentamowaatc otishihcikewiniwaan, cinipwaahkaa⁠pimaatisiwaatc, kwayahk ci‑inentamowaatc, cimashkawitepwehtamowaatc kaye, cisaaki'iwewaatc, wiihkaa kaye cipakiciihsikwaa.

Taitahs 2:7

Kahkina tahsh kekoon kaaishihcikeyan, waapanta'iwen cikihkinawaapancikaatekin ini kiminohcikewinan, cikwayahkonaakwahkin ini kikihkino'ikewinan, cinipwaahkaa⁠pimaatisiyan.

Taitahs 3:14

Mii hsa eshinaakwaninik kiwiicitepwehtamoominaanik cikihkentamowaahpan mooshak iko cikakweminotootamowaatc, cikashkihtamaasowaatc kekoonini cinoontehsehsikwaa. Kaawiin wiin anihshaa piko cimihcipimaatisiwaahpan.

ᐄᐸᕒᐆᐗᒃ 11:2

Otepweyentamowiniwaank iitok mewisha ininiwak kaakiihpimaatisiwaatc okii'onciminwaapamikowaan Kishemanitoon.

ᐄᐸᕒᐆᐗᒃ 13:18

Keko tahsh pakiciihkek cianami'ehtamawiyaank. Wiinke kaye ninkehcinaa'omin awaac iko pankii kekoon kaawahsitaawinaakwahk e'ayaahsinok nimpimaatisiwininaanink, mooshak kwayahk e'antawentamaank kwayahk ci‑ishihcikeyaank.

Ciimis 1:27

Kishemanitoo Koohsinaan hsa ominwaapantaan i'i tino anami'aawin kaapehkaninik, kaye tahsh kaatepwewaninik. Cinaanaakaci'intwaa kwiiwahshishaanak, iki kaye kiiwaacihkwewak kaakakwaatakihtoowaatc, awiya kaye kaakanawenintisotc ciwiinishkaakohsik ahkiiwi pimaatisiwin.

Ciimis 3:17

I'i tahsh kakiihtaawentamowin ishpimink kaaonciik maawac pehkentaakwan. Mii 'imaa wenciik pisaanentamowin, saaki wiiciintiwin, koohpaatenimiwewin, minwanohkiiwinan, tepwewin kaye, kaawiin kaye awiya onci pahkaanenimaahsii.

1 Piitar 1:22

Inashke tahsh noonkom kitooncipehki'itisom ena'ihtamek i'i tepwewin, miitahsh i'i weweni kaaoncisaaki'ekwaa kiiciotepwehtamoomiwaak. Wiinke hsa saaki'itik, misiwe piko kite'iwaank.

1 Piitar 2:12

Aahpici tahsh kwayahk ishipimaatisik kaaishiayaawaatc iki kaatepwehtansikwaa, aanawiin e'ininekwaa e'maci‑ishiwepisiyek. Inashke hsa okanihsitawinaanaawaan ini kitishihcikewiniwaan kaaonishihshininikin, miitahsh keshimiikwehciwenimaawaatc Kishemanitoon ahpii kiishikaninik wiihpi anta tipaahkoniwenitc.

1 Piitar 4:8

Maawac itahsh iko o'o ishihcikek, aahpici hsa saakiwiiciintik, aaniihsh mii 'imaa saaki'iwewinink eshiankonaakwahkin kaapaahtinatihkin macitootamowinan.

2 Piitar 3:1

Kaasaaki'inakook, mii hsa 'i 'owe aasha niishink (2) e'oshipii'amawinakook. Mii hsa tahsh kaakii'onci oshipii'amawinakook niishwaa cimaamihkawaaminakook ciamacihtooyaan kinaanaakatawentamowiniwaan kwayahk ci‑inentamek.

1 Cwaan 3:18

Kaaoniicaanihsiminakook, taka kaawiin wiin ehta kitihkitowininaanink kikaoncisaaki'iwehsiimin, kaawiin kaye kikamihcitashintansiimin; kikatootaamin hsa cinaakwahk tepwe saaki'iwewin.

1 Cwaan 3:3

Kahkina tahsh awiya o'o kaashiahpenimonotawaatc, ishipehki'itiso taapishkoo kaashipehkentaakosinitc Christan.

1 Cwaan 4:1

Kaasaaki'inakook, keko tepwehtawaahkekwaanik kahkina kaaihkitowaatc ehkikishkaakowaatc Kishemanitoon otAhcaahkoni. Antakihkenimihkok taka Kishemanitoonk cionciinikwen ini ahcaahkwan kaakikishkawaawaatc. Aaniihsh paahtiinowak kaainwaanitisowaatc ehkiikitoohtamawaawaatc Kishemanitoon, misiwe e'ishaawaatc o'omaa ahkiink.

Oroot 3:11

Oroot keko tahsh sekisihken, ninka ishihcike hsa aaniin kaashi kakwecimiyan. Kahkina kaye pemaatisiwaatc o'omaa ootenaank kikihkenimikook wiinke eh⁠sasekaa ihkwewiyan.