ᐱᓬᐃᐱᔭᓇᒃ 4:6 - Ojibwe Kihcimasina'ikan

⁶ Keko kekoon kitaawanaayentami'ikohsiim. Anami'aak itahsh, kakwecimihk Kishemanitoo wekonen iko kaaishinoontehseyek pehkihsh kaye cimiikwehciwentamek.

ᐅᒋᐺ ᑭᒋᒪᓯᓇᐃᑲᓐ

⁶ ᑫᑯ ᑫᑰᓐ ᑭᑖᐗᓈᔦᑕᒥᐃᑯᓰᒻ᙮ ᐊᓇᒥᐋᒃ ᐃᑕᔥ, ᑲᑴᒋᒥᒃ ᑭᔐᒪᓂᑑ ᐌᑯᓀᓐ ᐃᑯ ᑳᐃᔑᓅᑌᓭᔦᒃ ᐯᑭᔥ ᑲᔦ ᒋᒦᑴᒋᐌᑕᒣᒃ᙮

ᐱᓬᐃᐱᔭᓇᒃ 4:6 Iomraidhean Croise

1 ᑭᒋᐅᑭᒫᒃ 8:28

Tepencikeyan ninKishemanitoom, niin iitok kitanohkii'aakan. Pisintawihshin aaniin eshi kakweciminaan, ishihcikehtamawihshin kaye aaniin kaashi kakweciminaan noonkom kaa⁠kiishikahk.

Nikamonan 51:15

Tepencikeyan, wiici'ihshin ci⁠kiikitoyaan, nintoonink itahsh ninka onci ihkit e⁠miikwehciweniminaan.

Nikamonan 62:8

Niicipimaatisiik, mooshak hsa ko tepweyenimihk Kishemanitoo; wiintamawihk kahkina eshi maanshihseyek kite'iwaank, wiin iitok kaa⁠naacipa'iwaanank.

ᑲᑮᑖᐎᑮᔗᐎᓇᓐ 15:8

KaaTipenciketc hsa ominwaapantaan kii⁠anami'ehtaakotc kaa⁠kwayahkwaatisinitc, wiinke tahsh oshiinkentaanan pakitinaahsowinan kaa⁠piitamaakotc i'i kaa⁠maci'ishiwepisinitc.

ᔂᓬᐊᒪᓐ ᐅᓂᑲᒧᓇᓐ 2:14

Mii hsa 'i enentaakosiyan taapishkoo omiimii kaa⁠kaasotc kaashi taashkaapihkaanik. Taka waapanta'ihshin kaa⁠minonaakwahk kiwiinkwaan. Etatawe ohsha kiminohtaakos kii⁠kiikitoyan. Wiinke hsa ko kite minonaakos.

Taaniyoo 3:16

Miitahsh o'o Shetaraahk, Miihshaahk Apetihnikoo kaye kaa⁠ishi nahkwehtawaawaatc kihciokimaan, “Kaawiin hsa memwehc niwiih kakwe naatamaatisohsiimin o'o kaa'ishiyaank.

Taaniyoo 6:10

Ahpii tahsh Taaniyoo kaa⁠kihkentank ekii oshihcikaatenik i'i inaahkonikewin, mii hsa piko 'i kaa⁠ishi kiiwetc ishpimink ekii ishaatc kaakii ishi nipaatc. Owaahsehcikanan tahsh kii‑ishi nihtaa paahkaahkohsininiwan Ceroosalamink (Jerusalem) inahke. Entahso kiishik tahsh nihsink kii⁠ociciinkwanapiihtaa ekii anami'ehtawaatc kaakii nihtaa ishihcikehpan ekii miikwehciwenimaatc kaye Kishemanitoon.

Maahtiyo 10:19

Keko wiin wawaanentankek aaniin ke⁠ihkitoyek, aaniin kaye mayaa ke⁠ihkitoyek. Kika miinikoom ohsha aaniin ke⁠ihkitoyek ahpii ocihcihsek.

Maahtiyo 13:22

Ini tahsh kaakiih pankihsinkin kihtikaanenhsan kaashi okaawiminakashiihkaak, mii'i eshinaakositc a'a kaa⁠noontank Kishemanitoo otipaacimowin, onsaam itahsh e'⁠ocaanimentank, onsaam kaye eh⁠saakihtootc wenootisiwin. Miitahsh kaaonci saakiciwepishkikaatek i'i tipaacimowin, kaawiin kaye kekoon oka naakohtoohsiin.

Maahtiyo 6:34

Keko mikoshkaatentankek aaniin waa'-ishiwepahk waapank. Waapank kika waapantaam kotak kekoonan ci⁠naakatawentamek. Keko tahsh wiin anihshaa awahshime ani oshihtamaasohkek keonci mikoshkaatentamek. Aasha kiih⁠tepihse noonkom kaakiishikahk keonci mikoshkaatentamek.”

Maahtiyo 6:8

Keko naanaapinawaahkekwaanik, aaniihsh kiTetewaa okihkentaan wekonen eshi noontehseyek cipwaa kakwecimek.

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 10:41

Miihsh kaaTipenciketc kaa'ishi nahkwehtawaatc: “Maarhta, Maarhta, etatawe niipiwa' kekoon kimikoshkaaci'ikon, ewanashkwe'ikoyan kaye.

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 12:22

Miitahsh o'o Ciisahs kaa'inaatc okihkino'amawaakana': “Keko onci mikoshkaatentankek kipimaatisiwiniwaan, wekonen kemiiciyek, wekonen kaye keminihkweyek. Keko kaye onci ocaanimentankek kiwiiyawiwaan, wekonen kaye kekikishkamek.

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 12:29

Keko tahsh onci mikoshkaatentankek wekonen kemiiciyek, keminihkweyek kaye? Keko ocaanimentankek.

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 18:1

Ciisahs okii'-wiintamawaa' okihkino'amawaakana' awehcikan keonci kihkino'amawaatc mooshak cianami'ehtawaanihpan Kishemanitoon, wiihkaa ciaanawencikehsinik.

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 18:7

Miitahsh i'i nahke Kishemanitoo kwayahk keshi onaahkonaatc i'i kaakii'-onaapamaatc kaashaakowaanikotc ciwiici'aatc entahso kiishik, entahso tipihk kaye. Tapwaahtawii na ciwiici'aatc?

1 ᑲᕒᐃᑎᔭᓇᒃ 7:21

Kiin ina kikii'anohkii'aakaniw ahpii kii'antomikooyan? Keko wiin i'i papaapisiskentanken. Kiishpin itahsh ishihsek cipakitinikooyan, mii 'i otaahpinan.

1 ᑲᕒᐃᑎᔭᓇᒃ 7:32

Kinantawenimininim ekaa mikoshkaatentamowin ciayaahsiwek. Mahshi awiya e'wiitikehsik otayaankwaamentaan kaainentaminitc ini kaaTipencikenitc, aaniin keishina'entami'aatc.

2 ᑲᕒᐃᑎᔭᓇᒃ 1:11

Kekiinawaa hsa kiwiici'ihshinaam kiianami'ehtamawiyaank. Mii hsa kaye eshinaakwahk kaapaahtiinatinkin kaakii'ishi⁠anami'ehtamawiyaank hsa tanahkwehcikaatewan, Kishemanitoo tahsh ninkashawenimikonaan. Aahpici hsa tapaahtiinowak kenanaahkomiwewaatc niinawint onci.

ᐃᐲᔑᔭᓇᒃ 5:20

Mooshak kaye miikwehciwenimihk Kishemanitoo Kaaoyoohsimaawitc, wekonen iko wetihsikoyek ishimiikwehciwenimihk otishinihkaasowininiink kaaTipencikenitc Christ Ciisahsoon.

ᐃᐲᔑᔭᓇᒃ 6:18

Kishemanitoo tahsh otAhcaahkwan kaaishiwiici'iminek mooshak anami'aak ehkakwetweyek kekoon piko. O'o tahsh e'ishihcikeyek, mooshak ahshawaapik, keko kaye pakiciihkek e'anami'aayek, e'anami'ehtamawimek kahkina Kishemanitoo opimaatisiima'.

ᑲᓬᐋᔑᔭᓇᒃ 3:15

Taka pisaaniwiiciintiwin Christ kaamiininek kikakihkinowinikowaam i'imaa kite'iwaank; miitahsh o'omaa keoncionentamek aaniin waaishihcikeyek. Aaniihsh kahkina kikii'antomikowaa Kishemanitoo cipeshikwentaakosiyek i'imaa wiiyawimaank cipisaaniwiiciintiyek. Mooshak itahsh iko miikwehciwentamok!

ᑲᓬᐋᔑᔭᓇᒃ 3:17

Kahkina kekoon kaaishihcikeyek, kekoon kaye kaaihkitoyek, kahkina kekoon onci‑ishihcikek kaaTipenciketc Ciisahs owiinsowinink, wiin onci Christ e'miikwehciwenimek Kishemanitoo Kaaoyoohsimintc.

ᑲᓬᐋᔑᔭᓇᒃ 4:2

Keko pakiciihkek cianami'ehtawek Kishemanitoo, na'aasik kaye mekwaa e'anami'aayek, e'miikwehciwenimek kaye Kishemanitoo.

1 Timahti 2:1

Niikaan itahsh ninkakaansontaan cianami'ehtamawintwaa kahkina awiya ehpakohsenimonk, e'nanaahkomonk, e'nantotamaakenk kaye.

1 Timahti 5:5

A'a tahsh tepwe kaakiiwaatisiihkwewitc, awiyan ehpami'ikohsik, Kishemanitoon ehta otahpenimonotawaan, e'ahpisomaatc ciwiici'ikotc, ehtipihkaninik kayehsh e'anikiishikaninik e'anami'aatc.

1 Piitar 4:7

I'i hsa kahkina kekoon kaawii'ishkwaahsek aasha pehshonaakwan, kashkihtook itahsh kwayahk ci‑ishitipenintisoyek, waapaahkamentamok kaye cikashkihtooyek cianami'aayek.

1 Piitar 5:7

Pakiciwanehtamawihk wiinihtam cipimiwanehtamawinek kahkina kaamikoshkaatentamo'ikoyek, aaniihsh wiin kinaanaakaci'ikowaa.

1 Saamiyoo 1:15

Miitahsh o'o Hena kaa⁠ishi nahkwehtawaatc, “Nintookimaam, kaawiin ninkiiwashkwepiihsii. Niin ohsha ihkwe kaa⁠wiiyakishkentamaan nintahcaahkonk. Kaawiin nintoonci minihkwehsii shoominaapo, kaa⁠mashkawaakamik kaye minihkwewin. KaaTipenciketc ohsha niwiintamawaa eshi wiiyakishkentamowak!

1 Saamiyoo 7:12

Miitahsh Saamiyoo kaakii otaahpinaatc ahsiniin ekii onahsaatc i'imaa nahsawaya'ii Mispa ootenaank, i'imaa tahsh Shen (Shen) ecikaatenik. Miitahsh kaa⁠ishinihkaanaatc ini ahsiniin Epaniisar (Ebenezer), e⁠ihkitoomakaninik, “Mii hsa omaa kaaTipenciketc pemi ahko wiici'inank.”