ᐱᓬᐃᐱᔭᓇᒃ 4:7 - Ojibwe Kihcimasina'ikan

⁷ Kikaotihsikom opisaanentamo'iwewin Kishemanitoo, wawiinke kaapahkinaakemakaninik eshiayaak kikihkentamowininaan. Kikashikanawentamaakom kite'iwaank kaye kinaakatawencikaniwaank, ekaa kekoon i'imaa ci‑ishihsehsiwek e'wiiciiwek Christ Ciisahs.

ᐅᒋᐺ ᑭᒋᒪᓯᓇᐃᑲᓐ

⁷ ᑭᑲᐅᑎᓯᑯᒻ ᐅᐱᓵᓀᑕᒧᐃᐌᐎᓐ ᑭᔐᒪᓂᑑ, ᐗᐐᑫ ᑳᐸᑭᓈᑫᒪᑲᓂᓂᒃ ᐁᔑᐊᔮᒃ ᑭᑭᑫᑕᒧᐎᓂᓈᓐ᙮ ᑭᑲᔑᑲᓇᐌᑕᒫᑯᒻ ᑭᑌᐃᐙᕽ ᑲᔦ ᑭᓈᑲᑕᐌᒋᑲᓂᐙᕽ, ᐁᑳ ᑫᑰᓐ ᐃᐃᒫ ᒋᐃᔑᓭᓯᐌᒃ ᐁᐐᒌᐌᒃ X ᒋᓴᔅ᙮

ᐱᓬᐃᐱᔭᓇᒃ 4:7 Iomraidhean Croise

Niiyamaaya 8:10

Miitahsh Niiyamaaya kaa'inaatc pemaatisinitc, “Maacaak ani kiiwek, awi wiihkwantik. Awi miicik kaa⁠onishihshik miicim, awi minihkwek kaye kaa⁠shiiwaakamink. Takwa'oonihkook hsa iki mahshi kaa⁠kiishiihsikwaa. Noonkom aaniihsh kaa⁠kiishikahk mii 'i eshi kiishikahk ekihtentaakohcikaatek kaaTipenciketc onci. Keko tahsh maanentankek; i'iwe hsa ciihkentamowin kaa⁠miininek kaaTipenciketc, mii hsa iwe ke⁠mashkawisiishkaakowek.”

Nikamonan 85:8

Ninka noontawaa hsa niin Kishemanitoo kaaTipenciketc ke⁠ihkitotc; weweni hsa okanoonaa' opimaatisiima' e⁠ahshotamawaatc pisaanisiwin, tepinawewisitc. Keko tahsh ta⁠ishihcikehsiiwa' ci⁠kiiwenotaminitc okakiipaatisiwinini.

ᑲᑮᑖᐎᑮᔗᐎᓇᓐ 2:11

Nihsitawentamowin hsa kika naatamaakon, nihsitohtamowin kaye kika kanawenimikon.

ᑲᑮᑖᐎᑮᔗᐎᓇᓐ 4:6

Keko tahsh nakatanken kakiihtaawentamowin, kika naatamaakon ohsha. Saakihtoon, weweni tahsh kika naanaakaci'ikon.

ᑲᑮᑖᐎᑮᔗᐎᓇᓐ 6:22

Okihkino'amaakewiniwaan kika wiici'ikonan kii pimi'ayaayan, kika kanawenimikon kii⁠tipihkaak, kika kihkinowinikon kaye kii⁠kiishikaak.

Aaiseya 45:7

Niin ohsha ninkii oshihtoon kaa⁠waahseyaak, kaa⁠kashkiitipihkahk kaye. Niin kaye ninkashkihtoon ci⁠shawenimiweyaan, ci⁠nihshiwanaacihcikeyaan kaye. Niin kaaTipencikeyaan ninkashkihtoon ono kahkina ci‑ishihcikeyaan.

ᐊᑭᑖᓱᓇᓐ 6:26

Taka kaye kaaTipenciketc kika minwaapamikowaa, kika miinikowaa kaye pisaanisiwin.’ ”

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 1:79

Tasaakaahtenamawaawak hsa iki kaaishi pimaatisiwaatc kaashi kashkiitipihkaninik, kaa ayaawaatc kaye kaaishi aakawaahtehsininik nipowin, kaye tahsh cikihkinowinikoyank miihkana kaainamok peyahtakenimowinink.”

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 2:14

“Tawiihkihci'-inentaakosi Kishemanitoo kihcikiishikonk maawac ishpimink, tamiinikoowisiwak kaye pisaanisiwin iki ahkiink eyaawaatc, awenenan ihsa piko Kishemanitoo keminwaapamaatc,” kii'ihkitowan.

Cwaan 14:27

“Pisaanentamowin kinakatamawininim. Niin i'i nimpisaanentamowin kaamiininakook. Kaawiin wiin i'i kaashimiininakook kaashipisaani'itiwaatc o'omaa ahkiink. Keko tahsh mikoshkaatentankek, keko kaye sekisihkek.

Cwaan 16:33

Mii 'owe kikii'ishiwiintamawininim, niin i'imaa ciontinamek pisaanentamowin e'wiiciiwinakook. O'omaa ahkiink kaa‑ayaayek kitoontinaam ocaanimentamowin. Haw ampe mashkawentamohk! Aasha niin ninkiihshaakoocihtoon kahkina 'iwe ahkiink kaa‑ayaak kashki'ewisiwin,” okii'inaa'.

ᐅᕒᐆᒪᓇᒃ 1:7

Mii hsa 'owe kitooshipii'amawininim kiinawaa kahkina i'imaa Oroomink (Rome) kaa‑ayaayek, Kishemanitoo kaasaaki'inek, kaakii'antominek opimaatisiima' ci‑inakimikoowisiyek. Maano oKishewaatisiwinink kaye opisaanentamo'iwewin kikamiinikowaa Kishemanitoo kiTetenaan, a'a kaye kaaTipeniminank Ciisahs Christ.

ᐅᕒᐆᒪᓇᒃ 14:17

I'iwe hsa kiitashintenik aaniin Kishemanitoo eshiokimaahkantawinank, kaawiin wiin aaniin keinancikeyank, aaniin kaye keshiminihkweyank kaatashintek, i'iwe ohsha kaaicikaatek, kii‑ishihcikenaaniwank Kishemanitoo kaaminwaapantank, pisaan kaye ciwiiciiwank Kishemanitoo, minwentamowinini kaye kaamiiniminank Kishemanitoo otAhcaahkwan.

ᐅᕒᐆᒪᓇᒃ 15:13

Taka Kishemanitoo kaamiikiwetc ahpenimowin, kikamooshkinemiinikowaa ciihkentamowin, pisaanisiwin kaye kaashitepwehtawek. Kishemanitoo hsa otAhcaahkwan omashkawisiiwininiink kikaonciwiiciiwikowaa, kitahpenimowiniwaa mooshak ciniwenootahk.

ᐅᕒᐆᒪᓇᒃ 5:1

O'owe tahsh aasha kaa'ishihcike'inank Kishemanitoo ekiihtepwehtawank ekii'ishi'inank kwayahk ciminowiiciiwank, noonkom pisaanentamowinink kitishiwiiciiwaanaan Kishemanitoo, a'awe tahsh kaaTipeniminank Ciisahs Christ kaakii'ishihcike'inank.

ᐅᕒᐆᒪᓇᒃ 8:6

Awiya ishionaakatawencikanitc i'i kehteinaatisiwin kaaishiayaamakahk, miihsh i'iwe piciinak cinipowiniwank. Awiya tahsh kaaishionaakatawencikanitc Kishemanitoon otAhcaahkoni kaaishiantawentaminitc, mii 'imaa taonciimakan pimaatisiwin, pisaantentamowin kaye.

2 ᑲᕒᐃᑎᔭᓇᒃ 10:5

Ninkanihshiwanaacihtoomin kaye ini macikiihkaantiwinan. Ini hsa kaye ninkapiikonaamin kaakihci‑inenintisoomakahkin kekoonan kaamiitaakweshkaakemakahkin cikihkenimaahsiwintc Kishemanitoo, kahkina kaye inentamowinan ninkihciwinaamin Christ cina'ihtaakotc.

2 ᑲᕒᐃᑎᔭᓇᒃ 13:11

Pooshoo tahsh kitinininim niicitepwehtamook! Wiinke hsa kwayahk kakwekwayahkwaatisik! Pisintamok kaaihkitoyaan. Weweni kaye pisintaatik aaniin ehkitoyek. Weweni kaye wiiciintik. Kishemanitoo hsa kaasaaki'iwetc, kaamiikiwetc kaye pisaanisiwin kikawiiciiwikowaa!

ᑲᓬᐁᔑᔭᓇᒃ 5:22

Ini tahsh Kishemanitoo otAhcaahkwan, miiwan ono nehtaawikihtoonitc: saaki'iwewin, minwentamowin, pisaanisiwin, shiipentamowin, kishewaatisiwin, minotootaatiwin, tepweyentaakosiwin,

ᐃᐲᔑᔭᓇᒃ 3:19

Kekeht kaye cikihkentamowek Christ osaaki'iwewin, wiihkaa ketepikihkencikaatehsininik, cimooshkineshkaakowek kaye kahkina Kishemanitoo otinaatisiwin eshimooshkinewentaakwaninik.

ᐱᓬᐃᐱᔭᓇᒃ 1:1

Niinawint Pwaal (Paul) kaye Timahti (Timothy) otanohkii'aakana' Christ Ciisahs. Kiinawaa kitooshipii'amaakoom i'imaa Pilipaai (Philippi) ootenaank kaa‑ayaayek, kiinawaa Kishemanitoo opimaatisiima' kaawiiciiwek Christ Ciisahs, tako kaye ikiweniwak oniikaanisiik kaye owiici'iwek nintooshipii'amawaanaanik.

ᐱᓬᐃᐱᔭᓇᒃ 1:2

Shawentaakosiwin kaye pisaanentamowin kikaonciihtamaakowaa Kishemanitoo 'awe Koohsinaan kaye kaaTipenciketc Ciisahs Christ.

ᐱᓬᐃᐱᔭᓇᒃ 4:19

Shikwa kahkina kiinawaa keshinoontehseyek kikaonciihtamaakowaa ninKishemanitoom, i'imaa cionciimakaninik e'onishihshininik owenootisiwin, i'imaa kaa‑ayaamakaninik Christ Ciisahs e'ayaatc.

ᐱᓬᐃᐱᔭᓇᒃ 4:21

Kahkina tapooshoo'aawak Kishemanitoo opimaatisiima' ikiweniwak Christ Ciisahsoon kaatipenimikowaatc. Kaye owiicitepwehtamoomaak o'omaa kaawiiciayaamiwaatc kewiinawaa kipooshoo'ikowaak.

ᐱᓬᐃᐱᔭᓇᒃ 4:9

Kakwenihtaatootamohk wekonen iko kaakiihkihkino'amaakooyek kaye kaakii'miinikooyek, kemaa kaakiihpisintawiyek kemaa kaye kaakii'ishiwaapamiyek niin ehtootamaan. Kikaishiwiiciiwikowaa 'awe Kishemanitoo 'awe kaapisaanentamo'inank.

ᑲᓬᐋᔑᔭᓇᒃ 3:15

Taka pisaaniwiiciintiwin Christ kaamiininek kikakihkinowinikowaam i'imaa kite'iwaank; miitahsh o'omaa keoncionentamek aaniin waaishihcikeyek. Aaniihsh kahkina kikii'antomikowaa Kishemanitoo cipeshikwentaakosiyek i'imaa wiiyawimaank cipisaaniwiiciintiyek. Mooshak itahsh iko miikwehciwentamok!

2 ᑌᓴᓬᐆᓂᔭᓇᒃ 3:16

A'a kaaTipenciketc kaanihtaa miikiwetc koshkwaawaatentamowin, wiin iko tipinawe kikamiinikowaa mooshak, aaniiniko eshiwepisink. KaaTipenciketc kahkina kikawiiciiwikowaa.

ᐄᐸᕒᐆᐗᒃ 13:20

Kishemanitoo ohsha okiihkiiwepimaatisii'aan kaaTipencikenitc Ciisahsoon kaakii'nihsimintc. Miiwan ini kaakihci‑inentaakosinitc ehkanawenimaanitc i'i omaanahcaanihshimini, aaniihsh Ciisahsoon okiihpakitinamini omiskwiimini, kaaonciaayiicihsininik i'i Kishemanitoo kaakii'ishi nehpici ahshotamaaketc. Taka Kishemanitoo kaamiininank pisaan cipimaatisiwank,

Coot 1:1

Niin Coot (Jude) Ciisahs Christ otanohkii'aakanan. Ciimis (James) ishinihkaaso niicihkiwensi. Kitooshipii'amawininim kahkina kiinawaa kaa⁠/antominek, kaasaaki'inek kaye Kishemanitoo Kaaoyoohsimintc, Ciisahs Christ itahsh kaakanaweniminek.

ᑭᑫᑕᒨᔑᐌᐎᓐ 1:4

Niin Cwaan nintooshipii'amawaak iki otepwehtamook imaa kaatashimaamaawaci'itiwaatc e'niishwaahcinkin (7) ootenawan Eshaawahkiink (Asia). Shawenimikoowin kaye pisaanentamowin kikaonciihtamaakowaa a'a Kishemanitoo omaa noonkom kaa‑ayaatc kaye mewisha kaapionciayaatc kaye kaawiihpiayaatc, kaye ikiweniwak niishwaahso Ahcaahkwak kaainaahsamikaapawiwaatc Kishemanitoo okihtapiwinink,

ᑭᑫᑕᒨᔑᐌᐎᓐ 2:17

Kaaonoontamaawinitc maano okapisintawaan ini Kishemanitoo otAhcaahkwan kaainaanitc otepwehtamoo' pepahkaan kaaishimaamaawaci'itinitc. A'awehsh keshaakoocihtwaatc imaa ninkaoncimiinaa mahshi kaanaakosihsinik pahkweshikanan Mena (Manna) kaainimintc. Kaye ninkamiinaa waapishkiahsiniin, otooshkiwiinsowin kaaishioshipii'ikaatenik, ekaa awiya ehkihkentansik, piko ehta kemiinintc okakihkentaan.”