ᐱᓬᐃᐱᔭᓇᒃ 4:12 - Ojibwe Kihcimasina'ikan

¹² Ninkii'ani‑ishiwaapantaan inkotink cinoontehseyaan, kaye inkotink ciwenoocihseyaan. Kayehsh ninkii'mihkwentaan keishina'entamaan piko ahpii, aanti ko ayaayaan, maakishaa tewiihsiniyaan, maakishaa kaye noonteskateyaan; kemaa wenoocihseyaan kemaa kaye noontehseyaan, nina'entam.

ᐅᒋᐺ ᑭᒋᒪᓯᓇᐃᑲᓐ

¹² ᓂᑮᐊᓂ ᐃᔑᐙᐸᑖᓐ ᐃᑯᑎᕽ ᒋᓅᑌᓭᔮᓐ, ᑲᔦ ᐃᑯᑎᕽ ᒋᐌᓅᒋᓭᔮᓐ᙮ ᑲᔦᔥ ᓂᑮᒥᑴᑖᓐ ᑫᐃᔑᓇᐁᑕᒫᓐ ᐱᑯ ᐊᐲ, ᐋᑎ ᑯ ᐊᔮᔮᓐ, ᒫᑭᔖ ᑌᐐᓯᓂᔮᓐ, ᒫᑭᔖ ᑲᔦ ᓅᑌᔅᑲᑌᔮᓐ; ᑫᒫ ᐌᓅᒋᓭᔮᓐ ᑫᒫ ᑲᔦ ᓅᑌᓭᔮᓐ, ᓂᓇᐁᑕᒻ᙮

ᐱᓬᐃᐱᔭᓇᒃ 4:12 Iomraidhean Croise

Aaiseya 8:11

KaaTipenciketc hsa tahsh ninkii mashkawi kanoonik ekii ayaankwaamimitc ci‑ishihcikewaahsiwak eshihtwaanitc o'o pemaatisinitc. Miihsh o'o kaa'ishitc,

Ceramaaya 31:19

Kaa⁠ishkwaa nakanikooyan hsa, aahpici wiipa ninkii wiih pikiiwemin. Ahpii tahsh kaa⁠ishkwaa nana'ahshiyaank, mii hsa 'i kaakii ishi acitawihkweniyaank ekii mawiyaank. Ninkii akacimin, ninkii tapahsenimomin kaye, aaniihsh ninkii macitootaamin kii⁠oshkaatisiyaank.’

Maahtiyo 11:29

Otaahpinamok, pihsihkamok nintahpihkanaahtik kihkinawaapamihshik, aaniihsh ninoohkaatis, nintapahsenim kaye. Kika mihkaanaawaa tahsh anwepiwin.

Maahtiyo 13:52

Miitahsh kaa'⁠inaatc aanciko: “Miitahsh o'owe kaa⁠wiintamawinakook: entahshitc a'a kaa⁠kihkino'amaaketc Kishemanitoon otOonahshowewinini, ahpii kehkino'amawintc aaniin enentaakwaninik Kishemanitoon oTipencikewinini, mii'iwe eshinaakositc taapishkoo awiya taawin kaa⁠tipentank kaaonci saakisihtootc oshkaya'iiwi kekoonan kaye kehteaya'iiwi kekoonan i'imaa otahtaahsowikamikonk.”

2 ᑲᕒᐃᑎᔭᓇᒃ 10:1

Niin ihsa piko Pwaal (Paul) e'ishiyek tahsh ehkohtaaciyaan ahpii weti kii'ayaayaan weti kaaishiayaayek, aahpici tahsh e'aahkwaatisiihkantawinakook waahsa kii'ayaayaan. Kitishikakwecimininim tahsh i'imaa Christ enoohkaatisitc eminwaatisitc kaye.

2 ᑲᕒᐃᑎᔭᓇᒃ 10:10

E'ihkitowaatc hsa kaye: “Aahpici hsa niipiwa' ishipii'ike i'imaa otooshipii'ikanink, aahpici kaye mashkawikiishwemakaniniwan. Kiishpin tahsh wiiyawink kiiwaapamankitc o'omaa kiiayaatc, aahpici hsa macentaakosi, i'i kaye kaaihkitotc kaawiin kekoon ahpiihtentaakwahsinini,” nintikook.

2 ᑲᕒᐃᑎᔭᓇᒃ 11:27

Aahpici tahsh kaye ekiihkihcianohkiiyaan, ekiihkakwaatakihseyaan kaye, mooshak kaye weweni ekii'nipaahsiwaan, mooshak kaye ekiiwii'wiihsiniyaan, ekiiwii'minihkweyaan kaye, mooshak kaye miicim teminihk ekii'ayaahsiwaan, akwaciink kaye mooshak ekii'ayaayaan, ekiihkiihkaciyaan kaye mooshak.

2 ᑲᕒᐃᑎᔭᓇᒃ 11:7

Kaawiin tahsh kekoon kikii'inakintamawihsinooninim ahpii ekiihkakiihkwaatamaan o'o minwaacimowin, ekiihkakiihkwaanak Kishemanitoo. Aahpici kaye ninkiihtapahsenintis kiinawaa cikihci‑inentaakosiyek. Mii na tahsh ekii'mamaashiiyaan?

2 ᑲᕒᐃᑎᔭᓇᒃ 11:9

Weti tahsh ahpii kaakii'wiiciiwinakook, kaawiin hsa awiya kaatahshiyek ninkii'mikoshkaasomaahsii ciwiici'itc ahpii shooniyaa ekii'noontehseyaan. Kiitanami'aanaanik hsa Maahsitooniyaawahkiink (Macedonia) kaa'ayaawaatc ninkiihpiitamaakook kahkina kekoonini kaakii'ishinoontehseyaan. Kaawiin hsa wiihkaa kekoon kika‑antotamawihsinooninim. Mii hsa 'i mooshak keishihcikeyaan.