ᐱᓬᐃᐱᔭᓇᒃ 3:9 - Ojibwe Kihcimasina'ikan

⁹ Misiwe peshikwan niwii'ishitakowiiciiwaa. Kaawiin keyaapi niin nintooshihtamaasohsii ninkwayahkwaatisiwin, 'iwe tino kaaonciimakahk Inaahkonikewin ehkanawencikaatek kaawiin nintayaahsiin. Noonkom itahsh nintayaan i'i kwayahkwaatisiwin i'imaa hsa e'onciimakahk ehtepwehtawintc a'a Christ. Mii 'iwe kwayahkwaatisiwin Kishemanitoo kaamiishitc kaatepwehtamowak.

ᐅᒋᐺ ᑭᒋᒪᓯᓇᐃᑲᓐ

⁹ ᒥᓯᐌ ᐯᔑᑾᓐ ᓂᐐᐃᔑᑕᑯᐐᒌᐙ᙮ ᑳᐐᓐ ᑫᔮᐱ ᓃᓐ ᓂᑑᔑᑕᒫᓱᓰ ᓂᑾᔭᒀᑎᓯᐎᓐ, ᐃᐌ ᑎᓄ ᑳᐅᒌᒪᑲᒃ ᐃᓈᑯᓂᑫᐎᓐ ᐁᑲᓇᐌᒋᑳᑌᒃ ᑳᐐᓐ ᓂᑕᔮᓰᓐ᙮ ᓅᑯᒻ ᐃᑕᔥ ᓂᑕᔮᓐ ᐃᐃ ᑾᔭᒀᑎᓯᐎᓐ ᐃᐃᒫ ᓴ ᐁᐅᒌᒪᑲᒃ ᐁᑌᐺᑕᐎᓐᒡ ᐊᐊ X᙮ ᒦ ᐃᐌ ᑾᔭᒀᑎᓯᐎᓐ ᑭᔐᒪᓂᑑ ᑳᒦᔑᒡ ᑳᑌᐺᑕᒧᐗᒃ᙮

ᐱᓬᐃᐱᔭᓇᒃ 3:9 Iomraidhean Croise

Cenisihs 7:23

KaaTipenciketc kahkina kekoonini okii nihshiwanaacihtoon kaakiih pimaataninik. Pemaatisinitc, aya'aawihsha', kaa⁠papaamootenitc, pinehshiinsha' kaye. Miiyehtako Noowa, i'i tahsh kaakii wiici poosiimikotc kaah⁠pimaatisinitc.

1 ᑭᒋᐅᑭᒫᒃ 8:46

“Ahpii hsa kaye kipimaatisiimak macitootawihkwaa, kaawiin iitok awiya ayaahsii wiihkaa meci tootansik, ekii nihshki'ihkwaa tahsh ishi pakitinatwaa ci⁠shaakooci'ikowaatc kaa⁠shiinkenimikowaatc, ishiwinintwaa tahsh mihsawaa ko waahsa ahkiink eh⁠tahkonikaniwiwaatc,

Nikamonan 14:3

Kahkina hsa kii⁠pahkeshkaawak, kahkina kaye kaa⁠tahshiwaatc maamawi ani noociko ishi'ayaawak. Kaawiin hsa awaac iko peshik ayaahsii kaa⁠onishihshininik ke⁠tootankipan, kaawiin hsa ko aapiinc peshik ayaahsii.

Nikamonan 19:12

Awenen ke⁠kihkentankipan aaniin eshi mamaashiitc? Tepencikeyan, taka pehki'ihshin kii⁠kihkentansiwaan kii⁠macitootamaan.

Aaiseya 53:11

Ahpii tahsh kii‑ishkwaa kakwaatakihtootc opimaatisiwinink, miitahsh miinawaa ci⁠ayaatc minwentamowin, ci⁠kihkentank ishi anihshaa ekiih kakwaatakihtoohsik. I'i tahsh e⁠ishi kihkentank a'a nintanohkii'aakan kaa⁠kwayahkwaatisitc, niipiwa' hsa awiya' oka ayishi'aa' ci⁠minwakinsonitc, wiin aaniihsh kaawiih pimiwitamawaatc omacitootamowinini.

Aaiseya 53:6

Kahkina hsa kaa⁠tahshiyank kikii ishinaakosimin taapishkoo maanahcaanihshak kaa⁠wanihshinowaatc, kiinawint iko e⁠ishaayank wa⁠ishaayank. KaaTipencikenitc ohsha okii ahtamaakoon ci⁠pimiwitootc kahkina kaa⁠tahshiwankitc kimacitootamowininaanin.

Aaiseya 6:5

Miitahsh o'o kaa⁠inatemoyaan, “Wiinke ninkoohpaasinaakos! Mii maawiin i'i ci⁠nihshiwanaatisiyaan aaniihsh entahswaa kakiikitoyaan maci'ishikiishwewin nintoonink onci saaka'amoomakan. Niwiicitaamaakanak kaye wiinawaa pishihshik maci'ishikiishwewak. Shaakooc tahsh niin iko nishkiishikonk ninkii onci waapamaa kihciokimaa kaaTipenciketc kaaMaawaci mashkawisiitc.”

Ceramaaya 23:6

Ahpii kihciokimaawitc pemaatisiwaatc Coota (Judah) ahkiink wenciiwaatc hsa ta⁠pimaaci'aawak, Isriyalak kaye weweni piko ta‑ayintaawak; miitahsh o'o ke⁠ishinihkaacikaniwitc, kaaTipenciketc kiKwayahkwaatisiiminaan.”

Taaniyoo 9:24

“Niishwaahcink (7) niishwaahsimitana (70) tahsopipoon hsa Kishemanitoo okii ishi onahtoon ci‑ishihsenik ahpii ke⁠pakitinaatc kipimaatisiima', ci⁠pakitinikaatek kaye kehtentaakwaninik kitootenaamiwaa ci⁠papaamenimikohsiwek awahshime maci'ishiwepisiwin, macikekoon kaye. Miihsh macitootamowin ci⁠poonencikaatek, weweni inaahkonikewin kaye ci⁠nehpici ayaak. Miihsh kaye 'i niikaani tipaacimowin tepwe ci‑ishihsek, i'i kaye kihci anami'ewikamik ci⁠kiiwe kihtentaakohcikaatek.

Maahtiyo 9:13

Ani maacaak itahsh ci⁠kakwe kihkentamek wekonen o'o kaaonci ishipii'ikaatek: ‘O'o kaa‑antawentamaan i'i ci⁠shawenintiyek, kaawiin wiin ehta awahkaanak ci⁠nihsekwaa ci⁠pakitinikaakeyek.’ Kaawiin tahsh wiin ninkii'onci piishaahsii ci⁠antomakwaa okwayahkwaatisiik, iki hsa ci⁠antomakwaa kaa‑aanawenimintwaa.”

ᐅᕒᐆᒪᓇᒃ 1:17

Mii 'imaa minwaacimowinink oncikihkentaakwan aaniin Kishemanitoo keishi'aatc awiyan kwayahk ciwiiciiwikotc. O'oweni kaatootawaatc Kishemanitoo, mii ehta 'imaa onciimakanini ehtepwehtaakotc. Mii 'imaa tepwehtamowinink eshimaacihsink kaye 'imaa tepwehtamowinink entashikiishihsink. Mii 'iwe kaaishihsink i'iwe oshipii'ikewin: “Awenen hsa ko otepwehtamowinink wencikwayahkwakimikotc Kishemanitoon ciminowiiciiwaatc, mii 'awe tepwe kepimaatisitc.”

ᐅᕒᐆᒪᓇᒃ 10:10

Aaniihsh wiinke tepwehtamank mii'imaa wencikwayahkwaaci'inank ciminowiiciiwinank Kishemanitoo; e'mohshewiintamaakeyank tahsh kaye kitooncipimaaci'ikoomin.

ᐅᕒᐆᒪᓇᒃ 16:7

Nimpooshoo'aa tahsh Entaronaaihkahs (Andronicus), Cooniyahs (Junias) kaye. Miiwak hsa iki kaawiicitinowiimakwaa ehCoowiwiyaank, ninkii'wiicitahkonikoomikook itahsh kaye. Okoweniwak itahsh wawiinke kihkencikaniwiwak, ishinisha'waakanink e'ishitakwakimintwaa. Wiinawaa tahsh kaye nihtam okiihtepweyenimaawaan Christan cipwaa tepweyenimimak.

ᐅᕒᐆᒪᓇᒃ 5:21

Mii aaniihsh o'owe ishkwaac eshiwiintamaan: macitootamowin aahpici kiihkashkihcikemakan, aaniihsh kahkina piko awiyak kii'nipowak. Miitahsh kaye peshikwan niipiwa' kashkihcikemakanini Kishemanitoo oshawencikewin, aaniihsh otishi'aa' i'i pemaatisinitc kwayahk ciminowiiciiwikotc. Kitishi'ikonaan ahpane ko cipimaatisiwank, i'iwe Ciisahs Christan kaakiihtootawiminank.

ᐅᕒᐆᒪᓇᒃ 8:1

Miitahsh okoweniwak kaakikipimaatisiwaatc Ciisahs Christan kaawiin Kishemanitoon okaikohsiiwaan: “Kikanihshiwanaatisim.”

ᐅᕒᐆᒪᓇᒃ 8:3

Mii 'owe kaakiihpwaanawihcikemakaninik Moosihs (Moses) otInaahkonikewin, aaniihsh onsaam kii'niinaman kikehteinaatisiwininaan. Kishemanitoo tahsh wiin okiihkashkihtoon kaakii'ishiaanawewisiimakaninik Inaahkonikewin, ekiihpiicinisha'waatc ini tipinawe oKosihsan, kewiin ci‑inentaakosinitc kaaishiayaanitc i'i pemaatisinitc kaamaci‑ishiwepisinitc, o'owe ekiihtootaminitc ekii'nana'ihsitamawaanitc omacitootamowinini i'i pemaatisinitc.

1 ᑲᕒᐃᑎᔭᓇᒃ 1:30

Mii 'awe Kishemanitoo kaaishihcike'inek cimaaciiwiiciiwek Christ Ciisahs. Okii'ishi'aan Christan mii 'imaa ciayaamakahk kikakiihtaawisiwininaan. Mii 'awe Christ eshicike'inank cikwayahkwakiminank Kishemanitoo, wiin okwayahkwaatisiima' citinowiyank, kaye mii 'awe Christ kaakiihpakitininank i'imaa kaakiihkihciwinikoyank macitootamowin.

2 ᑲᕒᐃᑎᔭᓇᒃ 5:17

Kiishpin hsa awiya ayaatc i'imaa Christink, mii hsa 'i kii'oshkioshihcikaniwitc. Kahkina hsa kehteya'iin kii'ishkwaahsewan, oshkaya'iin tahsh kiihtakohshinoomakanoon.

2 ᑲᕒᐃᑎᔭᓇᒃ 5:21

Christ tahsh wiihkaa kaakiihkihkentansik macitootamowinini, shaakooc itahsh macitootamowinink okiihtinowi'ikoon Kishemanitoon kiinawint onci, kiinawint meshkwac Kishemanitoo okwayahkwaatisiwinink citinoowiyank e'wiiciiwank Christ.

ᑲᓬᐁᔑᔭᓇᒃ 2:16

Ninkihkentaamin aaniihsh awiya kiitepwehtawaatc Ciisahs Christan, mii hsa 'i wenciminowiiciiwikotc ini Kishemanitoon, kaawiin wiin ehtootank i'i Onahshowewinini kaainahtenik. Keniinawint tahsh ninkiihtepwehtawaanaan Christ Ciisahs. I'imaa tahsh ehtepwehtawankitc Christ, mii 'i keonciminowiiciiwinankitc Kishemanitoo, aaniihsh kaawiin awiya otoonciminowiiciiwikohsiin Kishemanitoon e'mihcitootank kaainahtenik i'i Onahshowewinini.

ᐱᓬᐃᐱᔭᓇᒃ 3:6

Wiinke ninkii'ishionsaamentaan nintanami'aawin ekii'oncikakwaataki'imak Christ otanami'aakana'. Shikwa minihk eshikashkihtootc awiya ehkanawentank i'i Inaahkonikewin, wawiinke 'imaa ninkiihkwayahkotootam.

2 Timahti 1:9

Mii 'awe kaahpimaaci'inank, kaa'antominank kaye, wiin iko tipinawe citipeniminank ekii'ineniminank. Kaawiin kiinawint kitishihcikewininaan kitooncitootaakohsiinaan, wiin iko tipinawe okii'onentaan ekii'ishishaweniminank. Mewisha cipwaa animaacihsek kekoon, aasha kiishaac kikii'miinikonaan Kishemanitoo oshawencikewin, Christ Ciisahsoon ekii'oncimiininank.

Taitahs 3:5

kikiihpimaaci'ikonaan. Kaawiin tahsh wiin kiminoanohkiiwininaanink kaakii'ishihcikeyank, i'imaa hsa wiin iko okoohpaasinaakewin kikii'oncipimaaci'ikonaan. A'a hsa Kishemanitoo otAhcaahkwan kikii'ishihcike'ikonaan, kikiihkisiiyaapaawanikonaan ekii'oshkinihtaawiki'inank, oshkipimaatisiwin kaye ekii'miininank.

ᐄᐸᕒᐆᐗᒃ 6:18

Ono tahsh niishin kekoonan kaapitashintamaank kaawiin wiihkaa taa‑aancihsehsinoonan. Kaawiin wiihkaa taaishinaakwahsinini Kishemanitoo cikiiwanimotc. Mii hsa tahsh kaaoncimashkawentamank, aaniihsh kikii'naacipa'iwaatamowaamin ehkakwetepinamowank ahpenimowin kaawii'miininank.

Ciimis 3:2

Kiinawint tahsh kaapimaatisiyank mooshak kiwanitootaamin. Kiishpin tahsh wiin awiya wiihkaa wawaniihsik aaniin ehkitotc, mii 'awe kaakiishinaakwaninik opimaatisiwin, ehtetako ekashkihtootc citipenintisotc misiwe opimaatisiwinink.

2 Piitar 1:1

Niin Saayiman Piitar (Simon Peter), Ciisahs Christ otanohkii'aakanan, otishinisha'waakanan kaye. Kitooshipii'amawininim kiinawaa kaakiihtepinamek tepweyentamowin peshikwan kaakihtakintek taapishkoo niinawint tino kaa‑ayaawankitc, kaakii'oncitepinamek okwayahkwaatisiwinink kiKishemanitoominaan, kiPimaaci'iweminaan kaye Ciisahs Christ.

1 Cwaan 3:4

Kahkina tahsh awiya kaanihtaa⁠macitootank, mii 'awe tino kaanihtaa‑aanawentank Kishemanitoon otoonahshowewinini. Kiiaanawencikaatek ohsha onahshowewin, mii hsa 'i e'macitootamonaaniwank.