ᐱᓬᐃᐱᔭᓇᒃ 4:22 - Ojibwe Kihcimasina'ikan

²² Kaye kahkina Kishemanitoo opimaatisiima' o'omaa kaa‑ayaawaatc kipooshoo'ikowaak, memintake ikiweniwak i'imaa kaatipentaakosiwaatc maawac kihciokimaa owaahkaa'ikanink.

ᐅᒋᐺ ᑭᒋᒪᓯᓇᐃᑲᓐ

²² ᑲᔦ ᑲᑭᓇ ᑭᔐᒪᓂᑑ ᐅᐱᒫᑎᓰᒪᐞ ᐅᐅᒫ ᑳᐊᔮᐙᒡ ᑭᐴᔔᐃᑯᐙᒃ, ᒣᒥᑕᑫ ᐃᑭᐌᓂᐗᒃ ᐃᐃᒫ ᑳᑎᐯᑖᑯᓯᐙᒡ ᒫᐗᒡ ᑭᒋᐅᑭᒫ ᐅᐙᑳᐃᑲᓂᕽ᙮

ᐱᓬᐃᐱᔭᓇᒃ 4:22 Iomraidhean Croise

Maahtiyo 5:47

Kiishpin ina ehta pooshoo'atwaa oko kitanami'ewinink kaa⁠onciiwaatc, wekonen entootamek ahpiihc kotak awiyak? Ampooshke iki kaa⁠kihkenimaahsikwaa Kishemanitoon mii'i eshihcikewaatc.

ᐃᔑᒋᑫᐎᓇᓐ 20:38

Miitahsh kaakii'onci maanentaminitc ekii'inaatc wiihkaa miinawaa ciwaapamikohsik. Okii'ishi wiiciiwiko' itahsh kihci ciimaanik.

ᐃᔑᒋᑫᐎᓇᓐ 9:13

Aananaayahs tahsh kii'ishi nahkwehtam: “Tepencikeyan, niipiwa' ohsha ninaanoontam enaacimintc a'a inini, aaniin eshi maanshi tootawaatc kaatipenimimatc otepwehtamoo' eyaanitc Ceroosalamink.

ᐅᕒᐆᒪᓇᒃ 16:16

Otepwehtamook anami'eociimihkwak kiipooshoo'ekwaa, mii'i nahke ishipooshoo'itik. Kahkina tahsh Christ kaatipenimaatc pepahkaan kaaishimaamaawaci'itinitc otepwehtamoo' kipooshoo'ikowaak kahkina kaatahshiyek.

2 ᑲᕒᐃᑎᔭᓇᒃ 13:13

KaaTipenciketc Ciisahs Christ okishewaatisiwin, Kishemanitoo kaye osaaki'iwewin, Kishemanitoo otAhcaahkwan kaye ominowiiciiwiwewinini kikawiiciiwikom kahkina kaatahshiyek.

ᐱᓬᐃᐱᔭᓇᒃ 1:13

I'iwe onci kahkina shimaakanihshak kaakanawentamowaatc okimaawikamik ninkihkenimikook Christan e'otanohkii'aakaniminitc e'oncikipa'okooyaan, kaye kahkina pehkaanisiwaatc ninkihkenimikook.

ᐄᐸᕒᐆᐗᒃ 13:24

Nimpooshoo'aak itahsh kahkina kaaniikaaniihtamawinekwaa, kahkina kaye Kishemanitoo kaatipenimaatc opimaatisiima'. Kiitanami'aanaanik kaye o'omaa Itali (Italy) ahkiink kipooshoo'ikowaa.

1 Piitar 5:13

Iki tahsh kaye otepwehtamook kaa‑ayaawaatc Paapilanonk (Babylon) kaakii'wiicionentaakosiiminekwaa, kipooshoo'ikowaak. Kipooshoo'ikowaa kaye ninkosihsink kaainenimak Maarhk (Mark).

3 Cwaan 1:14

Nimpakohsenim tahsh wiipa ciwaapaminaan, mii hsa 'i ahpii kekakanoonitiyank.