ᐱᓬᐃᐱᔭᓇᒃ 4:17 - Ojibwe Kihcimasina'ikan

¹⁷ Kaawiin wiin i'i cimiinikooyaan nintinentansiin. Nawac itahsh kinantawenimininim minokekoon cinankakinsoyek.

ᐅᒋᐺ ᑭᒋᒪᓯᓇᐃᑲᓐ

¹⁷ ᑳᐐᓐ ᐐᓐ ᐃᐃ ᒋᒦᓂᑰᔮᓐ ᓂᑎᓀᑕᓰᓐ᙮ ᓇᐗᒡ ᐃᑕᔥ ᑭᓇᑕᐌᓂᒥᓂᓂᒻ ᒥᓄᑫᑰᓐ ᒋᓇᑲᑭᓱᔦᒃ᙮

ᐱᓬᐃᐱᔭᓇᒃ 4:17 Iomraidhean Croise

Maaihka 7:1

Etatawe hsa ninkakwaatakihse! Taapishkoo hsa inini kaa⁠maamooshakinank shiiwimiicim e⁠niipininik i'imaa eshi kihtikaasonitc shoomina'. Kaawiin hsa kanake ci⁠mihkawakwaa shoominak ke⁠amwakwaapan. Kaawiin kaye ci⁠mihkamaan ini ke⁠miiciyaampaan nihtam kaa‑atihtekin pik (figs) tinowiminan. Mii hsa 'i enentaakosiyaan taapishkoo inini kaa⁠mihkansik shiiwimiicim mihtikonk, kaa⁠mihkawaahsik kaye shoomina' ci⁠ayaanitc shoominaahtikonk. Aasha iitok kahkina shoomina', ini kaye menohpokwahkin pik tinowiminan kiih⁠caaki mooshakinikaatewan.

Maalahkaai 1:10

Ampehsh inaa intawaa peshik kaa⁠tahshiyek kipa'ank kihci anami'ewikamiko ishkwaantem, anihshaa ci⁠pootawehsiwek kekoon e⁠inentaakwahsinok i'imaa kaashi pakitinaahsonk. Kaawiin hsa kiminwaapamihsinooninim. Kaawiin kaye niwii otaahpinansiinan kaa⁠pakitinaahsoohtamawiyek.

Cwaan 15:16

Inashke hsa, kaawiin kiinawaa niikaan kikii'onaapamihsiim. Niin aaniihsh kikii'onaapamininim, kaye kikii'onahsininim cimaacaayek, niipiwa' ciantakashkihtooyek. 'Iwe tahsh aaniin iko kekoon keshikashkihtooyek, miitahsh ciayaamakahk pishihshik. Amiitahsh piko kekoon keoncikakwecimek Weyoohsimintc, niin ehpiminisha'oyek, kikamiinikowaa.

Cwaan 15:8

Miihsh 'owe keshikihkencikaatenik okihci‑inentaakosiwin a'a ninTete, niipiwa' kekoon kashkihtooyek. Amiitahsh 'imaa kikaishi okihkino'amawaakanimininim.

ᐅᕒᐆᒪᓇᒃ 15:28

Ahpii tahsh kiihkiishihtooyaan i'i nintanohkiiwin, kii'ishkwaamisiwemiinakwaa ini shooniyaan kaakii'maawacihcikaniwinitc, miitahsh i'i cinimaacaayaan Ispen ahkiink ci‑ishaayaan. Ninka‑anikipihcii tahsh ewii'mawatihsinakook.

2 ᑲᕒᐃᑎᔭᓇᒃ 11:16

Miinawaa tahsh nintihkit, keko awiya tainentansii ehkakiipaatisiyaan. Kiishpin tahsh i'i inenimihshiyek, mii hsa 'i pisaan iko ishiotaahpinihshik, keniin hsa pankii cimamiihkwaanitisoyaan.

2 ᑲᕒᐃᑎᔭᓇᒃ 9:5

Miitahsh kaa'onciniikaaninisha'wakwaa oko kiitanami'aanaanik ciotihsinekwaa cipwaa takohshinaan. Miitahsh cikiishioshiihtaanotamek i'i kaakii'ahshotamaakeyek ewii'miikiweyek. Ahpii weti pitakohshinaan aasha kikakiishihtaam. Miitahsh i'imaa keshinaakwahk ehsaakihtooyek e'miikiweyek, kaawiin wiin e'miikiweyek aaniihsh e'ishinaakwahk cimiikiweyek.

ᐱᓬᐃᐱᔭᓇᒃ 1:11

Kikaishimooshkineshkaakoom kekoonan kwayahkopimaatisiwin wiin Christ Ciisahs kaanihtaawikihtootc, mii 'iwe keoncikihtakimintc Kishemanitoo kaye keoncinanaahkomintc.

ᐱᓬᐃᐱᔭᓇᒃ 4:11

Kaawiin ihsa noontehsewin nintoonci‑ihkitohsii, aaniihsh ninkiihkihkino'amaakoowis citepihsewakentamaan aaniin iko eshiwepisiyaan.

1 ᑌᓴᓬᐆᓂᔭᓇᒃ 2:5

Shikwa kikihkeniminaam aaniin kaakii'ishihcikeyaank: kaawiin wiihkaa kikii'mihci⁠mamenwaasomikoohsiim cioncikashkimikooyek. Kaawiin pehkihsh kikiihpimihsawentamaakoohsiim kekoon ehpikanoonikooyek. Kishemanitoo niwaapamikonaan ehtepweyaank.

1 Timahti 3:3

Kaawiin itahsh tanihtaa kiiwashkwepiihsii, kaawiin kaye ta/⁠aahkwaatisihsii. Tanoohkaatisi tahsh, weweni kaye tatootaake. Kaawiin kaye okasaaki'aahsiin shooniyaan.

1 Timahti 6:10

Ina, e'onsaamenimintc shooniyaa mii 'iwe enentaakwahk e'ociipihkaawank kahkina wencisaakikinkin macikekoonan. Aaninta tahsh awiyak e'ahpiihci mihsawenimaawaatc shooniyaan okii'wawaanaayentami'ikowaan, ekii'onci⁠aanawentamowaatc otepweyentamowiniwaa, mii piinihsh ehpiikwentami'itisowaatc niipiwa' kekoon e'mincinawesiwaatc.

Taitahs 1:7

A'a hsa kaa⁠niikaani⁠kanawaapantank anami'aawin, ishinaakwanini wiinke piko kekoonini ci‑ishianaamentaakosihsik. Aaniihsh Kishemanitoon okanawencikehtamawaan. Kaawiin kaye wiin ehta ko taishpenintisohsii, kaawiin kaye ciwahkewikitaasotc, kaawiin kaye cinihtaaminihkwetc. Kaawiin kaye ciaahkwaatisitc, kaawiin kaye cisaaki'aatc shooniyaan.

Taitahs 3:14

Mii hsa eshinaakwaninik kiwiicitepwehtamoominaanik cikihkentamowaahpan mooshak iko cikakweminotootamowaatc, cikashkihtamaasowaatc kekoonini cinoontehsehsikwaa. Kaawiin wiin anihshaa piko cimihcipimaatisiwaahpan.

ᐄᐸᕒᐆᐗᒃ 6:10

Weweni aaniihsh Kishemanitoo awiyan otootawaan. Kaawiin okapanaapantansiin aaniin kaakii'inanohkiiyek. Kaawiin kaye tawaniihkehsii e'naakohtawek ehsaaki'ek ehpiwiitoohkawimek keyaapi kaye ehpami'imek Kishemanitoo opimaatisiima'.

1 Piitar 5:2

Miitahsh enakwaa: Naakaci'ihkwak Kishemanitoo omaanahcaanihshima' kaamiininek cinaakaci'imek, keko wiin anihsaac ishihcikehkek, kiinawaa hsa piko kitinentamowiniwaank cionci ishihcikeyek citootamowek Kishemanitoo otinentamowin. Keko wiin ehta cimihciontisiyek onci‑ishihcikehkek, ciihkentamok hsa 'i e'anohkiihtawek e'naanaakaci'iweyek.

2 Piitar 2:15

Ekii'nakatamowaatc tahsh i'i kwayahk ishaawin, miitahsh kaa'ishiwanimaacaawaatc ekii'naapa'amaanaawaatc kaakii'ishipimohsenitc Pelamoon (Balaam), kaakiihkanoocikehtamawaatc Kishemanitoon. Aahpici iitok hsa okiihsaakihtooni noociko e'ishihcikenitc ekii'oncikashkihcikenitc. Pii'or (Beor) kaakii'ishinihkaasonikopanen oteteni.

2 Piitar 2:3

Oko tahsh kaawanikihkino'ikewaatc kaanihtaa‑⁠aaskonisiwaatc, mii ehta ko e'inwaaninekwaa ewii'oncikashkihcikewaatc. Aaniihsh oka‑aapacihtoonaawaan ini wiinawaa piko okakayenisiwiniwaan. Aasha ohsha mewisha oko tino kiihkiishaahkonaawak ketootawintwaa; ini kaye kaawii'nihshiwanaaci'ikowaatc kaawiin nipaahsiiwan.

Coot 1:11

Wiinke hsa takihcikoohpaasinaakosiwak! Mii hsa mayaa eshihcikewaatc enaapihcikewaatc kaakii'ishihcikenikopanen Kenan (Cain) mewisha. Mii kaye peshikwan eshihcikewaatc kaakii'ishihcikenikopanen Pelamoon (Balaam) kaakii'ishimamaashiinitc shooniyaan onci. Miish kaye peshikwan eshishashiipihtamowaatc taapishkoo kaakii'ishishashiipihtamonikopanen Kwaara (Korah) kaakii'ishinihkaasonitc. Miitahsh peshikwan inahke keshinihshiwanaatisiwaatc kekii'ishihsenitc.