ᐱᓬᐃᐱᔭᓇᒃ 4:18 - Ojibwe Kihcimasina'ikan

¹⁸ Ninkiihtipimiinikoo, kii'awahshimehse kaamiishiyek. Ninkiihpiwenoocimiinik 'awe Ipaahparataitahs (Epaphroditus), kahkina ekii'miishitc kaakiihpi‑ishinisha'amawiyek. Inentaakwanoon taapishkoo pakitinikewin e'minomaakwahk, keshiotaahpinank Kishemanitoo kaye keshiminonank.

ᐅᒋᐺ ᑭᒋᒪᓯᓇᐃᑲᓐ

¹⁸ ᓂᑮᑎᐱᒦᓂᑰ, ᑮᐊᐗᔑᒣᓭ ᑳᒦᔑᔦᒃ᙮ ᓂᑮᐱᐌᓅᒋᒦᓂᒃ ᐊᐌ ᐃᐹᐸᕒᐊᑕᐃᑕᔅ Epaphroditus, ᑲᑭᓇ ᐁᑮᒦᔑᒡ ᑳᑮᐱ ᐃᔑᓂᔕᐊᒪᐎᔦᒃ᙮ ᐃᓀᑖᑾᓅᓐ ᑖᐱᔥᑰ ᐸᑭᑎᓂᑫᐎᓐ ᐁᒥᓄᒫᑾᒃ, ᑫᔑᐅᑖᐱᓇᕽ ᑭᔐᒪᓂᑑ ᑲᔦ ᑫᔑᒥᓄᓇᕽ᙮

ᐱᓬᐃᐱᔭᓇᒃ 4:18 Iomraidhean Croise

Ekihsatahs 29:18

Miitahsh keshi misiwe caakisontc i'imaa kaashi pakitinaahsonk ci‑inwaatek miicimi pakitinikewin. I'i hsa kaa⁠ishi maahsotc wiinke niminomaantaan.

ᐃᔑᒋᑫᐎᓇᓐ 10:4

Wiinke tahsh kiisekisi ekiih kanawaapamaatc ekii'-ihkitotc: “Wekonen entawentaman nintookimaam?” kii'ishi sekihtaakosi. O'o tahsh okii'ikoon encalan: “Kishemanitoo ohsha kiminwaapamik i'i kaashi anami'aayaan, i'i kaye kaashi wiici'atwaa ketimaakisiwaatc, kaye tahsh emaamihkwenimihk.

ᐅᕒᐆᒪᓇᒃ 12:1

Miitahsh niiciotepwehtamook, Kishemanitoo e'wenootaninik okoohpaasinaakewin, kikakaansomininim cipakitinitisoyek enaahsamiitc Kishemanitoo. I'i hsa kaapimaatahk pakitinikewin ci‑ishinaakosiyek, wiin ehta ko eshionahtamaasoyek ciaapaci'inek anohkiihtawek, miitahsh i'iweni kaaminwaapantank Kishemanitoo. Mii hsa tahsh i'i tepwe kwayahk anami'aawin kemiinekipan Kishemanitoo.

2 ᑲᕒᐃᑎᔭᓇᒃ 11:8

Ahpii hsa weti kaakiihtananohkiiyaan kaashiayaayek, kotak hsa pepahkaan otepwehtamook kaaiishimaawaci'itiwaatc ninkiihtipa'amaakook. Miitahsh ekii'ishinaakosiyaan taapishkoo ekiihkimootimakwaa shooniyaan. Miitahsh i'i ewii'wiici'inakook kaakii'onci‑ishihsek.

2 ᑲᕒᐃᑎᔭᓇᒃ 9:12

I'i tahsh kaaishihcikeyek i'imaa kitanohkiiwiniwaank e'miikiweyek, mii hsa 'imaa wencikihcimamihcimintc Kishemanitoo.

ᐃᐲᔑᔭᓇᒃ 5:2

Saaki'itiwinink kaye ishipimohsek taapishkoo Christ kaakii'ishishaweniminek, ekiihpakitinank opimaatisiwin kiinawint onci, pisaan iko cinihsintc ekiihpakitinamawaatc Kishemanitoon, okii'minaahsamawaan, mii hsa i'iweni Kishemanitoo kaaminomaantank.

ᐱᓬᐃᐱᔭᓇᒃ 4:12

Ninkii'ani‑ishiwaapantaan inkotink cinoontehseyaan, kaye inkotink ciwenoocihseyaan. Kayehsh ninkii'mihkwentaan keishina'entamaan piko ahpii, aanti ko ayaayaan, maakishaa tewiihsiniyaan, maakishaa kaye noonteskateyaan; kemaa wenoocihseyaan kemaa kaye noontehseyaan, nina'entam.

2 ᑌᓴᓬᐆᓂᔭᓇᒃ 1:3

Kaawiiciotepwehtamoomikooyek, inahte mooshak cinanaahkomankitc Kishemanitoo e'mihkwenimikooyek. Kwayahk i'iwe citootamank aaniihsh awahshime kihcimaaciikin kitepweyentamowiniwaa kaye e'animihshaak kisaaki'itiwiniwaa kahkina eshisaaki'itiyek.

ᐄᐸᕒᐆᐗᒃ 13:16

Keko waniihkehkek ciminotootaakeyek ciwaawiitoohkaakeyek kaye, miitahsh ono tino ishihcikewinan Kishemanitoo pakitinaahsowinink kaaishinank kaaminwaapantank.

1 Piitar 2:5

Miitahsh kekiinawaa peshikwan ehtinowiyek ahsiniik kaapimaatisiwaatc, kitishi/⁠aapatisim i'i kaaoshihcikaatek ahcaakowaahkaa'ikan. Miitahsh i'imaa ketashi‑inwaasoyek anami'ewikimaak kaa/⁠aapaci'ikowaatc Kishemanitoon, cipakitinamawek kaa‑ahcaahkowentaakwaninikin pakitinaahsowinan, miiwan iitok kaaminwaapantank onci Ciisahs Christan.