ᐱᓬᐃᐱᔭᓇᒃ 3:8 - Ojibwe Kihcimasina'ikan

⁸ Kaawiin iniweniwan ehta nintishinansiinan, kahkina kekoon aanatootamaan nintishinaan misiwe ekii'wanihcikeyaan, nawac iko ewii'ayaayaan kekoon maawac kaaonishihshink, mii 'iwe cikihkenimak Christ Ciisahs kaaTipenimitc. Wiin ewii'ayaawak ninkii'onciwepinaan kahkina. Cimihciwepinikaatek ehta nintinakintaan kahkina, nawac ewii'ontinak a'a Christ.

ᐅᒋᐺ ᑭᒋᒪᓯᓇᐃᑲᓐ

⁸ ᑳᐐᓐ ᐃᓂᐌᓂᐗᓐ ᐁᑕ ᓂᑎᔑᓇᓰᓇᓐ, ᑲᑭᓇ ᑫᑰᓐ ᐋᓇᑑᑕᒫᓐ ᓂᑎᔑᓈᓐ ᒥᓯᐌ ᐁᑮᐗᓂᒋᑫᔮᓐ, ᓇᐗᒡ ᐃᑯ ᐁᐐᐊᔮᔮᓐ ᑫᑰᓐ ᒫᐗᒡ ᑳᐅᓂᔑᔑᕽ, ᒦ ᐃᐌ ᒋᑭᑫᓂᒪᒃ X ᒋᓴᔅ ᑳᑎᐯᓂᒥᒡ᙮ ᐐᓐ ᐁᐐᐊᔮᐗᒃ ᓂᑮᐅᒋᐌᐱᓈᓐ ᑲᑭᓇ᙮ ᒋᒥᒋᐌᐱᓂᑳᑌᒃ ᐁᑕ ᓂᑎᓇᑭᑖᓐ ᑲᑭᓇ, ᓇᐗᒡ ᐁᐐᐅᑎᓇᒃ ᐊᐊ X᙮

ᐱᓬᐃᐱᔭᓇᒃ 3:8 Iomraidhean Croise

Nikamonan 126:6

A'a hsa kaa⁠maacaatc e⁠mawitc, eh⁠pimiwitootc mashkimot eshi piintenikin kihtikaanenhsan waa⁠kihtikaatank, mii hsa awe ke⁠pikiiwetc ci⁠nakamotc ke⁠ahpiihci ciihkentank ci⁠pimiwitootc kaakiih manishank.

Nikamonan 73:25

Awenen itahsh eyaawakipan kihcikiishikonk, mii ehta ko kiin? E⁠wiiciiwinaan itahsh, kaawiin kekoon pahkaan o'omaa ahkiink nimihsawentansiin.

Aaiseya 53:11

Ahpii tahsh kii‑ishkwaa kakwaatakihtootc opimaatisiwinink, miitahsh miinawaa ci⁠ayaatc minwentamowin, ci⁠kihkentank ishi anihshaa ekiih kakwaatakihtoohsik. I'i tahsh e⁠ishi kihkentank a'a nintanohkii'aakan kaa⁠kwayahkwaatisitc, niipiwa' hsa awiya' oka ayishi'aa' ci⁠minwakinsonitc, wiin aaniihsh kaawiih pimiwitamawaatc omacitootamowinini.

Maalahkaai 2:3

Miihsh i'iwe kaawii onci nana'ahsakwaa kipiiwesiimiwaak. Kiinawaa tahsh wiin ewiih shishooyaapininakook omoowini aya'aawihshak kaa⁠pakitinaahsoyek. Kaa⁠ishiwicikaatek moowi, mii weti kekiinawaa ke⁠ishi wepinikooyek.

ᐊᑭᑖᓱᓇᓐ 14:30

Tepwe hsa kaawiin kika piintikeshkaahsiim i'i ahki kaakii ayiici ahshotamaampaan ewii ishi kapehshi'inakookipan. A'a hsa ehta Kelap kaa⁠otetetc Cehponewan, a'a tahsh kaye Caahshowaa kaa⁠otetetc Nanan ta⁠piintikeshkaawak.

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 1:43

Wekonen itahsh o'o kihcikekoon wenci'-ishihseyaan, ninTipencikem omaamaan ehpi mawatihshimitc?

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 11:20

Kiishpin itahsh wiin aapacihtaawak Kishemanitoo omashkawisiiwin esaakicinisha'wakwaa iki maciahcaahkwak, miitahsh iinsan kehcinaac e'⁠otihsikowek Kishemanitoo oTipencikewin.

Cwaan 14:20

Paanimaa 'iwe ahpii kiishikahk kikakihkenimim pehsho e'wiiciiwak a'a ninTete, kaye kikakihkenintisom pehsho e'wiiciiwiyek, taapishkoo kaye niin pehsho e'wiiciiwinakook.

Cwaan 14:7

Niin aasha ehkihkenimiyek, miitahsh i'imaa keoncikihkenimek a'a ninTete. Noonkom itahsh tepwe kimaaciikihkenimaawaa, aasha tahsh kikii'waapamaawaa.”

Cwaan 16:3

Amii 'owe keoncitootamowaatc ekaa ehkihkenimaahsikwaa ini Weyoohsimimintc, kaye niin itahsh ehkihkenimihsikwaa.

Cwaan 17:3

Mii aaniihsh 'owe pimaatisiwin wiihkaa keishkwaahsehsinok, ehkihkenimikooyan kiin piko tepwe kaaKishemanitoowiyan, kaye ehkihkenimintc Ciisahs Christ, kiin kaakiihpiicinisha'watc.

Cwaan 17:8

I'ihsh tipaacimowin kaakii'miishiyan, ninkii'animiinaak oko ininiwak. Okii'otaahpinaanaawaa tahsh, kaye ninkihkenimikook kehcinaac tepwe 'imaa kiin ekiihpionciiyaan, kaye tepwehtamook ekiihpi‑ishinisha'oyan.

Cwaan 20:13

Okiihkanoonikoo' itahsh: “Wekonen wencimawiyan?” okii'ikoo'. 'Owehsh okii'inaa': “Awiyak okii'maaciitoonaawaa ninTipencikeman wiiyawini, kaawiin tahsh ninkihkentansiin aanti kaa'ishiahtoowaatc.”

Cwaan 20:28

Miitahsh okii'ikoon Twaamahsoon: “Kiin ninTipencikem! Kiin ninKishemanitoom!” kii'ihkitowan.

ᐃᔑᒋᑫᐎᓇᓐ 20:24

Kaawiin tahsh niin kekoon nintinentansiin nimpimaatisiwin cikihci'-inentamaampaan; mii ehta waa'ishihcikeyaan cikiishihtaawak pimipahtoowin, anohkiiwin kaye kaakii'-miishitc kaaTipenciketc. Ninkii'-ishimiinik citipaatotamowak eshi minwaatotenik Kishemanitoo okishewaatisiwin.

ᐅᕒᐆᒪᓇᒃ 8:18

Nintinentam itahsh o'owe noonkom kaaishikakwaatakihtooyank, wawiinke tapahkaanentaakwan i'iwe keishihsek kihci‑inentaakosiwin Kishemanitoo kenaakohtamawinank.

ᐅᕒᐆᒪᓇᒃ 8:39

Kaawiin tahsh kaye ishpimink kaa‑ayaakin, weti kaye niihsaya'ii kaaishiayaakin, kaatahsinkin iko kaye aanti hsa ko kaaoshihcikaatekin. Kaawiin kanake wiihkaa kekoon kitaapahkewinikohsiimin ekaa ciwiiciiwikohsiwank Kishemanitoo oshawenimiwewin i'imaa kaaoncimiinikooyank Christ Ciisahs kaaTipeniminank.

1 ᑲᕒᐃᑎᔭᓇᒃ 2:2

Aaniihsh ninkii'onentaan kahkina kekoon ciwaniihkenotamaan mekwaa e'wiicitaaminakook, mii ehta 'owe ciwiintamaakeyaan Ciisahs enaacimintc, memintake kaashinipotc aashiteyaahtikonk.

1 ᑲᕒᐃᑎᔭᓇᒃ 9:10

Kaawiin ina tepwe kiinawint kaakii'onci‑ihkitotc? Kehcinaac kiinawint kii'oncioshipii'ikaate. Inashkehsh awe kihtikewinini kaapikishkahkamikipiciketc, kaye piinihsh awe kaapawishkiketc, kahkina kekoon taishianohkiiwak ehpiihtoowaatc i'i ahpii keontancikewaatc.

2 ᑲᕒᐃᑎᔭᓇᒃ 4:4

Aaniihsh a'a maciaya'aa kaamanitoowitc o'omaa ahkiink okii'ishi'aa' ciwaapihsinik i'imaa otinentamowininiink, mii hsa tahsh kaaoncitepwehtansinik. Kaawiin tahsh kaye onantawenimaahsii' ciwaapantaminitc i'i kaaishiwaahseyaanik i'i minwaacimowinini, i'imaa kaaishitashintenik Christ okihci‑inentaakosiwin. Aaniihsh mayaa piko Kishemanitoonk ishinaakosi a'a Christ.

2 ᑲᕒᐃᑎᔭᓇᒃ 4:6

Kishemanitoo hsa kaakii'ihkitotc: “I'imaa hsa kaaishikashkiitipihkahk, kaawaahseyaak tasaakaahte,” mii hsa a'awe peshikwan Kishemanitoo kaakii'waahseyaahtootc ninte'inaanin cikihkentamowankitc Kishemanitoo okihci‑inentaakosiwin, Christ e'waahsiinkweshkaakotc.

ᑲᓬᐁᔑᔭᓇᒃ 1:16

ekii'inentank kaye ciwiintamawimak i'i ekaa kaaCoowiwihsinik citashintamawimak i'i minwaacimowin, citashimimak ini Kishemanitoo oKosihsan. Ahpii tahsh kaakii'waapamimak kaawiin awiya ninkii'naasihkawaahsii ciwiintamawitc aaniin keishihcikeyaan.

ᐃᐲᔑᔭᓇᒃ 4:13

paanimaa kahkina kiipeshikwentaakwahk kitepwehtamowininaan, kaaishikihkenimank kaye Kishemanitoo oKosihsan, miitahsh i'i payesh cinikiishaapewiwank, ciocihcishkaawank omooshkinewentaakosiwinink Christ mayaa kekiinawint ci‑ishinaakosiyank.

ᐱᓬᐃᐱᔭᓇᒃ 1:1

Niinawint Pwaal (Paul) kaye Timahti (Timothy) otanohkii'aakana' Christ Ciisahs. Kiinawaa kitooshipii'amaakoom i'imaa Pilipaai (Philippi) ootenaank kaa‑ayaayek, kiinawaa Kishemanitoo opimaatisiima' kaawiiciiwek Christ Ciisahs, tako kaye ikiweniwak oniikaanisiik kaye owiici'iwek nintooshipii'amawaanaanik.

ᐱᓬᐃᐱᔭᓇᒃ 3:10

O'owe hsa ehta ninantawentaan, wiin Christ cikihkenimak kaye cipikihkentamawak 'iwe mashkawisiiwin i'imaa wenciimakahk okiiwepimaatisiwinink. Kaye niwii'wiici'iwe okotakihtoowinink Christ, niwii'naapaatisiimaa kaainaatisitc onipowinink,

ᐱᓬᐃᐱᔭᓇᒃ 3:12

Kaawiin 'iwe nintaaihkitohsii aasha cikashkihtooyaan, kaawiin kaye ehkiishi'ikoowisiyaan. Enikohk itahsh nintanikakwekaahcitinamaas i'iwe kaakiiwii'miishitc kaakii'oncikaahcitinitc Christ Ciisahs.

ᐱᓬᐃᐱᔭᓇᒃ 3:7

Ono tahsh kahkina ontisiwin kekii'inakintamaampaan, noonkom nintishinaanan ekii'wanihcikeyaan, nawac Christ ewiihkihkenimak.

2 Timahti 4:6

Niin itahsh iko, aasha kekaa mii'o ahpii cipakitinaahswaakaniwiyaan. Aasha tipihse cimaacaayaan.

ᐄᐸᕒᐆᐗᒃ 3:14

Aaniihsh kiwiiciiwaanaan Christ, kiishpin ehta mashkawiminciminamank i'i kikehcinaa'owininaan nihtam kaakii'ayaayank, piinihsh weti ishkwaac kiishikahk.

1 Piitar 2:7

Kiinawaa tahsh kaatepwehtamek wa'a ahsin aahpici kikihci‑inenimaawaa. Iki tahsh wiin kaatepwehtansikwaa o'o ishitepimaawak: “Ini hsa ahsiniin kaawaahka'ikewaatc kaa/⁠aanawenimaawaatc, miiwan ihsa ini maawac kaaniikaanentaakosinitc ahsiniin.”

2 Piitar 1:2

Taka kishewaatisiwin, pisaanisiwin kaye kikakihcimiinikoowisim i'i onci kaaishikihkenimek Kishemanitoo a'a kaye Ciisahs kaaTipeniminank.

2 Piitar 1:3

Kishemanitoo hsa omashkawisiiwinink kitooncimiinikoomin kahkina kekoon kaanoontehseyank o'o kaapimaatisiyank ci‑ishimino anami'ewaatisiyank. Miitahsh i'imaa wencimiinikoowisiyank i'i ehkihkenimank Kishemanitoo kaakii'antominank. Mii hsa tahsh kaakii'onciantominank, ciayaawank wiin iko okihci‑inentaakosiwin, i'iweni kaye kaaishikwayahkonaakositc.

2 Piitar 1:8

Kiishpin hsa ayaayek ono ishiayaawinan, aniwenoocihtooyek kaye kipimaatisiwiniwaank, mii hsa ini keinishkaakoyek cikihtaapatisiyek, niipiwa' kaye cininaakwahkin kiminohcikewiniwaan, i'i tepwe kaaishikihkenimek kaaTipeniminank Ciisahs Christ.

2 Piitar 3:18

Ishipimaatisik hsa ciani‑ishimaaciikiyek kitanami'ewaatisiwiniwaank, cinikihkenimek kaaTipeniminank kaaPimaaci'inank Ciisahs Christ. Taka wiin mooshak takihci inenimaa noonkom nehpic iko kaye. Emen.

1 Cwaan 1:3

I'i tahsh niinawint kaakii'waapantamaank, kaakii'noontamaank kaye, kaaonciwiintamaakooyek kekiinawaa ciwiiciiwiyaank, o'o kaashiwiiciiwankitc kaaoTetemaawitc, ini kaye kaashiwiiciiwimankitc oKosihsan Ciisahs Christan.

1 Cwaan 2:19

Kaawiin tahsh wiinawaa kiwiicitipentaakosiimikohsiinaanik, mii hsa 'i kaakii'oncinakaninankwaa. Kiishpin kaaoncitipentaakosiyank tepwe ishitipentaakosiwaahpan, keyaapi iitok kitaakii'wiiciiwikonaanik. Ekii'nakaninankwaa tahsh mii 'imaa eshipehtenaakwaninik kaashitipentaakosiyank tepwe e'oncitipentaakosihsikwaa.

1 Cwaan 5:20

Kikihkentaamin kaye Kishemanitoo oKosihsan ekiihpitakwihshininitc, ekii'miiniminank kaye nihsitohtamowin, cioncikihkenimank kaamayaawentaakositc Kishemanitoo. Kiwiiciayaamaanaan tahsh kaamayaawentaakositc Kishemanitoo, ini kaye oKosihsan Ciisahs Christan. Mii hsa wa'a Kishemanitoo kaatepwewiniwitc, wiin hsa 'a pimaatisiwin wiihkaa kepoonihsehsininik.