ᐱᓬᐃᐱᔭᓇᒃ 3:6 - Ojibwe Kihcimasina'ikan

⁶ Wiinke ninkii'ishionsaamentaan nintanami'aawin ekii'oncikakwaataki'imak Christ otanami'aakana'. Shikwa minihk eshikashkihtootc awiya ehkanawentank i'i Inaahkonikewin, wawiinke 'imaa ninkiihkwayahkotootam.

ᐅᒋᐺ ᑭᒋᒪᓯᓇᐃᑲᓐ

⁶ ᐐᑫ ᓂᑮᐃᔑᐅᓵᒣᑖᓐ ᓂᑕᓇᒥᐋᐎᓐ ᐁᑮᐅᒋᑲᒀᑕᑭᐃᒪᒃ X ᐅᑕᓇᒥᐋᑲᓇᐞ᙮ ᔑᑾ ᒥᓂᒃ ᐁᔑᑲᔥᑭᑑᒡ ᐊᐎᔭ ᐁᑲᓇᐌᑕᕽ ᐃᐃ ᐃᓈᑯᓂᑫᐎᓐ, ᐗᐐᑫ ᐃᒫ ᓂᑮᑾᔭᑯᑑᑕᒻ᙮

ᐱᓬᐃᐱᔭᓇᒃ 3:6 Iomraidhean Croise

Maahtiyo 23:25

“Kika ocaanimisim, kaa⁠kihkino'amaakeyek Onahshowewin, kekiinawaa Perahsiik! Kiinawaa kaa⁠minwaatisiihshihtooyek! Saakicaya'ii aaniihsh kitishi pehkihtoom kiminihkwaakaniwaan, kitoonaakaniwaan kaye. Piincaya'ii tahsh kimooshkinahtoom kekoonan kaakii'-ontinamek kimahkantwewiniwaank, kitayoonsaamisiwiniwaank kaye.

Maahtiyo 5:20

Amiitahsh owe eshi wiintamawinakook: Awahshime ayaankwaamisik kahkina kekoon 'awe Kishemanitoo kaaishi antaweniminek ci⁠tootamek. Kaawiin taapishkoo iki kaa⁠kihkino'amaakewaatc Onahshowewin, shikwa iki Perahsiik (Pharisees) kaa⁠tootamowaatc. Mii ehta 'owe Kishemanitoo keishih kihciotookimaamiyek, awahshime kihci ayaankwaamisiyek.”

ᐃᐃᐌ ᒥᓍᒋᒧᐎᓐ ᑳᐃᓈᑐᑕᕽ ᐊᐊ ᓬᐅᒃ 1:6

Minciniish itahsh kiihkwayahkwaatisiwak enaahsamiinitc Kishemanitoon, kekoon ekii'ishi anaamentaakosihsikwaa eshi pimaatisiwaatc. Ekii'-ishihcikewaatc kahkina eshihsininikin onahshowewinan, enaahkonikenitc kaye kaaTipencikenitc.

ᐃᔑᒋᑫᐎᓇᓐ 21:20

Ahpii tahsh enoontaminitc okii'-nanaahkomaani Kishemanitoon, o'o kaye ekii'ikotc: “Niiciinaan Pwaal, inashke ehpiicini niipiwa'-mitaahswaahk Coowak pemi tepwehtamowaatc, weweni tahsh kaye kakwe ishihcikewak enahtenik onahshowewin.

ᐃᔑᒋᑫᐎᓇᓐ 22:5

Kihcianami'ewikimaa ohsha taatipaacimo ehtepwewak, iki kaye kahkina Coowi onahshowewininiwak. Miiwak ohsha iki kaakii miishiwaatc oshpii'ikanan cimiinimak kiwiici Coowiminaani' Timaaskahs (Damascus) ootenaank kaakii'-ayaanitc. Niin tahsh ninkii'-ishaa weti ekii'-nanantone'wakwaa ikiweniwak ekiih piinakwaa o'omaa Ceroosalamink cikakwaataki'intwaa piiwaapihkweyaapiink ekii'ishi mamaancikwahpisowaatc.”

ᐃᔑᒋᑫᐎᓇᓐ 26:5

Aasha tahsh kinwesh nimpi'onci kihkenimikook, taatipaacimowak ohsha kiishpin kota inentamowaatc e'onci tipentaakosiwak Perahsii' (Pharisee) kaa'ishihtwaanitc eyaahkwanami'aanitc, i'i kaye nahke ekii'ishi pimaatisiwak.

ᐃᔑᒋᑫᐎᓇᓐ 8:3

Swaal tahsh wiin okii'-wesaani'aa' otepwehtamoo' ekiih paapiintiketc kahkina waahkaa'ikanihkaank, ekii'-otihtinaatc ininiwa', ihkwewa' kaye kipa'otiiwikamikonk ekii'ishi piinciwepinaatc.

ᐅᕒᐆᒪᓇᒃ 7:9

Niin aaniihsh ninkiihpimaatis cipwaa maaciikihkentamaan inaahkonikewin: “Keko maashihcikehken,” e'ikoyaan. Paanimaahsh ekiihkihkentamaan i'i Inaahkonikewin: “Keko wiin ishihcikehken,” e'ikoyaan, mii payesh ekii'maaciimihsawentamaan i'iwe citootamaan kaakii'onci'ikoyaan.

1 ᑲᕒᐃᑎᔭᓇᒃ 10:32

Mii 'iwe inaatisik, ekaa kekoon ci‑inenimihsinowekwaa Coowak kaye kaaCoowiwihsikwaa, kaye Kishemanitoo omaawaci'aakana'.

1 ᑲᕒᐃᑎᔭᓇᒃ 15:9

Niin maawac otaanaank nintinentaakos kahkina iki enakimintwaa ishinisha'waakanak. Kaawiin ninteahpiihtentaakosihsii ishinisha'waakan ci‑ikooyaampaan. Aaniihsh ninkiihkakwaataki'imaa' Kishemanitoo kaamaawacitepwehtaakotc.

ᐱᓬᐃᐱᔭᓇᒃ 2:15

Mii 'i Kishemanitoo oniicaanihsa' citinowiyek, ekaa kekoon ci‑ishiayaahsiwek kaye cipehkinaakosiyek, kaye ekaa kekoon citashimikoohsiwek. I'imaa mekweaya'ii kitayintaam e'ayaawaatc iki kaakwayahkohcikehsikwaa kaye anooc kaainaatisiwaatc. Kikatashisaakaahtesim taapishkoo wanankohshak e'ishiwaahsaanshewaatc kiishikonk,

ᐱᓬᐃᐱᔭᓇᒃ 3:9

Misiwe peshikwan niwii'ishitakowiiciiwaa. Kaawiin keyaapi niin nintooshihtamaasohsii ninkwayahkwaatisiwin, 'iwe tino kaaonciimakahk Inaahkonikewin ehkanawencikaatek kaawiin nintayaahsiin. Noonkom itahsh nintayaan i'i kwayahkwaatisiwin i'imaa hsa e'onciimakahk ehtepwehtawintc a'a Christ. Mii 'iwe kwayahkwaatisiwin Kishemanitoo kaamiishitc kaatepwehtamowak.

1 Timahti 1:13

niin kayahte kaakii'maci‑inak. Ninkiihkakwaataki'aa, ninkiihpaahpinotawaa kaye. Ninkiihkoohpaatenimik itahsh 'iwe onci ekiihkihkentansiwaan kaa'ishihcikeyaan mekwaa ehtepwehtansiwaampaan.

ᐅᓈᑯᓂᑫᒃ 6:30

Iki tahsh ininiwak ootenaank wenciiwaatc okii'inaawaan Cooashan, “Taka piish kikosihs ci⁠nihsankitc! Wiin iitok kaakiih piikopitootc kaashi pakitinaahsoohtamawimintc Peyalan, wiin kaye kaakiih kawa'waatc Asharahwan kaakii ayaanitc i'imaa ohpimeya'ii,” okii'inaawaan.